:: اسـأل والمجلس يُـجيب :: - نادي الهلال السعودي - شبكة الزعيم

إشراف المجلس العام · #1 05/10/2008, 06:51 AM

فكرة - أسيرة الزعيم
إعداد - سهل

أحبتنا الكرام .. أعضاء المجلس العام

يحرص المجلس على الاستجابة قدر المستطاع لما يطلبه ويحتاجه كل من قصده راغباً في السؤال عن أمرٍ ما ..
ولتنظيم عملية المساعدة و استحداث وجهة محددة يقصدها السائل مباشرة ،،
تم تخصيص موضوع ( اسأل .. والمجلس يجيب )

:: فكرة الموضوع ::

طرح الأسئلة والاستفسارات التي يعتقد العضو أنه سيجد الإجابة عليها لدى الأخوة والأخوات هنا في المجلس .
كـ الإستفسار عن التعليم ، الجامعات ، المدارس ، الانشطة الثقافية ، المطاعم ، الاجنحة الفندقية والشقق ..
وغيرها من المعلومات التي يحتاج أحدنا فيها العون و الإرشاد من الآخرين ..

و ترسيخاً لمعاني الأخوة بين أركان المجلس .. اُستحدثت فكرة هذا الموضوع .
فأعضاء المجلس كما هم دوماً لا يتوانون في تقديم ما لديهم من باب المساعدة و ( الفزعة )

ونحذر من الأحاديث الجانبية التي تفقد الموضوع متابعته ومتعته وأهميته .

:: إسأل والمجلس يجيب ::
:: إسأل والمجلس يجيب ((2))
:: اسـأل والمجلس يجيب (3)
:: اسـأل والمجلس يُـجيب ( 4 ) ::

::اسال والجلس يجيب (5)

ملاحظة :
الرجاء كتابة السؤال باللون الأحمر .. لينتبه له الأعضاء .

الـسـلـطـان · #2 05/10/2008, 07:01 AM

أول شيء

مبروك فتح الموضوع من جديد

والله إنا نبيه من مبطي لكن مدري وين ذلف

سؤالي هو

اللي متأكد يجاوب واللي مو متأكد لو سمحتوا لا

س / انا واحد أمس قال لي إن " المعدل التراكمي " للثانوي ألغوه

أو إنهم عدلوا فيه شوي

ياريت اللي داري أي شيء عنه يقوله لنا

ودمتم

حتى ظلالي هلالي · #3 05/10/2008, 07:08 AM

مبروك الافتتاح

قهر ماجيت قبل السلطان عشان اقص الشريط

السلطان

انا تبع الي لا

بس ودي ارد

لو ماقلت كذا كان مارديت عليكـ بس الدعوهـ عناد

انا ما سمعت عن هالشيء

ولا جابوا طاري انهم ينوون يسوون فيهـ شيء

لكن اذا فيهـ (إن) بالموضوع
فبيخلوننا معلقين زي ماسووها العام

شوي يقولون الاسئلة النهائية تبادل بين المدارس

وشوي يقولون انها بتكون من مراكز المناطق

ومن ذا الكلام إلى قبل الاختبارات بشوي

الله يعيننا عليهم

ويصبرنا

ويوفقنا جميعاً

Mr.Scrub · #4 05/10/2008, 07:19 AM

مبــروكـ أفتتح الموضوع ... ~ {

}

ســؤال من زمان ودي أسئله لأي واحد بس متعيجز ... ~ {

}

س / أنـا عندي بطاقة موبــايلي { شريحه } , ولسى جديده ما فكيتها , ولي فتره مـن يوم ما شريتها , والحين أبي أعرف كم الرصيد اللي فيها بدون ما أفتحها .. كيف ؟؟

حتى ظلالي هلالي · #5 05/10/2008, 07:28 AM

^^^
بطاقهـ وشو ..!!
شحن رصيد وإلا شريحهـ ..؟!

Mr.Scrub · #6 05/10/2008, 07:33 AM

إقتباس

الرسالة الأصلية كتبت بواسطة حتى ظلالي هلالي


	^^^ بطاقهـ وشو ..!! شحن رصيد وإلا شريحهـ ..؟!

شريحــه ... ~

حرف واحـد عنــاد .. ~

للخمسين حرف .. ؟

الغرناطي · #7 05/10/2008, 07:40 AM

:
:

واااااو , فتـح ذا الموضوع

أخيـــراااا .. !

