إقتباس الرسالة الأصلية كتبت بواسطة الكلاسيكي اهلاً وسهلاً بك اخي بيرت بلس ,, استمتعت كثيراً بالتجول حول اسطرك , كما استمتع عندما اتجول في شوارع الرياض الواسعه النظيفه , التي تخلوا تماماً من الحفريات ومع هذا تبقى الرياض هي الاجمل بين مدن المملكه ,, فكما قلت جمالها باسواقها ثم اسواقهااسواقها ثم شوارع المشاة وفي روايه كانت تسمى شارع الحوامل وكل من بها شباب صيّع حقيقة لولا الاستراحات التي تجمعنا لامتلأت الارصفه والشوارع .. ومع هذا تبقى الرياض الاجمل .. بيرت بلس , في الرياض سق بمهلك , وروق المنقى كما قال مشرفنا سهل .. قريباً سترى كورنيش الثمامه , والقريه المائيه وبقية الابراج تقبل احترامي وتقديري .. دمت بخير

يا مرحبا ويا اهلا باخي العزيز الكلاسيكي
شرفني تعليقك الجميل وامتعني كثيرا كما اضحكني تسميتك لشوارع المشاة بشوارع الحوامل تيمنا مع اول شارع مشاة في الرياض
والله اني احب الرياض واسوق بمهل ومروق المنقى والتفاح والموز بس ياخي عندنا في الرياض سائقي سيارات من النادر ان تجدهم في اي كوكب من كواكب درب التبانة
لك كل الحب والتقدير واشكرك على تشريفي بالمرور ولك تحياتي ,,

إقتباس الرسالة الأصلية كتبت بواسطة filippo inzaghi ههههههههههههههههه حراااااام عليكـ... حطمتنــي.. وبقــوة بعــد.. أول ماقريت العــنوان قلت يالبى قلـبـة بس..هاذا الي فاهمنــي.. وبالأخيــر عطـبتهـا... بس ع فكــرة كلامكـ جداٌ رائع وخصوص نهايتــة... لا متنفس للشباب.. لا شاليهات للشباب.. لا أماكن للشباب.. حتى الثمامة في عز الشتاء يحطون تفتيش.. عشان ماتستانس.. يعني اذا صليت العـشـاء ما أدري وين أروح أستراحة ومليت... ولو أدور بالشوارع زحمة اضافة ع ذلكـ تفتيـش=مخالفـة بدون سبب مقنع واذا تبون تنقهــرون زيــادة ...الي يعـرف قرية الثمـامة الي ع طريق الثمامة نفس ..يشوف وش مكتوب ع البوابة الرئيسية فووق.... وقسم كل ما شطفت من هناكـ احس بقهــر مو طبيعي.. لكن تبقى الرياض.. ولا تدري خلها مستورة بس.. دمــت بــ وـوـوـود

حياك الله اخي الكريم
والله اني لم اقصد ان احطمك
هل هذا هو الواقع ام اني تجنيت ؟
اشكرك على مرورك ولك تحياتي ,,

إقتباس الرسالة الأصلية كتبت بواسطة عاشق المستحيل قال الرياض جميله قال اي جميلة وهالزحمة والسيارات ولا العماله الي عندكم غلاء بالاجارات ونهب ونصب من العمالة تجيب كهربائي ولاسباك ينصب ويحتال ويعرض عليك اكبر الاسعار بالرياض الاجنبي صار هو ولد هالبلد اجل لي مده ادور كهربائي يقول انا مسقول ولا الليموزينات بتروح مشوار 5 دقايق يعرض عليك سعر مايستاهل شبعوا من هالزحمه والناس هنا تدفع وبس غلاء فاحش في كل شي وحلوه منك يوجد بها الاسواق والاسواق وو يعني بتطلع الله يعينك تكبر المحفظه لتصرف الراتب خلال اسبوع وبالكثير اسبوعين لا ابشرك تطورت حديقة الحيوان بس حيواناتهم مسطله وكله نايمه مادري البلاء فيها ولا في التغذيه والجو الزين السكورتيه لاتلومهم من الي يصير صياعة بالمجمعات وفتن يعني سابقا الواحد لاجا يرقم يرقم وهو مسرع ويرمي الرقم ويحط رجوله خوف احد يتوطى بطنه اما الحين يضحك لها وتكلمه ويكلمها قدام كل الناس دون خوف او حياء الحقيقه انا انتقلت لهذه المدينه وفرحة بالوظيفه لكن انصدمت بالواقع من ناحية الاجار او مشاكل هالمدينه احس بغصه وحنين لربوع الشرقيه ولازلت اعاني هل من مساعد واسف على الاطاله

حياك الله اخي الحبيب عاشق المستحيل
ما ذكرته في موضوعي لا اقصد ولا اخص به مدينة الرياض فقط فما يحدث في الرياض يحدث في كل مدينة بالمملكة.
لك تحياتي وتقديري وشكري على مرورك .

يالبى الرياض ويالبى قلبها ويالبى اهلها ...!!

مما سبيت ومهما قلت اذا طلعت برا تعرف انك في نعمة ...!!!!

مشكور على الموضوع الجميل تقبل مرورري ودمت بود

اي والله انك صااااااااااااااااااااااااااااادق
الرياض وماأدراك ما الرياض
بلد الطفش والنكد والممنوع
بلد فيها الشباب منبوذين
لامكان زي الناس تروح له والا أي نوع من أنواع الترفيه والوناسه
والشباب بالرياض مثل الدجاج (بيتك بيتك)
وان طلعت لمكان يطلعون لك حركة ممنوع
كل شي ممنوع X ممنوع
والأسواق ممنوع والحدايق ممنوع
والقهاوي الى الساعه 2 الليل وتقفل
لا وحاطينها خارج البلد ياساااااااااااااااااااااااتر
تروح وانت كاره نفسك من أم المشوار
وان رجعت التعميره اللي براسك راحت من طول الخط
صدق الرياض مدينة حريم
ومالقاها الا هالعوايل
أما الشباب خلك بالبحرين والا مصر الين تتزوج وبعدين تعال انت والمدام وادخل اللي تبي
وصار الرجال يدور له على محرم عشان تدخله الأسواق والأماكن الممنوعه