إقتباس الرسالة الأصلية كتبت بواسطة S U L A I M A N السلام عليكم ورحمة الله وبركاته مساكم الله جميعا حبايبنا الغالين .. ان شاء الله الجميع بصحه وعافيه .. والله يوفق الشباب في الدراسه سواء مدرسه أو كلية او معهد .. صدقوني كلنا كنا مثلكم انواع القرف ووجع الراس والغثى والتأفأف .. لكن تخرجوا من الجامعه وشوفوا وش بتحسون فيه .. وبالمقابل تخرجوا من دبلومات مثلا او ثانوي واشتغلوا وشوفوا وش بتحسون فيه .. اول مابتحسون فيه ان ودكم تكملون الجامعه .. اصبروا كلها كم سنه وبتعيشون احلى عيشه مع البكالوريوس ان شاء الله .. أنا صراحة لاني جاي أكتب شي عن برشلونة ولاني جاي احلل ولاني جاي أتفلسف عليكم وأسوي نفسي كبير ونصوح .. 30 / 8 / 2003 .. قبل تقريبا 7 سنوات .. قررت أسجل في الزعيم بعد ماكنت متصفح لمدة طويله نوعا ما .. كان يوزري وقتها sulyaman حتى السبيلنق غلط بس أهو عن قولة تسجيل .. كتبت أول موضوع لي ان ماخانتني الذاكرة عن جدول بطولة الأبطال للدور الـ 16 ناسي بأي عام .. طبعا هالجدول جبته من جريدة الشرق الاوسط نقلته كتابة .. حتى أذكر واحد من الأعضاء رد وقال "جايب الجدول من جريدة الشرق الاوسط هاه : D " برضو أتذكر أحد بداياتي في المشاركة اني رديت على موضوع للأخ sheva owen سابقا GERRARD المشرف على العالميه السابق الأخ بدر .. كان يقارن بين اوين ورونالدينهو أذكر كرشت له بذاك الموضوع وقفلوه : D .. ومن ذيك الأيام ويوزر سليمان كان متواجد بشكل دائم في المشاركات في منتدى العالميه مع الكثير والكثير من الاعضاء المميزين واللي كانوا يشكلون قوة ضاربة في شبكة الزعيم أصبح الأعضاء هدف لكثير من المنتديات لاسيما الهلالية منها .. طرحت مواضيع كثيره احدها ولله الحمد مازال مثبت في منتدى الروابط وهو موضوع للترجمة بذلت فيه مجهود كبير واخذ مني الموضوع وقت طويل لحد مانزل .. والحمد لله تمت الاستفاده منه بشكل او بآخر .. أيضا تمت المشاركة وكتابة الكثير والكثير جدا من مواضيع تقاديم جولات الدوري الاسباني .. تم انتخابي بتشريفي لمنصب مشرف منتدى الرياضه العربية والعالميه .. قبل ثلاث سنوات .. وامضيت سنه وشوي في خدمة المنتدى بكل ما أستطيع .. ولله الحمد حصلت على اشادات كثيره وشهادات اعتز فيها .. مشت الأيام .. تعرفت على أعضاء كثار عن طريق الزعيم من اللي تشرفت بمعرفتهم سواء عن طريق الماسنجر او الجوال أو مقابلة خارج نطاق النت .. وللمعلوميه اول شخص قابلته كان الاخ سليمان هلالي ابتسامات ريفا الله يذكره بالخير قبل 4 سنوات تقريبا .. وبعده قابلت الكثير من الشباب بعضهم مازلت على علاقة معهم وبين فتره والثانيه أقابلهم ولو اني مقصر حاليا بهذا الخصوص .. لكل بداية نهاية .. ولكل مسلسل حلقة أخيره .. اعتقد ان الكثير من الاخوان في الرابطة حاليا من الشباب الجدد مايعرفوني زين من قلة دخولي للرابطة خصوصا في الفترة الأخيره .. لأسباب كثيره وماصرنا زي أول وقت الفراغ كان ياخذ مننا وقت كبير من حياتنا .. الوظيفه الحين ماكله وقتي اكل والواحد ماوده يكون في مكان مُنتظر منه شيء وهو عارف بقرارة نفسه انه ماراح يسوي هالشيء .. والله ثم والله اني اجلت هالموضوع كثيير وكل مره أقول لا مهب لازم .. لين جاء الوقت اللي قلت فيه بيني وبين نفسي خلاص ماعاد منها بد لازم اكتب اعتذاري عن الاستمرار في المشاركة في الشبكة وحللوني وبيحوني وانتم بحل .. سنين كانت حلوه يارابطة برشلونة .. سنفور هلالي 10رونالدينهو10 هلال الزعامه هلالي ابتسامات بلوقرانا ماجيك ديك الجن ماجد وأعضاء جدا كثارين ماتحظرني أسمائهم كانوا يشاركون بالرابطة ولهم اسمهم الثقيل في الموقع ككل .. ولعل سليمان راح يلحقهم لكن الفرق انه راح ينزل اعتذار عن المشاركة بدون الإنسحاب بهدوء .. لمعزتكم عندي .. شفت ان الموضوع صراحة مايستاهل ينزل في العالمية وفضلت طرحه في الرابطة .. كون علاقتي مع الشباب في العالميه ماهي زي أول خصوصا بعد عزوف الكثير والكثير من الشباب عن المشاركة وكثرة الشباب الجدد في المنتدى .. يعني قليلين اللي يعرفوني .. كل الشكر لكم جميعا حبايبنا .. أتمنى ما اكون ثقلت عليكم بهالكلمتين .. مادري هل راح أدخل مره ثانيه ولا لأ .. لكن على الأقل طيحت هم كان ودي من زمان أطيحه تعمدت أنزل هالكلمتين بهالوقت علشان يشوفها اكبر قدر ممكن من الشباب

