السلام عليكم ،،،

ضاقت بي الدنيا و تعبت أعاني من العذاب ، كل ما انغلق للهم باب انفتحت للهموم أبواب ، يا الله الواحد العلي التواب ، يا واحد من دعاه ما خاب ، فرج هم مهموم و نفس كرب مكروب و اقض دين مديون و لب دعوة طلاب ، ارحم ضعف ضعيف و اجبر كسر مكسور و رد كل من غاب .

دورت في داخلي أسباب ، ما لقيت إلا نفس خطاءة ما بعد أدركت ( هلعها ) يوم الحساب ، تعبت و ما لقيت في داخلي للضيقة أسباب .

دورت حولي للضيقة أسباب ، ما لقيت إلا أعز الأصحاب ، هذا صديق يرفع الرأس و هذا رفيق مجلسه ما كن له باب ، و من حولي أخوان و أخوات لهم حروف تسعدني و أسمع لهم أصوات تطربني ، بهم المنتدى العام يجمعني ما لي غناة عنهم إلا مثل غناة العين عن الأهداب .

تعبت و ما لقيت من حولي للضيقة أسباب .

تأملت الحاضر و قدام ، و تذكرت في الماضي أيام ، و بانت لي للضيقة ملامح و كني أشوف من بعيد أسباب ، و الله أعلم هي أسباب و لا هي مجرد سراب ؟!

تذكرت في الابتدائي قصة الحمامة و النملة !
كان المعلم يحكي لنا عن الوفاء و أهله ، و كيف إن الوفي لا بد في يوم يحصد نتيجة فعله .

اليوم الصاحب الوفي مثل الذهب في ندرته ، انطوائي أحب ما له وحدته ، الناس تقول عنه معقد !!
ما يجلس مع ربعه و لا مع شلته !

و إن جالسهم و وفى معهم صار الساذج و صار مضحكة شلته !!

من علمه يستأنس بوحدته ؟!
تعلم يكتفي بوحدته يوم ما لقى لوفاه مكان / زمان / صديق يستحق إن الوفاء له يبذله !

لقى الوحدة بوقتنا أفضل حل ، أفضل صديق ، هذا مو حكي ! هذا من واقع تجربة .


تذكرت قصة راعي الغنم مع الذئب و أهل القرية !

كذب مرة و كذب ثنتين و كذب ثلاث ! الرابعة كان صادق لكن ما أحد صدقه !!

هذه نتيجة الكذب يا طلبة ! أذكر قالها لنا المعلم في المدرسة .

اليوم أشوف الناس تصدق معالي هذا و سعادة ذاك و شيخ الغفلة ، صدقوهم يوم إنهم كذبوا مرة !

و أقول أول مرة عشان كذا صدقوهم !!

كذبوا ثاني و ثالث مرة !! و أقول خلاص آخر مرة !! لكن كذبوا رابع و خامس و عاشر مرة !!

و الكل يصدق و الكل يصفق وصدقوهم و غيرهم حتى لو كان صادق ما أكذبه !!


تذكرت يوم ندرس من تواضع لله رفعه ، و أشوف بعض ربع أمس كل من فيهم راز خشمه !!
هذا عشان سيارة و هذا عشان وظيفة و هذا عشان محفظته !!

يا ناس والله والله إن الكبر لله !!


تذكرت من جد وجد و من زرع حصد !!
و أشوف اليوم من جد ما وجد و من زرع يجلس بزرعه لو حصد !!

أشوف اليوم من عنده ( أحد ) واسطة وجد ! و غيره لو زرع تحصيل حاصل لو حصد .


تذكرت من طلب العلا سهر الليالي !!
قلت هذا صح !
أكيد يقصدون تبي مدينة العلا امسك خط في الليل و اسهر و لا تنام !!
أو يقصدون تبي العلا يعني الأعالي اسهر الليالي مع شلة واسطات و فلوس !!


تذكرت العلم برفع بيتاً لا عماد له و الجهل يهدم بيت العز و الشرف !!

أشوف المناصب و الأموال تفتح أبواب بيت راعيه جاهل ما كان بالأمس عنده بيتو ( الواو للقافية ؟؟) !!


