مبروك تشلساوية

بداية المستوى سيء .. انعدام خلق الفرص والدليل الهدف اللي جا من مجهود المهاجم ايتو ومتابعته للحارس اللي تأخر بتشتيت الكورة ، بعد الهدف دخل تشلسي ف جو المباراة ومع مطلع الشوط الثاني زاد الغلة من نفس الاعب بعد مجهود جميل من ويليان المجتهد الفترة الاخيرة ، وانهاء للهجمة بشكل مثالي من ايتو .. الفريق بكذا ضمن المباراة وريح عناصره ابرزهم اوسكار اللي مكروف كرف مب صاحي .. من بداية الموسم لعب تقريباً اغلب المباريات وشارك فيها 90 دقيقة كاملة !

شفناه على المستوى الذهني منتهي تماماً ومو قادر يساعد الفريق بأي شي ، محتاج يرتاح لفترة مناصفة بالراحة اللي قضاها ماتا واللي اعتقد ان جا الوقت اللي نشوفه فيه اساسي على حساب اوسكار بغض النظر عن سوءه الدفاعي او المطالب اللي محتاج مورينهو يشوفها فيه ، ماتا معروف فنياً ، وقادر على العطاء وصنع الفرص وانتشال الفريق للفوز مهما كان مستواه سيء !

بوخارست يقدم لنا هدية مرة اخرى بتعطيل بازل بالتعادل الايجابي .. طرنا بالصدارة ب 9 نقاط وبفارق 3 عن الثاني شالكة 6 نقاط ، مباراتنا الجاية مع بازل في ارضهم .. قادرين بالثورة الحالية الفوز ان شاء الله ورد الثار اللي شربناه منهم في البريدج ذهاباً ، وقتها الفريق متأهل وبالصدارة بشكل رسمي لدور ال 16 من البطولة ..