الظاهر أنت عايش مع شلة بنات أو متعرف على خمس طعش بنت
وش علمك يالسمرمدي بالسواليف البنات " أحاول أنكت "
اخوي حياك على الاسلوب الشيق وطريقة الجذب وننتظر مشاركاتك
الحمد لله مالي في الخواطر ....
عربجيه الأخت <<< بتطلع منها
[
إلا صدق ورى مايفتحون منتدى خاص بالخواطر والشعر لأن أكثر المواضيع في المجلس خواطر وأشعار
ادري لاني قلت البنات مهو بالعانسات .. بس انا ضد فكرة فتح منتى منفصل للخواطر او غيره لانه من واقع خبره نتايجه سلبيه اكثر من انها ايجابيه;) ..
إقتباس
كلام سليم ورائع ....
بس وراك خربتها أجل ماني أخبرها مابُني
المفروض انتي اكثر وحده تقدرين .. خبرك اللياقه ماش وزيت الخروع في الاخير يبدا يقطع ,,
إقتباس
والله أنكم تخوفون ....
ياحليلنا حنا ... على الأقل ينخاف علينا بس مب ينخاف مننا
انتم اكبر رعب لاي عاقل يسوق سياره شلون لو جا واحد من عيال عم مرمر !!
إقتباس
يووه تعبت وأنا اقتبس من الأخير خلنا نرجع من الأول أفضل
هذي اخر مره اخليك تستهبلين فيها .. المره الجايه بصفط ردك اذا جالسه تفحطين بصفحتي ,,
إقتباس
عاد مالقيت إلا ذا الثنتين ....
فيه أحسن منهن واجد ....
هذا من باب تعدد رغبات المشاهدين .. ولا عني ثنتينهم لاقاموا ولاقعدوا معي;) ,,
إقتباس
الله يرجك ....
قاعده أقراها وأنا لابسه عباتي ومخليتها فوق راسي بعد
ومتولمه للدموع أحسب فيها حياة أو موت ... مع أن دموعي ماتطيح إلا في الشديد الأوي على قوله أخوانا المصريين
كل هذا عشان اطبق شروطك بحذافيرها <<< قويه ذي مدري وشلون طلعت
وفي الأخير حتى عبرتي ماطلعت هي في الشرق وقصتك في الغرب
ههههههههههههههههههههه قلتلك انتي غير عن البنات .. بالله عليك اذا انتي ماتكتبين خواطر ولا تبكين ع الطالعه والنزله وش بقى فيك من الانوثه هههههههههههههه فرصه بكره عندنا مباراه وناقصنا حكم .. وش رايك؟؟
بعدين القصد من المناديل .. الدموع اللي بتجي مع كثر الضحك << ياشين الثقه
إقتباس
أجل منهو له ....
معروض عندنا ولا يبونا نستخدمه ...
أكيد فيه سر
لا ابد طال عمرك تخيلي انك داخله متجر ما وشفتي شال اعجبك وسالتي الكاشير هذا بكمم؟ ويقولك هذا الشال قيمته 70 الف ريال .. عرفتي ليه مهو بلك ..
إقتباس
أفا ياذا العلم ....
أثرك رخيص ....
ولا ...بعد وش هالحب اللي مع شغاله الله يحوم كبدك
ياناس انا اكتب لناس معوقين .. رخيص على ايامهم يعني هالايام تبطون عظم تجيبون ربعه ياراعين المجاني ..
إقتباس
عليها اسم بعد ...
إلا بسأل ليش دايم اسماء الأندونيسيات بحرف السين ....
سرميتي وسيتي وسونا وساتي ....إلخ<<<<< أسماء شغالاتنا اللي عندنا
ماعدا حقتنا اسمها غريب شوي كل من سمعه ضحك مانيب قايله اسمها تحملوني أثمكم
من واقع خبره .. الاندنوسيين يتفائلون بحرف السين حيث انه يمثل لهم موسم الاندومي ,,
إقتباس
ياعيني عالتدليع اللي كذا ....
عاد أهم شي الأندومي ... تراه أغلى منك بالنسبه لها
تقدرين بس << شافه نفسه
إقتباس
والله ياأنت تسمع بطموحنا ....
عن نفسي ماتستهويني السياقه بتاتا البته ... وأحس أني ملكه إذا ركبت وواحد يسوق لي مب أنا اللي اسوق
بس بعض المرات تجيني خمّات ودي اسوق في البر ...
ايييه هيييين .. خليهم يسمحون بها والله ان نشوفك تطامرين بدلّه انتي وعصاقيلك ..
إقتباس
ياكثرهم ...
وحده في الكليه معروفه بإسم متعب ولها ثنتين يماشونها كل يوم دور وحده ...
طبعا ماتختار إلا بنات نعومات ... الله لا يبلانا
احسن اقتباس لانه انحذف من حبي تيماوي ..