تذكرت لا تحسبن المجد تمراً أنت آكله لن تبلغ المجد حتى تلعق الصبرا !!

أشوف الناس مقتنعين أن المجد ( تبناً ) ، أكلوه و لم يبلغوا غير أسواق المجد و لعقوا زحمة الدائري مع الصبرا !!


تذكرت قصة المرأة التي نادت وامعتصماه !
ما ناداني أحد أبا ريمان ! و لا أرسل لي أحد حتى عبر الخاص و لكن من نفسي قررت !!

قررت أروح لمعلمنا و أسأله !!
قالوا راح المعلم اللي درسك لكن اسأل المعلم الجديد ، شفه في الفصل يشرح للطلبة .

سألت المعلم و قلت له ما شفنا الوفي يلقى وفاه مثل النملة !
و الناس يصدقون الكذاب حتى عاشر مرة !! ليه ما كذبوه مثل أهل القرية !!

قال هذاك زمان أول و زمان أول تحول !!

قلت يعني شلتوها من المنهج ؟! يعني الكتاب ما فيه قصة الحمامة و النملة و قصة راعي الغنم و القرية ؟!

قال المعلم لا ما شلناها !! لكن لما نشرحها نقول للطلاب الوضع تغير !!

انتبه حتى لو جاك أحد بيساعدك خل يدك على مخباتك !! ترى الطيبة اليوم سذاجة !!

النملة اليوم إذا شافت صياد بتخليه يصيد الحمامة ! و إذا ساعدت الحمامة و قرصت الصياد بتنساها الحمامة .

راعي الغنم اليوم بيكذبونه من أول مرة !! لأنه راعي غنم !!
لو كان وزير الغنم كان صدقوه لو كذب ألف مرة !!

قلت يعني كيف ؟!

قال سألتني كيف !
يا كيف تنشد عن أحوالي ! لحظة خل أطفي السيجارة بعد هالمزة !!

قلت خوش معلم و خوش مدرسة !!

كنت بامشي لكن قلت خلني أسمع الإجابة .

قال شوف و ركز و افهم لا تصير دجة !!

المسألة اليوم مسألة تبادل مصلحة ، انسى كل اللي راح و خل في بالك مثل واحد دامك تتنفس مع النفس طلعه و رده !
شد لي و اقطع لك شعار اليوم و أي كلام غير هذا انسه !!

قلت طيب والوفاء و الصدق اللي تعلمناه في قصة الحمامة و النملة و راعي الغنم و أهل القرية !

قال " الله ياخذ من علمك هالقصة ! ما قلت لك لا تصير دجة !! "

قلت ما فهمت !!

قال باشرح لك آخر مرة !!

الدعوة غير الدعوة ! الدعوة سيارة و كرسي وزارة و عضو مجلس إدارة !!
هذا عالم ما يخدم فيه بخيل ! لكن بخيلهم غير بخيلنا و خدمتهم غير خدمتنا !!

خلاص فهمت ؟!
باروح لشاشة الأسهم قبل ما يبدأ السوق بسرعة !!

تركت المعلم و مشيت !!

صرخ بصوت عالي تعال !! ليه ما قلت شكراً ؟

هذا أنتم يا طلاب اليوم ! ما تفهمون و لا تعرفون الأدب و الاحترام .

وقفت و لا حتى التفت ! بعدين كملت مشي و قلت أنا من طلاب الأمس ، يوم الحمامة توفي مع النملة !!




خاص إلى عميد المجلس : صدى الأمس و ما قبله -----> مع قناعتي التامة بأن قراء الخاص أكثر


أعتذر لك عن هذا الموضوع و لكن عندما قرأت ملاحظتك في موضوع " تعب .. تعب " كان حبر هذه المقالة قد جف !!
و أعدك بأن يكون هذا الموضوع هو الأخير في هذا المجال حتى حلاوة العيد

موضوع رائع ولي عودة بعد قليل

==========

هاأنا قد عدت

والله صدقت وأنا بحثت قبلك في هالموضوع -موضوع الصديق- ولم أجد إجابه شافيه حتى سألت والدي وبدأ بإخباري بقصص قديمة وقال في آخرها ولا أظن أنك سوف تجد مثل تلك القصص !

