الهنوووف

ياهلا ومسهلا ،، الهاوي يارعية الواوات
خلصنا من شنب عادل وطحنا بجورج الهنووف مير الله يسهل

إقتباس بعد فية مرض عندنا بالزعيم اسمه حمى النفسيات والله اعلمـ واول ماتتعب النفسيه تتعب زياده اول مادخل الزعيم

أفااا ، أجل نكلم لك البارق يعطيك اجازه شهر عن المنتدى الين تضبط أمورك وتعودين نوبتن ثانيه بروح أزين من هيك

إقتباس يعني عندي نظام مدري وشو من تالي لو انام الساعه 9 الصبح لازم اتوعى الساعه 10 او 10 ونصف بس اشوف الساعه وارجع انام

الله يعينك ، لكن ابقول لك شي اذا صحيتي من النوووم وانتي متأكده انه مالك الا شوي نايمه لاتطالعين الساعه ابد ترى هذا خطأ كبير

إقتباس طيب اذا كان الوقت متاخر بالحيل ضروري ارووح خصوصا اذا عندي موعد الصبح او دراسه او شي من هالقبيل

اوكي مافيه مشاكل روحي لغرفتك لكن مهوب بنية النوم ، يعني روحي لغرفتك على اساس انك تبي ترتبين دروسك أو تقرين جريده أو كتاب
صدقوني ياجماعه انه من أكبر الاسباب اللي تخلي الواحد يتقلب على الفراش ويفزفز من نومه لونام هو انه انسدح بالفراش وهو ما فيه نوم أصلاً..

وبعدين حتى لو عندك دراسة أو دوام بكرا عااااادي لاتنامين الا ساعه مهيب مشكله ترى لان الموضوع ماراح يتكرر كل يوم

إقتباس اما اني انزع الشراب فهي مستحيل مع هالبرد واحس حتى هالطريقة ماتنقع بالصيف لاني بكون مقابل التكييف اخاف يجيني شي خصوصا اني الماء بارد

أنتي جربي وادعي لي ومهوب جايك الا العافيه
وانا كان ما ودتس بكيفتس

إقتباس لا انا اسمع الي عد الارقام الى مالانهايه امل ولايجيني النوم واوقف

هذي ما تمشي ما كل الناس ، لأن البعض يحتاج لعمليه يكون فيها تفكير وفك رومز واجهاد للمخيخ


عوافي يالهنوف وتشكراات على مشاركتك وتواصلك

___________________________

عزوز الأزرق

يا هلا والله وغلا بعزوز الجداوي،،

إقتباس اولا الله يجزاك بالخير ع البشاره .. لو ان الجو عندنا ( جده ) بدء يسترد البرودة شيئا فشيئا ...

المفروض لا جاء البرد ينقلون دوامات ومدارس أهل الرياض لجده وأنتم يكزونكم انتداب لموسكو عشان تعرفون ان الله حق

إقتباس برد جدة لوجود الرطوبة .. يكون اشد و ع العظم على طوووول ..لذلك يطقنا الشيب شوي بكيييير .. ==> اقطع ع اللهجة

دحين انتا ايش تبغى الله يقطعك ماني فاهم حاجه يابويا الشيشه هيّا الدفا في البرد هادا

إقتباس على فكره هذي مو دعاية لدورة مدري من يكون ؟؟!

ايوه بس لا تعلم أحد

إقتباس زي حالتي والا اردى ؟؟!

تصدق كنت أحسب أهل جده ما عندهم مشاكل مع النوم

الله يعينك ياغالي،، صف النيه و طبق الخطوات وان شاء الله تبي تنام لو انك بوسط جنقل لاند

إقتباس طيب وان كان زي ماقلت الهنوف .. وراي اختباااااار والا دوام ...

ابحولك لردي على الهنوووف وتجد الاجابه بارك الله فيك<<<< دخل جو المشايخ

إقتباس مااقول الا الله يلطف بحالنا ... ماهنا حل الا ............( وانت ادرى )

سيبك منّوه بلا فشكلك ضحكتني

إقتباس هههههههه برضه البارح .. قاعد اعد .. وصلت الى 290 واني اشوف النووووم مو حوولي .. بطلت .. وغيرت الاسلوب ..

