#1  
قديم 23/02/2011, 03:35 PM
زعيــم مميــز
تاريخ التسجيل: 30/09/2005
المكان: أمريكا_ ولاية بقالة شكور ض1
مشاركات: 20,924
انـــا والـــصـــخـــرة والــبـــنـــات !!

يعني عشان انّا غلابا ومساكين ,, والا عشان احنا نخاف القطاعة



انا والصخرة وباقي البنات .. كيف يعني ماني فاهم , افرح والا لا يعني وش فايدتي من الاخضر اللي اشيله بكل مكان !! من سنين وانا والصخرة والبنات مالنا بالطيب نصيب , طيب ليش والى متى وهل فيه بوادر امل او بوادر مشاعل او بوادر خزنة ,
يعني مكتوب علينا نشوف الخير يمين ويسار وحنا ماغير نصفق والا نقول لهم مبروك.. طيب نبي احد يقولنا مبروك ياحمد او مبروك ياصخ صخ او مبروك يابنات جاتكم زيادة جاتكم مكافأة .


القصة ومافيها اني انا واخوي الصخرة واخواتي البنات مواطنين لكن في ناس يشوفونا مواطنين وفي ناس لا مايشوفونا مواطنين ولاشي , اقولكم كيف !! انا والصخرة موظفين قطاع طرق قصدي قطاع خاص ومسحوب على ام امنا في هالبلد لازيادات ولا مكافآت << يحلم الأخ ,, لاوالله مابي مكافآت ابي حقوقي ابي نظام يحميني ابي بابا عبدالله يقول مساء الخير ياموظف قطاع خاص , يعني الى متى وانا مسحوب على خشتي بالشركة لازيادات ولاحقوق ولا اجازات مثل العالم واللي يصير لموظف الدولة مايصير لي , ليش مولود بقوطي والا عشان طول اكمام بشتي قصيرة !! ياخي ملينا والله ملينا والا الاسعار عالية على موظفين الدولة بس والا الإيجارات يعاني منها موظفين الدولة بس , طيب حسو فينا , يعني مافي ذمة ولاضمير مستتر ولا متوزي ولا هنا والا هنا , المشكلة في كل دول العالم حتى الداج القذافي يمكن عنده حد أدني للأجور الا هنا في بلد التطور والنهضة والمدري وشو لايوجد نظام للحد الأدنى من الأجور واللي هو معمول في كل الدول اللي ماعندها قناة أولى ,
يعني الموظف مهما كان يشتغل في شركة في مصنع في مزبلة التاريخ يبقى له حد معين من الراتب ماينزل عنه , مثل خمسة الاف ريال , مهما كان العمل او الشغل اللي يشتغله بحيث يكون له الحد الأدنى من الكفاف والعيش , لكن هنا داجين هاجين لا حد ادني للأجور ولا غيره , يعني انا والصخرة متزوجين وعندنا عيال ( انا ماعندي والله كريم ) ليش مالنا 15% بدل غلاء معيشة !! وش السبب وش المانع وش دواس ووش فتون !! ليش ماعندنا جواز اخضر والا مانسكن بالسعودية والا عشان حنا حبيبة ونعشق بصدق << وش دخلها

والا الينات ياهو عندهن حظ طايح في هالبلد , قوانين وقوانين ومن ثم قوانين ويتلوها قوانين عشان ماتحتفل بالفلنتاين !! ياعمي البنت تبي تتوظف تبي تعيش مثل العالم والناس الى متى والنظرة للبنت انها بتدج وتطلع على كيفها , ابي اعرف من حط هالفكرة في بالنا , نرجع لمحور حديثنا واللي هو دجة البنات , طيب ليش مايصير مكافأة للبنت بمناسبة شفاء الملك بمناسبة رجوع ولي العهد بمناسبة 100 سنة بمناسبة طلاق وضحى من مطلق اي مناسبة المهم حسسوهم بالمواطنة , لاوظايف ويشيلن اعلام بالشوارع لاحقوق ومع هذا يحتفلن باليوم الوطني ومحجرين لام امهن ومع هذا صامدات مثل القذافي سيء الذكر ,,

