طبخات سهله و خفيفة للمغتربين - صفحة رقم 2 - نادي الهلال السعودي - شبكة الزعيم

Latheeth_ALhams · #1 05/02/2008, 03:39 AM

إقتباس

الرسالة الأصلية كتبت بواسطة جوليانا


	مشاء الله عليك والله يستاهلون اخوانا المغتربين ابشروا تبون حلى بالصور ماعندنا مشكلة بس نخاف من التريقه والاستهبال والا الهدف اننا نفزع لكم<<عندي مرقوق بالصور وحلى اشكال وانواع على كيف كفيكم

يا ليت والله يا زعيمات

almobde3 · #2 02/02/2008, 06:46 AM

الله يعطيتس العافيه قولي امين :::: اختي هلاليه بنت هلالي

وأعذرني على دمج الموضوع إلى هذا الرابط
http://vb.alhilal.com/showthread.php?t=511140

علشان يكون فيه تنسيق اكبر في المنتدى

والله يعطيكم العافيه على مساعدتنا

كاريزمـا · #3 28/12/2007, 11:12 AM

كل الشكر لمن زار متصفحي ..

***********

ابو صقر تفضل

مافيه لالوز ولا مكسرات

((حلى القراطيس))

هذا حلا بصراحه شكل وطعم وسهل مررررره

وهوعباره عن أشكال حلاو مقرطسه

وهذا الشكل النهائي للحلى ..

المقادير:

1- سبرنج رول مربعات كبيره

2- حلاو جالكسي أوباونتي أوسنكرس أومارس

3- علبة حليب مركز( نستله) وهيرشي للتزيين

وهذي صورة المقادير

الطريقه
قطعوا السبرنج رول زائد يعني أربع قطع

777

ناخذ كل قطعه ونحط بها قطعة الكاكاو

وبعدين نلفها على شكل أصابع

نلف طرفها بخيط مكره بدون ربط بس لف بقوه

777

والطرف الثاني نفسه بعد بيطلع شكلها زي الحلاوه

777

نقليها بزيت حار

ونفك الخيوط منها

ونرصها بالصينيه ونصب فوقها الحليب المركز والهيرشي

وإنتبهوا ترى السبرنج رول الصغار ماينفع يتقطع معاكم لازم الكبير وإنتم قطعوه

(( الصور منقوله ))

وبالعافيه

ولا تنسوني من دعواتكم

ورده

كاريزمـا · #4 28/12/2007, 12:01 PM

hmadh al-hilaly

هذي هي طريقة المكرونه بالباشميل ان شاء الله تكون سهله لك وتضبطها

المقادير :

1- كيس مكرونه

2- حشوة لحم او دجاج حسب الرغبه ..

كيف نعمل الحشوه :

2بصل نقطعه صغير ونحمسه بشوي زيت ثم نضيف عليه ملعقة بهارات
بعد مايحمر البصل نضع عليه اللحم ( الدجاج ) ويملح ونتركه على نار هاديه مع التقليب لحد ماينشف الماء ثم نسكر عليه

3- باشامل ..

طريقة الباشامل :

نخلط 1كوب ماء + 2ملعقة حليب + 2ملعقة دقيق + رشة ملح

نحركها على النار مع بعض لحد ماتغلي وتغلظ >> تصير ثقيله

اذا ماضبطت معكم لأنها شوي صعبه وحنكليه

حطوا عوض عنها ( 6 حبات جبن مثلث + 1 علبة قشطه ) بالخلاط وتقوم مقام الباشامل

الطريقه :

- تسلق المكرونه في (ماء . ملح . زيت ) مانخليها تطول عشان ماتصير خبيصه

- نحضر الصينيه ونحط اول شي تحت نصف مقدار المكرونه ثم فوقها شوي من الباشامل ثم فوقها حشوة اللحم ثم باقي المكرونه
ثم نغطي الوجه بباقي الباشامل
وندخلها الفرن شوي لحد ماتحمر من فوق ...

وهذا شكلها النهائي :

وبالعافيه على قلوبكم

ورده

*****

Canada's gallant

هلا بك اي جيت عندكم

نشوفكم تبون شي ماشيات

يالله انت جرب وشوف شرط الاقيك مسنتر بموضوعي

أطلب واتمنى

حياك الله ..

