03/10/2011, 01:05 PM
|
 | محرر أخبار رابطة ميلان | | تاريخ التسجيل: 05/08/2010 المكان: san siro
مشاركات: 5,056
| |
 لا تأسفن على غدر الزمان لطالما رقصت على جثث الاسود كلابُ لاتحسبن برقصها تعلو على أسيادها تبقى الاسود آسود والكلاب كلاب   اليغري انت الملام بنظر الجميع لماذا ؟ لانك لم تعلم بونيرا كيف يخلص الكورة ولم تخبر ابياتي كيف يمسك الكورة !! اين المنطقية بحديثكم , هل لو حصل تعادل ولم تحصل هذه الاخطاء البدائية هل سنراكم تمجدون بالماكس ! اليغري غير ملام بالخسارة ابداً ولايتحمل 1% منها حتى , اليغري لعب بواقعية واحترم اليوفي وشاف إن التعادل مكسب بالنظر لحال الفريق , اليغري كان ماشي تمام وكان قادر من حرمان اليوفي من اي توغل داخل 18 وكانت كل الخطورة لليوفي تاتي من تصويبات عن بعد ولو قدر الله وتواجد جاتوزو على اقل تقدير بديل لنوتشيرينو كان ماشفنا حتى تصويبات عن بعد ؛ الماكس خذله بواتينج , خذله سيدورف بالجانب الهجومي خاصة , الماكس خذله بوميل في إيجاد توازن في الفريق واهتم الهولندي بالامور الدفاعية أكثر  الماكس وش ذنبه اذا ماعنده اسلحة يستخدمها !! لاتقولي اكويلاني يعني وين بيدخله بدال بواتينج اللي ماتوصله الكورة الا لازم يحتك ولا يدخله محور عشان يزيد الطين بله ! بصراحة لاتعليق على ردود البعض , اجل تبون إقالة اليغري لا وتنعتونه بالنعامة عشان أخطاء بدائية من لاعبين بلغى 30 عاماً وتجاوزوه , الله يعينكم على متابعة الكورة اذا بعد كل مباراة تطالبون بإقالة المدرب ! لا وليس اي مدرب , مدرب جاب لك الدوري بعد 7 سنين صبر للظفر بالاسكوديتو , مدرب في هذا العام وقف ضده الجميع [ الإصابات + كبر بعض اللاعبين + ميركاتو سيء من الادارة + تخاذل بعض اللاعبين ] اليغري انت الافضل وستستمر كذلك وعقبال ماتسكت العالم اللي توها طلعت وعرفت الكورة .  لابد من حساب هذا المتعجرف , على كثر محبتي له الا إن اللي سواه امس غريب ومستغرب منه , حماس ماله اي مبرر , يكفي انه على اي كورة يصيح ويهاوش اللاعب اللي أخطأ وهذا مهو شغله ولا هي من صلاحياته حتى , اللاعب الجيد هو اللي يقدم المطلوب منه فقط ولايهتم بإمور آخرى , نعم الحماس مطلوب ولكن ليس بهذه الطريقة , بالنسبة للاعب الاسوأ نوتشيرينو مااقول غير الله يلعن اللي قال انك لك مستقبل في عالم المستديرة , لاعب يصير ظل اللي معه الكورة واذا عدى منه وقف وقعد يتفرج عليهم واللي يبي يتأكد من كلامي يرجع لتسديدة فيدال من البداية ويعرف إن الخطا من نوتشيرينو وكاد ان يكلفنا هدف ! نوتشيرينو مكانك تشيرينا او بولونيا حتى باليرمو كبير عليك . آسبوع المنتخبات : آكثر نادي إستفادة من هذا الاسبوع هو " الميلان " لانه راح تشهد عودة لاعبين روبينهو ابرزهم , وكذلك راح يخف الضغط على الميلان , كل ثلاث ايام مباراة قوية , إن شاء الله نتعامل مع هذا الاسبوع افضل تعامل وان شاء الله يرجعون عيالنا سليمين واخص ابرا لانه راح يلعب مع هولندا اللي معروفه بالتدخلات القوية الله يستر .. بالتوفيق للميلان ولكل لاعب ميلاني |