إقتباس تكفى لاتقطعنى مره وحده على الاقل سير بين فتره وفتره وتبقى من افضل الاعضاء اللي مرو علي ماقصرت ياسليمان وتبقى كبير وزي ماقلت لك اتمنا انك ماتنقطع عنا مره وحده يعني سير بين فتره وفتره ببتسي المعجب بشخصك داائماً عبدالله ...

+1
والله نفس الي بخاطري صراحة

--------------------------------
يكفي انك اول واحد عطان إنذار

سلوم .. ماتجوز عن حركاتك .. ادري عنك مشاهد مسلسل مكسيكي قبل ماتكتب الرد

والله ياسلوم .. عارف راي من زمان .. الدنيا مومستاهله .. واذا فيه احد يعز عليك هنا .. خلك حوله ولو بالقليل

انتبه لحالك ولشغلك وكمل دراستك .. ترى لما كبرت انا اكتشفت انه الدراسه حليوه خخخخ

وتذكر انه فيه هنا ناس تقدرك

===

مبروك ع الفوز الا ماشفت منه الا الشوط الثاني خخخخ ..

بويان ماينقصه الا انه ياخذ دقايق زياده بس

===

بس والله جماهير الكامب نو يحب يتغذو قبل لايتعشى فيهم احد .. قطعوا كاناليس من الحين ههههههههههه .. الولد ماراح الريال للحين .. لا مافيه .. حنشرشحو يعني حنشرشحو

الف الف الف مبرووووووووك الفوووز

صرآآحهــ ابدآآآع اليووم الفريق

وأحلى ما في المباراة اننآ فزنآ بأقل مجهوود

وأسوء ما فيهآآ أصآبة بويول

وان شاء الله نشووفه يوم الثلاثاء اهو وابرآ والباقين

سليمان ..

ما ازيد على كلام اخواني ، اتمنى انك تتواجد بالرابطه بالوقت الي تكون فيه فاضي ..

اخوك صالح ، من اشد المعجبين بشخصيتك ..

يعطيكم العافيه جميعاً

ومبروك الفوز

وان شاء الله الفوز بالبطولة

سلام عليييكم ..

الف مبرووووووووووك الفوز شباب ..

صرراحه فاتني الشوط الاول يالعن ام القهر , احسب المباراة الساعه 10
ياله اهم شي البرسا فااااااااااااااز .. والاهم عودت تيري لتسجيل وايضآ تالق الدوووووون انيستا وماركيز ..

بالتوفيق للبرسا امام ستوتغارت .. وباذن الله نحسم المباراة من مباراة الذهاب ..


# سليمان الله يوفقك يالغالي , انا من الناس المعجبين فيك والحريصين ع قرات ردودك ومتابعتك , فلا تقاطعنا , حاول بقدر المستطاع المرور ولو باقل من رد .. تحياتي

ابيات كتبتها في الفيس بوك تعبر عن حالة من حالات اليأس


مبروك الفوز المستحق