|
الرياض مدينتي الجميلة......... هذه رسالة بسيطة وصلتني من اخ عزيز علي واعدت صياغتها يحكي فيها معاناته التي عاشها احد الأيام ونحن بالمناسبة نعيشها اونعيش بعض جوانبها يوميا. اشير في هذا الصدد الى اني من عشاق الرياض بالرغم من كل شيئ . أترككم مع الرسالة ....... بدأت الإجازة وقررت أن اقضيها في مدينتي, مدينة الرياض الجميلة مدينتي التي أحبها وأهواها واعشق شوارعها وأحياءها, ما أروعها من مدينة. صحيح انه لا يوجد مواصلات عامة ! ولا يوجد في أكثر أحياءها شبكة صرف صحي ! ولا يوجد فيها شبكة غاز! شوارعها دائما مزدحمة ! ولا يوجد فيها أي اثر أو ريحة نظام مروري ونظرية المرور فيها هي البقاء للأقوى ! ........ الخ ولكن برضه جميلة. أنا أتعجب من الذين ما إن تبدأ الإجازة حتى يشدو الرحال للخارج ويتركوا وراءهم هذه الأسواق الرائعة والأسواق الرائعة والأسواق الرائعة....!!!! لا يوجد ألا أسواق ؟؟ معقولة ؟؟ يوجد حديقة الحيوانات ! ولكن حديقة الحيوانات إما للرجال فلا تدخل نساءهم معهم أو للنساء فلا يدخل رجالهم!! حديقة الحيوان تلك لا يوجد بها إلا قردين وحمار!! وقد كنت أشاهد في السابق قطاً واستغرب من وضعه في قفص ولما سألت عنه قالوا لي مات ولم يكن قطاً فقد كان أسد!!! ولكن سوء التغذية جعله هكذا فقد كان يعطى موزاً!!! لأنهم احضروه بفيزة قرد !! ما علينا نعود لموضوعنا . انطلقنا للسوق والمزاج عشرة على عشرة أقود سيارتي برشاقة ومهارة يحسدني عليها الكثيرون ! فجأة ظهرت شاحنة ضخمة لا ادري من أين أتت كأنها خرجت من باطن الأرض ولأتفادى الاصطدام بها دعست (وهي كلمة عربية فصحى بالمناسبة) دعست على الفرامل بقوة حتى ظننت أن رجلي وصلت لصدام السيارة الأمامي مخترقة المكينة من شدة ضغطي للفرامل!! الحمد لله توقفت السيارة واختفت الشاحنة كما ظهرت ! ولكن أين الأولاد؟؟ اوه ..... ما جاء بكم في حضني ؟؟ لا نعلم يا أبي !! تعكر المزاج وتعرفطت (لا اظنها عربية) الثياب وضاعت الغترة. أخيرا وصلنا ..... نزلنا من السيارة وتوجهنا للسوق فأوقفنا رجل الأمن في المدخل وقال لا يدخل هذا الولد يقصد ابني !! لماذا ؟؟ لأنه يلبس بنطال للركبة وهذا ممنوع !! ما الحل ؟؟ هل نعود للمنزل؟ لا حول ولا قوة إلا بالله !! ولكن استطعت بعد تفكير إبداعي أن احل هذا الإشكال ودخل ابني( لا استطيع الإعلان عن الفكرة إلا بعد اعتمادها كبراءة اختراع من مدينة الملك عبد العزيز ويأخذ منهم هذا الإجراء عادة 40 سنة) . بعد أن لفينا شوي في السوق جاع الأولاد قلت لامهم سآخذهم لصالة الطعام ووافينا هناك . طلبنا الأكل وأنا انتظر أمام المطعم ليجهز طعامنا جاء رجل امن (يا الله) وقال لي يا أخ ممنوع الوقوف هنا!!!! أين أقف اذن ؟؟ لا ادري ولكن ممنوع وخلاص !! أخذت الطعام وجلست على طاولة الطعام مع أولادي أخيرا وما أن بدأنا نأكل حتى جاء رجل امن(يا كثرهم) وقال ممنوع !! قلت ممنوع ماذا هذه المره؟ ان نأكل ؟ قال لا ... ممنوع الجلوس هنا !! هذا مكان عائلات!! ونحن ماذا؟؟ عزاب؟ نحن عائلة !! قال: عائلة بدون امرأة ؟ ما تستحي تكذب وأنت بهذا السن؟ عدت الى البيت معكر المزاج جوعان بدون غترة ولا .... وإلا بلاش. ضاق صدري هل اقضي إجازتي هكذا؟ يا زين الدوام على الأقل الواحد ينشغل ولا يطلع من بيته !!! فجاءه جاء الفرج من احد أبنائي .....أبوي ليه ما نروح للبحرين؟ ما فيه احد يطردنا ولا يسألنا وين رايحين وين جايين !! وبعدين يا بابا(وين جت منه يا بابا ) ما في سيكيورتي زي هنا في كل مكان. قلت : توكلنا على الله وخل الرياض في كبد أهلها .... |
