نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][

عبدالله عبدالرحمن · #12810 21/02/2010, 06:26 AM

اما الشايب ناوي يودع ويوزع التركه على الاسره ... ناسي واحد في بريطانيا متنتف كل يوم في بار يفك للزباين عشان يحوش قرشين

ما هقيتها يا عميد الاسره الموقر تسويها وتجرد فينا .... لا لا اتوقع تقويمك مضروب وصار ابريل مكان فبراير وناوي تسبق بالكذبة
من الحين

سليمان من اللي عاش في النت ما حس بتشبع وانا خوك ؟
من اللي ما حس بملل في يوم من الايام من كثر ما يتردد على مكان واحد
طبعا وانت عارف المنتديات اذا ما فيه هدف معين الواحد يكرهها بقوه

يمكن بعد وصولك لمراحل كبيره في الشبكه خلاص صرت تتواجد لمجرد التواجد والتواصل مع من تحب
عزوف الكثيرين عن الشبكه ودخول الشلل الجديده خلاك تحس بغربه نوعا ما
ما صار عندك شي يخليك تتواجد ... شي يخليك تشتاق ... شي يحمس تكتب تعليق او حرفين لان المحفزات غابت

يمكن بداياتي للنت من عام 2003 وخصوصا المنتديات وما عمري قضيت اكثر من سنتين في اي منتدى غير الزعيم
واللي تقريبا الحين 5 سنوات ومع ذلك اقل مشاركات الشبكه ولكن تعلقي بالشبكه خاص بالزعيم
اخر منتدى سجلت فيه قبل اقل من 9 شهور وامس ودعته لعدم وجود المحفز للاستمرار

ما دمت هلالي راح تحتاج لهالمكان ... تترك فيه ناس من بعدك ولكن متى ما حسيت ان فيه شي تقدر تقوله صدقني بتلاقيهم ينتظرونك
بنفس القلوب وبنفس الحماس ولا اعتقد انك تجهل هالشي حتى لو نسيته

كنت جاي اعلق على اجتماع بعد بكره خصوصا انها وصلتني رسالة بهالخصوص ولكن شفت ردك مقتبس وبصراحه ضايقني
ولكن يبقى قرار واجب نحترمه ورغبة لو كانت نابعه من القلب فما فيه شي ممكن يمنعها ابدا

ليت الأماني بحر .. لي تهت .. تغرقني
..................... دام القدر .. ما هو بـ ناوي يحققها

تعبت .. من طول الامل .. والوقت يسرقني
..................... والعمر صفحه .. مصير الوقت يحرقها

أبغتنم ... ما بقــــى ... واللـــه يوفقني
..................... ولا الاماني .. عسى الله لا يوفقها

طاوعت .. قلب الهواوي .. لين وهقــــــني
..................... والحظ منّا عيوني .. ثـم وهقها

كتمت ما صار .. بس الشعر ... نطقني
..................... ولا همومي .. عجز صبري ينطقها

واليوم .. شوف القهر .. والدمع خانقني
..................... شبّك يدينه .. على اوداجي وطوّقها

والهم توي .. على دربي .. يســابقني
..................... لا من لمح ضحكةٍ عن دربي يفهقها

صبرت بس الصبر ... طـــوله بـ يرهقني
..................... والحال .. قبله زماني حيل مرهقها

ابيات كتبتها في الفيس بوك تعبر عن حالة من حالات اليأس

مبروك الفوز المستحق