الله يلعن التفحيط

كم مرة دخلت التوقيف عشان التفحيط , كم مرة سفطت على جنب عشان التفحيط , كم مرة اضطر اني اروح لبيتنا من حواري عشان التفحيط

يا شيخ من كثر ما اطلع بطاقة احوالي من البوك لون صورتي صار ابيض , عشان ابن الستة وستين وشسمه التفحيط

انا ما انقهرت الا ذاك اليوم , نمت بالناصرية يوم كامل يقولون اني مشتبه به , دخلت الحارة الموقرة والقا تفتيش ويلا يا بطل للناصرية وليه طيب , مالك شغل

يوم سالنا قالوا ماسكينه عند ذكريات , شارع كان له الشرف بتفحيط فطاحلة المفحطين عليه , يا عيال الوشسمه انتم ماسكيني عند باب بيتنا بحي المنار , لا بعد يقولون لاقطين رقم اللوحة والي اكيد غلط , والله على ما اقوله شهيد

انا ابتحمل المسئولية شوي وابلعن مدير المرور , ياخي ما تسوى دمعات امي ذاك اليوم عليك

المشكلة اني اخر مرة سحبت جلنط يوم كنت بثالث متوسط قبل خمس سنين , ووجهي ماله دخل اصلا بالتفحيط , تقولون حظ زفت

اجل اول ما دخلت التوقيف جاني واحد قال : ياا ولد , فيه معك ورعاااان لابسيين جنز بالباص ؟؟ تكفى يا ولد ؟؟

جوك عليل يا راجل

لي ست سنوات تقريبا .. بأحد منتديات الا تدعم هالشي الا علقت عليه ..~

ما لقيت اروع واجمع من كلامك ..~

بصراحه اهنيك والله كلامك كلام شخص عاقل فاهم ..~

يتكلم بدون عواطف وبدون اي قيود .. تعلقيك جد عقلاني .~

ما عندي اي تعليق على كلامك لكن والله احيييك ..

التفحيط هوايه مثلها مثل اي هوايه خطر بالعالم ليش بس حنا بالسعوديه

ننظر لها بانها شي خطر واجرام والا يفحط هذا ابن شوارع مقطع اربع !!

ليش هالنضره ذي .. ليش ما نطور هالشي ومن جد لحد يجيب طاري حلبة الريم

حلبة الريم يجبون لي امريكي ويقعد يخمس ويخذ ل فرتين ويطلع

انت تكلمت عن طاره ومصور . نسيت المخرج

مخرجين الهجولة مدري وش اقول عنهم لو تكلمت من هنا لبكرة ما وصلت لربع مستواهم

الاحترافي والله انهم ينافسون ذولي حقين البرامج واليويبت يشهد

لكن ما عندك احد كلن ينضر لنا بنضرت الطيش والتهور الله يعين

اتمنى من كل قلبي يدعمون شبابنا في هالمجال . ويطورنهم بدل ما يمر شهر الا ميت

كم واحد . كفايه خسرنا الكثير من الارواح ولين الحين محد حرك شي من مكانه

نبي دعم لشي وتططوير .. ~

ياشباب لاتحكمون على المفحطين انهم راعين حبوب وبلاوي هذاك اول الحين حتى النمله يخاف منها ..والدليل اذا شاف دوريه زبن ولا تشوفه الا بعد اسبوع بس لو ترجعون لقبل تشوفون الدوريات تجيك شبكه يعني فوق 10 دوريات ويكمل تفحيطه


ولا تسيئون الظن فيهم !

السيارات استئجار السرق هذاك ايام اول


الحبوب اذا وشلون يشتري والسياره قطه من خوياه !

يعني انا بقط على سياره بـ 90 ريال يوميتها .. شلون بجيب حبه الي سعرها 600 او 700 ريال !!!! منين له فلوس !

واغلبهم توه متخرج ولا بالثنوي

لان بحارتنا واحد لقبه هوفو ولا ودي افصح عن اسمه

كان يوميا يدخل مع اللفه بجلنط

والحين بولايه فيرجينا بواشنطن مبتعث هناك ! هو وخوياه الي امس يفحطون بالدايري

والولد والله من يقيم اشوفه يصلي !






مطنش الي بالقصيم

واعرف واحد بالمرور يقولي الدخان مايدخن !!

انا اشوف انكم ماتحكمون عليهم لان مثل ماقال الرسول ( ان بعض الظن اثم )

اعتذر اني طولت عليكم بس وش نسوي شباب ولا عندهم شي يسوونه


وين نروح يعني بنزل لسوق قال عوايل بروح لمنتزهات قالو عوايل بروح اتمشى جت الدوريه وقال كلمته المعهوده ولاي طالعه بدون نفس ا

( اثباتك )

وعلى الحجز !

اروح اتفرج بالتفحيط ازيلي لو تجي الدوريه ماراح تمسكنا لان بيمسك من وبيخلي من

والتفحيط من ايام 1400 هـ

وهذا مقطع ايام تفحيط شباب عنيزة

http://www.youtube.com/watch?v=6EF666V4nHM


لو اجزملكم ابوي وعماني متكين مع ذول ..xD

والمقطع وريته ابوي قال هذول الي وزير والي امام مسجد والي منصب كبير ..

يعني هي مرحله بعمرهم وبتنتهي صح ولالا

يعني مثل البنت احرمها من السوق والجوال تنهبل

تحياتي

الحين بدل ما تدعون عليهم وسب ولعن فيهم وحرقهم ومدري ايش
المفروض تدعون لهم بالهداية

تخيلوا المقطع وصلت المشاهدات له حوول المليون
يا ساتر

التربيه من الاساااس هي أهم شي
،،،،
الله يصلحهم ويهديهم يارب

انت بعقلك يوم مئيد لهذي الأشياء؟؟

والله من جد قلب قااسي مثل الحجر
ولا فيه أحد يفحط قداام شاحنات
لا والأدهى والأمر يفحط قدام باص مدرسه
فيه طلاب
افرض لو صدم بهألباض
وش الحل بعدين
وكيف بتقابل ربك وأنت قاتل فوق الثلاثين شخص بسب التفحيط أو فله أو رجؤله على قولتهم » أتكلم إذا صدم بالباص

لاحول ولا قوة الا بالله
الله يهديهم ويصلحهم

أي عآطل وأي خرآبيط شف سيآرته أكورد 2010 ,

زي مآقآل آلعضو لآزم نحرقهم بغآز معفن ,

وترآ خلص محد بقى مع آلقذآفي غيرك مىودك تتركه ,