نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مقطوع راسي · #14 13/06/2011, 08:04 PM

إقتباس

الرسالة الأصلية كتبت بواسطة تركي السلماني


	شف يأخوي لو بترجع أسئلة الوزارة يتلقى نصف الشعب نسبهم بالترم الأول 98% إلى 100% و الترم الثاني بيعطون الطلاب درجات كاملة في المشاركة و الواجبات و مايبقى ألا 30 درجة حقت الإختبار و الطالب ماراح يسوي شئ غير ( البراشيم ) إلا القليل ! مأردت قوله أنه في كلا الحالتين الطلاب مستحيل يذاكرون إلا من رحم ربي حتى لو رجعت أسئلة الوزارة خصوصاً إذا كان هناك دافور واحد بالصف يعطيهم الحال ! يعني أنا شخصياً أعرف واحد جايب بالترم الأول 99% و الترم الثاني جايب 90% بإسئلة الوزارة مع أن أغلب المواد العلمية كان يأخذ فيها من 5 - 9 من 30 بالنهائي و مع ذلك مافرقت النسبة واجد و لو شويت براشيم و غش بيأخذ الـ 95% بالراحة ! وجهة نظري نبقى كذا أفضل و أحسن ! حياك الله

أشوف إننا نمنع المنافع المترتبة على أسئلة الوزارة علشان مشكلة الغش مالها معنى ..
أنا زي ما ذكرت بالنقاط الختامية للموضوع ، أنا تكلمت عن الموضوع بشكل مبدئي ..
ولا المفترض يكون فيه قاعات مخصصة للإختبارات النهائية للفصل الأول والثاني ..
مثل ما هو مطبق للقياس والتحصيلي ، قاعات منظمة تروح لها بنفسك ..
تسجل موادك ، تسجل بأقرب قاعة لك ، تروح تختبر زي ما هو حاصل بالتحصيلي والقدرات ..
ولا عمري شفت بعيني أي حالات غش بالقياس لأنه صعب بترتيب طاولات وناس غريبة ومراقبين شديدين ...
وخلاص ياخي انحلت المشكلة بل وانتهى بنا الوضع لوضع افضل بكثير من وضعنا الحالي بالإختبارات النهائية ..

أصلاً لو الود ودي

، والله لأخلي 100 الدرجة حقت المادة ، 50 نهائي فصل الأول ، و 50 نهائي الفصل الثاني

وهذا الصح ( بإعتقادي على الأقل ) ، المشاركة ، البحوث ، الحضور والغياب ، الواجبات ، الإختبارات الشهرية وأعمال السنة ..
كلها تخدم سبب واحد وهو تحضير الطالب وتجهيزه للإختبار النهائي ، خلاص ياخي خل الدرجات كلها على الاختبار النهائي وبكذا تقيس قوة التجهيز بشكل حقيقي وواقعي ..
موب واجب ماتدري ناقله من خويه ، ولا بحث زارفه من النت قص لصق حتى عنوان المنتدى تحصله موجود ..!!

وحتى الوظيفة ( الغاية النهائية من كل هالدراسة والجامعات هي أن تجعل كرسي الوظيفة يذهب لأكثر شخص يستحقه ويبدع فيه ) الوظيفة ما تعتمد ( بإعتقادي على الأقل

) على قدرة صبر على حل واجب ولا حضور قالب في الفصل والقلب غايب ..!!
كل هالأشياء من حضور وواجبات وبحوث الاختبار النهائي يكون مقياس حقيقي لها لانها تحضير له << زبدة الهرج

أجل بما أن أن الإختبار النهائي هو المقياس الحقيقي ، نحط درجات على أشياء ثانية ليش ..؟!

ليش ما نتعمد عليه وعلى درجته فقط ؟ حتى لو كان غلط بوضعنا الحالي راح يكون هو الحل الأكثر ضرر والأفضل ..
لا تحس ياخوي الطالب إني بس أبي أصعب الوضع ولا شيء زي كذا ...
لكن وبنفس الوقت ، مابي أحس بالقهر غيري ينقبل بالجامعة بسبب شروط خاضعة لمعايير ظالمة ..!!
المعايير من ناحية الجامعات وضعت بشكل سليم ، لكن القائمين على المعايير من جهة التعليم حمقى ومغلفين للأسف وكل همهم ومواضيعهم دمج البنين والبنات ..!!
أنا عارف أن ردي ذا يمكن أطول من الموضوع ، لكن ردك كان بيصير مثل المتنفس للشخص للهروب من واقعية الموضوع ..

يعني بيلغي أثر الموضوع في ذهن القارئ ، فقلت يجب أن أبري للرد عليه ..
ولا تصدق ليش نعقد الأمور ، أنا رديت رد كل هالطول لأني أقدرك وأقدر رأيك ..

شاكر للجميع وأعتذر عن الإسترسال والإستطراد بالكلام ..