إقتباس
والله ياهو عنده سوق بين البنات غير طبيعي
الله يهديهم بس
اللي تبي رقم ابو سعيد تجي وتعلميني بس هو مايعطي وجه .. الله يوفقه على وش زواج ;) ,,
إقتباس
طيب سؤال ...
ليش البنات هن اللي يغازلن الحين مب مثل منول الشباب هو اللي يبدى
والله إذا شفتهم بالسوق رحمتهم ... أحس فيهم حاله نفسيه ...
الله يكافينا شرهم ويهدينا ويهدي لنا
ان شاء الله المره الجايه بطق العبايه واتقمص دور بنت واسئلهم ..
إقتباس
يعطيك العافيه هلالي الظهران على الموضوع الرايق ... دخلت جو مع موضوعك ....
فوائدك عال العال .... لا تحرمنا طلتك
الله مير يعافيك .. الحمدلله ربي استجاب دعاي وخلصت من الرد بسلامه قبل تنتكس الحاله ..
حياك الله فرصه وشاكر مرورك وردك الامتع ;) ,,
@@@نايف@@@
حيا الله نايف وتو مانورت الصفحه ياغالي..
الله يسلمك يابعدهم وشاكر ترحيبك اللطيف ..
شاكر مرورك وتواجدك,,
النادر
يالله حيهم عيال امريكا .. بشر شلون الاوضاع عساها استقرت ؟ الله يكون بعونك,,
@ حبيت يكون لي حضور بموضوعك واقول الحمد لله على رجعتك بالسلامه ...
الله يسلمك مشرفنا .. وهالمره حضورك مختلف والظاهر اخذت معك ذكرى من الموضوع ..
الجمله الاولى انا معك فيها .. لكن الثانيه كنت ارمي فيها لهدف معين انتشر مؤخرا ومايخفى عليك وحبيت اشير له .. عموما الموضوع بكبره وراعيه فدوتن لك ياغالي ,,
يا شباب بلا استهبال اللي ناظلني يقوم الله لايهينه ويغسل عيونه بشاهي مر وصدقوني ابسامحه !!
اعوذ بالله من ابليس احس جسمي صار مصدر حراري من اهم مصادر الطاقه في البلاد والنوم مخاصمني وادري فيه لا بدت المحاضرت بيقول اسيبك لااا
يا اخوان انا ربي قدر علي وصابتني سخونه ورحت الدكتور وكتب لي ادويه بعشرة الف ريال (لحد يدقق السخونه وماتسوي ) بس الظاهر الى الان مابان مفعولها والظاهر فيها حبوب منشطه .. حاولت ارقد مابه فايده دخلت اتسبح بعد مابه فايده .. صليت الفجر وحاولت انام لكن النوم عيا لايجيني .. ماوعيت الا ونا فيذا ,,
خلوني انتهي من كم رد .. ونصيحه لوجه الله .. لاتدين احد ابد ولا تكتب موضوع طويل ,,
سندريلا الهلال
يالله حيها استشاريتنا .. اول مره اقولها .. مع ان هالاسم يسبب لي حساسيه كاننا جالسين بمستشفى بسم الله علينا ..
اولا حياك الله .. ثانيا الف الف مبروك المنصب وتستاهلين والله واعذريني على التاخير بس يوم عينوك كنت غايب عن المنتدى والسعوديه بكبرها وماحصلت فرصه اباركلك..
إقتباس
هلالي الظهران
الحمد للة على السلامة
الله يسلمك ويسمنك ويسمرك ..<< قديييييييييم
إقتباس
أما الشروط والتنبيهات تقل داخلين سينما
وراك شايل على البنات حملة والله أغلب مايكتب ملاحم ولا قصائد ولاخواطر الا الشباب البنات مايكتبون الا بالقطّاره
لان القافية تبطي تطلع معهم لأن خواطرهم من النوع الأصلي وين لقمة القاضي على غفلة
لا لا اي سينما ..على الاقل عندي مافيه اختلاط .. اما الشباب هم راعين الخواطر اسمحيلي اخالفك حضرة المستشاره .. روحي مجلسكم الموقر وعدي كم مواضيع الخواطر البناتيه وخذي معك الفيروسه تريها تهش ذبان وتصلح الفطور حق حبي تيماوي ,,
إقتباس
أما فعلاً بصراحه الامر اللي تطرقت له خصوصاً العاملات المنزليه لابد من عدم اغفاله والانتباه له لان الظاهر مافيه بيت يوجد فيه اكثر من ثلاث افراد الا والشغاله تشاركهم فيه الله يصلحنا بس
وعليك الحسبه عاد كل مازادوا ثلاثه زادت عامله .. والشيبان من هنا يخلفوا والحسابه(فيو) بتحسب ,,
إقتباس
ورفقاء السوء وما ادراك مارفقاء السؤ الله يكفينا شرهم ويبعدنا عنهم ويرزقنا الصحبة اللي تعينا على الخير وللخير يارب
امين امين..
