لاتستعجل على التخرج !!

انا تخرجت من الثانويه وقدمت على كل الكليات ماقبلوني الا جامعه الملك سعود مسار انساني (سنه تحضيريه) ورفضت ..والحين قآعد بالبيت مادري وش اسوي مع ان نسبتي 90%


ونصيحه لاتفكر بالتخصصات والكليات الحين ركز على دراستك وشد حيلك باختبار القياس والتحصيلي ولكل حادثه حديث ..

إقتباس الرسالة الأصلية كتبت بواسطة عاشـق الـمـسـتـحـيـل لألأ تستعجل توك بآآآقي لك سنتين آنت شد حيلك الحين وبعدين فكر شنو تدخل .

مررت مرور الكرام وصنعت لنا نصائح للاجيال وانت بالفعل من الاصحاب

انا في اخر سنة بس الوضع عايدي مافيه شي يجيب الوسواس اذا ما انقبلت طب فيه اكثر من تخصص

فيه هندسة فيه دراسة فيزياء احياء كيمياء واشياء ثانية ماراح يتوقف المستقبل ان شاء الله بس ركز ع الدراسة وحاول تجيل اعلى نسبة تقدر تحصل عليها

بالتوفيق ان شاء الله

اللي يقولك لا تحط شي في بالك !
إن ما حطيت شي في بالك أو هدف معين .. وش الحافز إنك تشد حيلك !؟
بالعكس خل هدفك طب هندسه .. وشد حيلك لهن وبإذن الله نشوفك طبيب او مهندس

إقتباس بالعكس حط شي ببالك واشتغل له ..

زي ماقال اخوي هلآلي .. حط شي فبالك واسعى له وان شاء الله ربي بيوفقك ويعينك

بالتوفيق يا قدع

اقول لاتشد حيلك ولاهم يحزنون تبي رأيي فلها وعش حياتك ولاتفكر بمستقبلك ..
اذا مافكرت فييه جآك يركض لكن إن تخوفت وصرت اكثر حرص يهج منك >>حلوه يهج ..
صدقني مااقول هالكلام الا لاني بس خلها على ربكك ..
وشف أخوي مشعل ونسبته كم وتدري ..
انا لست مثبط لكن هذا الواقع .. ليش اتعب وانصدم بعدين ...
اذا لك احد قريب واصل توضف بس وتزوج ..

ادري بيشن الجميييع علي حرب شعوآء لكن ماعلي منهم هذي وجهة نظر شخصيه ..
ورأي لست مجبر عليه ...

إقتباس الرسالة الأصلية كتبت بواسطة الفكر والرسآله اقول لاتشد حيلك ولاهم يحزنون تبي رأيي فلها وعش حياتك ولاتفكر بمستقبلك .. اذا مافكرت فييه جآك يركض لكن إن تخوفت وصرت اكثر حرص يهج منك >>حلوه يهج .. صدقني مااقول هالكلام الا لاني بس خلها على ربكك .. وشف أخوي مشعل ونسبته كم وتدري .. انا لست مثبط لكن هذا الواقع .. ليش اتعب وانصدم بعدين ... اذا لك احد قريب واصل توضف بس وتزوج .. ادري بيشن الجميييع علي حرب شعوآء لكن ماعلي منهم هذي وجهة نظر شخصيه .. ورأي لست مجبر عليه ...

والله من زين الرد بعد !!

نصيحتي لك يآ أخوي إذا تبي تمشي على رأي الناس اللي مثل هالحبيب هذا صدقني ما راح تكمل حتى الثانوي !

اجتهد باللي بقى لك من الثانوي وجب نسبة زينة ومثلها بالقياس والتحصيلي وادخل التخصص اللي تشوف نفسك فيه وتحبه واجتهد وذاكر وجب معدل زين صدقني راح تتوظف على طول ، ولا تشوف اللي يقولون ما راح تلقى وظايف وراح تجلس عاطل ومدري ايش ! اللي ما يلقون وظايف اللي متخرج دبلوم ولا اللي معدله نازل مرره ، أنت اجتهد واطلع من الجامعة بمعدل كويس صدقني راح تلقى وظايف على طول ، أحد أقاربي طلع من الجامعة ومعدله فوق الـ 4 جلس مدة بسيطة جداً وتوظف وبراتب ما شاء الله ممتاز جداً جداً ..

وبالنسبة للجامعات عندك جامعة الملك فهد للبترول والمعادن بالظهران إذا تبي هندسة أو حاسب أو إدارة وإذا تبي طب عندك جامعة الملك سعود بالرياض وجامعة القصيم ..


شد حيلك في الثانوي والجامعة وراح تحصل اللي يرضيك ، وبالتوفيق للجميع