ياخي لا تعد الله يرحم والديك حاول تحسب وتضرب وتطرح وتاخذ جذر يعني تفكر

إقتباس شغلت المكيف .. وقعد يداعبني بصوته الحنوووووون .. ==> ==> حتى نمت..

يحق لك تشغل المكيف وعلى البارد ((((جده)))) >>>>> ياحبي لصوته


عوافي ياعزوز وتسلم على المداخله الوسيعة الصدر

____________________________

رااجع باذن الله

.

.

تغريد

يا هلا ومرحبا بتغريد ،،

إقتباس ابشرك فهمت الموضوع كلو

لا لا مستحيل هي أحد حالتين : أم انك مخاويه لك وحده قصيميه من بنات القامعه أو اني انا بديت اسولف زين

إقتباس نااااموووو بدررري

أيام الدوامات الساع وحده وأيام الاجازات بعد الفجر ومافي داعي لكثر النوم

كثر النوم والوناسه لا يجتمعان في طاسه واحده

إقتباس طيب في سر يعني في انو نفس المنديل!!!

الصراحه سؤال غريب يدل على النجاسه وسعة الخياااال

لأ مهوب لازم ، تقدرين تستعملين أربع منديلات أهم شي يرتاح بالك لأن عند 2 أذن + 2 رجل = أربع أعضاء والمناديل رخيصه

قال ايش قال لازم منديل واحد طلعنا مشعوذين الله يسامحك

إقتباس بضيف نمبر 7 قراءة دعاء النوم وسورة الفاتحه وآية الكرسي والمعوذات

لعل الله يطمن قلوبنا بهالاذكار

إقتباس وتقعد تعد الخروفات زي افلام الكرتون والله تفيد

ايه صح اهم شي خروفات

عندك 40 خروف مات 14 وانولد 13 ودعس 3 و ضحينا بـ 1 هو وأخته ، فكم هو عدد صحون الكبده الناتج من كل خروف اذا اخذنا بعين الاعتبار انه برد؟؟

اللي يحل هاللغز يبي ينام شهر

إقتباس كل الامهات يشربونو عيالهم اخر يوم بالاجازه قبل المدارس واذا بيروحون زواج وتلقاهم ينصحون بعضهم فيه بس منعوووه من الصيدليات!

الحريم يخترعون ويلعبون بعيالهم وكله علشانك يالزواج مع انه المفروض أول من يرقص على المنصه البزران

إقتباس اكيد واحد ليا صح بس بدون جبن لو سمحت

وااحد لك أنت متأكده ، أخاف لو شوفتي الهندي اللي يدهن الصامولي تحوم تسبدك

يمدحون فطور صبواي أنتم يالبنات ما ينفع لكم شغل المطرسه اللذيذ لازم اتكيت وطماطه مجدوعه في الصحن ومدري وشو


تشكراات ياتغريد على تواصلك ومشاركتك الخفيفه وقبل كل شي شكراً على سرعة الفهم


___________________________________

البارق

ياهلا وغلا باخو قلبي ،،وأنت بخير يابعدي

أسفرت وأنورت من يوم شعشع ردك ..

إقتباس يعني الحين إذا جاء الحر قلتوا فطسنا وصرنا ضبان ما نقدر نطلع من مكاننا ومستحيل الواحد يطلع إلا بالليل ..!! وإذا جاء الشتاء قلتوا وش هالبرد اللي ما نتحمله ..!!!

الشكوى لله هذا طبع ابن آدم ، ما يعجبه شي لازم يشكي ويتململ<<<< والله ياهي صعبه كتابتها

إقتباس احترنا بكم ..يا أخوي بالصيف رح لأوربا ( عاد أنت تخير المكان .. ) والشتاء نيوزلندا أو أستراليا ولا تزعجنا ..!! يعني نغير جونا عشانه ما أعجبك

الحين وراك تنفخ علي وش أنا قايل ؟؟

منوّل ابقول لك خلنا نسافر سوى لبانكوك ننبسط ونستانس بس شكلك شايبٍ حااار والله ان نتهاوش بالمطار وحنا ما بعد ختمنا الجوازات

إقتباس بس تصدق عاد مع كل اللي يسويه بنا الشتاء يا حبي له ويازين أيامه ..

