* اللي يقولون حسن العتيبي وحسن العتيبي

اشوفكم صوتوا له بأحسن لاعب في مباراة الأهلي ؟؟؟؟

أقل شي حسن لما يغلط يغلط مره وحده ويجي قول لكن طول المباراة ينقذنا من عشرات الاهداف اللي كاد يتسبب فيها المرشدي أبو النكبات

ماأنكر ان أحيانا يكون خروجه غير موفق لكن جيبولي بديل ؟؟؟
أفضل حارس بالدوري هو العتيبي
لاتقولون لي وين السديري ،،، صح تميز في مباراة الرائد والاتحاد لكن أبدآ ماهي مقياس مانحكم عليه من مباراتين صعب جدآ هالحكم عليه
وغير كذا هو مصاب ومافيه غير الشمري وشراحيلي اللي توه راجع من اصابه ،،،، أظن العتيبي أفضل منهم بمراحل
يكفي عنده ردة فعل سريعة وهذا اللي يميزه

* أما المرشدي القول جاي معه بالصدفه والا ماتشوفون الاستهتار اللي فيه والثقه العجيبه وكان بيخسرنا مالباراة في أكثر من كوره
ولولا الله ثم هوساوي والعتيبي واإلا كنا مهزومين وبهدفيين أو أكثر

* الشلهوب واضح عليه الارهاق مع انه لعب كويس في الشوط الثاني
لازم يرتاح ويصير يدخله الشوط الثاني في مباريات الدوري


* وبالنسبه لبرود الفريدي ماهو جديد ،، دايم حتى بمباريات الحسم ..
قالو ايش قالو اللاعب مزاجي ،، واذا مزاجه عالي يلعب وااذا مزاجه معكرر وجوده زي عدمه ،،، <<< الهلال ماهو في حاجته اذا هذا اسلوبه وطبعه ؟؟؟

* ويلهامسون من يوم دخل حرك اللعب لكن الفريدي كان يقتل الهجمات ببروده ،، ويلي مستواه يطمن بعد اصابته ،،،

* الجيزاني ماأدري ليه مستواه مع الهلال كذا ،،، بعكس ماشفناه مع الشباب والحزم ؟؟!! ع العموم اذا بيظل مع الهلال أتمنى ان مستواه يرجع ويصير احسن من اول وينافس القحطاني والمحياني على الاساس ،،

* أحمد علي ،، مقاتل ومتحرك ،،، لعب وخلق فرص وشفناه في اكثر من فرصه ،،، بس كان ينقصه التركيز وشوية حظ
أتمنى يكون الهداف في المباريات الجايه وأنا أتوقع هالشي ..


* بشكل عام كانت المباراة فيها ثقه من اللاعبين وهذا كله كله كله كله بسبب اعلام الأصفرين
طلعو في كل القنوات وحسسو لاعبين الهلال ان الدوري هلالي ،،، حتى لو هالكلام صح ليه مانثبت جدارتنا بالفوز باللقب وماله داعي هالاستهتار ،،،


* الواضح من كالديرون انه يبي يموه على مدرب ساباهان الايراني ومايبي يعطيه خطته النموذجيه ولا يخلي طريقة لعبه مكشوفه بالاضافه لارتياحه من الفارق الكبير اللي بينا وبين الاتحاد
هالعاملين هم اللي خلّو كالديرون اليوم يغير بطريقة اللعب شوي,,


*أخيرآ أتمنى كل التوفيق للزعيم وإن شاء الله يظهر يوم الثلاثاء زي مباراة باختاكور ويكون الجمهور طرباااااااان ع الآخر

إقتباس الرسالة الأصلية كتبت بواسطة **الـــــــــواوا** ابو طلال اللحين الفريدي هوو سبب برود جميع اللاعبين اليووم للاسف الفريق كامل دخل المباراة وهوو ضامن الفوز وهذا اللي يقهررر * ماجد المرشدي .. ودنا يفوز بتصويت موبايلي لأفضل لاعب هالمره .. يستاهل أي يستاهل يرحم والديك .. مستوآآآه غير ثابت , هوو من سوى القذله اللي بشعره وهو مدربي رآآسه ودي يطوول شعره مثل ايام كأس الخليج تحس ان الرجال رآآكز الله ياذيك الايام كنت أسميه نستــا العررب . إن شاء الله يرجع لمستوآآه . ألا قووولي يــا أبو طلال أخبار وليــد الجيزاني لايكوون مدافع مع الفتـح .

هلا والله بالغالي ...

على فكرة يابعدي .. ترى المرشدي يستاهل علشان الهدف .. والهدف يعني ثلاث نقاط .. والثلاث نقاط تعني الإقتراب من مالدوري بإذن الله ...

لكن بوجه عام الفريق كان سيء اليوم ...

ضياع فرص سهلة ... واخطاء في الخلف ... وبرود شامل ...

شكرا لك ياكابتن

إقتباس الرسالة الأصلية كتبت بواسطة Night stars ؟؟؟؟؟ يعني لو العتيبي مركزه غير الحراسه وجاب قول كان صار حبيب وغالي ويستاهل ؟؟ من متى المرشدي يستاهل ؟؟ روح شوف الاعاده وكم مره نكبنا بترجيع الكور باستهتار وكم مره جت هجمات للفتح من اخطائه ؟؟؟ استغفر الله

العتيبي قدام الاهلي أخذ أفضل لاعب وماجاب قول .. بس صد ثلاث ضربات جزاء ... رغم إنه تسبب في ولوج الهدفين في تلك المباراة ...

لاقلنا يستاهل .. للتحفيز وتقديم الأفضل وتدارك الخطاء ..

المرشدي ييستاهل وهدفة أنقذنا .. على الأقل للإصرار اللى عنده وعدم الإنهزاميه

صحيح المرشدي مستواه منخفض .. وموب مرشدي بطولة الخليج في عمان .. بس لانحمله أكثر من مايحتمل .. والهدف يشفع له .. ماثل ماشفع للعتيبي حسن صده ضربات الجزاء قدام الاهلي .. رغم أخطاءه الفادحه في نفس المباراة ...بس يقولون الأعمال بخواتمها

شكرا