عدنا لاجل خاطر ردودكم وتقديركم ياغالين ياحشاشة جوفي .. رجعت لردودكم يابايخيين بالرغم ان امبير الحراره عندي قرب يصقع الــ 39 درجه مئويه سنتقريت ..


جالس اكتب لكم بيد وحده اما اليد الثانيه ..... خلاص مانيب معلمكم والا تدرون دامكم فيها يدي الثانيه تمسح السعابيل واشياء ثانيه ..



فيه مقولة شهيره لشكسبير مناحي الدعجاني تقول " ان تكتب موضوع جديد اصرف لك من انك ترد على موضوعك السابق"


بصراحه احييه ولد مناحي على حكمته لان اصعب امور الحياه عندي اني افتح علبة منديل جديده او ارد على موضوع لي ..


نتوكل على الله..



فرصه ضايعه



فرصفص اقووول عندك (صلصال) ابي اكون فيه شكل (دب) واحطه ترحيب خاص لك ههههههههه ,,

إقتباس وعليكم السلام ورحمة الله وبركاته ياهووووووووووه .... بحجز لي مكان .... عشان يجيني الرد بدري

هههههههههههههههههههه بدري هاه واحلاة من يبدا الردود من تحت ويخليك تطقين اصبع هنا ..



]

إقتباس تيت وش هالحركات .... ماشاء الله عليك رجعت لياقتك بسرعه .... مب مثلي كني عجيّز يدفونها بعربيه وكل شوي تفرمل عليهم

تبين نصيحتي كلمي سيتو مدري سيالي تسنع لك عصير خروع وشوفي شلون اللياقه ترجع تقولين حمار كروو ,,

إقتباس أثرك فاهملهن وعارفلهن هالأشكال .... بس ترى والله فيه مثل ذا اللي تقول .... الله يكافينا شرهم ,,,

ادري ان فيه مثلهن والا وش جاي اسوي انتي ومخك المصدي(لهن)

إقتباس ببدى من الأخير وبكيفي ....

اذا بديت بالردود من الاخير كان تعرفين وشهو كيفك

إقتباس وأنت بصحة وسلامه .... علينا وعليك ....الله يجعلنا من صوامه وقوامه ويبلغناه قل آمييييييين

امين يارب .. ولا تنسين اخوك ,,

إقتباس الحمد لله مالي في الخواطر .... عربجيه الأخت <<< بتطلع منها [ إلا صدق ورى مايفتحون منتدى خاص بالخواطر والشعر لأن أكثر المواضيع في المجلس خواطر وأشعار

ادري لاني قلت البنات مهو بالعانسات .. بس انا ضد فكرة فتح منتى منفصل للخواطر او غيره لانه من واقع خبره نتايجه سلبيه اكثر من انها ايجابيه;) ..

إقتباس كلام سليم ورائع .... بس وراك خربتها أجل ماني أخبرها مابُني

المفروض انتي اكثر وحده تقدرين .. خبرك اللياقه ماش وزيت الخروع في الاخير يبدا يقطع ,,

إقتباس والله أنكم تخوفون .... ياحليلنا حنا ... على الأقل ينخاف علينا بس مب ينخاف مننا

انتم اكبر رعب لاي عاقل يسوق سياره شلون لو جا واحد من عيال عم مرمر !!

إقتباس يووه تعبت وأنا اقتبس من الأخير خلنا نرجع من الأول أفضل

هذي اخر مره اخليك تستهبلين فيها .. المره الجايه بصفط ردك اذا جالسه تفحطين بصفحتي ,,

إقتباس عاد مالقيت إلا ذا الثنتين .... فيه أحسن منهن واجد ....

