فلسفة احساس! - صفحة رقم 2 - نادي الهلال السعودي - شبكة الزعيم

هلالي شامخ · #16 08/12/2004, 12:30 PM

وعليكــم الســـلام ورحمــة الله وبركــــاته ..

مــوضــوع رائــع وطــرح أروع ..

يعطيــك العافيـــة أختــــي ..

إقتباس


	وتقولون لنا اي نوع من الشعر يجذبكم اكثر(العامي او الفصيح الخ)

بصــراحــة أميــل كثيــراً للشعـر العامــي المميــز ..

إقتباس


	قولولي ليش تحبون الشعر؟

ممتــع .. يعبــر كثيــراً عــن مــا فــي داخــل الأنســـان ..

ويكفــي أن الشعـــر .. هــو مــن أسهــل الوسـائــل الجميــلة التــي

تعبـــر عــن طبيعــة الشخــص ..

ختـــامــــاً .. يبقــى الخيـــال الواســع .. والثقــة بالنفـــس .. أقــوى مـــا يجــذبنــي

للشعـــر ..

يقــــول البــــدر :

أنــــا يـــا سيــدي والله مــاخــاف الأنـــداد ،؛، أنــا وحيــد الشعـــر مـــا خلــق لــي ثانـــي

الــف شكــر أختــي ..

تحياااتي ؛؛

فتى المدينه · #17 08/12/2004, 04:00 PM

إقتباس


	وتقولون لنا اي نوع من الشعر يجذبكم اكثر(العامي او الفصيح الخ)

أنا متعصب لشعر(الخ)

وبعده يأتي الشعر الشعبي والفصيح بالتساوي ..

إقتباس


	ويا متابعين الشعر ومحبينه قولولي ليش تحبون الشعر؟ >مالت عالاسلوب

أحتفظ بالأجابة لنفسي

فتى المدينه ,,

الهلالي دائماً · #18 08/12/2004, 04:59 PM

شكراً كيفي على هذه المشاركة

فلسفة احساس

وبصراحة احسن شي الاحساس الرابع

بس يا ليت تترجمينه

واما من ناحية الشعر الفصيح والنبطي ( كما يسميه احد اساتذتي)؟؟

فا لشعر الفصيح هو الاساس وهو سجل تاريخي للامة الاسلامية ^^ انواع الفلسفة

وكما قال حافظ ابرهيم ..في قصيدته اللغة العربية تشكو ...

وسعت كتاب الله لفظاً وغاية * ولم اعجز عن آيٍ به وعضات
فكيف اضيق اليوم عن وصف الة * وتحديد اسماء لمخترعات

وقد كنت منذ زمن امقت الشعر النبطي متأثراً ببعض اساتذتي ؟؟ ولكني الان ارى ان الشعر النبطي
فرض نفسه وله جمهوره وهناك شعراء وصلو عن طريقه الى العالمية

واهم شي في الشعر ان لا يكون مجموعة من الشخاميط التي لا تفهم بل يجب ان يوصل فكرة
ويكون له هدف بغض النظر هل هو فصيح او نبطي

واما سؤالك عن لماذا نقرأ الشعر

فجوابه .. لنفس سبب كتابة الشعر.. فا لشاعر الصادق يكتب الشعرليسافر به بين القلوب

قال عبد الرحمن العشماوي ..
لو كنت اكتب شعري * حتى القب شاعر
او رغبة في مديحٍ * يقال او في تفاخر
لما سللت يراعي * وما اقتنيت الدفاتر
شعري حصان اصيلُ * به اليك اســـــافر

اتمنى ان اكون اوصلت وجهة نظري بشكل صحيح ويسلمووووووووووووووو

المعترض · #19 09/12/2004, 12:27 AM

هلا وغلا

موضوع رائع والشعر موهبه وهو منطلق من العرب تحديدا بروعته المميزه بعربيتنا اللتي غابت !!!

والشعر يجب ان يحمى من من يدعي الشعر من المستحدثين ...

تحياتي

كيفي كويتية · #20 20/12/2004, 05:44 PM

ياهلا ومرحبا بالكل

سامحوني عالتأخير..الخارج عن الارادة .. لا تسألوني عن السبب..ترى ماكو غير الدلع

الكنزنواف

هلا وغلا
حياك الله..منور موضوعي بطلتك البهية

قصائد ابوفراس الحمداني الاخرى لا تقل روعة عن هذه القصيدة

يعطيك العافية اخوي الكنز على نقلك هذه القصيدة الرائعة ومشاركتك الاروع في الموضوع

الف شكر لك

راشد

هلا وغلا
شرفتنا والله بردك اخوي راشد

إقتباس


	غالبا في القصائد يكون هناك بيت واحد تعتمد عليه القصيدة ,, وربما يكون بيت واحد يغني عن قصائد كثيرة ,,

بالضبط

إقتباس


	وليس دائما الإعجاب ببيت أو قصيدة أو الشعر عموما أنه لامس مشاعرنا أو ترجم ما بداخلنا ,, فأحيانا تعجبنا قصيدة رثاء وقد لانكون لانعيش هذه الحالة

بيني وبينك مافيه قصائد تجذب

اقصد الوقت الحالي

ماكو غير الذاهبة

إقتباس


	ذو العقل يشقى في النعيم بعقله ,, وأخو الجهالة في الشقاوة ينعم

إقتباس


	بعض الخطايا فوق كل المعاذير ,, وبعض الخطايا يقصر العذر عنها

إقتباس


	ما جا بدون حساب ماجاله حساب ,, والنصر لاجا سهل مثل الهزيمة أحد عرق وجهه من الوقت صباب ,, وأحد عرق غيره مسبب نعيمه

إقتباس


	الله نشد ياحمود عن معرفة يوم ,, وحنا ثمان سنين ياحمود جيران ياحمود يظهر لك رفيق من القوم ,, ويظهر من الربع الموالين عدوان

إقتباس


	عيني على بندر من أمس مخطوفة ,, والنوم نوم مروع خايف ذال عشرين عام وسبعة أعوام أشوفه ,, لاعايش يرجى ولاميت بال

إقتباس


	لاواهني اللي لياضاق له يوم ,, اليوم الآخر خاطره مايضيقي ماهو بمثلي ضيقته دايم الدوم ,, أبغي المليق أشوي وأزريت اليقي

صح لسانك والله ياراشد ويعطيك الف عافية

الف شكر لك اخوي راشد على مداخلتك الكريمة واللي اسعدتني

كايدهم

هلا وغلا
حياك الله
تواجدك اروع..يعطيك العافية

معذبهم

هلا وغلا
الله يسلمك ومشكور على التواجد

The Danger

هلا وغلا
حياك الله
الشعراء اللي ذكرتهم (طلال الرشيد - حامد زيد - عبدالرحمن بن مساعد) لهم حضورهم القوي في الساحة وحتى لو غاب احدهم راح تبقى قصائدهم في ذاكرة محبين ومتابعين الشعر

وابرز مثال هو طلال الرشيد الله يرحمه

يعطيك العافية على المشاركة

مطيع الهيمي

هلا وغلا
اجاااااااااااااااااااابة صحيحة

>على بالها مسابقة

البيت فعلا جميل

الف شكر عالمشاركة اخوي مطيع وحياك الله

هلالي وان جار الزمن

هلا وغلا
اول شي واضح انك من عشاق مهندس الكلمة

والله يلوم اللي يلومك

الف شكر لك على مشاركتك الجميلة والرائعة والابيات الاروع

وحياك الله

اماراتية

هلا والله وغلا برفيجتي

قصيدة مانع العتيبة الاخيرة كانت في الشيخ زايد

بغيت انزلها بس ماحبيت اقلب المواجع

مشكورة يالغالية على نقل القصيدة وصح لسانج

ووصلي سلامي ليدتج

يعطيج العافية وكرري الزيارة

للمجلس كله مو بس لي ;)

هلالي شامخ

هلا وغلا
الله يسلمك ويعافيك ومشاركتك هي الاروع

وانا معاك ان الشعر ممتع ويعبر عن مافي داخل الانسان

الف شكر لك عالمشاركة الرائعة

فتى المدينة

هلا وغلا

إقتباس


	أنا متعصب لشعر(الخ) وبعده يأتي الشعر الشعبي والفصيح بالتساوي

والله مادري شلون طلعت "الخ" :p بس الاكيد اني اذا اندمجت في التعبير انسى نفسي

إقتباس


	أحتفظ بالأجابة لنفسي

ايه ما يحتاج تقول الاجابة

لاني عارفتها

..وبعدين اخاف يغشون منك :p

يعطيك العافية وحياك الله

ماجد مقبل

هلا وغلا

إقتباس


	وبصراحة احسن شي الاحساس الرابع بس يا ليت تترجمينه

جم تعطيني؟؟

إقتباس


	واهم شي في الشعر ان لا يكون مجموعة من الشخاميط التي لا تفهم بل يجب ان يوصل فكرة ويكون له هدف بغض النظر هل هو فصيح او نبطي

تقصد سعد علوش

بصراحه بعض قصايده مالها معنى

او بالاحرى انا ما افهم بعض مصطلحاته

حتى الابيات اللي افهمها احس انها مالها قيمة

مثل اللي فيها سيجارة ومسبحه وانا ولعت السيجارة طيب وبعدين؟!

