يافريدي : جب عشرة أهداف وضيع فرصه .. لاتضيع عشرة وتجيب هدف وتبينا نرضى .. وياحسن لا لا لا ( تتقدم ) - نادي الهلال السعودي - شبكة الزعيم

ابو طـــــلال · #1 25/02/2011, 10:44 PM

بغى يروح الدوري ...

ترى الدوري ماحسمناه ... وباقي لنا مباريات قوية ... ولاتنسون الإرهاق .. والمشاركة الآسيويه .. وكاس ولي العهد .. والدوري لابد نزبط أمورنا .. تونا بدري مانفرح فيه إلا بعد آخر جولة ومع آخر صافرة للحكم ..

وش هالإستعراض اللى شفناه اليوم ..

نقاط سريعه قبل العشى :

* أحمد الفريدي .. إستعراضك قدام المرمى يشب التسبد ..

أتمنى تخلص الكورة ياتمريره لخويك او ( تقبعها ) في الباب وتريحنا ... انا متاكد لو الكوره اللى حصلت للفريدي كانت لأحمد علي كان الحين فايزين ثلاثه !!

* رادوي رجع بعد العفو بهدف ولاأحلى ...

* حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

* جمهور الزعيم في الشرقية مميز .. كثيف .. خطير .. مؤثر

* العماني ( الجلف ) يلعب بكل جزء من جسمه في كرة القدم .. حتى في وركه واكواعه وكتوفة .. وليته بعد فكنا .. زعلان ويتلفظ على الحكم .. ورئيس الفتح يقول ماادري ليه الحكم طرده !! ويقول سألت اللاعب وقالي ماتلفظت عليه !!؟؟ قال من شاهدك يابا الحصين .. قال : ( طووط )

* المبارات الجايه .. أهم .. خصوصا مع الفرق المتوسطه لأنها تبي تقفل وتلعب على المرتده .. وهذي مالقينا لها حل في الهلال ..

* تشنج كامل .. وشحن من أكبر راس في إدارة الفتح إلى أصغر إداري .. ليه ؟؟ لأنه الزعيم

* يتكلمون في الوقت الإضافي .. وماتكلموا في تضييع الوقت من قبل لاعبهم والحارس .. ولااحد قال كلمة في الوقت المضاف للنصر أمام الفيصلي بعد الدقيقه الخامسه .. وحتى لم يكن في المبارات ضياع للوقت .. لأن الفيصلي كان يبحث عن الفوز .. مو مثل الفتح يبي هالتعادل باللي هووبه

* الإتحاد مبارياته القادمه أسهل من الهلال ... للإدارة واللاعبين وللجمهور أتمنى العمل بجد في هالمرحلة القادمه ..

* ماجد المرشدي .. ودنا يفوز بتصويت موبايلي لأفضل لاعب هالمره .. يستاهل

* لن يقل الفارق عن ثمان نقاط من أقرب المنافسين بإذن الله .. علشان يمدينا نحسمها مثل العام .. بأكثر فارق من الجولات ...

* الهلال الأولمبي رايح فيها ... منتهي .. بالعربي ( ملطشه ) صاير ... هل من منقذ ؟؟

أخوكم الصغير ابو طلال

سعد المشعلي · #2 25/02/2011, 10:46 PM

..,..

نتطرقت لنقاط مهم اخوي الغالي ..

اللي مفروض توصل لسامي الجابر لمناقشه كالديرون ومناقشه اللاعبين عليها ايظا ..

مبروك الثلاث نقاط ..

.,.

ابو طـــــلال · #3 26/02/2011, 12:05 AM

إقتباس

الرسالة الأصلية كتبت بواسطة سعد المشعلي


	..,.. نتطرقت لنقاط مهم اخوي الغالي .. اللي مفروض توصل لسامي الجابر لمناقشه كالديرون ومناقشه اللاعبين عليها ايظا .. مبروك الثلاث نقاط .. .,.

الله يبارك فيك وعقبال مانبارك بالدوري .. إن شاء الله

شكرا لك

**الـــــــــواوا** · #4 25/02/2011, 10:46 PM

ابو طلال اللحين الفريدي هوو سبب برود جميع اللاعبين اليووم

للاسف الفريق كامل دخل المباراة وهوو ضامن الفوز وهذا اللي يقهررر

* ماجد المرشدي .. ودنا يفوز بتصويت موبايلي لأفضل لاعب هالمره .. يستاهل

أي يستاهل يرحم والديك .. مستوآآآه غير ثابت , هوو من سوى القذله اللي بشعره وهو مدربي رآآسه

ودي يطوول شعره مثل ايام كأس الخليج تحس ان الرجال رآآكز الله ياذيك الايام
كنت أسميه نستــا العررب . إن شاء الله يرجع لمستوآآه .