... ألف شكر لك أخوي على الموضوع..!! ومو بس عندكم في الرياض حتى عندنا هنا في جدة..!! زحمة..حر..قرف...!! لكن الحمدلله في مولات وأشياء كثيرة وأهم شيء البحر :d الله يعينكم..!! تحياتي..!! .... |
الرياض .. تفتقد الكثير من الماكن الترفيهيه والخدميه لكن .. هل مدن المملكه بها سكان كـ سكان الرياض :smilie47: اعتقد ان لو اخرجوا اهلها الى الربع الخالي لـ كان مزار لكل سكان المملكه :smilie47::d شكراً برت بلس |
يا تسبدييييييييييييييييييييييييييييييييييه ....:sweat: يا لبى الرياض و غثاها و مرورها التوحفه :surprised: و شرطتها الي ما تتلك لقسم السليمانية اشتباه مرة ف الاسبوع ابد ... :d يا رجال ما يعرف قدرها الا الي مبعدن عنها .... :smilie47: ذكرتني بها يا ربيييييييه و الله اني اشتقت للدائري .... :scooter: تقبل مروري |
يااصااحب المووضووع انـا اتحدااك ترووح لأي مكاان بالعالم وتقعد اسبوووع ولا تشتااق للريااض انا طفشت بالريااض مافيها شي لاكن تبي تشتااق لها |
أهلين برت بلس ورده <<< والله ما أحط قلب وأنت ساحب على ردي بالترحيب ( فيس دلوع يلفلف بوجهه يمين ويسار ) غريبة .. ولأول مرة يسجلها التاريخ .. شايب يكتب بالمنتدى بلون غير الأسود ... لا ما شاء الله الوضع يبشر بالخير .. فيه تطور :D بالنسبة للرياض وما أدراك ما الرياض ؟ اسم مدينة على غير مسمى :D يا هي غثيثة هالرياض .. أتوقع هاللي يدافع عنها - والعلم عند الله - يدافع عنها فقط مكابرة .. والا وش فيها زود هي وعجها وزحمتها وقلقها؟ :D لا ونظامها مدري وشلون جاي ؟ شفت بنفسك يا صاحب البيرت بلس وشلون عاملوك أنت وعيالك :( على طاري السكيوريتية .. أذكر قبل كم أسبوع رحت برج المملكة أنا وواحد في يوم الثلاثاء .. وكنا نتوقعهم يدخلونا بما أنه وسط الأسبوع .. واذا السيكيوريتي يقول : ممنوع عوايل بس .. قلنا يا ابن الحلال والله لا مغازلين ولا هم يحزنون خلنا نطلع نشوف البرج وجسر المشاهدة .. قال : لكم غرض معين؟ قلنا : ايه نبي نتعشى :D <<< حسيت أني على هالتصريفة إما دلخ وإما برييييء ما أعرف أكذب s9s المهم رفض وما حبينا يطول النقاش واحد يجي ويشوفنا نطلب هالشين ..!! رحنا ولفينا من عند الفندق ولا لقينا سيكرتي ودخلنا للبرج s45s ويوم حنا طالعين مرينا من جنب هالسكرتي ولأني اذا حقدت حقدت حقد بعير :D والله مريت من جنبه وسلمت ورد السلام , وأنا أمشي أقول له ترى حنا اللي قبل شوي عييت تدخلنا بالطيب ودخلنا من عند الفندق من هناك .. ثاني مرة يا أخي حطوا سيكرتي هناك عشان ما يدخلون الشباب ويخربون على العوايل :D .. وانا اتكلم كان صاحبي يضحك بصوت عالي عشان يغيض هالسكرتي أبو ممنوع :D على فكرة .. هالسكرتي عملاق وكان توطى ببطوننا :D بس لأني ذيب والذئاب قليلو كنت أكلمه وأنا أمشي وأناظر له ورا عشان اذا انطلق يمديني أحط رجلي وأستخدم خبرتي في الوثب الطويل :D بيرت بلس .. لا ترد على ردي ( نفس الفيس الدلوع ) :D |
خلني أقول لمن كان سبباً في تواجدك معنا " جعلك في الجنة " أما أنت فلي عودة ربما بصورة أخرى بما أنك تعرضت لحبيبتي ( الرياض ) . |
والله ابرك لك بالرياض مافي مكان للتمشية الا الاسواق بالنسبة للعوائل اما الشباب فالاستراحات قايمة بالواجب . وبالنسبة للمرور اتوقع الي مخطط الرياض ناسي شي اسمه سيارات ومواصلات المشوار تنقرف منه وانت بالطريق. يارجال خلها على الله مأجورين انه عايشين بالرياض . وشكرا اخوي |
إقتباس:
وانا وش توقع صارلي نفس ماصار لكـ بالضبط لاكن انا ذيب مثلكـ مشيت ورى عائله انا وصديقي والسيكورتي ولا كلمه مشكووووووووور على الموضوووووووع |