مشكورين يا مجلــس الأمـه

, و أن شاء الله نجاوب ع كـل الأسئلة

.,

:
:

ربطـه و شبـاصه · #8 05/10/2008, 08:02 AM

السلام عليكم ورده
صباحكمـ جوري وكادي وفل وياسمين

ان شاء الله نحاول قدر المستطاع نسـاعد ورده
<--= ساعدي نفسك أول

عندي مشكله اللي هي في الصورة :

كل ماسويت سكان للجهاز طلعت لي !
ماأدري وش سالفتها ؟

حتى ظلالي هلالي · #9 05/10/2008, 08:14 AM

إقتباس

الرسالة الأصلية كتبت بواسطة هتلــ الزعيم ــر


	شريحــه ... ~

الشريحهـ اذا كانت جديدهـ وهي اصلا شريحة مسبقة الدفع مو فواتير

فيكون فيها رصيد 100

الكلاسيكي · #10 05/10/2008, 08:24 AM

إقتباس

الرسالة الأصلية كتبت بواسطة هتلــ الزعيم ــر


	مبــروكـ أفتتح الموضوع ... ~ { } س / أنـا عندي بطاقة موبــايلي { شريحه } , ولسى جديده ما فكيتها , ولي فتره مـن يوم ما شريتها , والحين أبي أعرف كم الرصيد اللي فيها بدون ما أفتحها .. كيف ؟؟

لمعرفة الرصد , #1411*

اتذكر انها كذا كان ماغيروها

دمت بخير

Mr.Scrub · #11 05/10/2008, 08:30 AM

إقتباس

الرسالة الأصلية كتبت بواسطة حتى ظلالي هلالي


	الشريحهـ اذا كانت جديدهـ وهي اصلا شريحة مسبقة الدفع مو فواتير فيكون فيها رصيد 100

ماعليش أختي حتى ظلالي هلالي ... ~

أنا أبي أتاكـد

كيــف .. وانا شاريها من محل مو فرع من الشركة ....؟

إقتباس


	لمعرفة الرصد , #1411* اتذكر انها كذا كان ماغيروها دمت بخير

قل قسم .. ~

انا شاريها ومافتحتها , يعني لسى الشريحه ما انكسرت من الكرت حقها ..~ {

}

وجــدان · #12 05/10/2008, 08:30 AM

..

إقتباس


	س / انا واحد أمس قال لي إن " المعدل التراكمي " للثانوي ألغوه أو إنهم عدلوا فيه شوي

لا لا مااتوقع حلى هو كل شوي مغيرين

وحتى تعديل مااظن عدلوه .. هي وزارة التربيه فاضيه ولا وش سالفتها

العام طلعو ارواحنا بقراراتهم اللي مدري وش تبي .. وشكل السنه هذي بيحطون حرتهم فيكم

الله يصلحهم خل يشوفون شيء ثاني يطقطقون عليه

..

حتى ظلالي هلالي · #13 05/10/2008, 08:44 AM

إقتباس

الرسالة الأصلية كتبت بواسطة هتلــ الزعيم ــر


	ماعليش أختي حتى ظلالي هلالي ... ~ أنا أبي أتاكـد كيــف .. وانا شاريها من محل مو فرع من الشركة ....؟

اوكي حتى لو من محل

الي انا اعرفهـ ان موبايلي مافيها شرايح بدون اسم زي سوا

واذا طلعتها من محل أو من الشركهـ كلها واحد
لان المحل يعبي بياناتكـ ويسجلها ويرسلها للشركهـ

يعني مايفرق الرصيد اذا من محل أو الشركهـ

هذا الي اعرفهـ انا

Canada's gallant · #14 05/10/2008, 08:54 AM

إقتباس

الرسالة الأصلية كتبت بواسطة ربطـه و شبـاصه


	السلام عليكم ورده صباحكمـ جوري وكادي وفل وياسمين ان شاء الله نحاول قدر المستطاع نسـاعد ورده <--= ساعدي نفسك أول عندي مشكله اللي هي في الصورة : كل ماسويت سكان للجهاز طلعت لي ! ماأدري وش سالفتها ؟

أظن جهازك فيه فايروس ضعيف

جربي FIX و شفي

Mr.Scrub · #15 05/10/2008, 08:56 AM

إقتباس

الرسالة الأصلية كتبت بواسطة حتى ظلالي هلالي


	اوكي حتى لو من محل الي انا اعرفهـ ان موبايلي مافيها شرايح بدون اسم زي سوا واذا طلعتها من محل أو من الشركهـ كلها واحد لان المحل يعبي بياناتكـ ويسجلها ويرسلها للشركهـ يعني مايفرق الرصيد اذا من محل أو الشركهـ هذا الي اعرفهـ انا

هذا اللي يسجل البيانات شركة زين , اما موبـايلي إذا شريتيه مـن محل ما يسجل بيانـات , هم الشركة نفسهم يرسلون لك طلب تفعيل إذا لاحظوا كثرة إستخدام الرقم , ويعطون لك فترة محدده لتسجيل البيانات بأي فرع

إلى الآن ما أحد جاوب الجواب الكافي