شبان بالرياض يتجاوزون مرحلة "التفحيط" إلى الاستعراض بإطلاق النار - صفحة رقم 3 - نادي الهلال السعودي - شبكة الزعيم

صـمـت · #1 14/09/2011, 05:08 AM

^^

تشوف انت

طيب خلوا خلق الله تستانس

و على فكره ما يجيب روس الابرياء الا هالمطافيق اللي يخش في عين الواحد

و بعدي ترا المفحط يضم عيال الناس من الشوارع

يعني الواحد اذا جاء يدور ولده ,, ما يقعد يفر الحي كله ,, يلقى مع الجمهور

و انت يا ابراهيم

مو شرط زفلت ما ينقلب عليه الواحد

انت عليك تحط و اللي بيجي يجي ,, تفك العالم من القلق

ولو اني اشك انهم بيتركون الشوارع و يروحون لساحات الحكومه

لان مخالفة النظام و و و فيها متعه

والا وش الفايده تفحط و انت تدري انك بتطلع سالم مافيك شي

^^

ما كتب اعلاه لا يمثل وجهة نظري << اجل من

الفكر والرسآله · #2 14/09/2011, 05:30 AM

والله قعدت اتابع المقطع مره ومرتين وربي حرام هالاشكاال هنا موجوده ..!!
سبحان الله يعني واذا مافي وضايف هل هو هذا الحل يابوالعريف ؟؟
طيب مافيه وضيفه تفحط ليش مع ول نطله بتستلم راتب مثلا ... عقول دمرها الحشيش وقلوب موتها الذنب بلا مشاعر ولا احاسيس يالله طهر الارض منهم ..
والله أفترحعلى وزآرة الداخليه التعامل مع هالاشكال بالقتل لانهم يعيثون في الارض فساد ..
وهذا جزائهم وأقل من جزآئهم ...

يالي تقول في فمي مآ وش الما الي فمك ... تعال طلعه خلنا نسمعه ...
لاتقولي وضايف وماوضايف يآخي هذي اغبى شماعه سمعتها ...
اعرف شخص وربي يشهد على مآ أقول ولا ازود في كلمة وحده ..
ابوه عقيد في الأمن العام وهو من اكبر سرابيت الحي يعني تعتقد ان ابوه مايقدر يوضفه
جاوب وربي يقدر يوضفه بأحسن وضيفه بس هو تبن وجاهل عقل مافيه ..
يبغى الخراب ...

المهم صار من هواة التفحيط ومافيه الا قوة سرق وتفحيط وهذآ حاله ..
ركب معه صديقه وكانكم تعرفون شارع اسمه على مااعتقد هشبل او زي كذآ هو في الروضه
المهم فحط قبع توفى صديقه .. خمس أيآم ويطلع هالمفحط من السجن ..
هههه اقسم بالله هذا اللي حصل طلع وكأنه قاتل حشره عصفور قطو في الشارع
رجع لنفس المهنه .. بتطبيل من الوآلد ..
ويَ الله ننتظر من هو الضحيه الثانيه اللي بيفقدونه أهله بسبب هذا الجاهل هذا المنحط ..
والي مو متربي .. من لهؤلاء ؟ من يوقفهم عند حدهم ؟

ليش نشوف ناس تشجعهم ؟ يعني لازم يموت واحد من اهل هاللي يشجعهم عشان يقر ويقتنع
بان هالامر خطأ ..

قاتل الله الجهل اتمنى من حكومتنا تضرب بيد من حديد وتشيل هالسفله من جذورهم تقلعهم قلع ..
وتفك المسلمين من شرورهم

hilalemooot · #3 14/09/2011, 09:59 AM

ياخي يوم قريت موضوعك مدري ليه طرى على بالي مسرحية طارق العلي بخيت وبخيته اظن .. طيب تعرف عايض

هههههههههههههههههههههههه ؟

من جدك يبو حميد تبرر لهم ؟! .. ياخي اي موهبة تخليك تذبح العالم .. هذي اسمها موهبة سلبية .. الشي الثاني يوم تدافع معهم تبي تقنعني ان المفحط انسان سوي ؟! .. عنده موهبة ياخي يشد حيله ويشارك بسباقات الفورمولا واللذي منه .. اما تفحيط وهجولة وترويع الناس بالطرقات هذا اسمه سربته معليش .

الشي المهم بالموضوع السيارات اللي يفحطون فيها كلها مسروقة .. يعني فوق على الترويع سرقة .. هذولا يحتاجون تقويم اولاً وعلاج نفسي قبل توظفهم .. لانك لو وظفته وهو مدمن هالاشياء راح يطيّر فلوسه على الزبرقة والاشياء اللي تعينه على التفحيط خخخخ .. والشي الاهم اغلب المفحطين ما معهم شهادات ثانوي وتقولي وظفوهم

لا تدافع 99% من هالمفحطين راعين حبوب وشراب وحبتين عقدة لعيون خلي والحب عذاب واخرتها خاقن له مع ورع ... بلاش نكذب على بعض ونخليهم ملائكة

الله يهديهم ويفكنا من شرهم .. قال موهبة قال

♥ N E V E S ♥ · #4 14/09/2011, 10:27 AM

الله لايوفقهم دنيا واخره !