كان لي صديق ماظننت أننا سنفترق مهما تغيرت الأزمان ومهما بلغت خطورة الأمور إلا أنني معه (قدّام) .
إيـــــــــــــه ياأبو ريمان أنت مواضيعك كذا دايم تخلي الزفرة تجي من آخر الصدر .

وبحركة سخيفة يوجه طعنة لكل معنى الصداقة بل أقول مافيه شيء اسمه صداقة ولو أردت أن أحلف لك بالمصحف لحلفت !

كنت مع د / موسى الجويسر طبيب عائلة متخصص ومدرب معتمد في فنون الأنماط الشخصة وله باع طويل في هذا الشأن ، قابلنا شخص وقال له كلام غريب وتمنيت أن أكون صديق هذا الشخص .
قال له أنت الناس ماتقدر اللي أنت تسويه لهم وتحرق نفسك من أجلهم لكن مايثمنون ماتفعله من أجلهم .
كان رجل في الثلاثينات فغرقت عيناه بالدموع وكان لا يدري مايقول "جزاك الله خير جزاك الله خير " هذه كلماته وقال لي الدكتور بعد مامشينا إذا تريد صديق بمعنى الصداقة فصادق هذا الرجل .

تمنيت أنني أخذت لو رقم جواله لكن كما هو الحال القدر حال بيننا .

أنا أمشي في دنياي وليس لي صديق .
وأتذكر الحكمة التي تقول : لا تحب لأنك إذا أحببت سوف تقتل !.

أبو ريمان ولا يهونون الأعضاء :
إذا فعل صديقك عمرك مصيبة شنيعة بحقك وأصبحت نادماً على صداقته وووو .. سأكمل بعد صلاة الفجر

ها أنا قد عدت ،،،،

و أيضاً كنت قد بكيت من أجله أمام الناس وعلى طريق من طرق الرياض اللذي يكتظ بالمارة وتكتشف بعدها أنه كان يحاول الترفيه عن نفسه بمشاعرك !!

قد لم يجرب الكثير تلك اللحظات والتي تصل فيها لدرجة التخبط بين الكره والعتاب والحقد والإنتقام وتقول معقوله ليتها لم تكن من فلان لكانت أخف وطأه .

قد تعجز الكلمات عن وصف المشاعر التي مررت بها ولكن النتيجة كانت مرة أيضاً وهي أنني نسيت شيء اسمه صديق .

أعتقد أن الكثير سوف يخالفني ويقول لا لدي صديق أو أكثر ، ولكن لا أعتقد ذلك وسوف تكن متميزاً في حال كان لديك صديق بالمعنى الحقيقي للصداقة ونادراً هم .

لعلني أطلت الحديث ولكن أبو ريمان دائماً مواضيعه تفجر المشاعر .

برايفت ابو ريمان
أنت ثاني واحد يسهرني بعد أبو طلال لكن الوعد الاستراحة بس لا تقلب الاستراحة زي مواضيعك !


وتقبلوا تحياتي ،،،،

:: ، ::

اشوفك ما ذكر آيات قرآنية واحادينث نبوية

موضوع أكثر من رائع.......
يعطيك العافيه.....

ضاقت بي الدنيا و تعبت أعاني من العذاب ، كل ما انغلق للهم باب انفتحت للهموم أبواب ، يا الله الواحد العلي التواب ، يا واحد من دعاه ما خاب ، فرج هم مهموم و نفس كرب مكروب و اقض دين مديون و لب دعوة طلاب ، ارحم ضعف ضعيف و اجبر كسر مكسور و رد كل من غاب .

اللهم امين


دورت حولي للضيقة أسباب ، ما لقيت إلا أعز الأصحاب ، هذا صديق يرفع الرأس و هذا رفيق مجلسه ما كن له باب ، و من حولي أخوان و أخوات لهم حروف تسعدني و أسمع لهم أصوات تطربني ، بهم المنتدى العام يجمعني ما لي غناة عنهم إلا مثل غناة العين عن الأهداب .

كلمات جدا رائعه ومؤثره

لقى الوحدة بوقتنا أفضل حل ، أفضل صديق ، هذا مو حكي ! هذا من واقع تجربة .