شف يابعدي ما اختلف معك ان بعض ليالي الشتاء والجلسه حول النار والسواليف والضحك زينه وما مثله لكن ليته ما يزيد شهر ويجي بعده الربيع على طول
ولو أنت متزوج وعندك بزران كان تعاف الشتاء كله

إقتباس نجي عاد لموضوعك بعد ما دخلت مع الدريشة عشان أبعد عن مدخلك ومخرجك اللي أنت حاطها ..

أحسن شي سويته

إقتباس حبيت أقول إن الناس في هالأمور يختلفون ..بعضهم ما شاء الله مع كل ما تسويه فيه الدنيا عند النوم ما عنده معاناة ..!!

اي والله صدقت ، فعلاً فيه ناس اذا حطت راسها على الفراش تنام لو ان معهم رشاشات على الحدود ، وفيه ناس ما عندهم شي يسوى ومع كذا الارق لاعب بهم لعب ..

إقتباس وناس لو يكون بخاطره بيبسي بارد ولا يلقاه ببقالة حارتهم يشيل هم الدنيا كلها ويواصل يومين ..

انا اشهد انك صادز ، وهذا دايم تلقى خدوده كباااااار

إقتباس الطرق اللي ذكرت زينه وتساعد ولكن أحيانا تكون الظروف أقوى من العلاج ..!! طبعا هذي أيام وتروح يعني ماهيب على طول .!!

هذي مشكلتنا عند النوم ، ان الواحد يعيش اللحظه ويفكر بزياده وكنه طول عمره بيقعد على هالحال ، ولاّ لو اقتنع ان الموضوع مجرد عارض وما راح يستمر كان غدا بخير

إقتباس لكن الكل يعترف إن الأرق والتعب عند النوم من أصعب الأشياء على الإنسان الله يحمينا وإياكم منها ..

آآآمين ، صحيح ان الارق كايد ويلعب بالنفسيه لكن الاتكال على الله قبل كل شي وقناعة الشخص بان الانسان خلق في كبد ومشقه وان هذا هو حال خلق الله كلهم وتبسيط الامور وعدم المبالغه في التفكير والتحليل والتشكي هو اساس العلاج


الله يسلمك يابعدي وشكراً على اطلالتك وخلنا نضبط موضوع بانكوك

_________________________________


رااااااجع حوش صاحبك عني <<<< خفيف دم

" نمبراتك مهمة و واقعية و فعالة ..
و من شخص بحجمك متوقعة .. "

إن من كتب الهاوي ..
و الهاوي إذا كتب حري بحرفه أن يُقرأ و يُفهم و يُطبق ..

فعندما يبدأ المرء من حيث ما انتهى شخص ( فاهم ) فإنه يوفر الكثير ..

وعليكم السلام ورحمة الله وبركاته

إقتباس كيف الحال عساكم بخير..

مع ذا البرد صخاين الله يشفينا ويشفي كل مريض ..

إقتباس كل من شفته قال ذبحنا البرد!!

هذا حديث الساعه يعني اذاجا الربيع حكو عن الربيع والاماكن المربعه ..

إقتباس بط أرانب

بشّر المصاريه ملوخيه بالارانب وبطه محشيه مدري وشلوون يستسيغون لحمهن

إقتباس ما صورتين زبده

ههههههههههههههههههههه اجل ماصورتين يعني ماينفع مكعبات
خلاص اذا جيت اطلب من البقاله اقوول لو سمحت 3 ماصوررات زبده ..

إقتباس تجمع هذه المكونات السابقه وتوضع في قدر كاتم وتبطخ على نار هادئه لمدة يوم وبالهناء والشفاء إلى أن يطلع الشتاء

بالهناء والشفاء اجل هههههههههه قصدك بالتعب والمرض والفطسه

إقتباس ياجماعة الربع ليش النفسيّات هاليومين خايسه؟؟ كل من شفته أو كلمته يقول ضايق صدري!! ، ما ودي أقول إن الأجواء هي السبب ، لكن بالتأكيد هي واحد من أهم الأسباب..

شووويه خايسه كلنا مالنا خلق واكتئاب مهوب صاحي ..

إقتباس لا تروح لغرفتك وتنسدح على فراشك وأنت مصحصح ما عندك طاري للنوم.

مشكله والله لازززززم نتقلب ونقعد نفكر ونقرااا هميين يشرف حضرة النووم ..

