|
خريج الثانويه بين وسواس مستقبل وبين فراق الاهل ....help سلام عليكم ... ضاقت الصدور قبل الفراق الاهل والاحباب والصغار قبل الكبار لكن هذه سنة الحياه لانعترض عليها ... الى اخواني طلاب الثاني والثالث ثانوي الجميع خلال هذه المرحله ستصابون بين وسوسة مستقبل وفراق الاهل والاحباب ارجوا مساعدتكم ؟؟ انا طالب ثاني ثانوي وانشاءالله بعد سنتين ساتخرج من (النفسيه):ranting:المدرسه ؟؟ انا الان اريد منكم ان تساعدوني ان كانت نسبتي ممتازه في قياس والتحصيلي والثانويه ان ادخل الطب او الهندسه وماهي افضل انواع الهندسه ؟ اوالي عنده تخصصات ممتازه يقولها ؟؟ وماهي افضل جامعات المملكه ؟؟ شكر الله سعيكم لمن شارك برايه او لم يشارك ... |
لاتستعجل على التخرج !! انا تخرجت من الثانويه وقدمت على كل الكليات ماقبلوني الا جامعه الملك سعود مسار انساني (سنه تحضيريه) ورفضت ..والحين قآعد بالبيت مادري وش اسوي مع ان نسبتي 90% ونصيحه لاتفكر بالتخصصات والكليات الحين ركز على دراستك وشد حيلك باختبار القياس والتحصيلي ولكل حادثه حديث .. |
لألأ تستعجل توك بآآآقي لك سنتين آنت شد حيلك الحين وبعدين فكر شنو تدخل . |
إقتباس:
عالعموم جوزيت خيرا وكفيت شرا ورزقت عملا |
إقتباس:
|
انا في اخر سنة بس الوضع عايدي مافيه شي يجيب الوسواس اذا ما انقبلت طب فيه اكثر من تخصص فيه هندسة فيه دراسة فيزياء احياء كيمياء واشياء ثانية ماراح يتوقف المستقبل ان شاء الله بس ركز ع الدراسة وحاول تجيل اعلى نسبة تقدر تحصل عليها بالتوفيق ان شاء الله |
اللي يقولك لا تحط شي في بالك ! إن ما حطيت شي في بالك أو هدف معين .. وش الحافز إنك تشد حيلك !؟ بالعكس خل هدفك طب هندسه .. وشد حيلك لهن وبإذن الله نشوفك طبيب او مهندس |
بالعكس حط شي ببالك واشتغل له .. محاكيك طالب طب .. اذا بتدخله لانه ازين شيء وانت موب هاويه نصيحتي ابعد عنه .. موب قصدي اخوفك بكلامي بس هذا الواقع .. طب يعني لازم تنظم وقتك وتذاكر أول بأول .. يكون عندك استعداد تتعلم وتطلع ع كل شي جديد بالمجال الطبي .. والأهم انك انت تحب الطب وتبيه .. عموماً الطب اذا انت بالرياض يبيلك تدخل سنة تحضيرية صحيه بسعود .. وحسب معدلك يخصصونك .. هالسنة وقف الطب على 4.61 من 5 .. بالنسبة للقبول بالسنة التحضيرية يختلف من سنة لسنة حسب دفعتك .. الهندسة ينطبق عليها نفس الكلام .. مافيه شيء اسمه ازين قسم بالهندسة .. شف اللي انت هاويه وبعد كذا حدد أولوياتك وطموحك :D .. الجامعات بالنسبة للطب سعود هي الافضل .. الهندسة ماعندي علم عنها للاسف الشديد :D .. |
إقتباس:
بالتوفيق يا قدع :D |
وعليـكم السلآم ورحمة الله وبركآته :smilie47: أخي :d نصحية مجرب :smilie47: انا عشت كل اللي آنت عشته ومقدر ظروفك ووضعك وتشتيت ذهنك السفر الى الخارج للتعليم بكالوريوس أنا اشوف انه مضيعه للوقت ولعب وموضه طآحوا فيهآ شبابنا الله يستر عليهم يحسبونهآ لعبه واغلبهم رجعوا فاشلين وطاحت سمعتهم بالأرض كل الكلام اللي يدور في مدرستك الحين كلمة ( بدرس برا ) وخير ياطير ؟! واذا درست برا بتجيب راس غليص انا ادرس قانون في سعود الحين ويبطي اطلق شنب يجيب زي هالشهاده هناك , اغلبهم تسويق ومحاسبه ويقولونها بالانجليزي يحسب أنها تصير اقوى :laugh::d غير الطب والهندسه طبعآ ولعلمك المرتب الوظيفي لخريج البكالوريوس هنا وبرآ ( واحد ) يعني ماراح تفرق الا باللغه الانجليزيه وتقدر تعوض الانجليزي هنا أو كل اجازة صيفيه تطلع على