هذا من باب تعدد رغبات المشاهدين .. ولا عني ثنتينهم لاقاموا ولاقعدوا معي;) ,,

إقتباس الله يرجك .... قاعده أقراها وأنا لابسه عباتي ومخليتها فوق راسي بعد ومتولمه للدموع أحسب فيها حياة أو موت ... مع أن دموعي ماتطيح إلا في الشديد الأوي على قوله أخوانا المصريين كل هذا عشان اطبق شروطك بحذافيرها <<< قويه ذي مدري وشلون طلعت وفي الأخير حتى عبرتي ماطلعت هي في الشرق وقصتك في الغرب

ههههههههههههههههههههه قلتلك انتي غير عن البنات .. بالله عليك اذا انتي ماتكتبين خواطر ولا تبكين ع الطالعه والنزله وش بقى فيك من الانوثه هههههههههههههه فرصه بكره عندنا مباراه وناقصنا حكم .. وش رايك؟؟


بعدين القصد من المناديل .. الدموع اللي بتجي مع كثر الضحك << ياشين الثقه

إقتباس أجل منهو له .... معروض عندنا ولا يبونا نستخدمه ... أكيد فيه سر

لا ابد طال عمرك تخيلي انك داخله متجر ما وشفتي شال اعجبك وسالتي الكاشير هذا بكمم؟ ويقولك هذا الشال قيمته 70 الف ريال .. عرفتي ليه مهو بلك ..

إقتباس أفا ياذا العلم .... أثرك رخيص .... ولا ...بعد وش هالحب اللي مع شغاله الله يحوم كبدك

ياناس انا اكتب لناس معوقين .. رخيص على ايامهم يعني هالايام تبطون عظم تجيبون ربعه ياراعين المجاني ..

إقتباس عليها اسم بعد ... إلا بسأل ليش دايم اسماء الأندونيسيات بحرف السين .... سرميتي وسيتي وسونا وساتي ....إلخ<<<<< أسماء شغالاتنا اللي عندنا ماعدا حقتنا اسمها غريب شوي كل من سمعه ضحك مانيب قايله اسمها تحملوني أثمكم

من واقع خبره .. الاندنوسيين يتفائلون بحرف السين حيث انه يمثل لهم موسم الاندومي ,,

إقتباس ياعيني عالتدليع اللي كذا .... عاد أهم شي الأندومي ... تراه أغلى منك بالنسبه لها

تقدرين بس << شافه نفسه

إقتباس والله ياأنت تسمع بطموحنا .... عن نفسي ماتستهويني السياقه بتاتا البته ... وأحس أني ملكه إذا ركبت وواحد يسوق لي مب أنا اللي اسوق بس بعض المرات تجيني خمّات ودي اسوق في البر ...

ايييه هيييين .. خليهم يسمحون بها والله ان نشوفك تطامرين بدلّه انتي وعصاقيلك ..

إقتباس ياكثرهم ... وحده في الكليه معروفه بإسم متعب ولها ثنتين يماشونها كل يوم دور وحده ... طبعا ماتختار إلا بنات نعومات ... الله لا يبلانا

احسن اقتباس لانه انحذف من حبي تيماوي ..

إقتباس والله ياهو عنده سوق بين البنات غير طبيعي الله يهديهم بس

اللي تبي رقم ابو سعيد تجي وتعلميني بس هو مايعطي وجه .. الله يوفقه على وش زواج ;) ,,

إقتباس طيب سؤال ... ليش البنات هن اللي يغازلن الحين مب مثل منول الشباب هو اللي يبدى والله إذا شفتهم بالسوق رحمتهم ... أحس فيهم حاله نفسيه ... الله يكافينا شرهم ويهدينا ويهدي لنا

ان شاء الله المره الجايه بطق العبايه واتقمص دور بنت واسئلهم ..

إقتباس يعطيك العافيه هلالي الظهران على الموضوع الرايق ... دخلت جو مع موضوعك .... فوائدك عال العال .... لا تحرمنا طلتك

الله مير يعافيك .. الحمدلله ربي استجاب دعاي وخلصت من الرد بسلامه قبل تنتكس الحاله ..

