اهلين بكل من دخل وشرفنا في هالموضوع

في الحقيقيه انا وزني زايد نوعا ما وقررت اسوي رجيم و اجري يوميا ساعه كامله

وانتم تعرفون الجو في الرياض ما يساعد على الرياضةفلذلك قررت اشري جهاز (السير) وأمارس الجري


في البيت أمام التلفاز فياليت الي عنده فكره عن جهاز (السير) يفيدني او يعرف احد جربه.....



ومشكورين على هالزيارة......

إقتباس اهلين بكل من دخل وشرفنا في هالموضوع في الحقيقيه انا وزني زايد نوعا ما وقررت اسوي رجيم و اجري يوميا ساعه كامله وانتم تعرفون الجو في الرياض ما يساعد على الرياضةفلذلك قررت اشري جهاز (السير) وأمارس الجري في البيت أمام التلفاز فياليت الي عنده فكره عن جهاز (السير) يفيدني او يعرف احد جربه..... ومشكورين على هالزيارة......

777
نفس الحاله عندي
وحنا عندنا سير بس انا ما امشي عليه عشان اعرف نفسي لاتركت الحلى انحف
بس
امي واختي يمشون عليه ويقولون انه فادهم..
بس ما ادري<<اجل ليه راده!!

بصراحه اهم شي العزيمه والاصرار

انا الحمد لله وزني حلو بس ابي انحف اكثر

واستغليت فرصة كاس العالم وقت المباراة ادخل غرفتي واتفرج على المباراة وانا امشي على السير يعني ( 2 * 1 )


وانت اخوي اذا كنت من محبي الكره سوى مثلي ولا تنسى الفيديوا وحط مباريات الزعيم وتنسى الدنيا وانت على السير

ولا تشيل هم عشان تستمر على المشي على السير .


واذا ما كنت تحب الكره شف مسلسل وتابعه ونفس الطريقه وقت المسلسل امشي على السير .

واذا كنت ما تحب الروتين وتلتزم بشي معين مثل وضعي بعد كأس العالم (( حط قناة روتانا الخليجيه وفلها وابسط يا عم ))

إقتباس (( حط قناة روتانا الخليجيه وفلها وابسط يا عم ))

يالخبل ذحين لو اخذ بنصيحتك وحط على روتانا ترى بتكسب ذنبه اذا سمع او شاف شي حرام
وبتاخذ ذنب اللي بينصحهم بها النصيحه

إقتباس الرسالة الأصلية كتبت بواسطة سوسوالهلاليه يالخبل ذحين لو اخذ بنصيحتك وحط على روتانا ترى بتكسب ذنبه اذا سمع او شاف شي حرام وبتاخذ ذنب اللي بينصحهم بها النصيحه

او شي احسدك على اسلوبك وكلامك الحلو (( الخبل ))


أن قلت له مجرد فكره ما قلت له اسمع أغاني أو نصحته بالاغاني .

واذا كان ملتزم أو ما يسمع اغاني ما راح يسمعها عشان خاطري .

وخلاص اخوي ماجد لا تسمع روتانا الخليجيه ، خلك على قناة موليدي العربيه


يمدحون الواو

إقتباس الرسالة الأصلية كتبت بواسطة ..][ فـهـد ][.. جهاز السير ممتاز ولكنه ليس افضل من المشي او الركض على الأرض والسبب لأنه اذا مشيت او ركضت على الارض تتولد قوة عند اصطدام القدم بالارض وهذي القوة تنعكس على الجسم بحيث تتحرك كل العضلات ,, وهذا المفيد للجسم عموماً هو يبقى راي وبالنسبه لي لو خيرت بين جهاز سير وشارع الحوامل مثلاً لاخترت شارع الحوامل

خطيررررررررررررر يا فهد من وين جبت هالمعلومات لا تكون دكتور وحنا ما ندري

والا تدري توني دريت انك دكتور بدليل اختيارك شارع الحوامل . وقت البريك تروح تمشي لقربه من المستشفى


بس شكلك دكتور شايب الناس وصول طريقة الملك عبدالله يمدحونه بس للاسف مشوار عننا .

تعال عندنا بمشى حي الريان والله فله وسعة صدر .

إقتباس الرسالة الأصلية كتبت بواسطة ..][ فـهـد ][.. أوووخ كفشني عاد تصدق حاولت اتذكر شارع في الشمال بس ماذكرته اللي هو طبعا ممشى طريق الملك عبدالله

الله يعينك عاد يا دكتور المنتدى كل شويه بيجيلك مريض بس من نوع خاص يعني على الخاص
والله كل ما جات عندنا حاله فالبيت لاغير ارسلك رساله

إقتباس عز الهلال : بس ياخبل قويييييييية

يا رجال وسع صدرك ولا تدقق حنا داخلين نوسع صدورنا، وصدقني أنا متاكد ان غلطه مطبعيه .

إقتباس سندريلا الهلاليه رياضة المشي في الهواء الطلق أفضل من السير ومو معناته أفضل يعني أن السير مو زين لكن المشي في الهواء الطلق فيه تجديد وفيه قوه وفيه تغيير للروتين واستمتاع أكثر بالمشي

اوكي ما اختلفنا الهواء الطلق حلو ، بس حنا بالرياض ما نعرف الهواء الطلق ، نعرف السموم الي تذبح

إقتباس مو لازم تمشي في وقت مبكر امشي في اوقات تكون الحراره فيها معتدله في الليل

اصلا الي يمشي بوقت مبكر ينشوي عندنا بالرياض وخاصه هالوقت

ووووووين معتدله وامس بالليل الساعه الثانيه فجرا درجة الحرارة بالسياره 39 درجه مئويه

إقتباس بعدين السير يقولون انه يسبب خشونة لصابونة الركوبه بسبب الاحتكاك والله اعلم

انا معك اذا كنت تمشي على السير من دون حذء عز الله أن رجولك راحت فيها ،

لازم تلبسين الحذاء اكرمكم الله .

مشكووووووووووووورين على مروركم الحلو والتعليقات اللطيفه


ولا زلنا ننتضر الكثير من آرى الأعضاء الباقين

إقتباس وصدقني أنا متاكد ان غلطه مطبعيه .

وش اللي يخليك متأكد بس لو كان واحد غيرك ما كان قلتها له بس انت صادق
وبعدين يا الخبل احسن من الله يرجك والله يخسك وغيرها من الدعاوي..
وإذا ما عجبتك ترا نشيلها مافي كلافه بيننا فاحنا اخوان والا انت عندك راي ثاني؟؟

انا نصيحتي لك كاخ انك تشتري سير


والله انه ممتاز مرة مرة مرة


وحاول انك اذا شريت السير تحطه جنب تلفزيون او مطل على حديقة البيت علشان ما تطفش



وبعدين ترى دكاترة العظام ينصحون بالمشي على السير مقارنة بالمشي في الحديقة او الشارع لان السير يكون على مستوى واحد اما الشارع او الحديقة فيكون فيها انخفاضات وارتفاعات وهذا يؤثر على العمود الفقري




ودائما اذا مشيت على السير وخلصت تمرن تمارين بطن لمدة 15 دقيقة





وتذكر هذه نصيحة اخوية