إقتباس
الله يعطيك ألف عافية على الموضوع الفكاهي شكلاً المفيد مضموناً
بالتوفيق لك
الله مير يعافيك ويكبر مافيك ..<< بعد قديييييييييييم
تسلمين سندريلا على مرورك المهيب وردك الوافي ,,
الا على فكره سندريلا.. البارحه قاري نك في البلوتوث باسم "سندريلا مضيعه نعلتها " لايكون لك بس
سحر الشرق
اهلا وسهلا بسحر الشرق وعبق الماضي وريحة الحاضر وامل المستقبل <<<< حشا صايره دعاية بروجيه
هلا ابتساموه احسن شي انك رديتي بلغتنا لانه لو مسكت معك فصحى كان صار هنا سلق بيض .. تدرين قلبنا اسباني بس وجحدناهم <<<< ياشين الواثق ..
إقتباس
اللقافة حولتني تحت برج الفيصلية
أقصد جابتني هنا وعقب خلصت من الموضوع وقعدت أرد يجي هالمقرود يقول وصليني المدرسة أخاف أروح لحالي
يالله أروح أوصله ثم أرجع يمدحون النظام هالأيام يعني لو ألقى أحد ماخذ مكاني أتفاهم معه
@@@@@@@@@@@@@@@
ينعن ابو الفله ياناس .. سحر انا ابروح المحاضره الساعه 9 وابيك توصليني وياليت تسويلي ساندويش ولاتنسين تحطين الموزه والتفاحه << الى يومه حاقد على نضال السوري اللي بفصلنا
إقتباس
عقب مارجعت
هلا بأهل الظهران كلهم عاد تصدق وانا داخله أقول فيه نور غريب يوم شفت موضوعك قلت اهاا بس عرفت سر النور<<<اخلصي علينا
اييييييييييه اكيد جايه بشمس الرياض وش بتشوفين اجل .. لا بس امكن كان فيه كسوف وانا جيت ..
إقتباس
عودة جميلة بجمال روح تضمها جنباتك!!
وحضور مختلف بابتسامة ترسمها حروفك!!
بسوي نفسي ماشفت هالسطرين حتى ما احوس الدنيا
إقتباس
أقول يالظهراني أموت وأعرف وش سبب تعديل حبي تيماوي لموضوعك<<<<تركت كل الموضوع وطالعت التعديل تحت صدق لقااااافه أصلي
تصدقون انا اشوف الردود على الموضوع كثيره مهو لسواد عيوني ولا عيون مرمر بس علشان يعرفون لييه التعديل ..
يؤيؤ شوفوا شوفوا هوشه <<< هذا حط رجوله ههههههههههههههه
إقتباس
عموماً يا سيد الرقالة=الرجال في رواية عن مصري
يوم تحكي بياسر القحطاني ذكرتني بوحده خبله منذ ولدتها أمها تقول تصدقين يا ابتسام إذا شفت عدنان حمد<<<حقart تجيني حرارة وما أبي أحد يطالعني البنت صغيره عمرها 16سنة والله رحمتها
عدنان حمد عااااااد .. وللناس فيما يعشقون مذاهب !!
تعالي هنا وشو حرارته لايكون زي حرارتي بس ! وانا اقوووووول ليه انا مسخن مادريت ان ساندرلا بوليك تسوي كل هذا ..
ابتسام ادري انك تمونيت عليها تكفين روحي وجيبيلي من عقبها ..
إقتباس
بحق لا اعلم أجرم من ومن تقع عليه مسؤولية ما وصل إليه حال فتياتنا..
الأهل؟؟
أم المجتمع؟؟
أم الفراغ العاطفي؟؟
لكن يظل الفراغ العاطفي الذي يعاني منه أغلب الشباب ذكورا وإناثا هو السبب الرئيسي في مثل هذه المشكلة..
وللمجتمع في مشكلة الفراغ العاطفي الباع الطويل فما زلنا نُجّرم ونوبخ كل من يصرح بمشاعره لصديق أو لقريب صغيرا كان أو كبيرا وياللعار!!
بعدين أنتم وش فيكم علينا كل واحد لازم يقحمنا في مواضيعه
يالظهراني أي خواطر اللي تحكي عنها ممكن هي خاطره لكن ليس بالضرورة تكون في إطار((حبني وأحبك))
بعدين بدال ما أنت قاعد تتطالب بإننا نخفف شوي بالتنسيق أحسن لك تدور لك أحد يعطيك دروس بالتنسيق ويفكنا من إزعاجكم كأن ما ينسق غير البنيات
شلون اقحمتكم يعني .. خبري من يومكم محموقات عساك بالاقحام ان شاء الله << واحد مايعرف معنى الكلمه وماخذن احتياطه ..
طيب ليه ماتصير الخواطر مثلا بالسواق او الشغاله او خاطره بالوطن ولا غوانتانامو او .....
