إقتباس الرسالة الأصلية كتبت بواسطة سليل السيف على اساس إن خافي مارتينيز وشفايني شياب خلنا نكون واقعيين .. الولد ما كان مقنع كثير بكأس العالم مثل شفايني ، شخصياً اشوف ان شفايني هو اللى شال سامي بكأس العالم لأنه كان يبذل جهد جبار .. خافي اذكر ان فريقه حدد قيمته للميلان بحوالي 15 مليون يورو ورفض الميلان .. يعني بالكثير بيوصل 20 مليون على ريال مدريد .. حتى شفايني سعره بالسوق حوالي 20 مليون .. ما اعتقد ان هناك خلاف على ان امكانيات هالإثنين افضل من خضيره بمليون مره .. نقطة ثانيه .. وش احتياجات الفريق الضبط ؟! اللى اقصده .. بالمحور الدفاعي عندك خيارات كثيره يا مورنيو .. ديارا / ابوراسين / قاقو .. واخيراً الونسو يقدر يلعب بهالمكان ؟! اذا افترضنا انه مافي محور هجومي عليه القيمه بالريال إلا الونسو " باعتبار الأغلبيه ما عندهم ثقه بإمكانيات قاقو بهالمركز " فأنت تحتاج تجيب " شفايني " .. اللى نشوفه بالصحف من تخوف كبيره من " البايرن " وكأنه صعب تجيب لاعب من عندهم ماله اي داعي .. العام الماضي اخذو روبن ، وهالسنه تقدر تلعب بورقه فاندرفارت وتجيب شفايني .. شخصياً ودي بـ خافي .. ستايله باللعب عنيف ، يذكرني بتشابي ألونسو مع ريال سوسيداد ..

سليل
الظاهر حٌب جاجو خارقن تسبدك ولاتبي احد ياخذ مكانه <

شف يا حبي .. خيار خضيرة الأفضل قلت لـ ناحيتين .. ماديه و سنيٌة !!
وحدة يتفوق فيها على شفايني و خـافي مارتينيز والثانيه يتفوق فيها على جيرارد و دي روسي
لاتفهمني غلط ارجوك .

بالنسبة لـ الأسعار .. الأخبـار الأوليه الي ربطتنا بخافي مارتينيز كانت تقول ان السعر الي طلبه بيلبـاو في
الصلبي 30 مليـون يورو .. مبلغ جامد صراحة وما اقدر اخاطر وادفعه وانا مادفعته في تشابي الونسو .. حقيقة
انا من المعجبين بـ خافي من فترة طويلة واحسه بيكون ثنائي مميز مع الدون تشابي .. بس السعر بيكون عائق
قوي لـ الصفقة !!

شفـاينشتايغر موسمه مميز جداً وأثبت وهو لأول مـٌرة يلعب بهالمركز انه من الأفضل في العـالم بس ظنك كم
البايرن بيبيعه لنا ؟! ان كان ريبري العام قالـوا ما يفرق عن رونالدو ونبي نفس المبلـغ .. على قد ماهو كلام
فاضي بس يدلك على الشروط التعجيزيه من الألمـان !! .. شفاين ما راح يطلع من البايرن بأقـل من 35 مليون
على الأقل هذا الي نشوفه من الأخبـار القليلـة الي ربطتنا فيه .. بس المشكلة ان عندنا صحافة .. صورت
ان اللاعب مسحـور باللعب في مدريد وانه يقول لوني المفضل هو الأبيض < اشارة للريال خخخخخ .

عموماً .. اشوف ان سيـاسة مدريد تغيرت كثير هالصيف .. من الغالي المبالغ فيه لـ الرخيص الي يطلع حقـه
وزيـادة من الكرف .. ممكن احد يطلع لي ويذكرني بـ بابلو جارسيا و جرافيسن !! .. ما اشوف ان فيه وجـة
مقارنة بين هالصفقة لو تمت وبين الصفقات المذكورة .. اولاً فرق في الكوالتي لأن خضيرة من اللاعبين الي لهم
مستقبل جـامد جداً وبنيته الجسمانيه رهيبـه اضافة الى انه الماني وأكيد الليـاقة شي بطل عنده .. ناهيك عـن
التكتيك الي مشهورين الألمـان فيه بأنضباطهم وهذا الي اتوقع انه سبب اخر لـ تفضيل موري له .

سليل لا تقطع تكفى ترا نتشرف بنقـاشك يا سيدي

**



تقريباً نفس سينـاريو صفقة الونسو بدأ يتكرر .. الفرق الوحيد ان الونسو كان حـاجة ومايكون مو حاجة قد ماهـو
تدعيم قوي لـ الفريق في الجهة اليمنى ، أكيد الصفقة ما راح تكون سهله ، الريال عقدها اليوم شوي على كلام ماركا
والأنتر أكيـٌد اعند وما راح يرضخ لـ المبلغ الي يبغاه مدريد !!

الغالبية تقول 5 مليون العائق بس !! .. ادفع يا بيريز الله يلعنك وجب لنا مايكون .. الواقع انه لو دفع راح يكون
مبتز طول حيـاته .. واي طلب له عند اي نادي بيرفعون السعر للي يبونه وياخذونه سلام سلام .. ليه ؟! .. لأن فيه
خبل معه فلوس لو تقوله 20 مليون في عدنان فلاته دفع خخخ .. في هالحالة لازم نقدر خيـار الأدارة الي ما تخاطر
بسمعتها عند الأندية الثانيه انها ادارة ’ هطشـٌة ‘ .

بأرجع لـ سيناريو صفقة الدون تشابي .. نفس التفاصيل تقريباً .. فترة حسينا ان الصفقة انتهت وصار الونسو
لاعبنا خلاص .. فجأة طلع الصعيدي وقال باقي معنا .. بدينا شد وجذب وكل يوم خذ لك سعـر شكل .. فجأة وقفت كل
الأخبـار .. رجعت بعدها الأخبار وبدينا في حكاية الأسعار .. الريال مقدم 27 و الليفر يبي 35 ويخلص .. ويوم كذا
جات الصاعقة على غلاف الماركا < كيف التشويق .. الريال خفض عرضه لـ 25 مليون ’ الظاهر ‘ !! .. بدينـا
كلنا نحس بأحبـاط من الصفقة وحسينا ان تشابي ماعاد هو لاعبنا ، بس الحمد لله انفرجت في لحظة ماكنا نتوقع ابداً
ان الرسمي بيجي بعد هالأكشن العنيف ، ان شاء الله يكون نفس السيناريو ، والأهم ينتهي ومايكون يكون مدريديستا