ماراح أتكلم عن المباراه لأنها راحت وكلامي وتحليلي لا يسمن
ولايغني من جوع ,,
لكن إذا في خاطري كلام فا بقولها بششكل نقاط سريعه ,,
1- بوايتنغ تأليف بشكل مو طبيعي .
2- أبياتي هدف الثاني يتحمله كلياً .
3- نوتشيرينو بدري عليه أساسي ولكن يبغاله وقت ولا نتسرع بالحكم .
4- بونيرا على قولة صالح الضرب في الميت حرام .
عندي كم كلمة أخرى صراحه أزعجتني وهي من بعض الأعضاء
يعني إذا فيه كلام أو شيئ ماعجبك في المباراه لا تعكسه في هذة الرابطة ما أبي
أحدد أعضاء ولكن الأسلوب وبعض الكلمات يلزم الترفع عنها ( لذالك لا تشاهدني دائماُ خارج الرابطة )
فابعض الردود تخرجك عن ( طورك ) ,, فا أتمنى التريث قبل الإنطلاق بالجمل يالغالين ,,
يالغالين تكفوون ترا كل مدرب وله أخطأ هذا ثاني موسم للمدرب كيف
تحكمون وتطلقون بعض الجمل عليه الي صراحه تضيق الصدر يعني العام جاب
الدوري وحنى نحلم فيه وبداية الموسم كأس السوبر ,, يعني مباراة اليوفي تعكس كل شيئ
ياناس لاتنسون الاعبين الي موجودين ولو بيده ريموت يتحكم بالاعبين والله ما أراد والله
لو يجيب نجوم العالم ,, صحيح فيه أخطأ لكن لا تنسى فضائله يكفي أن البعض الى يومك يتحدث على
أن البرششا لم و عجز عن ميلان في أرضه والأن ,, !!
ما أبي أطول أكثر بس أتمنى مره أخرى تحكم عقلك وتتذكر بأنك مشجعاً للميلن وليس غيره ,,
ثانيا الي صار امس مو شي جديد في الموسم هذا
فريق اصابات
ما فزنا الا في المباريتين الي لو لعبها اي فريق يستحي ع دمه فاز تشيزنا وبلزن
لكن
الي صار امس بصراحه ممكن نقول انها مفروض تكون نتيجه تاريخيه لهم
الا ان الاسد نيستا وتياغو وابياتي رفضو
اشوف كثير من الشباب يقولون اللغري
بصراحه ماهو ذنب اللغري ابدا
يعني
باتو روبي هنا قوه الميلان العام ما تدري من تلعب في الهجوم الان لا مافي خيارات بيبو مو جاهز ابرا ولا هي مباراته البارح الاننا نحتاج لاعب يتحرك كثير مو صندوق
لذلك من الطبيعي يكون هجومنا عقيم
الوسط
سيدورف بوميل نوتيشرينو الاخير بصراحه كان ثقيل لا هجوم ولا دفاع صح ابدا بس موجود صوره بوميل مع الناس سيئ زيهم
سيدورف امس تحسه يبي يسوي شي مو عارف
برنس اول مباراه متنرفز مضارب ما يبحث عن الكوره !!
