-











Newcastle United v Chelsea - Premier League - Pictures - Zimbio

^ بقية الصور

هاردلك شباب و معوضين خير إن شاء الله .. اي نعم خسرنا 3 نقاط مهمه بس خرجنا بدرسين مهم للمو ان المازكار مايصلحون يلعبون ع خط واحد يعني اذا بيلعبون جميع اوسكار يمسك وسط هجومي و انا من اول قايلها ان اوسكار افضل وقت له هو الوسط الهجومي يمكن من ايام دي ماتيو و انا اقول هالكلام و انتم تعارضوني اللاعب جيد بتدوير الكورة و افتكاكها و يخلق مساحة للفريق و يطبق الضغط ع حامل الكورة بشكل رائع و الخانه اليمنى عندنا فيها شورليه و ويليان بيفيدونك فيها و انا بالفترة ذي افضل شورليه لين مايرجع ويليان شاختار اللي نعرفه اللاعب تغير صار بس مراوح و يدعس يمين ؟ المادافعين حفظو طريقته ويليان مع شاختار موب صاحي من ناحية التمريرات الطويلة و الأرضيه بعد و اللاعب مايدخل العمق ابد بالفترة الأخيره و هالأجنحه ذولي فشلهم محتوم .. و ماتا في خلف المهاجم مايفيد الفريق بس بعد يفيد هازارد مستحيل و اكرر مستحيل نشوف 100% من هازارد اذا ماتا غايب صح ببدع و بالفترة الأخيره بدون ماتا بعد لكن مع ماتا هازارد شي ثاني .. و انا واثق بالمو ثقه عمياء انه تعلم من هالدرسين من هالمباراة الأول هو اللي اهذر به ساعه فوق عن المازكار و الثاني عن شراكة لامبس و رامي الكارثيه .. مهما كان ميكيل سيء ففهو بيقدم عطاء للفريق افضل من لامبس صدقوني انا اعشق لامبس لكن الرجال انتهى مدري وش صار فيه مايفيد الفريق الا دفاعيا وبحدود بعد و بالهجوم بمباراة نيوكاسل خرب علينا اكثر من هجمتين خطيرات و كان الفريق فيها في حالة ارتداد و خربها بتمريراته الخايسه و مدري وش فيه المو بإصراره الغريب ع لامبس هو يلام ع إصراره للامبس الرجال شيب ماهو زي قبل يلعب كل مباراة اتمنى و اتوقع المو فهم هالشي و بعد ميكيل مبدع ماخلانا نجاكر السيتي باخر ربع ساعة بعد ماكانو ماسكين الملعب الا هو كتم يايا و خرب ع السيتي هجمات مرتده كانت بتكون خطيره لو مرت .. و انا اقول دامنا فوق السيتي ف وضعنا بالسمبتيك .. ما اتوقع الجنرز بيبتل ع هالمستوى لأن الفريق دكته خايسه و يقدمون رتم سريع يرهق لاعبينهم قبل ان يرهق الخصم و هم يسون زي ماكنا نسوي مع ماتيو واكلناها اذا تذكرون و حنا تونا بالجولة الثامنه و بإذن الله ماتجي الجولة العاشره إلا حنا الأول او قريب من الأول بفارق نقطتين ع الأكثر
بالتوفيق لتشلسي و بإذن الله بنهاية هالموسم بنبارك و نهني بعض بالبريمرليج اللي بيرجعه المو للبريدج

أعرف مورينهو زين مع الريال قدام الفرق الكبيرة يبدع ولكن قدام الفرق الصغيرة ما يقدر يسوي شيء

لأن الفرق الكبيرة تهاجم وهو يقفل و يلعب على المرتد

و لما يلعب مع الفرق الصغيرة مضطر يهاجم و لكن بدون فائدة لأن اغلب التمارين تكون على الجانب التكتيك الدفاعي و التكتيك الهجومي غائب تماماً لذلك شاهدنا هذا اللعب العشوائي