إقتباس خذ المصحف وأقرأ صفحه من كتاب الله تكفل لك انشراح الخاطر،

هذا المفروض الله يجزاك خير وقراية اذكار النووم ..

إقتباس وركز على قراءة المقالات اللي يعجبك عنوانها ولا تبدأ بمقال وتتركه.

لا والله التسذب خيبه اذا ماعجبني سطحت بالمقال وتعديته ..

إقتباس واتجه إلى المغسله واسكب عليه قليلاً من الماء البارد وامسح به أذنيك من الخلف ،

هالحين انحن نبي دفا ونجي نبّرد انفسنا هذا تعذيب

إقتباس 436 + 625 + 12 ضرب 4 تقسيم 1 ، واستمر حتى يجهد مخك.

ههههههههههههههههه ايه هين نقعد نقسم ونطرح ونجمع عز الله يجي باتسر ولانمنا
نعد خرفان ميخالف خروف خروفين ثلاثه ..

إقتباس تذكرت أيام الجامعه كنت اذا ما جاني نوم أقرقع من شراب الكحه لين أنعفط

لامنيب ضاحكه انا كنت اشرب هستووب وكان يخليني دايخه ومضيعه ولا يجيب لي نوم
المشكله يقولون يسبب النعاس يأرنبوون علينا

إقتباس شاهي شوي سكر

كثّر السكر شوووي يطلع مالغ وماصل وبياله لو سمحت ..

اخووي الهاااوي موضوووع روووعه تسلم يدينك وفيها فوائد ومتعه ميرسي أوووووي ..
دمت بخيــر ..’’

هلا صباح النور ،،

معليشات انشغلت جداا اليومين الفائته الله يشغلنا بطاعته

___________________________

الزعيم الغيور

هلا ومسهلا،،

إقتباس بصراحة جاتني دوخة وأنا اقرا الموضوع

نوم العوافي

تهقى أصلح أشتغل منّوم على مرتبة مبنج بالتخصصي

العفو ،، وتشكرااتي لك

___________________________

مـمـالـكـ ضـبـابـيـة

إقتباس ؟؟؟ وين أروح طيب إذا طفشانه؟؟؟؟؟

روحي صلحي مكرونه بالجبن

روحي لغرفتك عااادي بس لا تدخلينها بنيـّة النوم وانتي أصلا مافيك نوم ، يعني رتبي دروسك أو دولابك واذا كانوا مرتبات حوسيهن

إقتباس ويش اسوي بهالعشر دقايق؟؟؟؟

شوفي لك أي شغله أو كدي شعرك ترى الموضوع كله عشر دقايق ليست كثيره

إقتباس والعياذ بالله اذا سمعت شي من القران يجي في راسي جني واذا قريته ما اعرف انام وأصدع من اي شي اقراه

أعوذ بالله من الشيطان الرجيم ، واضح ان ابليسك ملعون من النوع الامريكاني

عموماً ان كانك ما تحبين القراءه حاولي تصممين أي شي من حركاتكم يالبنات

مثلا اختي جلست أكثر من شهر وهي تصمم سلة حلويات خاصة بالمواليد( فليّن مقوى + قطع خشب صغيره +صمغ + موس + قماش شامواه + ...... الخ) ، ونتج معها سلة حلوه جداا وفيها حركات ولو هي بأحد المحلات كان سعرها ما يقل عن 200 من الريالات

إقتباس يثقل راسي ويصير يروح يمين وشمال وتدهور افكاري واصير اغط واقوم طوووول الليل لين يجي الصبح

تسلسل الافكار وتنوعها هو اللي يطوّل وقت الهواجيس قبل النوم لكن بالغالب اجراء عملية حسابيه للوصول الى ناتج معين هو فكره وحده وجهد ذهني واحد غير مرتبط بأحداث أخرى ، وهنا الميزه<<< عساك فهمتي وش اقصد;)


العفو اختي ،، وتشكرااتي لك


___________________________

سندريلا الهلال

هلا ومسهلا بالسندريلا ،،

إقتباس ماشاء الله تبارك الله على هالوصفة ..يعني وشو نكيسها باكياس ونطلع نسخنها

لا ما يحتاج هي تبي تستمر ساخنه وجاهزه للأكل طوال فترة الصقيع الله يكفينا شره

إقتباس مدري ليه حنا يالسعوديين مانسمي العلاج باسمه ان كان مرسوم عليه وردة نقول عطوه شارب ابو ورده وان كان مرسوم عليه حصان قلنا عطوه شراب ابو حصان ماتعوق معنا ابد .. سنين يكتشفون وحنا نسمي كيفما اتفقنا على قولة ناصر الاحمد..