بعدين التنسيق يكون احلى اذا كان مبسط ومعبر .. يعني مو لازم اجمع كل الالوان فيه تقولين كانه فستان عبده هههههههههههههه ولا تجمعون فيه كل العبارات والتصاميم والزركشات تقولين كان الموضوع صاير كانه كرسيدا حق باكستاني كلها دناديش ههههههههههههههههههه ,,
إقتباس
هلالي الظهران..
بلغك الإله بفضله وكرمه شهر الرحمة كما بلغك شعبان وأعانك على قيامه وصيامه وصالح الأعمال..
من الأعماق تحية لك أيها المتميز...
ياشيخه من باطن الاعماق والمياه الجوفيه اقدر مرورك وردك بس تكفين فكينا من ذا الحكي ,,
سحر الشرق اقدر هيبة مرورك اخيتي .. متصفحي صار كله عطر من مرورك سيدتي وفاحت رائحته وعمت ارجاء المكان.. شكرا من الاعماق ,,
ابو ريمان
الله حيوه الغالي .. الله يسلمك ويزوجك وشاكر حرصك الدائم,,
افا والله .. بس تدرين توك جديده اجل وين راح مبنى 24 ..
ترى مانيب معهــم بس اتفلسف
وماتشــوووف شر ياخوووي الدراســة قلق وحر وملل وكل شي والي اليوم موصله معاااي مشووار طول بليس :sad: وزحمـة وقلق اف بس متى تجي العطله
والخواطر ياخوووي انا معاك كثرتها مالها سنع لان القسم اسمــه العام وانا افضل نكتب موضووع وبالنهايه قفلــه بالخاطرة افضل بس يمــكن يبون اراء اخانهم وخواتهم ولن نبخل باراءنــا
ولاتفهمني غلط في سالفه الماركة الاصليه ترى مو قصدي والله كلكم مبدعين واحنا نتعلم منكــم وترى مو قصدي شي والله :sad:
والله اني جايه افضفض شووي من قهر فيني من هالدراسه حر وزحمه الله يعين :sad: ياليت يسون طريق الملك فهد ثاني تمــويه لهم يمكن يخفون زحمــه وترى ادري ردي ماله داعي بس مدري ودي ارد اخفف الطفش شووي ومالقيت الا موضوع اخووي الظهراني
الحمد لله على سلامتك ,, مابغيت ترجع ,, ورجعت لنا بموضوعن يجنن ,,
وخاصه انك انتقدت بعض الناس ,, اللي هبلوا ببعض الناس ,,
انا من شفتك تتحيوك عند الخدامه وانا عارف ان ماوراك الا الخرطي ,,
رحم الله امرء عرف قدر نفسه ,, حاط قصتك في ابو ريالين ,, عسى ماتكلفت بس
انا لوني منك اسوي كم نسخه واعلقها على البقاله ببلاش << خذ نسختك
إقتباس
- اذا كان في بيتكم شغاله .. انتبهوا على عيالكم منها وانتبهوا عليها من عيالكم ..
2- احذروا من رفقاء السوء والفراغ وخصوصا البنات.. وماني على باطل فهو باطل واللي فيه خير مارماه الطير ..
3- يابنات ارفقوا علينا .. المنتدى قلب كانه محلات ابو ريالين لجميع انواع الخواطر والقصائد والتنسيق مجاني ..
4- كل عام وانتم بخير ومبارك عليكم الشهر ..
فوائد الموضوع في غاية الاهميه ,, وبالاخص اذا تهاون الاهل في ترك الخادمه
مع الابن ليكون ثالثهما الشيطان اللي ماتفوته فرصه في هالاوقات ,,
ورفقاء السوء الله لايكثرهم في كل مكان وفي كل كورنر على حد قولتك ,,
واذا الاهل ماراقبوا الابن المراقبه المعقوله راح ينحرف يضيع من بين ايديهم ,,
اكرر الحمد لله على سلامتك ,, واشكرك على الموضوع الخفيف الظريف العفيف,,
دمت بخير
تبون الصراحه كنت ناوي اسحب عليكم بس قلت ياولد لازم تقدرهم مثل ماقدروك ولا النحشه سهله ,,
بسم الله وعلى بركته ..
ماجد مقبل
الله حيووه حبيب قلبي .. تو ما انورت الصفحه يارجل..
هلااااااااا وغلااااااااااااا ... هلالي الظهران
يالله ان تحييه .. وعوداًحميداً ...
الله يحييك يابعدي .. وين القدوع وعلوم الرجاجيل هاه ..
لا ابشرك صديقي .. اللحين صار كل شي بريال وبسطات
على الشارع وغمارة الددسن .. لا محلات ولاهم يحزنون ..
ابو مقبل احس انك فاهم السالفه غلط الله يفضحك ..
يابن الحلال حنا نسولف عن الحب من الحبيبه .. اما الحب والفصفص يبيعونه بالمدرجات وبالمدارس بعد .. لاتكثر الله يهداك ..
