شبان بالرياض يتجاوزون مرحلة "التفحيط" إلى الاستعراض بإطلاق النار - صفحة رقم 2 - نادي الهلال السعودي - شبكة الزعيم

ام تقويم فوشي =$ · #1 13/09/2011, 11:13 PM

اسمحلي ذي لاهي هوايه ولا شي هذا جنون
والله مو كل واحد مالقى له وظيفه راح ورمى نفسه بالتهلكه !!
هذا انتحار تعرف وش يعني انتحار ؟!
اي واحد بالدنيا يقدر انه يكون نفسه بنفسه شوي شوي
ويخطط لحياله
شدعوة الحين كل اللي متوظفين متوظفين بوظايف حكوميه !!
ليش مافي قطاع خاص هو بنفسه اذا كان عنده سياره ويخربها كذا
ليش مايبيعها اصرف له ويفتح له مشروع على قده لما هالمشروع يكبر
ويكون عنده مصدر دخل ومنها قضى وقته بشي ينفعه

طيب يعني الا هذي الهوايه مالقى غيرها !! يعني خلصت الهوايات مثلا !

مشكلة الشباب اللي كذا تلقاهم شباب مستهترين داجين قلوبهم ميته
ماهمهم لا وظايف ولا غيرها حتى يمكن لو تجيب له وظيفه براتب يقول لك مابيها
عقله تبرمج على الدجه بس

الله يعافيهم ولا يبلانا ..

شكراً

leader ksa · #2 14/09/2011, 02:48 AM

إقتباس

الرسالة الأصلية كتبت بواسطة الـصـخـرة


	فيه واحد من عتاولة التفحيط وزعانف الهجولة يسمونه كنق القَبعات اظن اسمه بدر عوض مدري بدر عايض

هذ احد غرائب الدنيا

عموما الحين لاتخاف بنجران بقضية ثانية

---
اخ بيرة كيف حالك عساك بخير

اول شي مطالباتنا ببلوك كامل بأحد المخططات شمال ولا شرق ولاغرب المهم بالرياض

شوارع وسيعه للهجولة + شوارع درفت + شوارع تفجير

وبالنص يحطون لنا ثيل ويخلون الشعب يجلس بكيفه
لايجيني لادوريه ولاهيئة ولامصطفى ولا عبسي

بعد كذا اللي بيطلع من هالمكان وكع فرامل يلعنون ششكله

وبكذا تحفظ ارواح الابرياء وتحفظ ممتلكاتهم وتريح راسك من البلاغات والانتقاد لعملك >للمرور والاشياء ذولي

وبعدين لسى الشعب يحسب ان كل من راح لازم مخدرات وآآآه عطوني الجرعة ويروح يشتري من البياع اللي ساكن ببيت شعبي وثوب المتعاطي بني فاتح ومشقوق

خلوا عنكم حملة مكافحة المخدرات اللي تجي على القناة الاولى

السكارى والمحششين دايم نلاقيهم بالتحلية والعليا يعني نقول لااحد يروح العليا هذا مججتمع فقد ؟؟

في نسبة من حقين التفحيط متعاطين اي نعم فيه مثل مافيه نسبة بالمجتمع وسلامتكم

January 21 · #3 15/09/2011, 01:07 PM

يآشبآب صحيح بيئتهم بيئة وصخة للغآية .. لكن في كلمة لآزم نضع تحتهآ مليون خط آشتركوآ فيهآ كل المفحطين
وهي ( وين اروح ) ؟

هذه الكلمة آشتركوآ فيهآ آغلب المنحرفين والعاطلين وكل آجنآس البشر هنآ في السعودية !!

‫وفاة مفحط بعد أسبوعان من ظهوره ببرنامج 99 متنكراً‬‎ - YouTube

‫مقابلة الطاره [ تيتشر ] مع قناة روتانا [ حصريا ]‬‎ - YouTube

‫برنامج 99 - خفايا الاختبارات - (3-8)‬‎ - YouTube

والكثير من المقاطع ..

الي ابي اوصله آنآ ضد التفحيط مية بالمية ولكن إذا كآن الشآب في مراهقته كآن بآطل آو اذا رآح لمكآن قآلوآ له عوآيل ومالقى شيء يسليه هي أحد من الأمرين إمآ الإنحراف واما الصبر واحتساب الأجر عند الله ..

