11/09/2007, 05:52 AM
|
| زعيــم مميــز | | تاريخ التسجيل: 21/03/2004 المكان: مسنتر بالمجلس العام
مشاركات: 5,765
| |
والله يابو ريمان طلاب الامس مازال منهم الكثير حي
ومازال جيل الحمامه والنمله  بدون كلمة الوضع تغير حيين ومبسوطين
بس ماندري هل هم قليلين والا غيرتهم الدنيا وتعلموا شي جديد
على طاري المدرسين مره من المرات رحت اطلع اخوي من المدرسه بدري
المهم رحت واستاذنت من المدير وقلت له عطني الورقه انا اروح لم الفصل مره وحده واجي لمك
رحت وشفت مدرسهم حاطن الشماغ على الماصه ورجل على رجل ويقلب بالجوال وانا اكبر منه 
تذكرت مدرسينا الشياب الاولين وقلت الله المستعان يافرق زمان اول عن الحين
كل شي تغير ماادري هل لظروف الوقت الحالي دخل
قبل عشرين سنه ابوي تزوج وعمره 18 سنه والحين عمري 24 ولا بعد تزوجت
قبل لا شفت الواحد ياشر توقف ولا تشاور عمرك والحين لا شفته الا رجلك على الصاجه
اول امن وامان قبل مانعرف نصك باب بيتنا والحين لو حصل لنا سلاسل ربطناه
اول صلاة العشاء ست صفوف والحين ماتكمل الثالث
بس مازالت الدنيا بخير ولو انه بنسبة قليله لكن اهم شي انه موجود
عموما عوافي يابو ريمان وموضوعك  مثل ماتعودنا منك
الله يعز جيل الحمامه والنمله ويهدي جيل ( ترا الحال تغير ) ولا يكثر من امثال راعي الغنم
لاهنت يابعدي |