الله يسلمك هلالو وش المقدمة اللي تفتح النفس ياخي كذا بصير
كلي أذن صاغية وقلب واعي وخشة مفهيه وبوز مطنقر
هذا علشان اذكركم بكراني اللي اقشعوه ..
أولااك تعال هون ابو شريك ...
اي شو فيك فاش خلئك على الصابايا أي خيو خليهون يفضفضوا ..
من شان الله .. دخيلك لا تواخذهم ... ((خواطرهم توقطر ابداااع ))
وبعدين .. لشو معرض الحب هيدا .. اي الحب ملحوش ( منطول) بكل إرنة
يخرب بيتك ابو مئبل الظاهر انك مسنتر خلف ملعب العباسيين طول الشهر هههههههههههههه .. اهم شي البيت بشغاله ولابدون ,,
بيني وبينك اسم الدلع مغري .. وقد قال فيه الشاعر :
تمرمرت في حب مرمر كأنني ** مكر مفر مقبل مدبر معا ..
الله الله .. بعدين وراك حاشرن مقبل هذا معك في كل (ارنه) ..
هلالو اتوقع ان شغالة جدك جاية من المكسيك ..
وعلى فكرة وشفيك شاب على ماريا مرسيدس البنية راحت ايامها
وصارت دقة قديمة .. الحين روبي ما كل الجوووو
ايييييييييه هذي روبي اسمعها عنها ولاقد شفتها! ابثروني الشباب روبي وروبي .. قلت جعلها تصير كريسانو رونالدو وش علي فيها ..
المشكله انهم يقولون المسلسل يجي الساعه 5 وللاسف هالتوقيت دائما مااكون خارج عن الوعي والادراك ..
الله يرجك ياشيخ ...
عليك وصف ولا احمد شوبير في مباراة بين يال مدريد و نسيم حميد
== >>> لووووووووووووووول
بس معجبتني راعية الاشاعاات ذكرتني واحد من العيال تخصص اشاعااات
جا جا والله جا ...من حروف الهجااااء جاجاجا ....جازورا جاجاجا... جمجوم ...
== >>> خبرة جاااااااأت هههههههههههههه
ماش ماجد منت مضبوط .. هاليومين تحن لحركات المبزره كثير عسى مابه خلاف بس .. اقول قم قدامي عند الاصمعي كود انه يكويك ..
هنا الزبدة ....
كلامك اخوي هلالي الظهران حقيقة لا خيال ..
من جد هذا اهم ما يستفاد من القصة ...
ياخي احييك بصراحه على نضوجك .. هذا هو كل الحكايه بس المشكله بعضهم كانهم يناظرون مهرج ,,
الا التنسيق يا ابو عبد الله ..تراه موضوع حساس .. و في ناس متعقدين منه
ولو صار برسوم عز الله طفرناااااااااااااااااااااااا
منهو ابو عبدالله .. تبي سلف؟
الرائع هلالي الظهران ...
ما أروع ضرسك اذا ابتسمت وما أجمل حرفك اذا نسمت >> خربها ابو مقبل
أخي الغالي شكر لك على هذه القصه البوليسية الرائعة ..
ودمت بحفظ الله ورعايته ...
مهبك / ماجد
احرجتاني فضح الله ضروسك .. يا اخي اقسم بالله احوووووبك انت بالذات وحبك وراني الويل ياقاسي ..
أمير الذوق والرقه ولو يتباهى من حقه واذا جينا للحسن والزين ماجد ماخذن حقه هههههههه شيلووووها
عوافي ابو مقبل وعساني ماانحرم تواجدك,,
الكناري الأزرق
الله حيووه كناري افندم .. واحد شاهي من غير سكر لاحلى كناري ياولد ,,
نـعود لهجوم حديثنا ,, قصدي نعود لمحور حديثنا .. << وش اخبار صادوهـ و الصيرفي كان ما عنده غير هالجملة .. ؟!
الهلال لعبه امس شين .. ( وش اسوي لك ذبحن النوووم كل يوم انام الساعة 2 الصبح و اقوم 6 و نص الفجر امووووت على الاحباط .. ) ..
اقولك شئ ..؟
بـلا محور حديث بـلا خرابيط ياله سـلامن من الله عليكم و رحمتن منهو و بركاتـه و يا سريري العزيز الاماكن كلها مشتاقـه لـك .. ( مير الله يخلف اي سرير نيمن بالارض الله يجيرك اموووت على هيك عزوبي ,, مكيف غرفتي عاطل << الله يوفقه بوظيـفة ! ) .
اقووول قدامي على الصمعاني يبيلك كويه كود انه يشبك اسلاك مخك المفككه وان مانفع عانك الله على الحلتيته ..