مورينهو مدرب anti attack

ليس مدرب creative مثل قوارديولا

وكل مدرب يمتاز بميزة

قوارديولا يصلح لمنافسات النفس الطويل مثل الدوري

و مورينهو يصلح لمباريات الكؤوس

إقتباس اي نعم خسرنا 3 نقاط مهمه بس خرجنا بدرسين مهم للمو ان المازكار مايصلحون يلعبون ع خط واحد يعني اذا بيلعبون جميع اوسكار يمسك وسط هجومي و انا من اول قايلها ان اوسكار افضل وقت له هو الوسط الهجومي يمكن من ايام دي ماتيو و انا اقول هالكلام و انتم تعارضوني اللاعب جيد بتدوير الكورة و افتكاكها و يخلق مساحة للفريق و يطبق الضغط ع حامل الكورة بشكل رائع

اوسكار وسط هجومي يعني ماتا اوت طول الموسم بنشوفه عالدكة .. مورينهو واضح اعتماده كلياً على اوسكار حتى لو يلعبه بنص رجل .. من اول الموسم وهو يحط اسم اوسكار قبل تشيك وبعدين يكمل العشرة الاعبين فالتشكيلة .. قلتها الاعب بتجي فترة يرهق ومايقدم شي نظراً للكرف اللي يكرفه .. ولو نلاحظ مورينهو كارفه كرف مب صاحي ومعطيه تعليمات اكثر من اي واحد فالفريق .. تشوفه يضغط ويرجع يضم مع المحاور ويرجع ويبني الهجمة ويصنع ويسجل وو ، ادوار كثيرة يقوم فيها .. وشفنا كيف عانى منها في ها المباراة اللي كان خارجها تماماً ، مع ذلك اصر المو وطلع ماتا النشيط وابقى عليه! هذه نقطة سلبية فالمو انه يكابر احياناً بلاعب او لاعبين .. ترا مو مشكلة اذا طلعته ولعبت بماتا في مركزه صانع ويمين ويليان ويسار هازارد او شورليه! ووراهم لامبس وراميريز مع اعطاء احدهم ادوار دفاعية! انا لما انتقدت اوسكار مو معناته اني اكرهه او اني ابغاه يحيط ، بس مصلحة الفريق فوق كل شي ، والمو بنفسه قالها انا غلطت بالتشكيلة ولو بيدي غيرتهم كلهم ولعبت بالتشكيلة الثانية ، طبعاً هو بالغ بس قال انو فيه لاعبين ثلاث م قصروا (تيري ، تشيك ، ماتا) > طبعاً ها الثلاث اسماء من وجهة نظري .. اما البقية 0 عالشمال للأسف!

*

×

الاربعاء " دوري ابطال اوروبا الجولة الرابعة "
تشلسي × شالكة
10 و 45 مساءاً
القنوات الناقلة [ الجزيرة الرياضية HD2 ]
ب تعليق عصام الشوالي
الستامفورد بريدج " تشلسي "
انتهت مباراة الذهاب 3-0 لتشلسي

-

















تدريبات الفريق استعداداً لمواجهة شالكة اليوم

مباراتنا اليوم مطالبين بالفوز ولا غيره ، الفوز مهم وبيرجع لنا بالفايدة بعدة نقاط اولها صدارة المجموعة واريحية كبيرة بالتأهل كأول المجموعة ، ثانيها العودة لسكة الانتصارات والثقة للفريق بعد الخسارة الغير متوقعة فالدوري ، بالإضافة الى تحديد مستوى كذا لاعب من الاساسيين منهم ماتا او ويليان ولويز من الممكن تكون هذه فرصتهم لإثبات افضليتهم بالمركز ونشوفهم بشكل مستمر بحكم تخاذل كذا لاعب في مباراة نيوكاسل واللي اجبر مورينهو يعيد ترتيب حساباته ، شالكة بيجي وتفكيره كله فوز ورد الثار ، اقلها يطلع بتعادل من الستامفورد ومايخسر عشان تكبر حظوظه بالتأهل ومايدخل في حسابات معقدة مع بازل ، الاخير تعادله مع بوخارست فادنا كثير ، مباراتهم بتكون بأرضهم ومتوقع فوزهم وامنيتي يتعادلون ، السيناريو اللي متوقعه في راسي بيكون فوز اليوم على شالكة - تعادل في بازل - فوز على بوخارست وعطني بطاقة التأهل ، كل شي بيتحدد اليوم ، بإذن الله نبارك لبعض بعد المباراة

ياليت تشاركون ي شباب ولو بشي بسيط ، يعلم الله اني مقصر اكثر منكم
لكن نبغى الواحد لا دخل الرابطة يشوف شي يستاهل انه يتحمس ويشارك عشانه
ولو شي بسيط ، م طلبت منكم شي مستحيل .. قواكم الله

توريس تعرض لأصابة ولا راح يلعب اليوم و تشخيص الاصابة اليوم

الاغلب عودته راح تكون بعد التوقف يعني 23 نوفمبر قدام ويست هام

-



#SchurrleBirthday

إقتباس توريس تعرض لأصابة ولا راح يلعب اليوم و تشخيص الاصابة اليوم الاغلب عودته راح تكون بعد التوقف يعني 23 نوفمبر قدام ويست هام

منحوس

فرصة ايتو اليوم ،
الابطال ؟ وتلعب في ارضك ؟ مافيه احلى من ها الفرصة انك ترجع وتسجل

مبروك تشلساوية

بداية المستوى سيء .. انعدام خلق الفرص والدليل الهدف اللي جا من مجهود المهاجم ايتو ومتابعته للحارس اللي تأخر بتشتيت الكورة ، بعد الهدف دخل تشلسي ف جو المباراة ومع مطلع الشوط الثاني زاد الغلة من نفس الاعب بعد مجهود جميل من ويليان المجتهد الفترة الاخيرة ، وانهاء للهجمة بشكل مثالي من ايتو .. الفريق بكذا ضمن المباراة وريح عناصره ابرزهم اوسكار اللي مكروف كرف مب صاحي .. من بداية الموسم لعب تقريباً اغلب المباريات وشارك فيها 90 دقيقة كاملة !

شفناه على المستوى الذهني منتهي تماماً ومو قادر يساعد الفريق بأي شي ، محتاج يرتاح لفترة مناصفة بالراحة اللي قضاها ماتا واللي اعتقد ان جا الوقت اللي نشوفه فيه اساسي على حساب اوسكار بغض النظر عن سوءه الدفاعي او المطالب اللي محتاج مورينهو يشوفها فيه ، ماتا معروف فنياً ، وقادر على العطاء وصنع الفرص وانتشال الفريق للفوز مهما كان مستواه سيء !

بوخارست يقدم لنا هدية مرة اخرى بتعطيل بازل بالتعادل الايجابي .. طرنا بالصدارة ب 9 نقاط وبفارق 3 عن الثاني شالكة 6 نقاط ، مباراتنا الجاية مع بازل في ارضهم .. قادرين بالثورة الحالية الفوز ان شاء الله ورد الثار اللي شربناه منهم في البريدج ذهاباً ، وقتها الفريق متأهل وبالصدارة بشكل رسمي لدور ال 16 من البطولة ..

الف مبروك الفوز

نتيجة مستحقة

أكبر ما يؤرقني ان الفريق مستواه متذبذب ولا يمتلك لاعبين اساسيين

و الاستمرار على تشكيل يعني زيادة التجانس

سياسة التدوير راح تظر الفريق

أظهرة الفريق 0 هجومياً
هذي نقطة مهمة وهي احد اسباب الخسارات من الفرق الصغيرة

-



ردة فعل المو بعد المباراة



فرانكي