ألا قووولي يــا أبو طلال أخبار وليــد الجيزاني لايكوون مدافع مع الفتـح .

ابو طـــــلال · #5 26/02/2011, 12:43 AM

إقتباس

الرسالة الأصلية كتبت بواسطة **الـــــــــواوا**


	ابو طلال اللحين الفريدي هوو سبب برود جميع اللاعبين اليووم للاسف الفريق كامل دخل المباراة وهوو ضامن الفوز وهذا اللي يقهررر * ماجد المرشدي .. ودنا يفوز بتصويت موبايلي لأفضل لاعب هالمره .. يستاهل أي يستاهل يرحم والديك .. مستوآآآه غير ثابت , هوو من سوى القذله اللي بشعره وهو مدربي رآآسه ودي يطوول شعره مثل ايام كأس الخليج تحس ان الرجال رآآكز الله ياذيك الايام كنت أسميه نستــا العررب . إن شاء الله يرجع لمستوآآه . ألا قووولي يــا أبو طلال أخبار وليــد الجيزاني لايكوون مدافع مع الفتـح .

هلا والله بالغالي ...

على فكرة يابعدي .. ترى المرشدي يستاهل علشان الهدف .. والهدف يعني ثلاث نقاط .. والثلاث نقاط تعني الإقتراب من مالدوري بإذن الله ...

لكن بوجه عام الفريق كان سيء اليوم ...

ضياع فرص سهلة ... واخطاء في الخلف ... وبرود شامل ...

شكرا لك ياكابتن

Night stars · #6 26/02/2011, 12:54 AM

إقتباس

الرسالة الأصلية كتبت بواسطة ابو طـــــلال


	هلا والله بالغالي ... على فكرة يابعدي .. ترى المرشدي يستاهل علشان الهدف .. والهدف يعني ثلاث نقاط .. والثلاث نقاط تعني الإقتراب من مالدوري بإذن الله ... لكن بوجه عام الفريق كان سيء اليوم ... ضياع فرص سهلة ... واخطاء في الخلف ... وبرود شامل ... شكرا لك ياكابتن

؟؟؟؟؟

يعني لو العتيبي مركزه غير الحراسه وجاب قول كان صار حبيب وغالي ويستاهل ؟؟ من متى المرشدي يستاهل ؟؟

روح شوف الاعاده وكم مره نكبنا بترجيع الكور باستهتار وكم مره جت هجمات للفتح من اخطائه ؟؟؟

استغفر الله

ابو طـــــلال · #7 26/02/2011, 02:15 AM

إقتباس

الرسالة الأصلية كتبت بواسطة Night stars


	؟؟؟؟؟ يعني لو العتيبي مركزه غير الحراسه وجاب قول كان صار حبيب وغالي ويستاهل ؟؟ من متى المرشدي يستاهل ؟؟ روح شوف الاعاده وكم مره نكبنا بترجيع الكور باستهتار وكم مره جت هجمات للفتح من اخطائه ؟؟؟ استغفر الله

العتيبي قدام الاهلي أخذ أفضل لاعب وماجاب قول .. بس صد ثلاث ضربات جزاء ... رغم إنه تسبب في ولوج الهدفين في تلك المباراة ...

لاقلنا يستاهل .. للتحفيز وتقديم الأفضل وتدارك الخطاء ..

المرشدي ييستاهل وهدفة أنقذنا .. على الأقل للإصرار اللى عنده وعدم الإنهزاميه

صحيح المرشدي مستواه منخفض .. وموب مرشدي بطولة الخليج في عمان .. بس لانحمله أكثر من مايحتمل .. والهدف يشفع له .. ماثل ماشفع للعتيبي حسن صده ضربات الجزاء قدام الاهلي .. رغم أخطاءه الفادحه في نفس المباراة ...بس يقولون الأعمال بخواتمها

شكرا

azoz-20 · #8 25/02/2011, 10:46 PM

يا خوفي من الهزيمة الاولى باسسيا في ظل هذا المسسستوى

والله ما يطمن

الله يصبرني الين السسساعه 10 ونص يوم الثلاثاء يا اجن يا اموت يا تريحون بالفوز يا هلال

