هرفي مشوي على العود في ضيافة أبو جود ( بالصور ) - نادي الهلال السعودي - شبكة الزعيم

دهران · #1 01/07/2011, 01:45 AM

أيها الإخوة والاخوات الاعزاء .....

قبل أسابع كنا معزومين عند حبيبنا وزميلنا أبو جود في حفر الباطن , والحقيقة إنه الله يكثر خيره وكما هي عادته ما قصر , وحكر لنا هاك المشوي اللي على الكيف ( شغل معلمين صح )

المدعوين كثيرين ومنهم أبو خالد وأبو سالم وأبو محمد وأبو سعد وأبو سعيد وأبو حسين

أنا الصراحة أول مرة أذوق الهرفي بهالطريقة وياليتني ما ذقته بس , إلى الآن مهذريٍ به وأبي أسويه اليوم قبل بكرة إن شاء الله

نترككم مع الصور ونتمنى لكم طيب المشاهدة

نشب الفحم ونخليه لين يجمر

طبعاً هذا الهرفي وبداية تدخبله في العود
وطريقته تبيلها رجالٍ نشمي مثل أبو جود وأبو خالد اللي متخصصين في كل علمٍ طيب , طبعاً عود الخشب والمركابين اللي يثبت عليهن ضد النار وشغل مضبوط من تصميم أبو خالد , والهرفي يتم تربيطه في العود بحبال خاصة ضد النار أيضا

يتم هنا فرد الجمر بالشكل المطلوب

وهنا يتم وضع الهرفي ويتم تقليبه على الجمر بتدويره باليد لمدة من ساعتين إلى ساعتين ونصف ( شغلٍ يبي له صبر )

وهذا أبو جود يعطينا من الشيلات والمواوييل ويشيك على الهرفي من كل الجهات

أقول جعل مانيب محله وبس !!!!!!

وقبل ما يستوي الهرفي قام أبو جود مثل الذيب وفي لحظات ظبط الرز بطريقة بسيطة وسريعة ( ومع إن الرز كان بدون لحم أو مرق إلا إن طعمه كان خيال ولا يخطي الدماغ )

هذا الماء يغلي

وهذا البصل مقطع وجاهز

وهذا الرز ( أبو كاس ) مغسول ومنقوع

وهذا الطماطم مقطع

وهذا قدر الرز يحمى على النار مع زيت دوار الشمس

البصل والثوم وحمسة سريعة على الزيت

يتبع ..... يتبع

دهران · #2 01/07/2011, 01:47 AM

إضافة الدارسين

ويستمر التحريك

إضافة الطماطم والبهارات والملح ثم الماء المغلي

وهنا إضافة الرز والتحريك ثم غطاه أبو جود ورجع للهرفي وكل هذا في أقل من 10 دقايق ما شاء الله عليه

وهذا الهريفي بعد ساعتين ونصف من التدوير والتقليب المستمر جاهز ويقول وين الجايع بس

وهذي بعض الحركات الجانبية

وهذا عاد الرز الخرافي

وأحلى وألذ هرفي مشوي على العود أذوقة في حياتي , وأنعم الله على من تكلف
أبو جود كل شي فيك حلو بس لو أنت تشجع الهلال إن كان تكون أحسن واحد في العالم عندي

آمل أن يكون هذا الموضوع قد وصل إلى مستوى ذائقتكم
وتقبلوا أعذب وأرق تحية
أخوكم أبو فارس

ஜ ₣ ฮ เ ṥ λ Ŀ ஜ · #3 01/07/2011, 02:22 AM

ي بطننننننننننننننننننننننننننننننننننننننننننننننننننننننننننننننننننيه

والي جاايع طيب

وايليه · #4 01/07/2011, 02:34 AM

ما شاء الله عليكم ... وشكل العشاء خطيييييير
وبصحه وعافيه عليكم ....

يعطيك الف عافيه ....//

&عاشق االزعيم& · #5 01/07/2011, 02:38 AM

والله شهيتني
ماشاء الله عليكم
حكروتوه حكر
يعطيك العافيه

FINAL10 · #6 01/07/2011, 03:03 AM

يآ مجرم ما هذا

ابداع وتصويرك ابداع وكل شي ابداع

بالعافيه يا بطططل

قناص القرن · #7 01/07/2011, 03:07 AM

يرحم اووومك ..والله اني صاك العافية ,.. بطني لاصق بـظهري من الجووع

aB6aL 1 · #8 01/07/2011, 03:39 AM

ما شاء الله
شغل تمام التمام عليكم بالعافية

K.R.M · #9 01/07/2011, 03:42 AM

مـآ شآء آلله ,, بآلعـآفيه

مآ قصّر أبو جود
ومن شكله يغريك
أجل وشلون إذآ أكلته

لآ يوقّف

ارين14 · #10 01/07/2011, 04:12 AM

تصدق اتمنى يجيك انذار

يااخي والله حرام تجوعنا كذا

بالعافيه << لآتعيدها مره ثانيه

مريل دحيم · #11 01/07/2011, 04:17 AM

مامافيه الو تعزمنـأـأ
بالعافيه حبيبي

ابوريناد · #12 01/07/2011, 04:35 AM

ماشاء الله تبارك الله شغل احترافي

هني وعافية يارب

وتصوير رائــع تشكر عليه

ماقصرتوا بيض الله وجيهكم

محب الجنه الخرج · #13 01/07/2011, 05:36 AM

تذكرت موضوع ينزل هنا بالشبكة وقريب بينزل الجزء الجديد بعد شهر ان الله احيانا ع خير

وهو موضوع صور سحورك وفطورك والطشهم هنا تشوف الصور وانت صايم هالاكلات والنعمة وعذاب ياحبيبي عذاب

ياحبني لهالموضوع بقدر اشتهائي للهرفي عقب هالصور وربي صور تجيب الجوع وتتمنى تطب بالصورة وتاكل

موضوووع روعة وتصوير اروع

وعليكم بالعافية

حمد البذالي · #14 01/07/2011, 06:08 AM

وراء ماتعزموووون

تري قريب منكم ^_^

أنا اشوف ريحن الشوي فايحه بقوة بالحفر اثر انتم مصدرها ذذذذ

Fahad Al Sudais · #15 01/07/2011, 11:30 AM

لاحول ولا قوة الا بالله

انا وش اللي قردني وخلاني ادخل هالموضوع

والله اني باصك الجهاز واقوم اصلي الجمعة.. لكن ابليس الله يلعنه خلاني ادخل

ترى الاثم برقبتك انت وابوجود وباقي البشكة اذا قمت اهوجس بالصلاة بهالعلوم