احيي فيك روحك الخرندعيه ياخبل انت وشعرك اللي كنه صحن شعيريه بمطعن هنود ههههههههههههههه اقول كناري صحيح ان الشباب زقطوك وانت تاكل حلاوة جسم حق البنات تحسبها حلاوه بحرينيه ههههههههههههههه
حياك الله وتعال كل يوم,,
تغريد
هلا والله بتغريد الحياويه ..<< وانت ماتنسى ابد ,,
اهلين هلالي الظهران
اززيك
كيف الظهران سلملي عليها
هلابك .. والله نزقح انا وياها .. يوصل ان شاء الله بروح لرامكو وامسك المايك واقولهم تغريد تسلم عليكم ..
عليشتنا الحبيبه
الا انت اش دراك انو في معمل فيه نت ؟؟
انا مادري تصدق
قلي اي مبنى؟
مبنى 24 ياشاطره ..
ههههههههههههههههههههههههههههههههههههههههه
وووينك من اول ماما تتوحم عليه وماندري وين نلقاه اثره في البطحا
لما توصيك مره ثانيه جدتك لاتنسى تجيبلنا منه كم علبه
ياروووح ماما انتي ههههههههههههه .. بعدين علينا تغريد الا تسوين انك بنت نعمه ودلع صحيح اللي يقولونه ان امك وهي حامل فيك توحمت على ساندويش فلافل وميرندا فراوله هههههههههههههههه
هذا اكيد الي بمبنى 12
ولالا فيو
الا هو بعينه وعلمه .. ماعليك من في و ,,
ذكرتني بسالفه
الله لايعيدها
في عليشه
بس والله انا موطرف فيها طبعا بس شفت
جتني صدمه قسم بالله
هههههههههههههههههههههه
احسك طالبه معانا خبره عارف كل سوالف البنات خخخخخخخخخخخخخخخخ
عيني بعينك تغريد .. اكيد مالك علاقه بالهوووشه .. طيب قولي انتي وش ينايبك من الانواع السابقه وماني معلم احد ,,
والله انك
ترقعها بالاخير
يعطيك العافيه عالموضوع الحلو والمفيد
عورتني بطني من الضحك
تشوفين الترقيع بس .. بسم الله على بطنك انصحك تمرخين بزيت زيتون واشربي يانسون ,,
الله يعافيك تغريد وحياك الله وشاكر لك ردك الجميل,,
الوردة الزرقاء
هلا والله بالورده .. تصدقين انتي تذكريني بايام الطفوله ..
على ايامنا كانت الاناشيد كلها الوردة الزرقاء والحمراء والصفراء .. ويوم كبرنا شوي صارت "حداء ونداء" وبعد " سراييفو" اما الحين الله يخلف كلها من طقة طائر النورس حلق ,,
^^ هنــا مسموعه ^^
قصيده من الشاعر عبدالله علووووش يعيش هو واخوه سعد
وسلامتكم
مبداكم اووووووووووووكي وريحوا راسكم من الهم ووجع الراس ..
وصح الله لسان شاعرنا .. ورده تدرين ان لسعد علوش يوزر هنا بالزعيم بس الظاهر من زمان عنه,,
هلالي الظهران والله استانست بموضوعك حسيته على الجرح
وسلملي على مرمر ياحليلها ماتستحي على وجهها ..
شلون ياحليلها وماتستحي على وجهها! بعدين انتبهي كله الا وحبي الوحي د ,,
اما شله البنات ريم ومها ومنيره ونوف اووف منهم
مدري ليه كرهتهم احس انهم ماصلااات ومراهقات الله يهدين..
وعليهم فقشات ونصب يجيب المغص تذكرت وحده من البنات في المتوسط
كانت كذاااااااااااااااااابه بقووووووه
تخيل مره كانت تقول انا متزوجه الوليد بن طلال
وقسم بالله اني بغيت اتهاوش معها بس مشيناها لها
والله رحمتها قلت خليها تعيش القصه..
لا المشكله تروح بالباص ..الوليد بن طلال ماعنده سيارة توصلها ههههههههههههههههه
ههههههههه سوسو الله يهديك لاتتحمسين واجد وفرقي بين الامور الله يثيبك !!
اذا ماعجبتك القصه هذا رايك وانتي انسانه واعيه وحره بارائك ومحد يلومك .. لكن الله يهديك مهو كل كلمه والثانيه ماراح اكتب بالزعيم!!
انتي استعجلتي وسويتي لنفسك موقف مضاد!! شوفي ردود البنات بالموضوع ولا وحده قالت بترك المنتدى ! ياليت سوسو تعلمتي من هالدرس ولاعاد تهددين كل شوي لانك لو استمريتي على كذا بيجي يوم ومابتلقين احد يقولك لا لاتروحين!!
الاوالله انه مالي عيني وقلبي بعد!!<<لاتفهمون غلط هذا ولد خالي امووووت فيه وهو يمووووت في ومستحيل يخون لانه مايعرف هالسوالف لان عمره 4 سنين!!
