نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - خريج الثانويه بين وسواس مستقبل وبين فراق الاهل ....help

BaRiO · #10 14/09/2011, 04:07 AM

وعليـكم السلآم ورحمة الله وبركآته

أخي

نصحية مجرب

انا عشت كل اللي آنت عشته ومقدر ظروفك ووضعك وتشتيت ذهنك
السفر الى الخارج للتعليم بكالوريوس أنا اشوف انه مضيعه للوقت ولعب
وموضه طآحوا فيهآ شبابنا الله يستر عليهم
يحسبونهآ لعبه واغلبهم رجعوا فاشلين وطاحت سمعتهم بالأرض
كل الكلام اللي يدور في مدرستك الحين كلمة ( بدرس برا )
وخير ياطير ؟! واذا درست برا بتجيب راس غليص
انا ادرس قانون في سعود الحين
ويبطي اطلق شنب يجيب زي هالشهاده هناك , اغلبهم تسويق ومحاسبه
ويقولونها بالانجليزي يحسب أنها تصير اقوى

غير الطب والهندسه طبعآ

ولعلمك المرتب الوظيفي لخريج البكالوريوس هنا وبرآ ( واحد ) يعني ماراح تفرق الا باللغه الانجليزيه
وتقدر تعوض الانجليزي هنا أو كل اجازة صيفيه تطلع على حسآب الوالد

امريكا وغيرها وانا اخوك صعبه
بتكون هناك غريب وانت مسؤول عن كل شي وقليل اللي بوجهونك وينصحونك من قلوبهم علشآن تنجح
وانت مسؤول عن اكلك وشربك وملابسك ووقتك
اقسم بالله حياة تضيق الصدر

هنا بتعيش بين اهلك وجماعتك معزز مكرم وماينقصك شي
ترجع غداك جاهز ولبسك جاهز
وابوك وامك حولك الله يخليهم لك

الحل الافضل بوجهة نظري تدرس هنا بكالوريوس وتبعث لامريكا ماجستير على حسآب ابومتعب الله يطول بعمره

نقطة اخيره بس ابي افيدك فيهآ
السنة التحضيريه في سعود تعد من سنوآت الجامعه , يعني التخصيص بعدها بيكون بـ 3 سنوات
والمعدل من التحضيريه بيكون تراكمي ويمشي معك لحد التخرج

هذي معلومه يجهلها الاكثريه
ياليت أني قدرت اساعدك