استغرب ع اللغري اخراج كاسانو الي كان الوحيد الي يرمي كور قدام ويخلي برنس السيء البارح موجود النتجيه طرد !! << هذا الماخذ الوحيد ع اللغري البارح
الدفاع
الي ينتقدون اللغري في قلب الدفاع عطني خيارات متاحه وانا اكون معك ما في الا الموجود
والهدف الاول كان بسبب الطرد ولا كان نسيتا ماسك المباراه صح
ابياتي صراحه صد كور كثير واخطا وحده خطا فااادح
لكن فداك ياابياتي
في نقطه ذكرها واحد من الشباب الي هي ان ابرا ضد الفرق الكبار ما يظهر
فعلا هذا عيب كبير وموجود
بالاخير ما اقول الا هاردلاك لنا
ويارب عوده الموصابين ونشوف الفريق كيف بيصير
لا تأسفن على غدر الزمان لطالما رقصت على جثث الاسود كلابُ لاتحسبن برقصها تعلو على أسيادها تبقى الاسود آسود والكلاب كلاب
اليغري انت الملام بنظر الجميع لماذا ؟ لانك لم تعلم بونيرا كيف يخلص الكورة ولم تخبر ابياتي كيف يمسك الكورة !! اين المنطقية بحديثكم , هل لو حصل تعادل ولم تحصل هذه الاخطاء البدائية هل سنراكم تمجدون بالماكس ! اليغري غير ملام بالخسارة ابداً ولايتحمل 1% منها حتى , اليغري لعب بواقعية واحترم اليوفي وشاف إن التعادل مكسب بالنظر لحال الفريق , اليغري كان ماشي تمام وكان قادر من حرمان اليوفي من اي توغل داخل 18 وكانت كل الخطورة لليوفي تاتي من تصويبات عن بعد ولو قدر الله وتواجد جاتوزو على اقل تقدير بديل لنوتشيرينو كان ماشفنا حتى تصويبات عن بعد ؛ الماكس خذله بواتينج , خذله سيدورف بالجانب الهجومي خاصة , الماكس خذله بوميل في إيجاد توازن في الفريق واهتم الهولندي بالامور الدفاعية أكثر الماكس وش ذنبه اذا ماعنده اسلحة يستخدمها !! لاتقولي اكويلاني يعني وين بيدخله بدال بواتينج اللي ماتوصله الكورة الا لازم يحتك ولا يدخله محور عشان يزيد الطين بله ! بصراحة لاتعليق على ردود البعض , اجل تبون إقالة اليغري لا وتنعتونه بالنعامة عشان أخطاء بدائية من لاعبين بلغى 30 عاماً وتجاوزوه , الله يعينكم على متابعة الكورة اذا بعد كل مباراة تطالبون بإقالة المدرب ! لا وليس اي مدرب , مدرب جاب لك الدوري بعد 7 سنين صبر للظفر بالاسكوديتو , مدرب في هذا العام وقف ضده الجميع [ الإصابات + كبر بعض اللاعبين + ميركاتو سيء من الادارة + تخاذل بعض اللاعبين ] اليغري انت الافضل وستستمر كذلك وعقبال ماتسكت العالم اللي توها طلعت وعرفت الكورة .
لابد من حساب هذا المتعجرف , على كثر محبتي له الا إن اللي سواه امس غريب ومستغرب منه , حماس ماله اي مبرر , يكفي انه على اي كورة يصيح ويهاوش اللاعب اللي أخطأ وهذا مهو شغله ولا هي من صلاحياته حتى , اللاعب الجيد هو اللي يقدم المطلوب منه فقط ولايهتم بإمور آخرى , نعم الحماس مطلوب ولكن ليس بهذه الطريقة , بالنسبة للاعب الاسوأ نوتشيرينو مااقول غير الله يلعن اللي قال انك لك مستقبل في عالم المستديرة , لاعب يصير ظل اللي معه الكورة واذا عدى منه وقف وقعد يتفرج عليهم واللي يبي يتأكد من كلامي يرجع لتسديدة فيدال من البداية ويعرف إن الخطا من نوتشيرينو وكاد ان يكلفنا هدف ! نوتشيرينو مكانك تشيرينا او بولونيا حتى باليرمو كبير عليك .
آسبوع المنتخبات :
آكثر نادي إستفادة من هذا الاسبوع هو " الميلان " لانه راح تشهد عودة لاعبين روبينهو ابرزهم , وكذلك راح يخف الضغط على الميلان , كل ثلاث ايام مباراة قوية , إن شاء الله نتعامل مع هذا الاسبوع افضل تعامل وان شاء الله يرجعون عيالنا سليمين واخص ابرا لانه راح يلعب مع هولندا اللي معروفه بالتدخلات القوية الله يستر ..
