قريت كل الردود... وبعضها فطست ضحك عليه
عندي تساؤل بسيط
الحين اذا كان الزوج ( داج ) ومتسدح بالاستراحات.. والعيال متسدحين بالملاحق والمقاهي
هذا الحين تبرير للمرأة انها ( تدبك ) من صباح الله كل يوم ؟؟؟
على فكرة
الفئة اللي انا اتكلم عنها... فئة ( تستمتع ) بمناطح الرجاجيل
يعني اذا كان لها شغل او معاملة... تروح تنط بالسيارة مع السواق بكل أريحية وبدون ماتعطي خبر لزوجها
يعني بالعربي ( هي ودها تروح وتجي وتزاحم الرجاجيل ) وماعندها أي ظروف صعبة
زوجها ماعنده أي مشكلة ولا هو ذاك العلّة اللي ماينفع.. بالعكس جاهز ومستعد
لكن هي تموت بالهجولة والاسترجال... صدقوني هالنوعيات كثيرة والرياض ضاقت منهن
اقسم بالله اني احتقر أي حرمه رايحه جايه وتدوج بالاسواق والمستشفيات والمراكز لحالها
مافيه أي عذر انها تروح وتجي لحالها ... الا اذا كان هرمون الذكورة مرتفع عندها
وخصوصاً مع السواق .... اموت انا على المحرم الكويس
على الاقل تروح هي واختها ( جماعة )
والاخوات اللي يقولن ( وش فيك مستلمنا ) ... ارجعوا لمواضيعي وشوفوا شرشحة الجنس الخشن
واللي يقولن ظروفها صعبه وماعندها احد... امي دايم تقول :
المهتوي يقطع المستوي