ابو طـــــلال · #9 26/02/2011, 03:06 AM

إقتباس

الرسالة الأصلية كتبت بواسطة azoz-20


	يا خوفي من الهزيمة الاولى باسسيا في ظل هذا المسسستوى والله ما يطمن الله يصبرني الين السسساعه 10 ونص يوم الثلاثاء يا اجن يا اموت يا تريحون بالفوز يا هلال

كاديرون مدرب ذكي ... واتوقع اليوم كانت خطه للمباراة القادمة .. ماوده يكشف أوراقه

بإذن الله الفوز هلالي .. والبطولة الآسيويه إن جت من غير مانخسر بطولة الدوري وكاس ولي العهد ياهلابها .. تبي تضيع علينا كل هالتعب .. لا نصبر .. ولاحقين عليها

شكرا لك

جوهر 2005 · #10 25/02/2011, 10:48 PM

إقتباس


	حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

عز الله حسن فاقع مرارتنا

ومع كل كوره خروج خاطئ ! وهدف

افضل حل يمنعنونه من الخروج من خط السته

ابو طـــــلال · #11 26/02/2011, 03:11 AM

إقتباس

الرسالة الأصلية كتبت بواسطة جوهر 2005


	عز الله حسن فاقع مرارتنا ومع كل كوره خروج خاطئ ! وهدف افضل حل يمنعنونه من الخروج من خط السته

المصيبة إنه مع كل طلعه خاطئه بهدف .. او الغالب ياهدف او بلنتي ... او إصابة لاحد لاعبينا

شكرا لك

ќ н α ι є ď ~ · #12 25/02/2011, 10:48 PM

حتى ويلي مو الفريدي بروحه اللي يضيع هجمات أمام المرمى ،

والحمدلله على الفوز ولا كان كادت ضياع الهجمات نندم عليها ،

والله يوفق هلالنـا . .

ابو طـــــلال · #13 26/02/2011, 04:07 AM

إقتباس

الرسالة الأصلية كتبت بواسطة ќ н α ι є ď ~


	حتى ويلي مو الفريدي بروحه اللي يضيع هجمات أمام المرمى ، والحمدلله على الفوز ولا كان كادت ضياع الهجمات نندم عليها ، والله يوفق هلالنـا . .

ويلي توه راجع من إصابه ... وغير كذا فيه فرق بين كثرة ضياع الفرص لدى اللاعبين ..

وعموما موضوعنا مو مسك أخطاء اللاعبين .. كل لاعب يضيع ..

بس الفريدي ضياعه للفرص أصبح واضح جدا .. والكل ملاحظ

شكرا لك

صــوت أزرق · #14 25/02/2011, 10:49 PM

إقتباس


	* حسن العتيبي انا أفدى ذا اللحية لاتتقدم .. تراك تنكب فريقك .. حتى في مباراة الأهلى واللى حسمتها مشكورا كنت إنت سبب الهدفين يابو عتب ... ارجوك ياحسن ركز على هالمصيبة .. تراها فاقعه مرارتنا

يا أخي من العام ... وهذي حركات العتيبي ....
يعني السالفه مو خطأ .. مرة .. مرتين .. ( وناكل اهداف )) نقووول معليش ...
/

لكن في اغلب مباريات الهلال .. اخطائه هي نفسها والمشكله خطأه بهدف ..!

إذا المسألة تعدت مسألة اخطاء .. الا هذي قدرات ...
يعني ..... (يفكونا منه ولو نلعب بدووون حارس )) اقل شي يجي فينا هدف بدون رفعة ضغط

ابو طـــــلال · #15 26/02/2011, 04:21 PM

إقتباس

الرسالة الأصلية كتبت بواسطة صــوت أزرق


	يا أخي من العام ... وهذي حركات العتيبي .... يعني السالفه مو خطأ .. مرة .. مرتين .. ( وناكل اهداف )) نقووول معليش ... / لكن في اغلب مباريات الهلال .. اخطائه هي نفسها والمشكله خطأه بهدف ..! إذا المسألة تعدت مسألة اخطاء .. الا هذي قدرات ... يعني ..... (يفكونا منه ولو نلعب بدووون حارس )) اقل شي يجي فينا هدف بدون رفعة ضغط

العتيبي ينقذ هجمة وينكبنا بعشرة ..... واخطاء ماعنده رغبه يصححها أبدا

السديري ممتاز .. وفهد الشمري ... خالد شراحيلي مااتوقع إنه بمستوى السديري ..