بالله وش تفكر فيه اجل ملعب لي نوتشيرينو وبواتينغ وسيدورف اساسيين واكويلاني احتياط المدرب كالعادة يكرف ام اللاعبين ما يعرف شي اسمه مداوره اجل افضل لاعب بمباراة لاتسيو ونابولي وبعدين ما لعب صح ضد اودنيزي (اكويلاني)وبعدها حاطه عندك بالدكة والعاهة اللي ما ادري وش الفايدة منه نوتشيرينو اساسي ومعه سيدورف وبوميل الكروفين , بوميل عمره 34 وسيدورف عمره 35 وكل ثلاث ايام ملعبهم اساسيين عندك اكويلاني وايمانويلسون اذا ضمنت الفوز طلع بوميل كل مباراة اخر 20 دقيقة , انا ما اتلكم عن مباراة امس لان بوميل كان من الواجب انه يكون اساسي رغم ان مستواه نازل بشكل كبييير , اما سيدورف ليه تلعبه كل مباراة اساسي او ان شخصيتك ضعيفه وخايف منه ومعروف سيدورف بمواقفه مع المدربين اول ليو كان من شروطه عدم تدخل اللاعبين ومطالبتهم باللعب اساسي وخصوصا سيدورف , وليه ملعب بواتينغ واضح جدا انه مصاب ومع كذا تلعبه , النقطة الثانية الدفاع يعني بالله ليه ما استدعيت ييبس المدرب لازم يتوقع اي شي يحصل بالمباراة ويحسب له الف حساب لكن انك ما تستدعي الا مدافع واحد بالدكة وين يا بوي من قبل ما يطلع نيستا والفريق يلعب على باب واحد ويوم طلف جا الحمار بونيرا ولعب سنتر , اما تايو يقول ما تعرف على اجواء الكرة الايطالية هذي مسؤولية مين من مباراة نابولي وهو جاهز وما تلعبه الا بمباراة تشيزينا ومن قبل الدقيقة 70 الا وانت مطلعه يعني الحين انت تعتبر انتونيني وزامبروتا وبونيرا افضل منه بالظهير , وبعدين تبديلاته الحين انت مدخل الزلابة انتونيني ظهير طيب ليه ملعبه يمين وزامبروتا يسار مع ان مراكزهم الاساسية العكس ,
من يوم الموسم الماضي اذا ما لعب بيرلو تشوف فيه تباعد بالخطوط ومع كذا تجي وتقول انا ما ابي بيرلو طيب من يوض الكورة للمهاجمين لا يكون بواتينغ اول مرة بحياتي اشوف صانع لعب ما يلعب بباطن القدم صدقوني مشكلة الميلان بعدم وجود لاعب ينقل الكورة من الوسط للهجوم
لكن اتحفني بتبديلاته اجل تلعب بخطة الشجرة اول مرة من ايام انشيلوتي وتدخل ايمانويلسون بدال كاسانو ياخي طلع بواتيغ او سيدورف ودخل اكوي وطلع كاسانو ودخل انزاجي وانتهينا اجل مدخل امبرو اللي ما امداه بادي يتدرب ما تدرب الا كم يوم
ختاما اتمنى منه مراجعة حساباته ويشوف حل مع اسبوع المنتخبات اللي جا في وقته
انا مدري ليه معصبين ومسوين فيها حنا اللي ماقد انهزمنا اليوفي العام الماضي وهو في اسوأ ظروفه والميلان بطل ايطاليا كسر راسنا في السان سيرو , وفزنا في الديل البي بهدف ما ادري وشلون جا من جاتوزو
يعني تبون تقنعوني اننا بنقدر نهزم اليوفي في ملعبهم المرعب وبين جماهيرهم المهولة نحمد الله صمدوا اللاعبين لمدة 87 دقيقة من المبارة وتكسرت الجرة في آخر الدقايق
كثير خيرهم لاعبيننا , خلوا الامور ايزي العام الماضي قدرنا ناخذ الدوري وحنا مرقوعين اربع مرآت , ومتعادلين بعشرة والى الحين متعادلين مرتين ومهزومين مرتين
اتفق مع كل من رح يقول ان انطلاقتنا ليست مثل العام الماضي , لكن الخيل الاصيلة ماتلحق الا بالتالي , هذا اذا صرنا خيول والا نبي نتكي بمركزنا الــ15
اللي يتكلم عن مركز الميلان , وانه ما يليق بالفريق , ترى الفرق بيننا وبين الصدارة ست نقاط فقط
اثق بالميلان
قايلها من امس الصبح اذا فازت الاتحاد بينهزم الميلان واذا انهزم الاتحاد فاز الميلان حظي ما فيه امل يكمل
هاردلاك لكم الخساره أمس ، مع بداية الميلان السيئه ما أتوقع فيه شيء أسمه دور ال8 أو التأهل لدوري الأبطال للموسم الجاي أو المنافسه على الكوب ، الظاهر الموسم هذا مو معدي على خير دام هذي بدايتها فمدري وش نهايتها ..
في المباراتين الجايه في الدوري والمباراتين الجايه في دوري الأبطل ماطلعنا بال12 نقطه ، ف راح يكون موسم سيء سيء جدآ ..
تونا ما خلصنا شهرين من بداية الموسم .. فرق الصدارة مجرد 6 نقاط .. و انهزمنا مباراتين و يعني ؟ ترى انهزمنا قدام اليوفي و نابولي على ملاعبهم .. السان باولو معروف انه من اصعب الملاعب في اوروبا و اليوفي يلعب بنشوة ملعبه الجديد ..