حياك الله فرصه وشاكر مرورك وردك الامتع ;) ,,




@@@نايف@@@



حيا الله نايف وتو مانورت الصفحه ياغالي..

الله يسلمك يابعدهم وشاكر ترحيبك اللطيف ..

شاكر مرورك وتواجدك,,





النادر



يالله حيهم عيال امريكا .. بشر شلون الاوضاع عساها استقرت ؟ الله يكون بعونك,,

إقتباس looooooooooooooooooooooooooooooooooooooooooooooooooool ^ ^ ^ كذا الضحكه بالامريكي خخخخخخخخخخخخخخخخخخخخخخخخخخخخخخخخخخخخخخخخخخخ ^ ^ ^ كذا الضحكه بالعربي

وات ساب ماي فريند .. دو يو هاف ايس ..<< هالجملتين اللي طلعت فيها من الحياه ..


عساه دوم يارب هالضحكه ,,

إقتباس وش هالخرابيط يا هلالي الظهران وش هالسواليف اللي طلعت كذا فجأه من دون سابق انذار يا اخوي علمنا انك بتنزل موضوع عشان نجهز نفسنا موضوعك

تصدق نفسي دايم تخونني حتى انا مدري شلون طلع هالموضوع مع اني دايم اقولها بيني وبينها " يانفس كفي يانفس توبي " بس ماش دايم تفشلني معها ,,

إقتباس و لك وجه تطق الباب بعد صمخت الباب الاولى

الحب يحتاج تضحيات وانا اخوك ,,

إقتباس والله الواحد ما يدري وش يسوي اذا سمع صوت بنت او بنت داقه على جواله

بكل بساطه قلها دقي بعد شوي وحولها علي ,,

إقتباس الله يعطيك العافيه ي يا هلالي الظهران على القصه و الروايه الجميلة و النصائح

الله مير يعافيك حبيب قلبي والله يستر عليك ويكتبلك التوفيق وان شاء الله ترجع رافع الراس,,




حبي تيماوي



حيا الله ابو اسامه كثر ماهل المطر وكثر ماثبت مواضيع وحذف حكي ,,

إقتباس @ حبيت يكون لي حضور بموضوعك واقول الحمد لله على رجعتك بالسلامه ...

الله يسلمك مشرفنا .. وهالمره حضورك مختلف والظاهر اخذت معك ذكرى من الموضوع ..


الجمله الاولى انا معك فيها .. لكن الثانيه كنت ارمي فيها لهدف معين انتشر مؤخرا ومايخفى عليك وحبيت اشير له .. عموما الموضوع بكبره وراعيه فدوتن لك ياغالي ,,


حياك الله ابو اسامه ولاعدمنا طلتك وتواجدك بيننا,,




الهنوووف



يالله انك تحيها .. اقلطي برجلك اليمين واجلسي بالمكان اللي ودك .. وان كانك تبيني استقبلك بالورد مري المشتل وخذيلك باقه وهاتي ثانيه للباقين ,,

إقتباس وعليكم السلااام ورحمة الله وبركاتة الله يحيك والحمد لله على سلامتـــك تو مانور المنتدى

الله يسلمك هنوووفه .. ومقدر لك ترجيبك المتكرر والحق ينقال انه مقصرين معك بس تظل هذي ميزه لاتتميز فيها غير الهنوووف,,

إقتباس معمل الحاسب بالملز

افا والله .. بس تدرين توك جديده اجل وين راح مبنى 24 ..

إقتباس اجل بقرا وقت ثاني مالي خلق ابكي الحين لاتخاف لباس شرعي

شاااااطره تسمع الكلام ,,

إقتباس والله جوالي مسكر الحين انتهى شحن البطاريه >>>>>البطارية افهموا يعني لازم اروح اشحن بالشاحن

قبل لايطفي لاتنسين تحولينه علي ..