احنا شكو

الف شكر لك اخوي ماجد على مشاركتك الرائعة واضافتك الاروع ولاهنت

المعترض

هلا وغلا
حياك الله .. وين هالغيبات ما تنشاف!!

معاك حق في كلامك

يعطيك العافية عالمشاركة

هلالي موعالبال · #21 20/12/2004, 08:15 PM

ماشاء الله شعر فيه ابداع منقطع النظير>> حلوه ذي

اختي اتمنا لك كل التوفيق وتقبلي احلى تحيه مني

هلالي موعالبال

هلالي وان جار الزمن · #22 21/12/2004, 02:02 PM

إقتباس

إقتباس


	تقصد سعد علوش بصراحه بعض قصايده مالها معنى

لا لا لا

كل شيء الا ابوعلوش

شاعر مبدع ورائع ومثقف

وصاحب القاء لذيذ للغاية

كيفي كويتية · #23 21/12/2004, 10:27 PM

هلالي مو عالبال

مشكور

هلالي وان جار الزمن

مع احترامي لك ولرايك مغرور وشايف نفسه

والقائه مو ذاك الزود

و99%بالمية بايخة

شريت له ديوان "اخذيني" وبصراحه تحسفت على الدينارين اللي دفعتهم فيه

عموما لولا اختلاف الاذواق لبارت السلع

نـــــــ15ــــــمر · #24 21/12/2004, 10:53 PM

خير الكلام ما قل ودل

مشكوووووووووووووووور
(ما عرفت وش ارد)

هلالي وان جار الزمن · #25 22/12/2004, 01:02 PM

سعد علوش مغرور

غريبه

انا ما اعرفه شخصياً ... بس حضرت له امسية في ابها ووجدته انسان عادي للغاية

وكنت اتمنى في تقييمك للشاعر عدم ذكر الامور الاخرى ...

فمثلاً كلنا نعرف بعض التصرفات المشينة لبعض الشعراء الكبار ...

ولكن هذا لا يمنع ان نشيد بابداعهم في الشعر ....

وعلى قولتك لولا اختلاف الاذواق لبارت السلع ....

وعندي سؤالين :

ديوان علوش اللي ذكريته مسموع او مقروء ...

والسؤال الثاني : ابغى رأيك في الشاعر حامد زيد من عدة نواحي :
الالقاء .... الخيال ... الافكار .... شخصيته .... الحضور

وشكرا ....

هلالي موعالبال · #26 22/12/2004, 03:11 PM

اقول كيفي مادام انك تحبين الشعر ولك اهتمام

وش رايك بالشاعره نهى القريني الي صارات بيوم وليلة من مذيعة برنامج اطفال الى مستشعره

وماتوافقين الراي ان الدخلاء على شعر كثرو علشان كذا صار الشعر بايخ مو كله طبعاُ

لكن اكثره ابغى رأيك لا اكثر

تقبل تحياتي

هلالي موعالبال

كيفي كويتية · #27 22/12/2004, 04:46 PM

نـــــــ15ــــــمر
اهلا وسهلا
العفو وحياك الله

هلالي وان جار الزمن

إقتباس


	وعندي سؤالين :

سم طال عمرك

إقتباس


	ديوان علوش اللي ذكريته مسموع او مقروء ...

مقروء

بس حضرت له امسية في هلا فبراير وما عجبني

إقتباس


	والسؤال الثاني : ابغى رأيك في الشاعر حامد زيد من عدة نواحي : الالقاء .... الخيال ... الافكار .... شخصيته .... الحضور

حامد زيد قبلة

القاءه تمام شخصيته روعة متواضع وطيب وحبوب

>مصختها صح

العادة انا ما يعجبني في قصائد اغلب الشعراء الا بيت او بيتين

لكن حامد زيد كسر هالقاعده

كل ابياته روعة

وحامد زيد لما يكتب عن الحب تلقى بين ابياته شموخ العاشق عكس اللي يخلي نفسه ذليل عشان معشوقته وانه يبكي ليل نهار عشان الحبيبة

الخ من الشعر اللي ماله معنى

انا ما احب هالنوع من القصائد وما تعجبني

وتبقى وجهة نظر شخصية

واشكرك اخوي هلالي وان جار الزمن على سعة صدرك

هلالي مو عالبال

إقتباس


	وش رايك بالشاعره نهى القريني الي صارات بيوم وليلة من مذيعة برنامج اطفال الى مستشعره

شوف كل شي عاد الا نهى

ياناس يعني اللي يقدم للأطفال حيوان ماعنده مشاعر ولا عنده احاسيس ولا عنده مواهب؟!!!

