يافريدي : جب عشرة أهداف وضيع فرصه .. لاتضيع عشرة وتجيب هدف وتبينا نرضى .. وياحسن لا لا لا ( تتقدم ) - نادي الهلال السعودي - شبكة الزعيم

ابو طـــــلال · #1 25/02/2011, 10:44 PM

بغى يروح الدوري ...

ترى الدوري ماحسمناه ... وباقي لنا مباريات قوية ... ولاتنسون الإرهاق .. والمشاركة الآسيويه .. وكاس ولي العهد .. والدوري لابد نزبط أمورنا .. تونا بدري مانفرح فيه إلا بعد آخر جولة ومع آخر صافرة للحكم ..

وش هالإستعراض اللى شفناه اليوم ..

نقاط سريعه قبل العشى :

* أحمد الفريدي .. إستعراضك قدام المرمى يشب التسبد ..

أتمنى تخلص الكورة ياتمريره لخويك او ( تقبعها ) في الباب وتريحنا ... انا متاكد لو الكوره اللى حصلت للفريدي كانت لأحمد علي كان الحين فايزين ثلاثه !!

* رادوي رجع بعد العفو بهدف ولاأحلى ...

* حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

* جمهور الزعيم في الشرقية مميز .. كثيف .. خطير .. مؤثر

* العماني ( الجلف ) يلعب بكل جزء من جسمه في كرة القدم .. حتى في وركه واكواعه وكتوفة .. وليته بعد فكنا .. زعلان ويتلفظ على الحكم .. ورئيس الفتح يقول ماادري ليه الحكم طرده !! ويقول سألت اللاعب وقالي ماتلفظت عليه !!؟؟ قال من شاهدك يابا الحصين .. قال : ( طووط )

* المبارات الجايه .. أهم .. خصوصا مع الفرق المتوسطه لأنها تبي تقفل وتلعب على المرتده .. وهذي مالقينا لها حل في الهلال ..

* تشنج كامل .. وشحن من أكبر راس في إدارة الفتح إلى أصغر إداري .. ليه ؟؟ لأنه الزعيم

* يتكلمون في الوقت الإضافي .. وماتكلموا في تضييع الوقت من قبل لاعبهم والحارس .. ولااحد قال كلمة في الوقت المضاف للنصر أمام الفيصلي بعد الدقيقه الخامسه .. وحتى لم يكن في المبارات ضياع للوقت .. لأن الفيصلي كان يبحث عن الفوز .. مو مثل الفتح يبي هالتعادل باللي هووبه

* الإتحاد مبارياته القادمه أسهل من الهلال ... للإدارة واللاعبين وللجمهور أتمنى العمل بجد في هالمرحلة القادمه ..

* ماجد المرشدي .. ودنا يفوز بتصويت موبايلي لأفضل لاعب هالمره .. يستاهل

* لن يقل الفارق عن ثمان نقاط من أقرب المنافسين بإذن الله .. علشان يمدينا نحسمها مثل العام .. بأكثر فارق من الجولات ...

* الهلال الأولمبي رايح فيها ... منتهي .. بالعربي ( ملطشه ) صاير ... هل من منقذ ؟؟

أخوكم الصغير ابو طلال

سعد المشعلي · #2 25/02/2011, 10:46 PM

..,..

نتطرقت لنقاط مهم اخوي الغالي ..

اللي مفروض توصل لسامي الجابر لمناقشه كالديرون ومناقشه اللاعبين عليها ايظا ..

مبروك الثلاث نقاط ..

.,.

**الـــــــــواوا** · #3 25/02/2011, 10:46 PM

ابو طلال اللحين الفريدي هوو سبب برود جميع اللاعبين اليووم

للاسف الفريق كامل دخل المباراة وهوو ضامن الفوز وهذا اللي يقهررر

* ماجد المرشدي .. ودنا يفوز بتصويت موبايلي لأفضل لاعب هالمره .. يستاهل

أي يستاهل يرحم والديك .. مستوآآآه غير ثابت , هوو من سوى القذله اللي بشعره وهو مدربي رآآسه

ودي يطوول شعره مثل ايام كأس الخليج تحس ان الرجال رآآكز الله ياذيك الايام
كنت أسميه نستــا العررب . إن شاء الله يرجع لمستوآآه .