هامور البورصه · #5 28/12/2007, 12:46 PM

هلا والله بالشيفه ريري

انا جاي طاااير واقول وش هالسنع عند هالقصيميه متوقع انك حاطه اكلات

مثل ام حسين وام وليد وام طارق

اثااريها مرتدلا وبيض وحلى قهوه

ريري الله يجزاك الف خير واصلي يالشيفه

ترى والله جد العزوبيه المغتربين

يعانون من اكل المطاعم حتى انهم يصيرون ياكلون بس عشان يسدون جووعهم

شكراً ايتها الشيفه ريما

يا شيفه

،،،،،،،،،،،،،،،

بس جد والله مهوب قصدي تحطيم والله قصدي مزح

والله يعطيك العافيه يالله انا برب برووح اتغداء

<== شطح

كاريزمـا · #6 29/12/2007, 10:33 AM

إقتباس


	هلا والله بالشيفه ريري

ههههههههههههههههه هلا بك

إقتباس


	انا جاي طاااير واقول وش هالسنع عند هالقصيميه متوقع انك حاطه اكلات مثل ام حسين وام وليد وام طارق اثااريها مرتدلا وبيض وحلى قهوه

ايه انتم يالشباب مالكم بالجريش والمرقوق والهريس

هذا امهاتكم اذا سووهن حطيتوا رجلكم للمطعم

ام حسين وام وليد عرفناهن

وهذولي مدارس اتعلم منهن

الا ام طارق منهي

تراها تسوي كشري وملوخيه بالارانب

وأنت ادرى بالباقي

إقتباس


	ريري الله يجزاك الف خير واصلي يالشيفه ترى والله جد العزوبيه المغتربين يعانون من اكل المطاعم حتى انهم يصيرون ياكلون بس عشان يسدون جووعهم شكراً ايتها الشيفه ريما يا شيفه

ههههههههه اجل شيفه يالشوده

انا والله حاسه بهم عزوبيه ولا وزودها مغتربين الله يكون بعونهم ويوفقهم

إقتباس


	بس جد والله مهوب قصدي تحطيم والله قصدي مزح والله يعطيك العافيه يالله انا برب برووح اتغداء <== شطح

تيت بالعافيه ..
المهم سوى لأهلك من هالحليات ماعليه حتى لو انك مو مغترب مايمنع انك تفسر عن ذرعانك وتطبخ لهم ..

ياليت لو تحط لنا طريقة عمل ملوخيه بالارانب

مشكور هامور على المرور لاهنت ..

abo_nasser · #7 28/12/2007, 01:49 PM

هلا وغلا اختي ريـــــــــــــما...

والله صرتي تسيرين على المغتربين الغلبانين..

نحمدالله ونشكره اني مغترب في بيت ابوي..

الله يعطيك العافيه اختي ريما وكثري من الطبخات الخفيفه والسريعه
لانك تعرفين الشعب السعودي نشيط بشكل ما كبير..

والله يحفظ اخواننا المغتربين ويوفقهم ويهون عليهم غربتهم..

سلاااااااااااااااام

كاريزمـا · #8 30/12/2007, 08:23 AM

إقتباس


	والله صرتي تسيرين على المغتربين الغلبانين.. نحمدالله ونشكره اني مغترب في بيت ابوي..

هلا ابو ناصر حياك الله

شف واذا مغترب ببيت ابوك مافيه مانع تفسر عن كرعانك

قصدي ذرعانك وتوري

اهلك شطارتك

الله الله بالطباخ السنع ..

عادي عندك رورو فوق مغتربه بغرفتها مايمنع انها تطبخ

إقتباس


	الله يعطيك العافيه اختي ريما وكثري من الطبخات الخفيفه والسريعه لانك تعرفين الشعب السعودي نشيط بشكل ما كبير.. والله يحفظ اخواننا المغتربين ويوفقهم ويهون عليهم غربتهم..

يعافيك ربي ابو ناصر وان شاء الله بحط الاصناف الخفيفه اللي تقدرون تسوونها ماراح اجيب لكم شي صعب

آآآآمين ان شاء الله ويرجعون سالمين

تسلم ياابو ناصر على مرورك التحيف

family guy · #9 28/12/2007, 07:54 PM

يمال الجنه ياريري هكتور
انا ان شاء الله بسوي المكرونه
واصلي على هالعمل التطوعي الجميل
يعطيك العافيه ....... مفيد جدن

hmadh al-hilaly · #10 28/12/2007, 08:25 PM

الف شكر لك اختي على طريقة المكرونه..

