إقتباس اي نعم خسرنا 3 نقاط مهمه بس خرجنا بدرسين مهم للمو ان المازكار مايصلحون يلعبون ع خط واحد يعني اذا بيلعبون جميع اوسكار يمسك وسط هجومي و انا من اول قايلها ان اوسكار افضل وقت له هو الوسط الهجومي يمكن من ايام دي ماتيو و انا اقول هالكلام و انتم تعارضوني اللاعب جيد بتدوير الكورة و افتكاكها و يخلق مساحة للفريق و يطبق الضغط ع حامل الكورة بشكل رائع

اوسكار وسط هجومي يعني ماتا اوت طول الموسم بنشوفه عالدكة .. مورينهو واضح اعتماده كلياً على اوسكار حتى لو يلعبه بنص رجل .. من اول الموسم وهو يحط اسم اوسكار قبل تشيك وبعدين يكمل العشرة الاعبين فالتشكيلة .. قلتها الاعب بتجي فترة يرهق ومايقدم شي نظراً للكرف اللي يكرفه .. ولو نلاحظ مورينهو كارفه كرف مب صاحي ومعطيه تعليمات اكثر من اي واحد فالفريق .. تشوفه يضغط ويرجع يضم مع المحاور ويرجع ويبني الهجمة ويصنع ويسجل وو ، ادوار كثيرة يقوم فيها .. وشفنا كيف عانى منها في ها المباراة اللي كان خارجها تماماً ، مع ذلك اصر المو وطلع ماتا النشيط وابقى عليه! هذه نقطة سلبية فالمو انه يكابر احياناً بلاعب او لاعبين .. ترا مو مشكلة اذا طلعته ولعبت بماتا في مركزه صانع ويمين ويليان ويسار هازارد او شورليه! ووراهم لامبس وراميريز مع اعطاء احدهم ادوار دفاعية! انا لما انتقدت اوسكار مو معناته اني اكرهه او اني ابغاه يحيط ، بس مصلحة الفريق فوق كل شي ، والمو بنفسه قالها انا غلطت بالتشكيلة ولو بيدي غيرتهم كلهم ولعبت بالتشكيلة الثانية ، طبعاً هو بالغ بس قال انو فيه لاعبين ثلاث م قصروا (تيري ، تشيك ، ماتا) > طبعاً ها الثلاث اسماء من وجهة نظري .. اما البقية 0 عالشمال للأسف!