صدقت مافي احد يستحق الوفا الا الوفي

أشوف الناس مقتنعين أن المجد ( تبناً ) ، أكلوه و لم يبلغوا غير أسواق المجد و لعقوا زحمة الدائري مع الصبرا

حلوه

مرسي يمرسك اخوي

صباح الخير جميعا...ما فيه احسن من انك تصحى من النوم وتحصل موضوع

يستاهل القراءه...وهذي المواضيع لن تجدها الا عند ابو ريمان ..ولا هو قصور في باقي الاعضاء

إقتباس السلام عليكم ،،،

وعليكم السلام ورحمة الله وبركاته

إقتباس يا الله الواحد العلي التواب ، يا واحد من دعاه ما خاب ، فرج هم مهموم و نفس كرب مكروب و اقض دين مديون و لب دعوة طلاب ، ارحم ضعف ضعيف و اجبر كسر مكسور و رد كل من غاب .

الله يسمع منك

إقتباس دورت حولي للضيقة أسباب ، ما لقيت إلا أعز الأصحاب ، هذا صديق يرفع الرأس و هذا رفيق مجلسه ما كن له باب ، و من حولي أخوان و أخوات لهم حروف تسعدني و أسمع لهم أصوات تطربني ، بهم المنتدى العام يجمعني ما لي غناة عنهم إلا مثل غناة العين عن الأهداب .

الله يسعدك يابوريمان...يعلم الله اني استفدت منك الشيء الكثير وانك اضافه لاي مجلس او منتدى تكون فيه

إقتباس تذكرت من جد وجد و من زرع حصد !! و أشوف اليوم من جد ما وجد و من زرع يجلس بزرعه لو حصد !! أشوف اليوم من عنده ( أحد ) واسطة وجد ! و غيره لو زرع تحصيل حاصل لو حصد

ياكثرها ذا اليومين

إقتباس يا كيف تنشد عن أحوالي ! لحظة خل أطفي السيجارة بعد هالمزة !!

يا كثر المدرسين اللي يمزمزون

إقتباس المسألة اليوم مسألة تبادل مصلحة ، انسى كل اللي راح و خل في بالك مثل واحد دامك تتنفس مع النفس طلعه و رده ! شد لي و اقطع لك شعار اليوم و أي كلام غير هذا انسه !!

للاسف هذا هو الحال




واخيرا ..الف شكر لك اخوي ابوريمان



تقبل مروري












سلااااااااااااااااااااااااااام

هـلا والله أبو ريمان ..

لامست الكثير من الأمـــور اللي بالفعل تغيرت واختلفت ومــاعادت مثل ماكانت ..
يمكن أني لحقت على المناهج القديمه اللي تغيرت بالسنوات الأخيره والله يرحـم حال الطلاب
اذا كـان المدرس والمدرسه مربين الأجيال قدوة لايســتحقون أن يقتدوا بهـم ..
المدرسه تدرس عن وجوب الحجــاب ولاجات بتطلع أو صادفناها بمـكان مثلا حجابها يحتاج الى حجاب
آخـر ..واقولها عن تجربه ..والمديره تأمر الطــالبات بالإلتزام بالقوانين .. وبنتها على راحتها ..
التعليم تطور وصار مجرد كلام فاضي ..ماياخذ منه الطـالب غير مجهود الحفظ..والدراسه..
والوافي في هذي الدنيــا مغلوب على امره لانه قلما يجد انسان وافــي مثله
(( فإن لم تــكن ذئب أكلتك الذئاب ))
فالإنســـان الوافي يمكن وفاءه يسبب له عقـده بحياته خصوصا لو صادف بحياته انسان
غادر وغدر فيه ..

إقتباس اليوم أشوف الناس تصدق معالي هذا و سعادة ذاك و شيخ الغفلة ، صدقوهم يوم إنهم كذبوا مرة ! و أقول أول مرة عشان كذا صدقوهم !! كذبوا ثاني و ثالث مرة !! و أقول خلاص آخر مرة !! لكن كذبوا رابع و خامس و عاشر مرة !! و الكل يصدق و الكل يصفق وصدقوهم و غيرهم حتى لو كان صادق ما أكذبه !!