حسآب الوالد امريكا وغيرها وانا اخوك صعبه بتكون هناك غريب وانت مسؤول عن كل شي وقليل اللي بوجهونك وينصحونك من قلوبهم علشآن تنجح وانت مسؤول عن اكلك وشربك وملابسك ووقتك اقسم بالله حياة تضيق الصدر هنا بتعيش بين اهلك وجماعتك معزز مكرم وماينقصك شي ترجع غداك جاهز ولبسك جاهز وابوك وامك حولك الله يخليهم لك الحل الافضل بوجهة نظري تدرس هنا بكالوريوس وتبعث لامريكا ماجستير على حسآب ابومتعب الله يطول بعمره :smilie47: نقطة اخيره بس ابي افيدك فيهآ السنة التحضيريه في سعود تعد من سنوآت الجامعه , يعني التخصيص بعدها بيكون بـ 3 سنوات والمعدل من التحضيريه بيكون تراكمي ويمشي معك لحد التخرج هذي معلومه يجهلها الاكثريه ياليت أني قدرت اساعدك :rose: |
اقول لاتشد حيلك ولاهم يحزنون تبي رأيي فلها وعش حياتك ولاتفكر بمستقبلك .. اذا مافكرت فييه جآك يركض لكن إن تخوفت وصرت اكثر حرص يهج منك >>حلوه يهج .. صدقني مااقول هالكلام الا لاني بس خلها على ربكك .. وشف أخوي مشعل ونسبته كم وتدري .. انا لست مثبط لكن هذا الواقع .. ليش اتعب وانصدم بعدين ... اذا لك احد قريب واصل توضف بس وتزوج .. ادري بيشن الجميييع علي حرب شعوآء لكن ماعلي منهم هذي وجهة نظر شخصيه .. ورأي لست مجبر عليه ... |
الله يووووفقك وتتخرج بنسبه كوووويسه |
الجميع وصلت رسالتكم ...الموضوع يبي له تفكير كثير الموضوع فيه(مستقبل) اخوي فكر ورساله ...وجهة رائي نحترمها |
إقتباس:
نصيحتي لك يآ أخوي إذا تبي تمشي على رأي الناس اللي مثل هالحبيب هذا صدقني ما راح تكمل حتى الثانوي ! :s5s: اجتهد باللي بقى لك من الثانوي وجب نسبة زينة ومثلها بالقياس والتحصيلي وادخل التخصص اللي تشوف نفسك فيه وتحبه واجتهد وذاكر وجب معدل زين صدقني راح تتوظف على طول ، ولا تشوف اللي يقولون ما راح تلقى وظايف وراح تجلس عاطل ومدري ايش ! اللي ما يلقون وظايف اللي متخرج دبلوم ولا اللي معدله نازل مرره ، أنت اجتهد واطلع من الجامعة بمعدل كويس صدقني راح تلقى وظايف على طول ، أحد أقاربي طلع من الجامعة ومعدله فوق الـ 4 جلس مدة بسيطة جداً وتوظف وبراتب ما شاء الله ممتاز جداً جداً .. وبالنسبة للجامعات عندك جامعة الملك فهد للبترول والمعادن بالظهران إذا تبي هندسة أو حاسب أو إدارة وإذا تبي طب عندك جامعة الملك سعود بالرياض وجامعة القصيم .. شد حيلك في الثانوي والجامعة وراح تحصل اللي يرضيك ، وبالتوفيق للجميع :rose: |
مثل ما قالوا أغلب الأعضاء حط هدفك و امش عليه .. لكن انتبه .. لا تحط هدفك على شيء ما تحبَّه لمُجرَّد إن أهلك يبغونك تصير في هذا القسم في الجامعة أو على شانه يوظِّف بسرعة و مطلوب في السوق .. لا ! إنت اختار التخصُّص اللِّي تحس نفسك تبدع فيه .. و خلِّيه هدف لك .. صعب جداً إنَّك تمشي في تخصُّص ما تحبَّه .. و الجامعة غير المدرسة .. المدرسة لو ما تحب الكيمياء أو النحو راح تلاقي مواد تعجبك و عادي يمشي وضعك .. لكن في الجامعة راح يكون كُلَّه مركَّز على شيء واحد و وجهه وحدة يعني اختار الشيء اللي ترغب فيه بعناية على شان لا تتعب بعدها .. و على فكرة شسمه استمتع بآخر سنوات الثانوي تراها مُمتعة .. و صدِّقني راح تفقد المدرِّسين أوَّل ما تتخرَّج من ثالث .. و الله يوفقك إن شاء الله .. و يكتب لك الخير و الخِيره في أي طريق تمشي فيه ..:smilie47: |
| الوقت المعتمد في المنتدى بتوقيت جرينتش +3.
الوقت الان » 05:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd