بأدخل بالموضوع مباشرة كما هي سمة الخُطَب في العصر الجاهلي ( واحد مختبر اليوم عرب ) .. ![:s2:](http://vb.alhilal.com/images/smilies/Animated/s2s.gif)
<< تذكروا ان محدثكم عنده اختبارات نهائية ، فتعودوا على الشطحات من اللحين ![:s2:](http://vb.alhilal.com/images/smilies/Animated/s2s.gif)
___________________
___________________
( بصراحة مادري كيف أصف شعوري ..!! )
إذا كان عندي اختبار السبت الأول ، مادة أحياء مكونه من 240 صفحة دون تلخيص إلا التعاريف ( ما قصر الأستاذ عطانا عشر تعاريف وقال احفظوها واتركوا باقي التعاريف ) ..
واستعد لها أسبوع قبل ومذاكرة وكل ما خلصت فصل رجعت على كل الفصول اللي خلصتها أراجعها وكرف لعل وعسى اجيب درجة تفتح النفس .. ![Smilie47](images/smilies/smilie47.gif)
خلاص ؟ واجي صباح السبت للمدرسة واسأل اخوياي بشروا كيف المذاكرة ؟!
ويرد علي الأول " والله ما ذاكرت إلا التعاريف اللي عطانا الإستاذ " ![razz](images/smilies/razz.gif)
والثاني " والله مريت على المنهج قبل ما اجي " ![:s2:](http://vb.alhilal.com/images/smilies/Animated/s2s.gif)
وادفر واحد بيننا " سحبت على اخر فصلين " ![](images/smilies/smile/austria.gif)
ويضحكون علي لأني مذاكر الكتاب كامل ويقولون والله إنك فاضي ...!!!! ![S5s](images/smilies/Animated/s5s.gif)
( هنا ما اقدر أصف شعوري ..!! )
مادري ذولا بايعينها ولا وش سالفتهم ، ولا ونسبهم كلهم فوق التسعين ..!!! ![S5s](images/smilies/Animated/s5s.gif)
![S5s](images/smilies/Animated/s5s.gif)
المهم وندخل قاعة الإختبار وتجيك الأسئلة :-
1- الإنسان يتكاثر بالتلقيح الخلطي ، صح ولا خطأ ..!!
2- النسيج الطلائي الحرشفي ، هو احد انواع الأنسجة الطلائية ، صح ولا خطأ ..!!
3- العصارة المعدية تفرزها ( المعدة - النخاع الشوكي - الدماغ ) ، اختر الإجابة ...!!!
وخذلك من الأسئلة السخيفة ..!! وطبعاً لا ننسى سؤال [عرف] جايبه من التعاريف اللي معطينا إياها علشان تصير يعني ترى الأستاذ شديد ..!!
( هنا بصراحة ما اقدر اشرح شعوري ..!! )
أجل ليش أذاكر وحالتي صعبة وكل شوي مراجع الكتاب تقل موسوس ..؟! ![S5s](images/smilies/Animated/s5s.gif)
اللحين عرفت وشلون وصلت مواصيل تراخي أخوياي اللي فوق لهالحد ..!!
هذا وحالنا احسن من غيرنا ..!! العالم على ملخصات ثلاث واربع اوراق وزعلانين يبون الأسئلة ..!! ( علشان ما نظلم احد ، هناك أساتذة متوحشون عديمي رحمة يعطون ملخصات بعشرين وثلاثين ورقة
)
<< أنا بفهم بس ، ليش مخترعين الكتاب اذا كنا بنرميه من أول السنة بالبيت وندخل بدفاتر وملخصات ..!! ![yes](images/smilies/yes.gif)
( لو يلاحظ العاقل في علاقة طردية بين مدى سحب الأساتذة على الكتاب ومدى تكاسل الطلاب
)
بعد الكلام اللي فوق هذا كله انتهى بي الموضوع إني أستقين بكل ما أوتيت من قوة إن مالنا حل إلا أسئلة الوزارة ..!! ![](images/smilies/smile/devil1.gif)
ويوم سألت أحد الطلاب عن رأيه بهالفكرة ما كان منه إلا أن قال وما ظني بمخه يجيب بهالسرعة ولكن اجاب عقله ألا واعي " ويييييين يبو ؟ تبينا نذاكر من بداية السنة لعيونهم ؟! " ( وهو هذا المطلوب ![](images/smilies/smile/devil1.gif)
)
لو كانت أسئلة وزارة ، بيهتم الطلاب لدراستهم اكثر ويجدون بالمذاكرة ..
لو كانت أسئلة وزارة ، نظام محذفات مدري ملخصات ينتهي ، ويرجعون الأستاذة للكتاب ..
لو كانت أسئلة وزارة ، بيتابعون الطلاب دروسهم أول بأول ..
لو كانت أسئلة ، بتظهر العينات اللي فعلاً مؤهلة لقيادة المجتمع بشكل بازر .. ( نتيجة تحتاج انتظار )
وهلم جراً بنتايج ونتايج إجابية لا حصر لها ، ياخي بيطلع لك جيل فاهم ..
<< موب جيل تسأله وش موضوع الفصل الفلاني والوحدة الفلانية ، يقولك مادري ..!!
بيطلع لك مدرسين فاهمين ، موب هاللي نشوف اللحين ضرب الكسور يخطي فيه
أستاذنا " المستجد " فيروح يحذف الدروس المتعلقة بهالشيء ..!!
والمدرس هذا يدرس ثلاث فصول × عدد طلاب كل فصل = 80 طالب ضعيف بالرياضيات والسبب مدرس واحد ..!!
بنشوف المدرسين يجتهدون بالشرح ، والواجبات وحتى اختبارات اعمال السنة ، علشان ما يجيبون الطلاب العيد بالنهائي مع أسئلة الوزارة وياكلها هو مسائلات وليش وما ليش ممكن تصل لخصم الراتب زي ما سمعت ..!!
بهالحالة أصلاً المدرس الضعيف ( اللي مشى بالواسطة - بالدف - الخ وياكثر الخ !! ) ما يمشي من البداية ويدرس ولا ويستلم راتبه زيه زي أفضل أستاذ بالسعودية ..!!
تشوف الطلاب مشتكينه ومطيرين ابو ابوه ..!!
وينتهي الموضوع بالمدرس إن قطاع التعليم يرفضه كله ، وهذا يعطي وظيفة لمعلمين أفضل منه بألف مرة لكن ما حصلوا وظيفة ..!!
<< والله يا إني منيب هين ، أجل جبت حل جزئي لمشكلة العطالة على الدرب ![:s2:](http://vb.alhilal.com/images/smilies/Animated/s2s.gif)
![:s2:](http://vb.alhilal.com/images/smilies/Animated/s2s.gif)
يعني مشااااااااااااااكل كثييييييييييييرة تنحل بمجرد " أسئلة وزارة " ..!!
عاد اللي يخلي الواحد يستغرب من جد ..
أسئلة القدرات والتحصيلي موحدة ومن والوزارة ..!!
طيب زي ما قالوا المدرس اللي درس الطالب لازم يحط أسئلة النهائي ، ليش بالتحصيلي ما يجمعون الأساتذة اللي درسوا الطالب يشتركون بنموذج أسئلة التحصيلي حقه ..؟!
<< هنا تساؤل سخرية .. ![Biggrin](images/smilies/biggrin.gif)
![:s2:](http://vb.alhilal.com/images/smilies/Animated/s2s.gif)
ولا بعد جيبوا جد الطالب يكتب له أسئلة القدرات مهوب هو اللي معطيه الجينات ؟!
<< برى ؟ ![cry](images/smilies/cry.gif)
أصلاً من التفاهة تخلي شيء له شروط ثابتة مثل " القبول بالجامعات " يستند على معيار غير ثابت ومتفاوت مثل تفاوت صعوبة الأسئلة بين المدارس ..!! وهذا مدفوف من أهلية ( والله رفس موب بس دف
) وله ملخصات والثاني جآي من حكومية ..!!
<< لو مافيه قدرات وتحصيلي تحسب مع نسبة الدراسة كان انتحرت ![S5s](images/smilies/Animated/s5s.gif)
نقاط اختم بها :- 1- عارف إن موضوع أسئلة الوزارة موب طقها واسحب عليها ( سوادني
) ، وان الموضوع له عوائق كثيرة ، لكن إذا وضعنا النتائج صوب الأعين يهون كلش .
2- طبعاً يتبع أسئلة الوزارة نظام مطول بتفاصيل كثيرة تضمن حق الطالب ما ينكب بإستاذ من جنبها وياكلها بالنهائي وما إلى ذلك ، ويكون هناك نظام متكامل شامل عديد النواحي ، لكن أنا ناقشت بشكل مبدئي . ![yes](images/smilies/yes.gif)
3- عمركم قريتوا موضوع مخلط فصحة وعامي وشطحات مصري وحكم سوادنية ؟ بعد إطلاعكم على هالموضوع ستكون الإجابة نعم . ![:s2:](http://vb.alhilal.com/images/smilies/Animated/s2s.gif)
![:s2:](http://vb.alhilal.com/images/smilies/Animated/s2s.gif)
... فما رأيك اخي القارئ بالموضوع ، ومسألة أسئلة الوزارة ، و وش توقعاتك للنتايج المترتبة عليها .. ![yes](images/smilies/yes.gif)
![ورده](http://upload.alhilal.com/img/009/67.gif)
___________________
___________________
بالنهاية اعذرونا على الأخطاء الإملائية واللغوية إن وجدت
وركاكة أسلوب الموضوع وحوسه عناصره ، هي سواليف فرغتها تفريغ بالكيبورد بعد ما رجعت الإختبار بدون مراجعة أو تدقيق أو ترتيب
، وحتى ما كان عندي نية اكتب الموضوع لكن قلت يولد عبر عن ما بداخلك وبقلعه ان شاء الله يحذفونه المشركين قصدي المشرفين ( يمكنك عزيزي القارئ توقع اختبار الغد لكاتب الموضوع
) لكن إن شاء الله إنكم تسلكون لنا وتتركون عنكم الإستقعاد .. ![:s2:](http://vb.alhilal.com/images/smilies/Animated/s2s.gif)
![Smilie47](images/smilies/smilie47.gif)
مع اللقاء .. ![ورده](http://upload.alhilal.com/img/009/67.gif)