يعني بالله عليك تبين أمي تقول جب لي زيتروماكس ولاّ زنتاك ترى الموضوع صعب على كبار السن

ومن هذا المنبر أنا أطالب ان كل علاج يكون له صوره معيّنه لأن ابورده طلع منه عشر انواع <<<< دعوه لشطب المخ

أو يسمونها أسماء محليه ، مثلا الهستوب يكون اسمه "الرهيب" والزنتاك يكون اسمه " الزراديه"

إقتباس الله يطول بعمر امك ان شاء الله ويمتعها بالصحه والعافيه .. والله يجزاك خير على هالنصائح اللي كلها خير وبركه ..

آآآمين الله يعافيك وتشكراااتي على تواصلك

___________________________

...SoMe OnE...

ياهلا والله ومرحبا بالأنيق المرتب;)

إقتباس والله يديم المحبه بيننا وبين الصيف

اي والله انا اشهد ان الصيف مليح مادام المكيفات ولله الحمد بكل مكان

إقتباس وبيني وبينكـ احلى مافي البرد انكـ تشوف الشوارع فاضيه كل واحد ( راجن ) عند دفايته

صدقت ، و هذا يكون واضح جدا عقب صلاة العشاء بساعه

وعموماً ثبت احصائياً ان انخفاض درجات الحرارة وبرودة الطقس تساهم في تقليص حجم الحركة المرورية<<< عاد هذا أحد مجالاتي;)

إقتباس اخاف الواحد يتهور ويجيب منقله ويبدا يخطط لبيت المستقبل

هذا عاد اللي مهوب نايم أبد ما دام فيها بيت ومستقبل

تسلم يابعدي على مشاركتك واطرائك ولك مني كل الشكر والتقدير

___________________________

عـز الهلال

هلا ومرحبتين ،،

إقتباس امـ ـا بخصوص الطرق للـ نوم فأظن ان الغسل قبل النوم و قراءة القرآن هي الأفضل وانـا عن نفسي اطقها هوااااااجيس الى ان احس ان النوم قرب فـ ابدأ بالمعوذات وبعدها انام ..

صدقت ياغالي ، الوضوء وقراءة القران تكفي باذن الله ، لكن فيه ناس شيطانهم قوي الله يكفينا شره ولازم يبحثون عن طريقة أو أخرى للتخلص من كثرة الهواجيس والدخول في نوم هني..


تشكراااتي لمشاركتك

________________________

سوف انكس للغالين ان شاء الرحمن

اهلا بالهاوي

أجل دي مجربه

بس الحمدلله ما أحتاج لها

أنا على طول أنام

حتى لو توني صاحية عادي أنام تاني

وإذا مرة مو جاييني النوم

أقرأ سورة الفاتحة لييييييييييييييين أنام

مشكور على الموضوع الروعة مثلك

محبوبة الزعيم

هلا ومسهلا ،،

...

إقتباس سدق

ايه سدق بس وراتس تحتسين تسذا تقل خكريةٍ بمنفوحه

إقتباس ... ياااااااااااااااااهـ أحوب الجو الأفلاتوني هذا ويارب يونزل مترات كثيرات خلال الأيام الجايااااات

حتى انا زي انتي أحب الافلاتوني ذا بس مالي خلقه يوجعن

إقتباس ... تخيل جاااايبين فخذ الفيل نقليه وش مقاااااس القدر إللي بيكفيه <<- - يااااااهـ أشتهيت أذوووووق <<- - أسلن ياماما كولي لحم أول بعدين فكري بأشياااااء تااااانيه

انتي دبّري لنا فخذ فيل والقدر أمره سهل

بس سدق ودك تذوقين فخذ الفيل؟؟ يعني ما حامت تسبد أنتي؟؟

تاني مره يا روح أمك لا تبزعين واللي ماهوب قد اللحم والدسم لا يحستي عنه

إقتباس ... تيب تخيل بكرا يقولون أن فيه مرض جديد اسمه ( إنفلونزا الفيول )