ألا قووولي يــا أبو طلال أخبار وليــد الجيزاني لايكوون مدافع مع الفتـح .

azoz-20 · #4 25/02/2011, 10:46 PM

يا خوفي من الهزيمة الاولى باسسيا في ظل هذا المسسستوى

والله ما يطمن

الله يصبرني الين السسساعه 10 ونص يوم الثلاثاء يا اجن يا اموت يا تريحون بالفوز يا هلال

جوهر 2005 · #5 25/02/2011, 10:48 PM

إقتباس


	حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

عز الله حسن فاقع مرارتنا

ومع كل كوره خروج خاطئ ! وهدف

افضل حل يمنعنونه من الخروج من خط السته

ќ н α ι є ď ~ · #6 25/02/2011, 10:48 PM

حتى ويلي مو الفريدي بروحه اللي يضيع هجمات أمام المرمى ،

والحمدلله على الفوز ولا كان كادت ضياع الهجمات نندم عليها ،

والله يوفق هلالنـا . .

صــوت أزرق · #7 25/02/2011, 10:49 PM

إقتباس


	* حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

يا أخي من العام ... وهذي حركات العتيبي ....
يعني السالفه مو خطأ .. مرة .. مرتين .. ( وناكل اهداف )) نقووول معليش ...
/

لكن في اغلب مباريات الهلال .. اخطائه هي نفسها والمشكله خطأه بهدف ..!

إذا المسألة تعدت مسألة اخطاء .. الا هذي قدرات ...
يعني ..... (يفكونا منه ولو نلعب بدووون حارس )) اقل شي يجي فينا هدف بدون رفعة ضغط

أمير الأماكن · #8 25/02/2011, 10:49 PM

قسم بالله كفيت ووفيت والله مفروض مثل ما يقول محمد الدعيع انهم بكره يروحوا النادي منزلين روسهم . استهتار ما بعده استهتار وأخطاء وثقة زايدة

هلالي ياسري 20 · #9 25/02/2011, 10:50 PM

الله يعطيك العافيه على الموضوع المميز

الحمدلله على الفووز اللي ما بغى يجي ويسلم راسك يامرشدي

بالتوفيق لزعيمنا

ملكي هلالي سعودي · #10 25/02/2011, 10:51 PM

حسينوه وجه نكبة الله يخارجنا منه ومن نكباته

العشق مع الزعيم راحه · #11 25/02/2011, 10:53 PM

وشو عشاكم اللهم لالقافه ,,,,,

المورد العذب · #12 25/02/2011, 10:54 PM

يعطيك العافية على الموضوع وكلمة شكراً قليلة بحق ماجد المرشدي
أما الفريدي ودك تلوى إذنه لين تطق

احيانا · #13 25/02/2011, 10:54 PM

اتفق معك بأن ويلي ضيع هدف محقق و لا سوى شئ في المبارة ..

wem11 · #14 25/02/2011, 10:56 PM

تعليقي ع فريدي>> لما يستلم الكوره يتباطا فيها ولما ينفرد يضيعها ياحبيبي اقبعها وريحنا
تعليقي ع عتيبي>> يا انك تتمركز بمكانك او لاجيت تطلع بتخلص الكوره خلصها بقس وانت مركز عليها

ع العموم الف مبروك ع ال3 نقاط والله فوز صعععععب

ن ا ر ...009 · #15 25/02/2011, 10:56 PM

السلام عليكم ابو طلال

والله أؤيدك بكل كلمه وخاصه بالفريدي

اليوم الفريدي حصلت له 4 او 5 هجمات ما نفذها صح الا وحده
6 تمريرات خاطئة مقابل 2 صحيحه
برود وتسليم الكوره للخصم واهدائها له باكثر من حالتين !

!! تبديل جدا غريب كاد ان يفقدنا المباراه

المرحله الجايه بكل مباراه لازم تكون نهائي
ولا بها الاستهتار صدقني راح يضيع كل شي