مقآهي الشيشة شبآب , والتفحيـط للشبآب ؟؟ إلى أيين بعد ذلك ؟

الله يهدي شبآب المسلمين إلى مآفيه كل خير

#4 22/09/2011, 08:01 PM

الله يهديهم ‘ ناس ماهي عارفه وش سبب وجودها على هالدنيا ولا هي فاهمة
الله اعطاك نعمة الحياة الا تبي تهلك نفسك ؟
احمد ربك غيرك تحت القبر يبكي دم ندم على مافرّط
وغيرك مشلول مايقدر يتحرك وانت حيّ حرّ معافى
اقضي حياتك باللي يرضاه منك ربك واتسلى باللي يعجبك
لكن مافيه مهلكه لك وهذا من نعم الله عليك .
احباب ماتوا لنا اما بسبب تفحيط او من المتجهرين وش نفعهم وش نفعنا ؟! اي موهبة لازم يكون فيها فائده ولو بشيء بسيط الا التفحيط
مامنه اي نفع ..
اسباب هالظاهرة الفراغ الروحي لشباب اسأل اي شاب من هذولي
عن مستقبلة عن حياته بتلقاه مايحمل اي هدف داخله مجرد عايش
حياته مثل البهيمة ويكرم القارئ
لا احد يقولي بطالة انا اعرف شباب اقارب لي مفحطين توهم صغار في السن ثانوي ، متوسط وبعضهم جامعي ..
واللي يقول لاتعممون على المفحطين انهم مدمنين مخدارت
احنا مانعمم لكن الأكثرية منهم والمشهورين منهم مدمنين وبعضهم
تجار مخدرات وبالنسبة لهم هالشباب الجاهل مستهلك !!
الموضوع يحتاج دارسة واهتمام اكبر ولله لو كانوا مطلوبين من امريكا
او مثل الأرهابيين كان يمديهم خلّصوا عليهم ولقوا مليون حل لكن ما اقول غير حسبي الله ونعم الوكيل
ليه مايلتفتون لشباب ومشاكلهم وين وزراة الداخلية عنهم .؟
ليه مايعملون دورات اعادة تأهيل لكل مفحط مثل مايعلمونها للأرهابيين ؟!
هذولي خطرهم اشد علينا وعلى اهلهم وعلى انفسهم قبل اي احد ..
شباب بعمر الورد صغار بالسن المفروض يكونون قادة للأمة اهتمامتهم تكون بهالشكل؟ حرام ولله حـــــرام ..
يـارب انك تصلحهم وتهديهم وتجعلهم أئمة وهداة مهتدين .
اعتذر عن الأطالة لكن هالموضوع يقلقني كثير

سينمائي الزعيم · #5 20/09/2011, 04:36 AM

إقتباس

الرسالة الأصلية كتبت بواسطة الـصـخـرة


	فيه واحد من عتاولة التفحيط وزعانف الهجولة يسمونه كنق القَبعات اظن اسمه بدر عوض مدري بدر عايض هذا الله يسلمكم قبع تقريباً ست مرات وفي كل مرة يموت اللي معه في السيارة وهو يطلع منها سليم مثل القطو بسبع ارواح ولا يفحط الا بكابرس وآخر قبعة له في الخرج قشع له نخله في مشهد مضحك ومبكي في نفس الوقت وله حادث قديم شوي مروع واعتقد الكل شافه يوم يخم الماصورة بالليل المهم بلادي العزيزة وحكومتنا الرشيدة عاجزة عن القبض عليه وتنفيذ حكم الشرع فيه ؟؟ جهاز الامن اللي قام بملاحقة المطلوبين الارهابيين واستطاع ان يقتلعهم من جذورهم وجابهم حتى من اليمن وافغانستان عاجز عن اللحاق بالكنق بدر عوض اللي مات بسببه اكثر من شاب سعودي

اخوي الكبير فهد

اللي تقول عنه بدر عوض مسجون في جيزان بس بقضة مالها علاقة بالتفحيط سنه و نص و يحولونه للرياض

اللي بالفيديو هذا ما كمل سنه طالع من السجن بعد ما قعد بالسجن 3 سنوات

و انا اتابع تفحيط و مستمتع بحكم اني عاطل و لا عندي وظيفة بسبب فلسطيني يفضلونه علي ..!!

كنق النظيم تسلم يمينك

ياويلي ياولي · #6 21/09/2011, 01:29 PM

# لحظه ياشباب ش هالردود السلبيه واللي يقول مايستاهلون ويتحكمن بالسياره واهم مو في وعيهم انا اعرف كذا واحد ويفحط واهو اصحي مني ومنك لاتحكم على الناس بمجرد كلام شف الامارات اكبر مثال حلبات ومجهزه ويسون بطولات اما هنا مثل ماقال كاتب الموضوع حلبت الريم لعيال النعمه اما هذولي كلها اجارات في اجارات

# واللي يقول مايستاهلون يتوظفون ياخي اذا كنت متوظف ليه ماتتمنى الخير لغيرك الرسول صلي الله عليهم وسلم يقول ( حب لاخيك ماتحب لنفسك ) توقعت ردود اجابيه بس انصدمت بردودكم

# يعني تبون تقنعووني انكم مافحطت بسياره ولا طهبلت بس انت توظفت بواسطه او بمجهودك وهذا شهادته مانفعته لاسباب كثير من العنف الاسري وانت طالع

وبالاخير مالنا الا الدعاء لهم مو الدعاء عليهم واشكر صاحب الموضوع
+1

|~ ولـد عنـيزة ~| · #7 23/09/2011, 04:29 PM

ياشباب لاتحكمون على المفحطين انهم راعين حبوب وبلاوي هذاك اول الحين حتى النمله يخاف منها ..والدليل اذا شاف دوريه زبن ولا تشوفه الا بعد اسبوع بس لو ترجعون لقبل تشوفون الدوريات تجيك شبكه يعني فوق 10 دوريات ويكمل تفحيطه

ولا تسيئون الظن فيهم !

السيارات استئجار السرق هذاك ايام اول

الحبوب اذا وشلون يشتري والسياره قطه من خوياه !

يعني انا بقط على سياره بـ 90 ريال يوميتها .. شلون بجيب حبه الي سعرها 600 او 700 ريال !!!! منين له فلوس !

واغلبهم توه متخرج ولا بالثنوي

لان بحارتنا واحد لقبه هوفو ولا ودي افصح عن اسمه

كان يوميا يدخل مع اللفه بجلنط

والحين بولايه فيرجينا بواشنطن مبتعث هناك ! هو وخوياه الي امس يفحطون بالدايري

والولد والله من يقيم اشوفه يصلي !

مطنش الي بالقصيم

واعرف واحد بالمرور يقولي الدخان مايدخن !!

انا اشوف انكم ماتحكمون عليهم لان مثل ماقال الرسول ( ان بعض الظن اثم )

اعتذر اني طولت عليكم بس وش نسوي شباب ولا عندهم شي يسوونه

وين نروح يعني بنزل لسوق قال عوايل بروح لمنتزهات قالو عوايل بروح اتمشى جت الدوريه وقال كلمته المعهوده ولاي طالعه بدون نفس ا

( اثباتك )

وعلى الحجز !

اروح اتفرج بالتفحيط ازيلي لو تجي الدوريه ماراح تمسكنا لان بيمسك من وبيخلي من

والتفحيط من ايام 1400 هـ

وهذا مقطع ايام تفحيط شباب عنيزة

http://www.youtube.com/watch?v=6EF666V4nHM

لو اجزملكم ابوي وعماني متكين مع ذول ..xD

والمقطع وريته ابوي قال هذول الي وزير والي امام مسجد والي منصب كبير ..

يعني هي مرحله بعمرهم وبتنتهي صح ولالا

يعني مثل البنت احرمها من السوق والجوال تنهبل

تحياتي

BaRiO · #8 13/09/2011, 10:23 PM

ياهلآ وغلا بكل من رد وكل الزوآر
واشكر كل من علّق على توقيعي

اغلب ردودكم عاطفيه وضدهم لانكم ماتعرفون وش تفكيرهم
وانا طرحت تساؤولات ولاحد رد عليه بالنص
نلف وندور حول الموضوع

ابضربلكم مثال في احد المفحطين
دخل في قضية وسجلت عليه سآبقه
منع من التوظيف والسفر مدة 4 سنوآت
ومعه شهادة ثانويه ودبلوم حآسب !!
وين تبونه يروح ؟

لحد ينبرش ترآ اتكلم عن الموضوع بشكل عام ( وانا ماني معهم )
انا احاول القى حلول انهي فيها الموضوع
علشآن اقدر اتكلم بصفة أني اعرف رجال كثير من جمآعتنا بالمرور
ياليت افكار ارقى من ( قطع رقآب وحريقه ومدري ايش ) ماهي لعبه هي

حوار عقلاني · #9 13/09/2011, 11:07 PM

الصالح صالح والطالح طالح ... أحد معارفي في القطاع العسكري يقول عندهم واحد ملازم أول ومع ذلك يفحط ورآعي سهر وخراب !
يعني توظف ووش تغير فيه !
أنا مع اللي الرد الأول إن تجمعهم وتحرقهم ولا تخلي منهم احد ! أزعجوا خلق الله يتموا بزران وذبحوا شيبان !
وغير الترويج والشذوذ اللي منتشر بينهم لا مواهب بلا واقعيه مزيفه !
لو قلبه حي ما جا لهامجال اللي آخرته يا سجن يا موت

هلالي2008 · #10 14/09/2011, 12:37 AM

إقتباس


	اغلب ردودكم عاطفيه وضدهم لانكم ماتعرفون وش تفكيرهم وانا طرحت تساؤولات ولاحد رد عليه بالنص نلف وندور حول الموضوع ابضربلكم مثال في احد المفحطين دخل في قضية وسجلت عليه سآبقه منع من التوظيف والسفر مدة 4 سنوآت ومعه شهادة ثانويه ودبلوم حآسب !! وين تبونه يروح ؟

يؤسفني اقولك ان العكس صحيح .. ردودك هي العاطفيه ..
ولا شخص ليته بايع عمره بس الا بايع كل اللي حوله وش اللي يخليني اتعاطف معه ؟!

خلك واقعي يعني .. محد بيوظف واحد راعي بلاوي وتفحيط .. لا مسؤوليه ولا احساس ولا حتى يفكر بسلامة اللي حوله !
الحل يجي من الشخص نفسه .. لا وظيفه ولا راتب ولا منصب بيغيّر شيء فيه ..

أما الرقي مابعد شكرك للمفحط على تمزيع شوارع الرياض رقي .. كفيت ووفيت

..
وش المشكله خله يفحط .. وش بيصير يعني ؟! بيتبلى سيارة سيارتين مالهم دخل .. عادي أهم شيء المسيكين يوسع صدره ويطوّر مواهبه المدفونه اللي مالقت احد يتبناها .. اهم شيء لايكبت نفسه

..

BaRiO · #11 14/09/2011, 03:41 AM

إقتباس

الرسالة الأصلية كتبت بواسطة هلالي2008


	يؤسفني اقولك ان العكس صحيح .. ردودك هي العاطفيه .. ولا شخص ليته بايع عمره بس الا بايع كل اللي حوله وش اللي يخليني اتعاطف معه ؟! خلك واقعي يعني .. محد بيوظف واحد راعي بلاوي وتفحيط .. لا مسؤوليه ولا احساس ولا حتى يفكر بسلامة اللي حوله ! الحل يجي من الشخص نفسه .. لا وظيفه ولا راتب ولا منصب بيغيّر شيء فيه .. أما الرقي مابعد شكرك للمفحط على تمزيع شوارع الرياض رقي .. كفيت ووفيت .. وش المشكله خله يفحط .. وش بيصير يعني ؟! بيتبلى سيارة سيارتين مالهم دخل .. عادي أهم شيء المسيكين يوسع صدره ويطوّر مواهبه المدفونه اللي مالقت احد يتبناها .. اهم شيء لايكبت نفسه ..

طيب ماجاوبت للحين بالـ 4 سنوآت وش يسوي ؟

ليدر كيف حالك ؟ عسآك بخير ؟

ماصرت اشوفك بذاك المكآن

sugarfall · #12 14/09/2011, 01:14 AM

إعادة تأهيل لكل مفحط هو الحل الأمثل والمناسب
وأنا متأكد إنهم بحاجة ماسه للعلاج
طبعاً هم مرضى وماراح تقدر تتعامل معاهم إلا لما يتعالجون من أفكارهم الخاطئة
مركز تأهيل لعلاج المفحطين
لتثقيفهم وفهم عقليتهم وإبعادهم عن مسببات التفحيط من أصدقاء وغيره
وإعادة توجيههم إلى الطريق الصحيح
شكرا لك
أتمنى لك التوفيق
تحيتي قبل مودتي

الفكر والرسآله · #13 14/09/2011, 04:51 AM

إقتباس


	تبي نتكلم بواقعيه ؟! هالأشكال يبيلها من يجمعها بحفره ويحرقها بقاز وصخ .. وانت تبي توظفهم ! مجتمع وصخ .. حبوب حشيش وكل انواع البلاوي بتلقاه فيه .. مسألة ان الواحد مايقدر يتحكم بالسيارة ع ال220 هذا شيء طبيعي ولا تتوقع ان فيه مفحط بيسويها وهو صاحي .. يفحط بشارع عام ويعيق السير ويعرض ارواح اللي ماشين بحالهم للخطر وانت تشكره .. شوية عقلانية يعني .. اللي يسوونه أبعد ماله عن الموهبة .. مافيه موهبة أساسها ادمان وانحراف وضياع .. واذا وجود الاجانب بيساعد على انهم يبعدون عن الوظايف ما اقول الا الله يكثر هالاجانب ولا يستلم واحد من هالسلاتيح وظيفه ..

يسلم راااااسك كلام عين الععقققل والمنطق وانا معاك ياخوي ومايحس بالجرح الا صاحبه
من يموت له أخو بسبب التفحيط يحس بكلام أخوي هاللي فوق ..
اخوي مات والسبب واحد متهور جاهل مامعه الا ثالث ابتدائي وكل حياته حبوب وحشيش وسرقات وتقول مو بيئة وسخه الا بيئة نتنه وحرام فيهم السجن قال مواهب قال ...
ياعمي طيير انت وماهبك ...
طلع أخوك اللي عمره 15 سنه وقله رح البقاله وجب لي هذا الغرض
وتتفاجأ ان أخوك يعطيك عمره والسبب واحد متهور عديم تربية
أخوي هذا كان من المحافضين على الصلاة ومن طلاب الحلقات ..ولله الحمد ..
يعني لا يجي أحد منبرش ومطفي النور ويقول محد قاله يتفرج ..
كلا وحاشا ان أخوي ينآظر مثل هالمهابيل اللي يقودون بدون عقولهم .. ولكنه يومه الموعود ..
(لااعترض على قدر الله) ولكن (أمتعض على بهم خلق الله )

ةنجي انت وترد هالرد ..يقالك ابو العريف ومنقذ هالجهله من الهاويه ..
الله يهيديهم وان لم يرد لهم هدايه أسسأله ان يقتلهم ويفك المسلمون شرورهم ..!!

بعدين صاحب الموضوع اذا في فمك ما انا في فمي بحآآر العالم
أعذرو لغتي .. واسف أن أخطأت ولكن مشاعري وما حصل لأخي هو مادعاني

إقتباس


	السلاتيح هذه لو حصلت وظفية براتب مقتدر ما حصلتها سهر وإدمان وتفحيط أصلا الحكومة راضيه عن هذه كله ولو ما هي راضية ما كان حصلنا الأشخاص هولاء مسببين خطر على الرياح والجاي والرصاص ييتطاير يمينك ويسارك والحبوب متناثرة بينهم مجتمع وصخ انت واحد من هذه المجتمع والخير يخص والشر يعم لماذا لم تقل هولاء يبى لهم دار رعاية يتم تثقيفهم و تعلميهم احدى المهن الشريفة وبالأخير أنت تتمنى ان الأجانب يكثرون وهذه اهم سبب آنحراف الشباب بس اذا كان العاقل هذه تفكيره فاذا عرف السبب بطل العجب ...... يا عاقل يا فاهم

GLAXY · #14 14/09/2011, 04:59 AM

والله انا ماني من هواة اتفحيط
لكن سبحان الله تجيني حاله وانا على السيارة تمسك اني اخذ لي جلنط ع الطاير

بس مو درفت و حركات هذي

و اذا كنت فاضي اروح اتفرج مع الشباب
لأن المفحط خلوه على جنب
الجمهور ليش يجون لهالاشياء ؟؟

لأن مافيه اماكن ترفيه لهم !!
كل شيء عوايل مافيه الا وزارة الصحه هي اللي معطيتنا وجه

انت اذا حطيت اماكن تضم الشباب و وسائل ترفيه
راح تسحبهم من شوارع التفحيط و من المفحطين و الاشياء هذي

و كذا المفحط ما راح يلقى جمهور يفحط له !!!

داق لطمة · #15 14/09/2011, 05:01 AM

والله ي ّ عليكم شوارع يا الرياض تهيييض الواحد