تذكرت واحد من الشباب ازعجوه بنات حول رقمه على مكتب الهيئه هههههههههههههه << قمة النذاله ,,



[QUOTE]
اقوول عقب هالمقدمــة خفت شووي مدري ليش برووووح افطر وراسي صدع من الاخباار
بررجع اكمل قراية




الهنوووف









كانت










هنا





وستعوود قريباا
[QUOTE]

بانتظارك<< صدق المخفه ..

إقتباس انا واختي نسميه ابودعدع مدري احنا اخترعناها او هي الكل يقولوها

اذا عرفتي علميني .. لان عندي نفس التساؤل !

إقتباس انا مدري وش هالطبع الشين الي يرسل رقمة وصورتة اللهم لاشماته بس ولا كل واحد مضبط له بطاقة بالفوتشووب عيالنا من جحر لدحديره

لا بالعكس انا خالفك .. حتى البنت توفر على نفسها فكرة انه شين اذا جت بتطلع معه يعني ان اعجبها دقت ولا شافت غيره ,,

إقتباس حتى الشغالات ماسلموو حالتكم صعبه والله

لا ابشرك هالموضه كانت منتشره سابقا اما الحين الشباب تفرغوا لبنات ديرتهم ,,

إقتباس ايه والله الصديقه تزين لصديقتهاا طريق الشرر انا مدري وش تستفيد الوحدة اذا خلت صديقتها تكلم او تطلع مع احد جعلتس مانيب قايلته كانك داجه دجي لحالك وش تبين ببنات خلق الله معاك

بالضبط هذي الفائده الرئيسيه من الموضوع .. وهالنقطه مهمه جدا جدا جدا جدا .. ونسبه كبيره من البنات مشوا بهالطريق بسبب صديقاتهم!!;)

إقتباس اذا مافي الا خواطر وقصائد عادي بس التنويع زين

هالنقطه كانت من باب الدعابه اكثر من اني اقصد فيها شي معين!

إقتباس بعد ردي وعلى كيفكي انقلعووو جميعاا >>>خربتني اجل انا اقول انقلعو تخيلت القصه طووويلة بس ماشاء الله اسلووبك يخليها قصيره ومسلية >>>لاتصدق حتى ماحسيت بنفسي الا شربت العصير كله مدري الببسي >>>النصب بدا

بالعافيه ان شاء الله .. وتقلعي ..

إقتباس اسلــوووب مشــوووق ومتميــز كعادتـــه هلالي الظهران يمتعنــا بحرووفــة هلالي الظهران والقصص المشوووقة ومايستفاد من القصه ماركــة مسجلــة مدري هي اصلي او تقليد اعترف من الي يقلد انت او ابو ساره لا امزح كلكم اخوان وعيال ديرة مايفرقكم منتدى >>>عجوز فاهمه غلط

اخجلتيني ..<<ايه هيييييييين .. هنوووف فوائد القصه هذي مستخدمه من فتحوا المنتديات .. عموما الموضوع وفكرته وحده لكن يختلف الاسلوب فقط .. بامكانك تتعرضين لفكرة الموضوع بطريقه اخرى لكن انا افضل الاسلوب الساخر لاني اجد نفسي فيه .. والمهم توصل الفكره وتتحقق الفائده,,

إقتباس تمياتي لكــ ولقلمــك التوفيق في مسيرة الابداع والتميـــز دمـــت للزعيــم حماك الله

تسلمين على هالدعاوي يا يمه ..

إقتباس إقتباس: اخر تعديل كان بواسطة » حبي تيماوي في يوم » اليوم عند الساعة » 05:45 A وش انت قايل ياخووي الفضوول وصل عندي شي مايتصوور مدري ليش

ارجعي لرد فرصه واقري نص اللي انحذف .. اما النص الثاني خلاص طار ,,

إقتباس الهنووووف كانت هنا ورحلت

حياك الله وشرفتيني بتواجدك واخجلتني بتواصلك,,





صراحه كنت ناوي امشي بالردود اكثر بس احس ان الحراره صقعت الاربعين ..

لي عوده مع البقيه باذن الله,,