رعبوبة الزعيم · #11 29/12/2007, 04:28 AM

هلا وغلا ماما ريمـا

ماشالله عليك اثرك طباخه ماهره

.. خلاص اجل ابيك تعلميني بعدين
على الطبخ لان محاكيتك ماتعرف تسوي الااندومي حتى البيض تحرقه

انا مغتربه بغرفتي

الله يخليك لنا ياماما ريما وتطعمينا من اكلك اللي يخلي الواحد يصير كنه هيا الشعيبي

الله يرجع كل المغتربين والمغتربات بالسلامه لوطنهم ..
والله يعينكم..

عواافي ريري ورده

كاريزمـا · #12 30/12/2007, 10:02 AM

إقتباس

الرسالة الأصلية كتبت بواسطة رعبوبة الزعيم


	هلا وغلا ماما ريمـا ماشالله عليك اثرك طباخه ماهره .. خلاص اجل ابيك تعلميني بعدين على الطبخ لان محاكيتك ماتعرف تسوي الااندومي حتى البيض تحرقه انا مغتربه بغرفتي الله يخليك لنا ياماما ريما وتطعمينا من اكلك اللي يخلي الواحد يصير كنه هيا الشعيبي الله يرجع كل المغتربين والمغتربات بالسلامه لوطنهم .. والله يعينكم.. عواافي ريري ورده

هلا والله هلا وغلا ببنيتي رورو

وش اللي ماتعرفين تسوين الا اندومي

يبيلك سمكره وأعادة تأهيل

جبت لك طبخة أندومي ولا اروع سهله ودايم اسويها

*******

(اندومي بالطريقه الاندونسيه )

الطريقه :

1-2 _ كيس اندومي على حسب الرغبه والجوع

تجيبون بصل وتقطعونه قطع صغيره وتحطونه في مقلاة وتحطون عليه شوي زيت

وتقلبونه لحد مايصير اشقر

وتحطون الاندومي في قدر فيه ماء وتخلونها تغلي شوي لمدة 7 دقايق او اقل ..

بعد كذا تصفونها من المويه وتحطونها على البصل وتقلبونها شوي وتضيفون عليها صلصه 0معجون

الطماط عشان يعطيها اللون الأحمر) وتضيفون نصف بهاراتها

لأنه اذا حطيتوها كلها بتصير مالحه

وتقلبونها شوي ثم تحطونها بالصحن عاد تبي تضيفون لها خضار براحتكم كلن ورغبته ..

وبالعافيه على قلوبكم .. ورده

الشكل النهائي للطبق ....

ملقاط حسنين · #13 26/03/2008, 11:49 AM

ALLAH GIVES YOU WELLNESS

AMEEEEEEEEN

HERE IN THE USA .... THERE IS AN IRAQI WOMAN SHE ****S FOR US BUT SHE IS KINDA EXPENSEVE .. ...

BUT HER ****ING IS SOO DELICIOUS ;)

ANY WAY I HAVE A QUESTION FOR YOU PLEASE

I WANT TO KNOW HOW TO **** CHEESECAKE PLEASE?

I LOVE YOU GIRLS ......

YOU KEEP MY SOUL UP

MAY ALLAH BLESS YOU

almobde3 · #14 29/12/2007, 11:07 PM

الله يعطيك الف عافيه اختي ,,,, على الجهد الرائع في تحضير الاكل للغلابه

يثبت الموضوع ,, وبإنتظار طبخاتك ... إجازه عندنا وانواع الفضاوه

..بقــ حرف ـايا.. · #15 30/12/2007, 02:39 AM

السلام عليكم

بعد اذنك خيتو ريري ..

بقلبي تقرقع طبخه ودي اعلم اخواني الضعيفين عنها..

المكرونة السريعة(( مكرونه العجازين ))

مكرونه مره سهله لما تكون فيري هانقري نص ساعه بس وهي جاهزيه

كلكم تعرفون المكرونه العاديه تجيبها وتحطها في المويه >> قولي قسم

وتحط معها ماجي وبس .. بس من جد طعمها رهييييب .. وسريعه مره نص ساعه او اقل

وبالهناء والعافيه ..

ريري يامبدعه يمكن نعاود الكره..