حياك الله يالصخرة
تدري وين المطرسة التي لست تحبها
تلاقها والله عند بعض الرجال لأن الخيل من خيالها والحرمة من رجالها
إن لقيتها مرة سنعة بمعنى محترمة محتشمة ومالها ومال الدجة مع السواويق
فأعرف إن ورها رجل كفو غيور على عرضه
& تربية ماتخرش المية
وإن لقيتها مرة داجة على قول جدي من محل اصقع لمحل ارقع
فأعرف إن اللي وراها شيء مافيه من الرجوله غير
اسمه في بطاقة الأحوال والرخصة والاستمارة وكرت العائلة
يعني لا شيمة ولا غيرة ولا هم يحزنون
طبعاً هذا الجزء من الرد فيما يخص
( الشنطة الذهبي والبربرة في الجوال بصوت جهوري والمناكير ...... الخ ) وفي أي مكان كان
**
الحين نجي للجزء الثاني
بما إنك طلبت منا نغض الطرف عن الحالات الخاصة
| إقتباس | | | | | | | | | انا اتكلم عن اللي زوجها بالبيت او بالدوام
وعيالها بالاستراحات والملاحق
وهي تطامر بين الرجاجيل ومسويّه ( قويه وسنعه ) | | | | | |
معذورة الله بلاها بمن ليسوا كفو ان كان زوج ,,, اخ ,,, ابن
رجال طول الليل سهر بالاستراحات على البلوت وصن ومدري وشو
وجا ورمي بعمره ورقد
قام الصبح وعلى وجهه غضب يتطمش من شدة النوم
وراح للدوام << ترى أنا عبط أقل داوم
رجع اكل لقمة وكمل مافاته من ساعات النوم سهران وراهـ بعد سهرة
بالله هذي كيف يكون حالها ما معها الا إنها تطبق
ماحك جلدك مثل ظفر فتولى أنت جميع أمرك
لأنه لو يحمل ولو جزء بسيط من الرجولة مارضها على محارمه
يسلمو الصخرة