لو كل العيال هلالي الظهران كان صرنا دوله مثاليه ;) ,,
على فكره سوسو بالرغم ان الامر واضح جدا لكن بوضح بعد .. هالقصه كلها خرافيه وكلها خيال من بنات افكاري وليست واقع ولكن اردت التنبيه على هالنقطه المنتشره في منازل البعض بطريقه ساخره!!
ياشيخ الحق مو عليكم الحق على البنات اللي محركين المنتدى!!
وبعدين حتى الشباب هنا يكتبون وينسقون و يسون خرابيط اكثر منا!!
ههههههههههههههههههههههههههههههه لا حول ولاقوة الا بالله ..
ياناس بالله احد يقضب هالادميه ويفهمها عجزت وانا اشرح!!
وانت بخييييييييييييييييييير
،،،،،،،،،،
اذا كنت قاسيه في كلامي فانا اعتذر لاني بصررراحه
انتم ماخليتم فيني عقل يالشباب
ماعدنا نعرف اش نسوي؟؟
كل ماسوينا شي انتقدونا!!
وحنا زينات وياحليلانا
وشلنا لا للتماسيح من التوقيع لكن شكلي ابرجعه!!
بسم الله على عقولكم ,,
...........
بصمتي,,
>>علــمتني الحــياة <<
ان ابكي وحيدا لكي لا اسبب الحزن لمن حولي
وأن انثر الم شكواي على أوارقي واحتفظ بها لنفسي
كلام جميل جدا بس ياليت تطبقين ماعلمتك الحياه اذا كنتي مقتنعه فيه وتردديه!!
حياك الله سوسو مرتن ثانيه .. وان شاء الله اني حطيت النقط على الحروف!!
حيا الله ولد امس .. كيف الحال وش العلوم .. هاه بشر قرب الزواج ولا طارت الدراهم بذا الاسهم ,,
هلا والله هلالي الظهران ..
يالله حيوووه .. وش لونك يابعدي عساك طيب ؟؟
الله يحييك ويبقيك .. والله الحمدلله الحاله ستيره ونزقح ولله الحمد ,,
ماش حسيت تسني في نشرة الاحوال الجوية
انت شايف طيروا كراني:sad: ,,
شف ياحب البنات للقافة وانهم يعرفون كل شئ
اجل ما امداها تدري عن معرض حب الا هي مقرره تنقز له
صدز بهن لقافة مهيب بـ احد ابد !!
ايييه يا اخي حرام علييييك لاتظلمهم .. بعدين يفوتهم ياخي ثمن يقلقون راسك سنه يذكرونك باللي فاتهم ,,
طيب واللي ماعنده دبدوب والا قطو وش يسوي ؟؟
تعال ياخي خل نخم بعض
بعدين وش هالذوق يا هلالي !!
اجل بنت عجرم وتحط معها في نفس السطر شيماء سبت !!
هذي اكبر إهانه لـ بنت عجرم .. ويا سفاب الــ آآآآه ونص !!
ابو امس لولا اختلاف الق.... لبارت السلع .. وهذول كلهم في خدمة الشباب اللي جزء من المجتمع ,,
بعدين انا قلت شيماء سبت من باب التنويع ولا كان على لساني فاطمه الحوسني ,,
كله كوم واللباس الشرعي كوم ثاني خخخخخخخخخخخخخخخخخخخخخخخخخخخخخخخ
ويمنع دخول المغاتير والجوال المصحوب بالكاميرا خخخخخخخخخخخخخخخخخخخخخخخخخخخخخخخخخخخخخخخخخخخخخخخ
لا يارجال جوال ابو كميرا اول شين يدخل هو اساسا من الشروط بس الظاهر ان حبي تيماوي اكلها هههههههههههه
احس ان هالمعرض في الخطوط السعودية اجل مضيفه وكاتلوج بس خلاص وصلت
ذيبان ذيبان ,,
هههههههههههههههههههههههههههههههههههههههههههههههههههههههههههه
اما هالبسكوت من وين طلعته
خبرك المقاطعه مابقت لنا شي .. مابه الا هالنوع وبسكوت ريكو وبسكوت ابو ولد .. عاد بسكوت ابو ولد مضمون لانه صناعه يمنيه هههههههه
خل عنك يحلفون ان جدك وده يدلعها بس مهوب قادر يقولها
وزارة الداخلية جنبه والا تسان قالها قبلك
والله يا انت تسمع بالانتقاااااام اجل تتحرش بمرمر زماني
اييييييييه خبرك عتيق .. انت تعرف ليه مرمر اول ماطقيت الباب قالتلي انتا روح ولا نادي بابا ؟!