والله الرياض ماحلاها الا اهلها ( مب كل الأهل بس الي احبهم ) <--- قولي والله بس والله فيه أشياء تخليك غصب تحب الرياض بس مب زود فيها بس ذكرياتك الي انت صنعتها تخليك غصب تحب الرياض ولاّ هي حرّ وقلق وعماير برايفت للمشاغب : ههههههههههههههههههههههههههه تخيلتكم |
مآ أجـمل الرياض .. بَـحَرٌها .. وإزدحامها .. وشوآرعها :smilie47: إذا غبت عنها .. اشتاق لها أكثـر من شوق المحبين لليل :smilie47: آ آ آهـ مآ أرق الريــاض بــرت شــكراً من القلب ورده |
أنت و الكثيرون جداً من عشاق الرياض لا أدري ما الذي يجعلكم تهيمون حباً في مدينة الخرسانة و الإسفلت ، و فوق هذا التوتر الذي صاحب كل فردٍ فيها ؟ رسالة صاحبك هذه هي شرحٌ لمعاناة محبي الرياض مع محبوبتهن ، وصدق من قال أن الحب أعمي ، و أزيد أنا أنه أعمى و أصم . أذكر أن رحلةً جميلةً إلى مدينة النور جمعتني مع أحد الأحبة من قاطني الرياض . بعد مضي الإسبوع الثاني بدأ يتململ ثم شحب وجهه. لماذا يا أخانا !!!؟ قال لنعد للرياض ؟ كان ذلك في يوليو !! يعني أن هذا العاشق المتيم يريد أن يترك إحدى جنان الأرض ليعود إلى أتونٍ لا يستطيع العيش فيه إلا أهل الرياض و الضبان. كاد أن يغشى علي من الضحك و أنا أقرأ هذا المقطع : إقتباس:
|
حرام عليك يا برت بلس :upset: والله الريااااااااااض احلى شيء في العالم :razz: عاد صدق لا تصدق بكيفك :razz: جد !! ترى الرياض اللي يعيش فيها يصير مسحور :d وهـ بس يا الرياض اموت في ثراها انا .. :smilie47: قسم اني مقدر اعيش بمكان غيرها :d خصوصاً جده والشرقيه:upset: :razz: قل لخويك سوليدره تقول .. كلشي الا الرياض :yes::smilie47: |
على طاري الحديقة يقول واحد من اخوياي (( كان لي صديق ايام كنا انا وهوه نعاني من العزوبية كانت تمر عليك كثيرة ودنا نضرب الحارس وندخل غصب يقول فأنا تزوجت اخت خويي وخويي باقي عزابي فكنت اقهره واقوله موجود كذا وكذا وكذا .. خخخخخخخخ يقول الحين اذا صرت ابغا ادخل اتصل على خويي واخلية يدخل معاي ههههههههه في احد فهم شيء ( احس اني اتكلم اوردو ) اللي فهم كان بها واللي مافهم يروح يدورله باكستاني ويجيبه هنا يترجم .. عموما انا ماني من الرياض ولكن عندنا الجو غيم والحمد لله والاجواء روعه بس برضك صيفية مملة مادري وش السبب .. الشباب مو مثل اول يحبون يسهرون ويطلعون وانا عندي طلعة الشباب خير من الذهاب لاي حديقة او اي مكان تجمع عام هذا بالنسبة للأقراد اما العوائل فانا عزوبي واذا تزوجت لي تفاهم مع موضوعك وبطريقة اخرى ..هههههه إقتباس:
خخخخخخخخخخخخخخخخخخخخخخ إقتباس:
إقتباس:
حرام عليك قهرته .. اخ لوني مكانه ياشيخ نذالة اني لاتهمك بتهمه باطله واقول هذا دخل غصب عني ومع الباب هذا اللي انا واقف فيه وراح غازل بنت علنا وعاد انت خارجها .. عشان تحرم تسوي هالحركه مره ثانيه دخلت وتعشيت وش تبغا لازم لازم تفك حرتك عليه وتوريه انك ضحكت عليه .. تصدق لو يشوفك ثاني هذا حتى لو تركب سيارتك ويشوفك انك ركبت سيارتك يمكن يروح بتاكسي ويراقبك بيوسوس بيقول هذا معه مدخل سري اصلا انتبه عادك تروح للمكان هذا خخخخخخخخخخخخخخخخ لانهم يمكن يتبلون عليك مو تصدق ابغا اخوفك بس ولاتدري صدق تشرفت بالمرور اخي الكريم على موضوعك ...................> المرور ولا الجوزات اخوك : ابو عبدالله |
اووووووووووووووه يالرياض ياحبي لها والله .. خذوا كل شي .. الا الرياض .. لاتمسه ايديهم .. مدينة الرياض .. معشوقتي .. ومستحيل احب مدينه غيرها .. احبها .. بحرها .. بزحمتها .. بحركتها .. بنظامها .. بسكانها .. بكل عيوبها احبها ... احبك .. يالرياض .. |
| الوقت المعتمد في المنتدى بتوقيت جرينتش +3.
الوقت الان » 03:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd