يارياض العرب مجدك طرب

اغلب سكان الرياض الاصليين
اقصد اللي عاشوا طفولتهم او منذ نعومة اظافره وهو في الرياض ويحبها

ماراح يتركها لو فيها اشد حر بالعالم او اسوء جو بالهدنيا


ياراقل والله العظيم اني اذا غبت اكثر من اسبوع عنها وفي اماكن افضل منها بمراحل الجو والخضره والجمعه
بس ولو ندور حجز نرجع وش رايكم هذا اللي صاير وبيصير للي يموت في الرياض وحرها وزحتها الغير طبيعيه

إقتباس الرسالة الأصلية كتبت بواسطة الزعيم osams ... ألف شكر لك أخوي على الموضوع..!! ومو بس عندكم في الرياض حتى عندنا هنا في جدة..!! زحمة..حر..قرف...!! لكن الحمدلله في مولات وأشياء كثيرة وأهم شيء البحر الله يعينكم..!! تحياتي..!! ....

الرياض مستحيل اي احد يسكن فيها ومايحبها او يحن لها

حيرتنا الرياض مدري وشو السر اللي تملكه ويخليك ماتقدر تستغني عنها

عوافي بيرت بلس ورده

فجر( الرياض )

إقتباس الرسالة الأصلية كتبت بواسطة الزعيم osams ... ألف شكر لك أخوي على الموضوع..!! ومو بس عندكم في الرياض حتى عندنا هنا في جدة..!! زحمة..حر..قرف...!! لكن الحمدلله في مولات وأشياء كثيرة وأهم شيء البحر الله يعينكم..!! تحياتي..!! ....

حياك الله اخي الحبيب
انا ذكرت الرياض لاني من اهلها ولكن ما يحدث في الرياض يحدث في كل مدننا.
قبل اسبوع كنت في جدة...... يا الهي هل تسمون هذا المستنقع بحر ؟؟
كان الله في عونكم ايضا .... كورنيش جدا حالته حاله, وزمان كان احسن .

إقتباس الرسالة الأصلية كتبت بواسطة الـمـشـاغـب أهلين برت بلس ورده <<< والله ما أحط قلب وأنت ساحب على ردي بالترحيب ( فيس دلوع يلفلف بوجهه يمين ويسار ) غريبة .. ولأول مرة يسجلها التاريخ .. شايب يكتب بالمنتدى بلون غير الأسود ... لا ما شاء الله الوضع يبشر بالخير .. فيه تطور بالنسبة للرياض وما أدراك ما الرياض ؟ اسم مدينة على غير مسمى يا هي غثيثة هالرياض .. أتوقع هاللي يدافع عنها - والعلم عند الله - يدافع عنها فقط مكابرة .. والا وش فيها زود هي وعجها وزحمتها وقلقها؟ لا ونظامها مدري وشلون جاي ؟ شفت بنفسك يا صاحب البيرت بلس وشلون عاملوك أنت وعيالك على طاري السكيوريتية .. أذكر قبل كم أسبوع رحت برج المملكة أنا وواحد في يوم الثلاثاء .. وكنا نتوقعهم يدخلونا بما أنه وسط الأسبوع .. واذا السيكيوريتي يقول : ممنوع عوايل بس .. قلنا يا ابن الحلال والله لا مغازلين ولا هم يحزنون خلنا نطلع نشوف البرج وجسر المشاهدة .. قال : لكم غرض معين؟ قلنا : ايه نبي نتعشى <<< حسيت أني على هالتصريفة إما دلخ وإما برييييء ما أعرف أكذب المهم رفض وما حبينا يطول النقاش واحد يجي ويشوفنا نطلب هالشين ..!! رحنا ولفينا من عند الفندق ولا لقينا سيكرتي ودخلنا للبرج ويوم حنا طالعين مرينا من جنب هالسكرتي ولأني اذا حقدت حقدت حقد بعير والله مريت من جنبه وسلمت ورد السلام , وأنا أمشي أقول له ترى حنا اللي قبل شوي عييت تدخلنا بالطيب ودخلنا من عند الفندق من هناك .. ثاني مرة يا أخي حطوا سيكرتي هناك عشان ما يدخلون الشباب ويخربون على العوايل .. وانا اتكلم كان صاحبي يضحك بصوت عالي عشان يغيض هالسكرتي أبو ممنوع على فكرة .. هالسكرتي عملاق وكان توطى ببطوننا بس لأني ذيب والذئاب قليلو كنت أكلمه وأنا أمشي وأناظر له ورا عشان اذا انطلق يمديني أحط رجلي وأستخدم خبرتي في الوثب الطويل بيرت بلس .. لا ترد على ردي ( نفس الفيس الدلوع )

ههههههههههههههههههه يا حبي لك(حب شيبان)
اثرك مشاغب صدق
خذ هذي قلوب من عندي اللين السكيورتي العملاق
وابشرك خلاص ما عاد صرت اكتب الا بالالوان عطاني بلد الوليد الله يعافيه

إقتباس الرسالة الأصلية كتبت بواسطة abu_riman خلني أقول لمن كان سبباً في تواجدك معنا " جعلك في الجنة " أما أنت فلي عودة ربما بصورة أخرى بما أنك تعرضت لحبيبتي ( الرياض ) .

شرف الله قدرك بتشريفنا بمرورك وتعليقك على الموضوع اخي الحبيب والعزيز على نفسي ابو ريمان .
في انتظار عودتك للتعليق مع تأكيدي على ان سبب موضوعي عن الرياض حبي الكبير لها واحساسي ان الرياض واهلها يستحقون افضل من ذلك.

إقتباس الرسالة الأصلية كتبت بواسطة القاضي أنت و الكثيرون جداً من عشاق الرياض لا أدري ما الذي يجعلكم تهيمون حباً في مدينة الخرسانة و الإسفلت ، و فوق هذا التوتر الذي صاحب كل فردٍ فيها ؟ رسالة صاحبك هذه هي شرحٌ لمعاناة محبي الرياض مع محبوبتهن ، وصدق من قال أن الحب أعمي ، و أزيد أنا أنه أعمى و أصم . أذكر أن رحلةً جميلةً إلى مدينة النور جمعتني مع أحد الأحبة من قاطني الرياض . بعد مضي الإسبوع الثاني بدأ يتململ ثم شحب وجهه. لماذا يا أخانا !!!؟ قال لنعد للرياض ؟ كان ذلك في يوليو !! يعني أن هذا العاشق المتيم يريد أن يترك إحدى جنان الأرض ليعود إلى أتونٍ لا يستطيع العيش فيه إلا أهل الرياض و الضبان. كاد أن يغشى علي من الضحك و أنا أقرأ هذا المقطع :

اخي الحبيب القاضي ... انه الحب الاعمى الذي يجعلنا لا نرى العيوب .
اما صاحبك المتململ فلي صديقا مثله بالضبط يبدو ان اشكاله كثير
ما اكبر سعادتي وانا ارى اسمك يسجل ضمن الاخوة الذين علقوا على الموضوع.
مكانتك كبيرة في نفوسنا ومرورك تكريم لنا فلك كل الحب والتقدير.

الرياض مدينة غريبة جدا اول ما تسافر للخارج لمدن اجمل منها ما تمضي اكثر من اسبوع
او اسبوعين الا وتشتاق لها سبحان الله واذا جلست فيها 3 شهور تمل وتتمنى انك تسافر تغير جو بمدينة ثانية

- - - - -

من ناحية الترفيه فهو اسوء شي في الرياض فلا يوجد اي مكان للترفيه غير الاسواق وحتى
الاسواق لا تستطيع الدخول اليها بدون عائلة بصراحة نفتقر لوجود سينما

الرياض كانت قبل عشرة أعوام من أجمل المدن ولا فيها زحمه والشوارع فاضيه وكل شغلنا ماشي تمام

بس بعد ما أتت الكثير من المدن الأخرى وحطوا رحالهم بالرياض واستقروا فيها بعد ذلك أتت الزحمه في الشوارع وفي كل مكان

أنا اذا طلعت من الرياض يومين ضاق صدري..مدري ليش

احب اقول للناس كلهم الرياااااااض وووبس

مشكووور اخوي على موضوعك

قلبي تولع بالرياض حب ورثته من الجدود