ميلان يعاني هذا الموسم من زلزال اصابات عنيف .. يعني قوتنا الهجومية نصها مختفية بغياب باتو و روبينهو .. و بواتنغ توه راجع من اصابة مع ابرا و اصابة اباتي ايضا و اصابة نيستا وسط المباراة !!! لو فريق ثاني كان اكلها تاريخية لكن ميلان صمد الى اخر 4 دقايق و دخلت هدفين بأخطاء بونيرا و ابياتي ..
فترة التوقف هذه راح تكون مهمة جدا لميلان و الليجري حتى يستطيعوا التقاط انفاسهم من جديد و عودة كل المصابين ..
الليجري صراحة عنده اخطاء هذا الموسم على الرغم من اعجابي به شخصيا .. اولى اخطائه كانت استبعاد انزاجي و الشعراوي من تشكيلة الأبطال صراحة غلطة لا تغتفر لماكس ما ادري كيف اتخذ هذه الخطوة الغريبة جدا !!!
الخطأ الثاني هو الإكتفاء باللاعبين و عدم المطالبة بلاعب ليغطي اكثر المراكز حاجة للدعم في الفريق و هو مركز صانع الألعاب .. مركز خالي تماما و لا فيه اي لاعلب في ميلان يملك مواصفات صانع الألعاب الصريح و للي يقول بعنا بيرلو اقوله بيرلو له اكثر من 9 سنوات مبتعد عن مركز صناعة الألعاب و لا يقدر يأدي فيه بالطريقة المطلوبة .. اللاعب الوحيد اللي تمنيته يجي ميلان في الصيف كان الهولندي فان در فارت هذا اللاعب يقدر يغطي مركز صناعة الألعاب بشكل كامل .. اتمناه في يناير لأنه ايضا يقدر يلعب في الأبطال لو جا ..
عموما اتركوا التشائم ياشباب فريقنا بطل و قوي و يستطيع المنافسة و سوف ينافس بإذن الله متى ما تخلت الإصابات عن الفريق ..
اليغري إلى الان يسير كما سار المدرب الميلاني السابق زاكيروني , هذا مافعله زاكيروني , وللامانة الكلام اللي بيجي تحت منقول من الموقع الشهير ويكيبيديا :
" انتقل إلى تدريب نادي إيه سي ميلان، وقد جلب معه إلى السان سيرو النجمين الألماني أوليفر بيرهوفوتوماس هيلفيغ، ومع ميلان فاز معهم بلقب الدوري الإيطالي في موسم 1998/1999 بعد منافسة شرسة بين إيه سي ميلانو لاتسيو وفيورنتينا، وفي الموسم الذي تلاه قل نجاح الفريق وخرج من دوري أبطال أوروبا مبكرا، وبالرغم من حصول النادي على المركز الثالث في الدوري، إلا أنه لم ينافس فعليا على اللقب، وفي موسم 2000/2001 زاد وضع الفريق سوءا، حيث فشل الفريق في تغلب على نادي باريس سان جرمان في دوري أبطال أوروبا، مما اضطر السيد سيلفيو برلوسكوني إلى طرد زاكيروني، واستبداله بتشيزري مالديني "
بغض النظر عن النتيجة المتوقعة عطفا على اصابات الفريق و عطفا على تشكيلة الفريق العقيمة و على التبديلات الفاشلة بمعنى الكلمة ، إلا أني واثق بإذن الله بمجرد عودة النجوم المصابين ستعود الأمور إلى موازينها ، الفريق منقوص من أبرز عناصره في كل المراكز و أقوى فرق العالم ستتاثر إذا غاب 3 إلى 4 لعيبة من التشكيل الأساسي،،
أنا اللي قاهرني اللعيبة النفسية اللي يصايحون و يهايطون على زملائهم في الفريق ،
منظرهم مستهجن لدى المتابعين ، و الله أعلم كيف يصبر اللعيبة اللي معاهم على هياطهم و قلة أدبهم الواضحة
...
هذا اكيد ماسك شئ على المدرب ، الورقة الرابحة دايما يخش ولا عمره نفع الفريق على ما أذكر حتى الأن لا هجوميا و لا دفاعيا
....
أخطاء قاتلة في المباريات الأخيرة و الله يستر يبتل على هالحواق