ما أدري , نقدر نناقش ولا نخليها بعد المباركات عن الزحمه
على العموم أببدأ ولا علي من أحد ,

El Blanco_7
يعطيك العافيه على الرد الطويل بس من أجمل الردود اللي قريتها .
والله مبدع ويا ليت نشوف ردودك عنا أكثر يا خلفهم

أبو يوسف
حبي تذكر نقاشنا الأول , الظاهر عن المحاور لأننا جبنا طاري تشلسي و الأنتر وطريقة تنظيم
مورينهو للوسط فيهم ,
ودك نرجع لذاك النقاش لأنه متشعب وأنا نشيط وفيني حيل أناقش ,
أما ماريو ما يبيله نقاش , كلها كلمتين / مفيد للدكه و بيكثر من خيارات مورينهو الهجوميه !
أنتظر ردك

إقتباس ريال مدريد يفتتح مبارياته بلقاء خارج البرنابيو أمام ليفانتي

الموسمين اللي فاتوا كانت الافتتاحية صعبه قدام الديبور ,
هالموسم إن شاء الله سهله ,
وهذي بتكون بصالح الفريق عشان يدخل جو الليغا على حساب بزارين الدوري ,
خبر حلو .


الكادينا قالت خضيره فيتشادو و أنا أصدقهم
والله ما أدري وش أعلق , كنت أتمنى مارتينز بس خضيره لاعب جيد ,
شاب و يبيله وقت لكن موهبته نظيفه و يقدر يتطور .
الشيء اللي مخليني أتفائل فيه هو أنه زي لاس بالنشاط لكن عنده مخ !
هو أبطأ من لاس شوي لكن يظل خيار رائع , أظنه أسرع من ممادو .
كان من أهم أسباب توازن وسط ألمانيا بالدفاع و الهجوم , كان دوره أهم من شفاين .
بس النقطه اللي مخوفتني هي ألونسو ,
هل بيتأقلم معه ولا لا ؟
نتفاءل و نقول : " ليه لا ! "


zizo4ever
يقولون اسمك حكيم و أنا مصدقهم
يالله حيهم حكيم
ومن ذكائي استوعبت أنك كنت قاطع , فـ الحمد لله على السلامه ووينك يا القاطع
المهم , جذبتني نقطه بردك يا خلفهم

إقتباس بس هل نضمن أن راموس & بيبي بيكون ثنائي مطمن

ليه لا ,
راموس تكلمت عنه قبل كـ قلب دفاع وقلت أنه هادئ على غير العاده إذا كان ظهير ,
وأظن أنه بيبدع فهذا المركز أكثر , لأن عنده المهاره الدفاعيه والذكاء و السرعه ,
وهذي اللي تميز مدافع عن آخر ,
خاصه مع مدرب زي مورينهو برز على يده " تيري - كارفاليهو " و أعاد مستوى سامويل اللي كان احتياطي ,
وبما أني جبت طاري مورينهو ,
فـ هل كنت تتوقع أن ينجح الثنائي " سامويل - لوسيو " ؟ وهم أدفش خلق الله ؟
أنا أشوف أن الأوامر و التنظيم من مورينهو كان سبب للانسجام بينهم ,
و أتوقع نجاح الثنائي راموس و بيبي و يكونون " ثنائي مطمن "

اسمحلي على الانبراشه يا الغلا


صفحه أولى تخليك فخور بوجودك برابطه فيها أعضاء يبذلون كل هذا الجهد ,
يعطيكم العافيه جميعا , كل من شارك أو اقترح .


متابع وبانتظار نقاش
,

في البداية أحب أن أبـارك لـ الجميع افتتـاح رابطة ريال مدريد لـ الموسم