شهالعقليات!!

بعدين البنت خالتها مادري عمتها شاعرة

يعني ماهي اول وحده تكون شاعرة بعايلتهم

انا بصراحه ماني متابعه لقصائدها باستمرار لكن كل قصائدها اللي سمعتها او قريتها روووعه مثل مالت المعاقين وعلى جرحي

وبعدين في امسية شعرية كانت هي ومعاها شاعرين نسيت اساميهم

المهم صار بين الشاعرين محاورة.. يعني واحد يقول بيتين والثاني يرد عليه..طبعا هالشي مومخطط له .. المهم ردت نهى عليهم ببيتين في نفس اللحظة فيما معناه مايصير تتحاورون وانا احط ايدي على خدي

فلو كان فيه احد يكتب لها قصائدها جان انفضحت في هذي الامسية

لكن دخولها في المحاورة هو اكبر رد على المشككين

وبعدين انت ما قريت قصيدتها "حقت ورعان"

انصحك بقرائتها

هلالي موعالبال · #28 22/12/2004, 05:10 PM

خلاص ياكيفي توبة ماعاد اسب نهى

شوي وتقومين تطقيني ماتوقعت انه في بطة تسوي كذا هههههههه

انا ماقلت انها مالها مشاعر انا قلت انها تحاول تصير شاعره

وهذا لا يعني انها فشلت دايم وانا قريت قصيدتها على جرحي ترش الملح

وعموماً من اهم ميزات نهى طلتها وبرائة ملامحه

ووجه طفولي يخلي الواحد يعطف على طول على هذه الطفله الي تجتهد لدخول مجال الشعر

والله ياكيفي الظاهر تعرفين لشعر زين عموماً نهى سمعت انهى تدخل مهاترات اعلامية

مع ضحاوي العدواني وهذي بعد مستشعره

عموماُ لاتعصبين علي مره ثانية

لاني انا ولد ولي مشاعر هههههههههههههههههههه

كيفي كويتية · #29 22/12/2004, 05:59 PM

إقتباس


	شوي وتقومين تطقيني ماتوقعت انه في بطة تسوي كذا هههههههه

شوف اذا كان في راسك هوشة

انا بصراحه مالي خلق اتهاوش

وقول عني ما تقول :p

إقتباس


	انا ماقلت انها مالها مشاعر انا قلت انها تحاول تصير شاعره

ليش انت عبالك المسألة سهلة لهالدرجة!!

مو اي انسان يقدر يصير شاعر

لو السالفة بالمحاولة وبذل الجهد جان شفتني شاعرة من زمان

إقتباس


	ووجه طفولي يخلي الواحد يعطف على طول على هذه الطفله الي تجتهد لدخول مجال الشعر

وحده عمرها 23 تقول عنها طفلة

عيل انا شنو اطلع

إقتباس


	والله ياكيفي الظاهر تعرفين لشعر زين عموماً نهى سمعت انهى تدخل مهاترات اعلامية مع ضحاوي العدواني وهذي بعد مستشعره

كل الحريم عندكم مستشعرات !!

للعلم بس احنا اساس الاحساس والمشاعر

إقتباس


	لاني انا ولد ولي مشاعر

بشر امك

عموما مشكور وحياك الله .. وتبقى وجهة نظر

هلالي موعالبال · #30 22/12/2004, 08:59 PM

عموماً اختي كيفي كفيتي ووفيتي ولا ابغى اي اخ او اخت لي في هذا المنتدى يكون زعلان

اختي ابغى رأيك بتالي:

الشاعر حمود البغيلي

الشاعر عبد الرحمن بن مساعد

المستشعره نجاح المساعيد

المستشعره بشاير الشيباني

الشاعر الراحل طلال الرشيد

والشاعر الرائع سعد علوش

عموماً كيفي الاختلاف بوجهات النظر لايفسد للود قضية

تقبلي تحياتي اخوك هلالي موعالبال