وش ذنب هالمساكين اللي يروعونهم ويشطفونهم بشكل يخووف !!

زودوها مره هالقذرين ولازم يتوقفون عند حدهم !

ŚăЯăβ · #5 14/09/2011, 05:44 PM

مع اني اكره التفحيط والمفحطين

بس ماني مع الردود المتخلفه والمتشائمه اللي يقولون احرقهم ومدري كيف كل شي بالدنيا له علاج

تراها مرحله بحياته وتعدي

وهو ما فحط وسوا زي كذا الا من الفراغ اللي لاقيه لو عنده وظيفه مالقيته يفحط

وللمتشائمين
نسيتوا ابو زقم

وبدر عايض

الحمدالله ان التواب هو الله

ولاهنت خيو

والله يهدي ضال المسلمين

messi10 · #6 15/09/2011, 03:37 PM

النوعية هذي من الشباب لازم الدولة تتعامل معهم بحزم وتكون فترة السجن طويلة
حتى تردع غيرة من المفحطين والشرطة لازم تعطى لهم صلاحية اطلاق النار
على المفحطين ممكن بالبداية تقتل واحد أو أثنين ويمكن أكثر لكن بالنهاية راح تنقذ الابرياء
وأي متهور راح يفكر مليون مرة قبل لا يفكر بالتفحيط .
والدولة احملها المسئولية لأنها ماهتمت بالشباب لأنه من غير المعقول أنا كشاب مافيه اي مكان
مناسب اروح له مافيه غير المقاهي او الاستراحات حتى الملاعب الترابية بدأت البلدية بهدمها
ولك ان تتخيل العدد الكبير من لاعبي الكرة اللي تهدمت ملاعبهم وين يروحون .

لاعب اساسي · #7 15/09/2011, 03:57 PM

عداهم العييب العيال هههههههههه

مع اني ماشوف ان ماله داعي طلق النار يا فلان

وياليتـ الواحد لايطلق الاحكام كذا يجيني واحد ويقول راعي خراب والثاني يقول المفحط لازم ياخذله كم حبة هروين ولاتحط شي بذمتك

والي يقول بزرنجيه انا معك تبي تلقا لكن ماتقدر تعمم لانك ماتعرف الشخص بعينه مثلا يجي واحد سعودي ومايصلي تقدر تقول كل الي بالسعوديه مايصلوون
طريقة التعميم الغبيه ياليتـ نتركها والشي الثاني يجيني واحد ويقول المفحطين فيهم وفيهم واذا قلتله وش عرفك يبي يقولك بكل غباء (يقولون)

العطاله سبب انا معك هو من اهم الاسباب لكن اعرف ناس متزوجين ومفحطين
وفيه كم مدرس وضباط وعساكر الى الليل وموظفين

لكن هذي هوايته من يوم هو صغير وهو يطرد تلقا فيه ناس تطرد هجوله من ايام الصغر عام 1992 والى الحين هي هوايه واقرب مالها ادمان

بالنسبه لبدر عوض

تراه متحول للرياض وابد بالكثير شهر وطالع بعد عفو ابو متعب الله يطول بعمره

على العموم ماعلينا مجتمع التفحيط فيه الصالح وفيه الطالح مثله مثل اي مجتمع ثاني
واتمنى عدم التعمق فيه لما يحمله من مخاطر تسوي حادث وغيره ومشاكل ووجع راس من سجن وحجز السياره ومن الخرابيط ذي

اماا راعي الكامري قالبها مختبر

والله يهديهم ويهدي شباب المسلمين

demdem · #8 15/09/2011, 05:12 PM

"مقطع فيديو" يكشف التهور في شارع رئيسي والعشرات يتجمهرون للفرجة
شبان بالرياض يتجاوزون مرحلة "التفحيط" إلى الاستعراض بإطلاق النار

تجاوز عدد من مفحطي الرياض مرحلة التفحيط الاستعراضي إلى الاستعراض بإطلاق النار باستخدام الأسلحة الرشاشة خلال ممارسة التفحيط في شوارع العاصمة في استهتار واضح بالأرواح ، ضاربين بالأنظمة عرض الحائط وسط تجمهر العشرات للفرجة.

ويظهر مقطع فيديو جديد نُشر قبل يومين على موقع اليوتيوب أحد المشهورين بالتفحيط في العاصمة ، يمارس التفحيط بتهور كبير على أحد الطرقات السريعة وطريق فرعي داخل أحد المخططات، يقوم خلال ذلك مرافقوه بإطلاق النار في الهواء من أسلحة رشاشة في وضح النهار وعلى مرأى من عابري الطرقات والمتجمهرين في استهتار كبير بأرواح المواطنين والمقيمين وتجاوز للأنظمة.

المفحّط الذي كان يستقل سيارة من طراز هوندا، كان ورفاقه يرتدون الأقنعة، فيما اتجه المفحط إلى طمس لوحات السيارة بتدوين لقبه الذي يرمز لحي النظيم، وشارك المفحط الشهير عمليات التفحيط في أجزاء من مشاهد مقطع الفيديو قائد سيارة أخرى من طراز كامري.

وكشف المقطع مضايقة المفحط لقائدي السيارات وتعريضهم للخطر من خلال قطع الطريق أمامهم في عدد من المشاهد.

ولم يتضح توقيت عمليات التفحيط التي يرجح بأنها حدثت خلال الأسابيع القليلة الماضية، حيث تظهر على اليوتيوب عدة مقاطع أخرى للمفحط جرى تصويرها في نفس الشوارع خلال شهر رمضان المبارك ، مما يتطلب الوقوف بحزم في وجه ظاهرة التفحيط وإيقاع أشد العقوبات بمن يستهتر بأرواح الناس ويتجاوز الأنظمة والقوانين.

ربط الموضوع مع القطع
شبان بالرياض يتجاوزون مرحلة "التفحيط" إلى الاستعراض بإطلاق النار - صحيفة سبق الإلكترونية

لاعب اساسي · #9 15/09/2011, 05:14 PM

مكرر

...................................

demdem · #10 15/09/2011, 05:25 PM

والله اسف
!!!!!!!!!!!!!!

داق لطمة · #11 15/09/2011, 07:06 PM

مكرر

..........................

بلو كادي · #12 15/09/2011, 05:20 PM

السلام عليكم ورحمة الله وبركاته

وقسم بالله شي يقطع القلب

بالله عاقل اللي يسوي كذا ..؟؟؟
ولا وش .؟؟
اذايبي يموت يموت بكيفه مويموت خلق الله معه

ذكرني هالمقطع بواحد كان ينطل بهايلوكس وانا كنت واقفه بالشارع صوت السيارة كان يدق بقلبي من الخوف

حرام عليهم والله نسوا ان عندهم اهل اخوان ام اب يخافون عليهم من نسمة الهواء
لاحول ولاقوة إلابالله
دواهم عشر سنين سجن ووعساها تعقلهم خفاف العقول

نسيت الكلام · #13 15/09/2011, 08:08 PM

الله يهديهم والا ياخذهم ويفكنا من شرهم وهياطهم

اللي يقولون عطاله ، مااعتقد ان اي واحد عاطل المفروض يتوجه لشي مثل هذا او ينحرف ، يعني مهما كان الواحد يكون عنده عقل

عموما هالظاهره منتشره بالرياض واهم سبب لها هو عدم وجود ااكن مخصصه للشباب تمشي مع جو الشباب

يعني يايروح العليا يمتر الشارع او يروح الثمامه يتغبر ، مع ان الغبار ماشاءالله توصيل مجاني في الرياض

او استراحه مع اخوياه ويتهاوشون على الهلال والنصر.. يارجل اذا اضطريت اروح الرياض اقعد احسب الثواني متى اطلع منها =\

بعدين ياجماعة الخير اللهم لا حسد ، شوارع الرياض يمديك تضبط غترتك وانت تطالع بالارض من قوة ماهي تلمع ومافيها حفر ومطبات مثل الشرقيه والغربيه ، وهذا عامل مساعد للتفحيط

ويقولك العاصمه وأمن وأمان ،، امحق

مـٍلآمـح شمـآلـيّ · #14 16/09/2011, 12:55 AM

الله يهديهم والله المفحطين انتشرو بشكل كبير بالرياض وصارو بكل مكان موجودين
الله يعين بس

Azozvic · #15 16/09/2011, 02:00 AM

من ناحيتي العطالة مالها شغل شوفوا وش يفحط فيه وبعدين تكلموا

المشكلة موب باللي يفحط المشكلة باللي قاعدين يشجعون والمساكين اللي حوله من سيارات

وتريلات لو الرجال انقلب فهذه موب غلطتنا غلطته هو لانه مستهتر ويفحط بالطريقة هذه

والله ما ذبحنا الا الاستهتار اسال مجرب انا صار لي حادث والسبب واحد من الشباب قاطع الاشارة والحمد لله على السلامة

تبي والله تطلع طاقتك طلعها بعيد عن خلق الله ولو الحكومة تشدد على عقوبات شديدة كسجن ومدة طويلة كان ماشفنا مثل الاشكال هذه