:: اسأل والمجلس {الرمضآني} يجيب :: - نادي الهلال السعودي - شبكة الزعيم

إشراف المجلس العام · #1 22/08/2009, 05:32 AM

( اسأل .. والمجلس يجيب )

فكرة - أسيرة الزعيم

إعداد - الكلاسيكي

أحبتنا الكرام .. أعضاء المجلس العام

يحرص المجلس على الاستجابة قدر المستطاع لما يطلبه ويحتاجه كل من قصده راغباً في السؤال عن أمرٍ ما ..

ولتنظيم عملية المساعدة و استحداث وجهة محددة يقصدها السائل مباشرة ،،

تم تخصيص موضوع ( اسأل .. والمجلس يجيب )

:: فكرة الموضوع ::

طرح الأسئلة والاستفسارات التي يعتقد العضو أنه سيجد الإجابة عليها لدى الأخوة والأخوات هنا في المجلس .

كـ الإستفسار عن التعليم ، الجامعات ، المدارس ، الانشطة الثقافية ، المطاعم ، الاجنحة الفندقية والشقق .. وغيرها من المعلومات التي يحتاج أحدنا فيها العون و الإرشاد من الآخرين ..

و ترسيخاً لمعاني الأخوة بين أركان المجلس .. اُستحدثت فكرة هذا الموضوع .

فأعضاء المجلس كما هم دوماً لا يتوانون في تقديم ما لديهم من باب المساعدة و ( الفزعة )

ونحذر من الأحاديث الجانبية التي تفقد الموضوع متابعته ومتعته وأهميته .

ملاحظة :

الرجاء كتابة السؤال باللون الأحمر .. لينتبه له الأعضاء

القيصر رهيب · #2 22/08/2009, 05:36 AM

لو سمحتوا مساجد أصوات أئمتها حلوه في الخبر والظهران

نبي مسجد عليه الكلام

أهم شي صوت الامام و البراااااد

ولكم الاجر

نـــــــ15ــــــمر · #3 22/08/2009, 05:36 AM

اين توجد اماكن مناسبه للفطور مع العائله على تكون اماكن ممتازه

تشــــــــــاو

K I N G . M I L A N · #4 22/08/2009, 06:07 AM

~

~

الله يجزاكم خيـر

عندي إستفسار بسيط !؟

هل الشيخ والقارئ [ ناصر القطامي

] بيصلي في رمضان هذا !؟ ام أنه بيصلي بالكويت لأني سمعت أخوي يقولي أنه بيصلي بالكويت هالسنه

وناس تقولي أنه بيصلي في مسجد في مدينة الملك فهد الطبيه

!! ما ندري وش العلم الصدز

تكفووون نبي خبر عنه ضروووري

والله لو أنه وينه بصلي عنده بس عساه بالرياض يا رب

يا ناس هالإنسان وربي عليه صوت اقسم بالله يجعلك تخشع بإذن واحد أحد

صوته رااائع ما شاء الله تبارك الله

الله لا يضره بس

وحسبي الله على من كان السبب في إبعاده

!!

موقع راح يفيدكم في رمضان كثييير

أنشروه لعلى وعسى ربي يكتب لي ولكم الأجر وينفع به إن شاء الله

www.tvquran.com

يعطيكم العافيه

// حبــي وتقديــري //

أبوخـــلـــودي · #5 22/08/2009, 07:02 AM

يعطيكم العافيه على هالفكره الرائعه التى تربط الاعضاء مع بعضهم

عندي سؤال بخصوص الرجيم او انقاص الوزن فلقد كثرت المواقع والوصفات التي تتحدث عن الموضوع واريد الافضل والمجرب

س/ ماأفضل برنامج رجيم لانقاص الوزن خلال شهر رمضان المبارك ؟

وكل عام وجميع الاحبه بخير

هلالـ9ـي · #6 22/08/2009, 07:27 AM

سوف تنزل هذي التلآوة في بدآية كل صفحة وتشتغل لحآلها ..
ويآليت أحد إذا رد في بدآية أي صفحة يضعهآ ..

عـز الهلال · #7 22/08/2009, 09:50 AM

إقتباس

الرسالة الأصلية كتبت بواسطة K I N G . M I L A N


	~ ~ الله يجزاكم خيـر عندي إستفسار بسيط !؟ هل الشيخ والقارئ [ ناصر القطامي ] بيصلي في رمضان هذا !؟ // حبــي وتقديــري //

اهليين عبدالرحمن ..

والله للـ أسف حسب مآقريت انه بيصلي في الكويت و الإمآرات

يعني مآفيه قطآمي للـ سنه هآذي بعد

..

إقتباس


	وحسبي الله على من كان السبب في إبعاده !!

على كثر الي تحسبوا ودعوا عليه ,, أحس انه بيحلف انه يرجع لاقطآمي
اليوم قبل بكره

.

شوق الكويت · #8 22/08/2009, 10:01 AM

إقتباس

الرسالة الأصلية كتبت بواسطة أبوخـــلـــودي


	يعطيكم العافيه على هالفكره الرائعه التى تربط الاعضاء مع بعضهم عندي سؤال بخصوص الرجيم او انقاص الوزن فلقد كثرت المواقع والوصفات التي تتحدث عن الموضوع واريد الافضل والمجرب س/ ماأفضل برنامج رجيم لانقاص الوزن خلال شهر رمضان المبارك ؟ وكل عام وجميع الاحبه بخير

اخوي ابو خلودي ..

انا اتبع طريقه رجيم برمضان وهي مفيده وناجحه والله بس انها متعبه اشوي

الفطوور 3 تمرات وشوربه وبعدها بساعتين يعني بعد التراويح اكل وجبه عاديه ولكن بمقدار قليل( نصف كميتك المعتاده ) وحاول تكثر الشاي والقهوه لانهم يسدون النفس عن الاكل والسحوور روب او سلطه ..

(( طبعا لاتنسى الرياضه خاصه المشي اهم شي للضعف ))

ع ـشقهــا هـلالـي · #9 22/08/2009, 10:44 AM

إقتباس

الرسالة الأصلية كتبت بواسطة أبوخـــلـــودي


	يعطيكم العافيه على هالفكره الرائعه التى تربط الاعضاء مع بعضهم عندي سؤال بخصوص الرجيم او انقاص الوزن فلقد كثرت المواقع والوصفات التي تتحدث عن الموضوع واريد الافضل والمجرب س/ ماأفضل برنامج رجيم لانقاص الوزن خلال شهر رمضان المبارك ؟ وكل عام وجميع الاحبه بخير

آهليـن آخوي بصرآحـه مآعمري جربت رجيم
لكن بنت عمو دوبه وسوت رجيم برمضآن صارت عصقل
اول شي بالفطور ياطويل العمر 7 تمرآت مع مويه
عاد اذا خلصت تكون فيه شوربه خاصه بالرجيم
بتلقى طريقتها بالنت وتكون خاليه من الدهن طبعا
لازم تكثر من شرب عصير الليمون بدون سكر لانه نافع
برمضان والله الله بالمشي .. السحور عليك بالسلطه والتفاح
وبعد اسبوعين بتشوف الفرق اهم شي المشي والحركه
لازم ساعه وانت تمشي واذا جلست عند التلفزيون حرك يدك
يمين يسار ..
وبس

..

الغدير الازرق · #10 22/08/2009, 12:53 PM

إقتباس

الرسالة الأصلية كتبت بواسطة أبوخـــلـــودي


	يعطيكم العافيه على هالفكره الرائعه التى تربط الاعضاء مع بعضهم عندي سؤال بخصوص الرجيم او انقاص الوزن فلقد كثرت المواقع والوصفات التي تتحدث عن الموضوع واريد الافضل والمجرب س/ ماأفضل برنامج رجيم لانقاص الوزن خلال شهر رمضان المبارك ؟ وكل عام وجميع الاحبه بخير

في البداية كل عام والجميع بخير ومبارك عليكم الشهر

بالنسبه للرجيم فيه طريقة اخوي يسويها وماشية معه زي اللوز

ونقض من وزنه .. الطريقة سلمك الله كل لقمة تاكلها لحقها بجغمة موية

أي لقمة تبلعها اشرب بعدها موية وعلى هالحال

لأن الموية يساعد إنك تشبع بدون ماتملي بطنك من الأكل

وبعد فترة راح تشووف الفرق ،،

..

سؤالي / أنا انساان ظهري يعورني من فترة طويييلة وهاليومين اللي راحت

زااد الألم بشكل فظييع .. ابي عيادة أو مركز يكون فيه علاج طبيعي للظهر

أو مرهم للظهر ؟؟

ريكيلمي · #11 22/08/2009, 01:18 PM

إقتباس


	.. سؤالي / أنا انساان ظهري يعورني من فترة طويييلة وهاليومين اللي راحت زااد الألم بشكل فظييع .. ابي عيادة أو مركز يكون فيه علاج طبيعي للظهر أو مرهم للظهر ؟؟

أخبر لك واحد ممتاز بس بادور رقمه و اجيبه لك بحول الله اليوم

يا جماعة وين يصلي الشيخ ابراهيم العسيري الآن ؟

hilalemooot · #12 22/08/2009, 01:25 PM

السلام عليكم

يعطيكم العافية .. وشهر مبارك عليكم جميعاً

الغدير الازرق .. دام الالم قديم و زاد عليك معناته ممكن يكون فيه تطورات بالموضوع لا سمح الله .. افضل شي تشوفلك دكتور ولا تتأخر .. عموما بالنسبة للعلاجات مالك الا المسكنات (آيبوبروفين) أو (اسيتامينوفين) .. بس انصحك تراجع طبيب .. ما تشوف شر

بالنسبة للي يسال عن ريجيم برمضان .. الفطور 3 تمرات + كوب ماء + شوربة خضار + 2 سبموسة مشوية بالفرن + سلطة + كوب عصير طبيعي .. مهوب فيمتو

بعد التراويح صحن سلطة .. السحور خمس ملاعق رز مسلوق او مكرونة .. مع صدر دجاج مشوي بدون جلد او قطعة لحم صغيرة بحجم كف اليد مسلوقة .. واذا ودك صحن سلطة يكون احسن

ريجيم مجرب .. ينزل من 10 إلى 12 كيلو بالشهر مع نادي صحي طبعاً .. بدون نادي من 4 إلى 7 كيلو .. حسب حركتك .

إقتباس


	الطريقة سلمك الله كل لقمة تاكلها لحقها بجغمة موية أي لقمة تبلعها اشرب بعدها موية وعلى هالحال

ملاحظة بس .. الشرب مع الأكل احد اهم الاسباب اللي تكبر الكرشة

.. يفضل الشخص يشرب قبل الآكل .. بالذات الماء .. فعلاً الافضل تشرب موية قبل تأكل علشان تشبع بسرعة

عموما اي سؤال عن الريجيم و الرياضة انا حاضر

عطشت

.. بالتوفيق

Blue Sun · #13 22/08/2009, 01:36 PM

إقتباس

الرسالة الأصلية كتبت بواسطة القيصر رهيب


	لو سمحتوا مساجد أصوات أئمتها حلوه في الخبر والظهران نبي مسجد عليه الكلام أهم شي صوت الامام و البراااااد ولكم الاجر

هلا والله علاوي ..

بالنسبة للخبر والظهران ما ادري ..
بس اللي اعرفه ان مسجد كانو بالدمام امامه الشيخ سعد الغامدي ..

والشيخ سعد الغامدي غني عن التعريف ..

وما يمنع انك تطق مشوار لصوت يستاهل ..

إقتباس

الرسالة الأصلية كتبت بواسطة الغدير الازرق


	في البداية كل عام والجميع بخير ومبارك عليكم الشهر بالنسبه للرجيم فيه طريقة اخوي يسويها وماشية معه زي اللوز ونقض من وزنه .. الطريقة سلمك الله كل لقمة تاكلها لحقها بجغمة موية أي لقمة تبلعها اشرب بعدها موية وعلى هالحال لأن الموية يساعد إنك تشبع بدون ماتملي بطنك من الأكل وبعد فترة راح تشووف الفرق ،، .. سؤالي / أنا انساان ظهري يعورني من فترة طويييلة وهاليومين اللي راحت زااد الألم بشكل فظييع .. ابي عيادة أو مركز يكون فيه علاج طبيعي للظهر أو مرهم للظهر ؟؟

هلا وغلا طلال ..

الله يشافيك وما تشوف شر ..

بالنسبة للالم اللي بظهرك فاذا لقيت له علاج تكفى لا تنسانا ..

ان رفعت غرض ثقيل قبل تقريبا 3 سنين وما سمعت الا طقطقة ظهري ..

ومن يومها الى اليوم وهو كل شهر يشب علي اسبوع ..

ما خليت مستشفى ولا مركز الا رحت له وما خليت اشعة الا سويتها ..

وكلهم يقولون ما فيك الا العافية طس لاهلك بس ..

وليد القحطاني · #14 22/08/2009, 01:38 PM

السلام عليكم

اذا جيت افتح مقطع في اليوتيوب مايفتح ؟
ليييييييييش ؟

ريكيلمي · #15 22/08/2009, 01:46 PM

إقتباس


	هلا والله علاوي .. بالنسبة للخبر والظهران ما ادري .. بس اللي اعرفه ان مسجد كانو بالدمام امامه الشيخ سعد الغامدي .. والشيخ سعد الغامدي غني عن التعريف .. وما يمنع انك تطق مشوار لصوت يستاهل ..

فهد .. الشيخ سعد الغامدي في المسجد النبوي الآن .. لا تنكب الرجال ض1