جبتها بالصميم
ولازالوا يكـذبون والجميع يصدقهم ..لمصالحهم
ليست لمصالح عامه..

إقتباس تذكرت من جد وجد و من زرع حصد !! و أشوف اليوم من جد ما وجد و من زرع يجلس بزرعه لو حصد !! أشوف اليوم من عنده ( أحد ) واسطة وجد ! و غيره لو زرع تحصيل حاصل لو حصد

الواسـطه
يمكن صارت شبح بالنسبه للغــالبيه منا
وخاصه من ذاق ظلمها ..

إقتباس سألت المعلم و قلت له ما شفنا الوفي يلقى وفاه مثل النملة ! و الناس يصدقون الكذاب حتى عاشر مرة !! ليه ما كذبوه مثل أهل القرية !!

بالفعل
زمــان اول تحول ..
وتغير ..وتبدل ..
وماعاد مثــل ماكان .. والله يرجع زمان اول..

إقتباس قال المعلم لا ما شلناها !! لكن لما نشرحها نقول للطلاب الوضع تغير !!

وهنا تكمن المشـــكلة ..المدرسين والمدرسات
ماعادوا مثـل اول يشرحون بضمير او مبغاة الأجر من الله سبحانه وتعالي
اهـم شي شرح (اي كلام) لقبض الراتب آخر الشهر ..

الله يرحم حــال مدارسنا ..

ابو ريمان..
قلم لاحرمنا الله منه

...


وعليكم السلام ورحمة الله وبركاتة

إقتباس ضاقت بي الدنيا و تعبت أعاني من العذاب ، كل ما انغلق للهم باب انفتحت للهموم أبواب ، يا الله الواحد العلي التواب ، يا واحد من دعاه ما خاب ، فرج هم مهموم و نفس كرب مكروب و اقض دين مديون و لب دعوة طلاب ، ارحم ضعف ضعيف و اجبر كسر مكسور و رد كل من غاب .

امين يارب

إقتباس اليوم الصاحب الوفي مثل الذهب في ندرته ، انطوائي أحب ما له وحدته ، الناس تقول عنه معقد !! ما يجلس مع ربعه و لا مع شلته ! و إن جالسهم و وفى معهم صار الساذج و صار مضحكة شلته !! من علمه يستأنس بوحدته ؟! تعلم يكتفي بوحدته يوم ما لقى لوفاه مكان / زمان / صديق يستحق إن الوفاء له يبذله ! لقى الوحدة بوقتنا أفضل حل ، أفضل صديق ، هذا مو حكي ! هذا من واقع تجربة .

الوفاء عملة نادرة في زمننا
ابتعدت عن كثرة الصديقات من اجل الوفاء واكتفيت بالزمالة

إقتباس اليوم أشوف الناس تصدق معالي هذا و سعادة ذاك و شيخ الغفلة ، صدقوهم يوم إنهم كذبوا مرة ! و أقول أول مرة عشان كذا صدقوهم !!

قلتها معالي هذا وسعادة وشيخ لازم الناس تصدقهم من اجل المصلحة

تذكرت مثال ماله دخل بالسالفه
لمن يسجن شاب من اسرة غنيــة بتهمة كبيرة ومايتجاوز مدة مكوثة بالسجن ساعات
بينما الفقير لو تهمتة بسيطة سنوات وقد يكون بريء ولكن لايوجد من يسمع لان الطرف الثاني ابن الوزير الفلاني

مدري المثال الي قلتة واقع او لا بس اقصد فكرتة وليس المثال نفسه

إقتباس تذكرت يوم ندرس من تواضع لله رفعه ، و أشوف بعض ربع أمس كل من فيهم راز خشمه !! هذا عشان سيارة و هذا عشان وظيفة و هذا عشان محفظته !! يا ناس والله والله إن الكبر لله !!

ايه والله من تواضع لله رفعه
للاسف الحين لان معها شنطة من الماركة الفلانية مافيه مثلها
حتى الحين بالمنتديات والصحف الواحد لمن يكون قلمـة مميز لحد يقرب له (مو القلم اقصد كتابتة )

إقتباس تذكرت من جد وجد و من زرع حصد !! و أشوف اليوم من جد ما وجد و من زرع يجلس بزرعه لو حصد !!