على بالها انها وفيه وماتبي تخونه معي ههههههههههههههههههههههههههه ولاهي مايعوق معها شي
تقريبا القصه طويله شوي
وانا الحين مو فااااضيه الا حد مااا <<<<<<< وش دخلك المووضووع أجل
يعني لنااا عوده
ننتظر عودتك .. مع اني اشوف من بعيد زول وحده حاطه مريوله باثمها وفاكه سبرنت جري وما جاني الا الغبره ,,
وبعديييين للأعضاء الحلوييين الي يردوون
لو سمحتوو صااايرين كأنكم بدوو طااااحو في إقتباااس ولا يهونوون البدووو
والله جد وانا أنزل علشااان ابي أرد إقتبااس إقتباااس
هو برااااحتكم ان شاء الله تقتبسوون الدنيااا كلهااا
بس ماله دااااعي تعلقوون على كل حرف في القصه
انتي تشوفييين :sad: :sad: ..
اقسم بالله ردودي على ردودهم تقولين كاني طالب في حصة الخط وخطي شين والمدرس يقولي اكتب السطر خمس مرات اخرى ,,
حياك الله ندوش وبانتظارك,,
رعبوبة الزعيم
الله حييهم اهل الشرقيه فديتهم ..منوره ر ع ب 5 1 0
هـــــــــــــــــــــلا والله هلالي الظهران,,
تو مانور المنتــــدى
الحمد لله على السلامه
..
الحين توني رجعه من المدرسه
بعدين برجــع للموضوع اقراه لأني ماقريته
بس جيب اقوولك الحمد لله على السلامه
بــــرب
الله يسلمك وينحفك ان شاء الله << احس انك دبه من جد ..
اجل تردين علي بالمريول الرمادي والشعر مسويته عنقودتين والشراب الى الركبه والشنطه على الظهر ..
تيت
عزوز الازرق
هلا ومسهلا بعزوز العزوه ,,
ههههههههههههههههههههههههه
هههههههههههههههههههههههههههه
ياهلا والله بالغلا كله ...
يامرحبا بهالطله ...
يسلموووووووووووووو ع الموضوع ...
الله يسلمك وعسى هالضحكه دووووم ,,
بس تدري ... هماك كذا متشائم ..
ياخي ترى كلش موجود ..
فيه قيس وليلى ... وفيه رميو و جولييت ... وفيه كل شيء ..
بس من يفهم ...
الا قول من يوفي بس ,,
ع العموم ... وش فيهم البنات شايلات علينا ؟؟!
ترى الضعيفات يحسبوننا بنموت اذا ماحبونا ..
مادروا ان مليون جنسية تبيني اخذ منهم... واولهم اخت جارتنا السورية ..هع
هم كذا لازم يرقعون لبعض ,,
مير هل تعلم ...
ان البنت اذا عطيتها وجه تكبر راسها .... واذا صفيتها تمووووت عليك ...
وأظنك ادرى ....
ايييه في حكمه بعلمك فيها .. البنت زي الكوره لادقدقت فيها جلست بحضنك واذا شتها بالجدار رجعتلك ههههههه
^
^
هالحكمه من تاليف عاشق مرمر ,,
اقول قبل لاانسى .. يعني من وجهة نظرك هالرومانسية المتدفقة في نواحي منتدانا .. هل تتوقع .. وتعتقد .. وترجح .. ان وراها نوايا مش ولا بد ؟؟!
<<<<< يحق لهذا العضو استخدام حق الفيتو ...في الميانة ...هع
والله امتنع عن التصويت ..<< طقته الغيره وقال ان احد الدول العظمى ,,
ختاما ... تحياتي ياهلالي ولاتحرمنا جديدك ...
حياك الله عزوز ولاتحرمنا طلتك يابعدهم,,
رائدة الزعيم
هلا وووالله برائده .. اخيرا وشفتك بموضوعن لي .. هاه بشري عسى النصيحه ذيك فادت هنا ,,
ذكرتني بخدامتنا
تحب أخوي
كان نايم وما ينافسني في النوم الا هو
وأمي عماد قم وأنا كل مارقيت ونزلت رفست باب الغرفه
على أعتبار غرفتهم عند الدرج وهو نايم والله ولا زلزال يقومه
شوي ونسمع صوته جينا وش فيك لين أم الشباب نازله تصيح
ضربني وبكى تقول انها جت تقومه وهزأها
طبعاً هو نزل متقرف ويصيح والله رحمته يقول انها حبته
طبعاً وماردها الا المطار
وها نحن الآن ننتظر قدوم الأخرى
ودي اصدق ان اخوك بريء وهي اللي حبته .. من واقع خبره يا رائده صدقيني الخدامه ماتجرات عليه الا اذا هو معطيها وجه ولمح لها او سوى لها شي .. وهالنوعيه من الخدامات ماتصدق على الله تلقى صدر حنون وترمي نفسها عليه وتلززززززق فيه ..بس الظاهر ان اخوك حس انها بتفضحه فقال اضحي فيها بس ,,
بالحب والإشراق
هلا فيك رائدة الحب والذوق الرفيع ,,
Turki(الرايق)TurkTurk
حياك الله اخوي وشاكر مرورك,,
فرصه ضايعه
اها بس هذاني راد قبل رمضان باسبوع .. بدل ماتتشمتين روحي وردي على خلق الله اللي ساحبتن عليهم ,,