خلاص ما ناكل فيول ناكل فيلات ويمدحون أرحام الفيلات لاجت مشويه ستيكات

إقتباس ... أربعتعشر وإلا إثناعشر

واضح انك مستمخمه على الدائري الشرقي وانواع الفله بسوق المجد

إقتباس سرااااحه أنا مولاحظه لاااازم يجي الناااس فترهـ مثل كذا <-فجأهـ كوووول الناااس نفسياااتهم تعبااانه حتى لو الواحد ودهـ يحسن نفسيته ما يقدر لأنه رح يقاااابل فيسااات وبكثرهـ من هالنوعيااات ورح يتأثر فيهم

السراحه يابنت الناس اني قريت هالسطرين أرربعاات مرراات ولا فهمت شي خصوصاً فيسااات ذي ماجازت لي

إقتباس ... يومكن علشان الإخطبااارااات

ذبحتونا بهالاختبارات ما كن فيه أحد اختبر الا أنتم

إقتباس دائماً أقوووووول لوااااالدي العزيزين إذا خلست دراااااسه أبغى أشتغل إرهاااااابيه لفترهـ محدودهـ

ارهابيه ارهابيه!! والله يابنت الحلال انه لو ينفقع شرخ بجنبك يغمى عليك على توول

دوّري لك امنيه غير ذي الله يرحم والديك بديت احس ان الحرب مسخره والسبه انتي
أجل سواريخ

إقتباس ... والله تفشنا خلاااااااااس من أول يوم إخطبااااار شهري تمتد إلى آخر يوووم <<- - ماسااااارت

لا تسير وسارت للي قبلكم واجتهدوا ونجحوا وقضوا بس انتم تحبون الدلع وكثر التشكي ، وكلها فتره بسيطه وتعدي وبعدين اللي يسمعك يقول انك تذاكرين كل يوم


...

إقتباس تخيل أجل خيتووو حاااقدهـ عليّ تقووول لاااااازم يوووم كاااامل مارح تنااامينه علشاني كونت أمس نااايمه تووووول الوقت ... من جد أحد عوندهـ حل لمشكلة النوم الأزليه

ماشاء الله عليك نايمه يوم!! وش هالهبال دا وين حنا به؟؟

والله ما ادري بس يقولون نوم الظالم عباده

إقتباس ... بس يسعب علي وربي أحوبه !! بعدين شلون نبقى ساحين لحد متى

وشلون لحد متى نبقى ساحين ؟؟ اذا ما سحينا معناها مالنا سنع بهالدنيا والواحد يسحى عشان يعبد الله ويدوّر الرزق مهوب ينام ويحلم انه يصير ارهابي الله يحوم تسبدك

إقتباس ... بسرااااحه بسراااحه دائماً أقول لأهلي لو كان النوم رجلاً لتزوجته

اعن ابودارك اللي نايمه يوم كامل هذي متزوجه أربع رجال مهوب واحد >>>> لا اله الا الله

إقتباس سؤال يتشقلب في دوماااغي !! هو الموزووع إيه بالزبت ياحاااق هو فيه شي إسموووو بيظ قوبن

وانتي تدرين عن شي ، الدنيا تطورت والجبن صار يحط مع البيض ويدهن بالصامولي ويشرب معه شاهي وينشب بالضروس ، وانتي نايمه ما تدرين عن شي الله يخلف على اميمتس

بالله عليك ما تدرين ان الناس بدأوا يحطون شطه مع المرقه

إقتباس سوكـــرنااااات الهاااااوي على المودوووع إللي سمح لنا نفزفز شوي <- توستاهل سفئه لك جك جك جك <- أسوااات التسفيق

العفو يالمحبوبة والله يانتي حستي راسي بأسوات التسفيق بس منهن السوكرنااات


تشكراات على مشاركتك الممخمخه الوسيعة الصدر ولا تكتئيننا

_________________________________________



abu_riman

يا هلا والله وغلا بابوريمان عظيم الشان رفيق الدرب وراعي الذوق


تسلم يابعدي على اطرائك وتواصلك أخجلتني بكلماتك ، لكن صدق اذا قالوا الكبير كبير

شكراً لاطلالتك ولك تحيتي


_________________________________________

هلاليه سنعه


ياهلا والله ومرحبا بالسنعه ،،

إقتباس مع ذا البرد صخاين الله يشفينا ويشفي كل مريض ..

الله يحمانا وكلش يهون عند صخاين البزران والله اني ارحمهم ، المشكله تلبسهم ولا ماتلبسهم ما هيب فارقه..

إقتباس بشّر المصاريه ملوخيه بالارانب وبطه محشيه مدري وشلوون يستسيغون لحمهن

ليش انهم ضعوف ولحم الغنم والبقر عندهم غالي وما كلن يطوله ، وعلى قولتهم اللحم للكبير والفراخ للنص نص والفئير مايلزموش

إقتباس خلاص اذا جيت اطلب من البقاله اقوول لو سمحت 3 ماصوررات زبده ..

بس تراي منب مسؤول اذا جاب عسكريم صاروخ فرواله بهالبرد وعيا يرجعه

إقتباس لا والله التسذب خيبه اذا ماعجبني سطحت بالمقال وتعديته ..

الفكره هي اجهاد المخ وتوحيد التركيز على موضوع معين عشان كذا ما يصلح تبدين بمقال ثم تتركينه وتروحين لثاني كذا يتنشط الراس وتبدى الخلايا تدّهر

إقتباس هالحين انحن نبي دفا ونجي نبّرد انفسنا هذا تعذيب

انتي جربي وان شاء الله تبي تدعين لي ولأميمتي وبعدين تراه منديل فيه شوي ماء مهوب شطاف أو لي دينمو

إقتباس لامنيب ضاحكه انا كنت اشرب هستووب وكان يخليني دايخه ومضيعه ولا يجيب لي نوم المشكله يقولون يسبب النعاس يأرنبوون علينا

لأ هين هو يجيب النوم بس يمكن تركيبة الهستوب ما صلحت لك ، وعلى فكره اذا ماجاب لك النوم معناه انه ماراح يعالج الكحه اللي تعانين منها فيما لو لا قدر الله وكان فيك كحه..

إقتباس كثّر السكر شوووي يطلع مالغ وماصل وبياله لو سمحت ..

بيالتك بالطريق

ما أدري وش بلا الناس مع هالسكر؟؟، من تالي ماعمري تقهويت عند واحد وكان السكر مضبوط دايم الحلى زايد<<<< زايد ولا عيسى


الله يسلمك يالسنعه وشكرا على مشاركتك وتواصلك الجميل

_________________________________________

التميميه


هلا ومسهلا ،،

إقتباس بسراااااحه ,, أنا ما أعاني من مشكلة قل النوم,,

ما شاء الله عليك

إقتباس لطي لك أختي/أخي المصاب بالأرق,, أكتيفيد,, أو اكتفي بالدوران لمدة 10 دقايق فقط في مرجيحة بيتكم,,

الى متى يلط الواحد اكتيفيد؟؟ فيه ناس يستمر معهم الارق شهر وأكثر ، وكثرة العلاجات الكميائيه تدمر الجسم

وبعدين اللي ما عنده مرجيحه وش يسوي لا تقولوين يصبخ راسه بالجدار

إقتباس لكن المشكله,, في اللي يعاني من كثرة النوم,, خاصة موسم الاختبارات,,!!<<وش الحل برأيك,,!!

هذا برأيي اسمه دلع ومهانه طايحين لي بهالموضه اذا جت الاختبارات بدون يضربون نوم

والحل بسيط رسوب بمادتين يخلي الواحد يتأدب

إقتباس اللهم غارت النجوم وهدأت العيون وأنت حي قيوم لاتأخذك سنة ولا نوم اللهم ياحي ياقيوم أهدئ ليلي وأنم عيني "

الله يجزاك خير ..

صحيح ياجماعه اللي فيه أرق لا ينسى هالدعاء


يامال العافيه وشكرا على اضافة هالدعاء اللي راح عن بالي

_________________________________________

المغامرة

هلا ومسهلا ،،

إقتباس أنا على طول أنام حتى لو توني صاحية عادي أنام تاني

ما شاء الله عليك والله يتمم لك بالخير

العفو اختي وتشكراات لمشاركتك