إقتباس

من جد بيجد لنفسة فقط اما ان يحصل او يحصد من الاخرين مقابل لجده واجتهادة لا
يعني الحين الواحد يجد ويجتهد مو لاجل وظيفة او امر معين لانه مو حاصل له الا بالواسطة
يجد ويجتهد لاجل ارضاء شي بداخله بصرف النظر عن الوظيفه والمستقبل المنتظر
لو بننظر للمستقبل كل واحد سكر كتابة ونام هالصبحيه

إقتباس انتبه حتى لو جاك أحد بيساعدك خل يدك على مخباتك !! ترى الطيبة اليوم سذاجة !!

الطيبة صفه محمودة والواحد يفتخر لمن يقول له احد انت انسان طيب
ولكن الناس للاسف استغلوها استغلال ماينعطون وجهة

إقتباس راعي الغنم اليوم بيكذبونه من أول مرة !! لأنه راعي غنم !! لو كان وزير الغنم كان صدقوه لو كذب ألف مرة !!

إقتباس قال " الله ياخذ من علمك هالقصة ! ما قلت لك لا تصير دجة !! "

إقتباس هذا أنتم يا طلاب اليوم ! ما تفهمون و لا تعرفون الأدب و الاحترام .

صدق استاذك الفاضل
طلاب هاليومين الادب بوادي وهم بوادي
اتذكر اول لمن مجرد يلمحون الاستاذه دخلت المدرسة كل البناات بالفصل الحين لازم تدخل الفصل وتعصب ويدخلون بتمايل واستخفاف
ولو هاوشت وحده من البنات سكتتهاا البنت لسانهم طويل الله يهديهم
اول لمن تقول اطلعي برى للبنت تطلع لاشعوري ودموعها بتنزل من الخوف الحين
اتحداك تطلع البنت برى بكل برود تقول ماسويت شي انا وانا مالي دخل اخاف ودي اطلع علشان ماتعصب االاستاذه



شكرا لكـ ابوريمــان
بالبدايه
اعتذر عن الشطحات الي هي بوادي والموضووع اظن بوادي
بس قريت الموضوع اول وحده
ماقدرت اجاريك بنفس الاسلوب قلت ابوريمان وش حليله يسمح بالشطحات والفضفضه

الحين ليه ماتصير صحفي من جد كتابتكـ الي اعتبرها مقالات متميزة ومو ناقصها الا عامود بالجريدة
وانا اقرا تذكرت قصائد عبدالرحمن بن مساعد

والنهايه
لو مدحنـا ماراح نوفيكـ حقكـ وماراح نوفي قلمكـ حقه
مانقدر نقول الا الله يحفظكـ لمجلسنـا


ود يليق بقلمكـ

إقتباس تذكرت من طلب العلا سهر الليالي !! قلت هذا صح ! أكيد يقصدون تبي مدينة العلا امسك خط في الليل و اسهر و لا تنام !!

آآه ماأحلى الطفووله

إقتباس المسألة اليوم مسألة تبادل مصلحة ،

تطورت هذه المسألة كثيرا فأصبحت فن يتقنه الكثيرون

أتعجب دائما من علاقه زميلتي بالأخريات
وعندما هنيتها على شخصيتها الإجتماعيه
ضحكت وقالت:
للـمـصـلحـه فــن !!

التي تستشري بنا وقد خُلق الإنسان في كبد

إقتباس تذكرت يوم ندرس من تواضع لله رفعه ، و أشوف بعض ربع أمس كل من فيهم راز خشمه !!

يعطيك العافيه

إن لحديثك لحلاوة وإن علية لطلاوة

لحروفك لذة لاتنتهي

لاسيما حين تعبر عما في قلوبنا

لست أدري أأضحك أم أبكي مما قرأت

عبد الرحمن لافض فوك

إستمر في نزف هموم واقعنا

فلا أحد ينزف كنزفك أو يعزف كعزفك

ستبقى محلقاً في سماء الإبداع وحدك

دمت لنا كما أنت

بالحب والإشراق