ياخي البنت تبي توظيف بالتعليم بمكان يسترها ويستر زوجها واذا ماهي متزوجة تحول لي ربع الراتب عشاني اطالب بحقوقهن , البنت تبي تخصصات تناسب سوق العمل النسائي البنت بي حلول تبي ترتقي بفكرها ودها تخدم البلد .. البنت الشابة تبي يصير تقاعد لكبار الموظفات اللي عمر الوحدة منهن 60 سنة ومع هذا باقي مديرة والا مشرفة وتشوفها متشددة ولاتقبل انظمة جديدة وتعقيد , طيب هالمومياء احيلوها للتقاعد وحطو بنت توها متخرجة مكانها وخلوها تطور من العمل والنظام , البنت اذا لقت شغل مناسب بتنثبر بالبيت بعد الدوام << معليش بنقسو عليكم لزوم المطالبة



عاد اقولكم انا موظف قطاع خاص من سنة جدي ماعمري عيدت بيوم وطني لاني بشركة والشركة ماتسمح لنا نعطل ولا بيوم مئوي او يوم فالنتاين او او او حتى اجازة السبت مافي امل نكمل النومة الى 11 الصباح لا انت موظف قطاع خاص , اصلاً اذا طولت بالنومة بتجيك ساعة الخراشة بتمشي مليون وتصقع في جبهتك وتقول يانايم وحد الدايم اومو ياللي مابتدومو انتو بالقطاع الخاص مايصير تنومو انتو مسحوب على ام امكم قومو ,


طيب اقول لكم شي انا متنازل عن الإجازات ومتنازل عن العطل الوطنية وموافق ماروح اشوف البنات بالتحلية يوم العيد الوطني لاني مداوم لكن ابي زيادة مثل العالم والناس , غلاء معيشة وارتفاع ايجارت وحتى الكفرات ارتفع السعر , حتى السكر ارتفع يعني اني سلعة غذائية ولا للحين ماجاني بزر يبي طوط ويبي حليب ويبي ملابس .. الله يرحم ايام اول من يوم عمري يومين وانا اطلع برا البيت واهلي مايشيلون همي وهمي معيشتي , شايفين كيف اطفال الوقت مدلعين مثل ماقال القذافي : البيك فوس خرب الشباب

وعلى فكرة انا عندي مكرمة لي وللصخرة وللبنات وهي كالتالي ,, خمسين ريال مكفأة لي مني وانا اقوم واعطيها اخوي الصخرة والصخرة يعطيها للبنت والبنت ترجعها لي وبكذا كلنا نحصل على مكرمة مني واشكرني على مكرمتي ويشكرني الصخرة وباقي البنات ,, على الأقل جاكم خمسين ببلاش وش تبون


شكلي شكلي طولت ,, نشوفكم على خير ,,
اضافة رد مع اقتباس
  #2  
قديم 23/02/2011, 03:50 PM
الصورة الرمزية الخاصة بـ أميرالعود
زعيــم نشيــط
تاريخ التسجيل: 20/02/2010
مشاركات: 532
شكراُ أخوي على موضوعك وتقبل مروري وجاري القراءة
اضافة رد مع اقتباس
  #3  
قديم 23/02/2011, 03:52 PM
الصورة الرمزية الخاصة بـ Ms. Star
زعيــم مميــز
تاريخ التسجيل: 03/07/2010
المكان: على مسرح الحيآة ):
مشاركات: 4,936
اي بالله معاناة > الزيادة للقطاع العام والوظايف للشباب يعني البنات مالهم حظ والله طفشنا ؟؟؟؟
آآه بس وبكالريوس عربي من يبيني ’’ مالنا الا ندرس تخصصات اخرى حتى يفرجها ربي

إقتباس
وعلى فكرة انا عندي مكرمة لي وللصخرة وللبنات وهي كالتالي ,, خمسين ريال مكفأة لي مني وانا اقوم واعطيها اخوي الصخرة والصخرة يعطيها للبنت والبنت ترجعها لي وبكذا كلنا نحصل على مكرمة مني واشكرني على مكرمتي ويشكرني الصخرة وباقي البنات ,, على الأقل جاكم خمسين ببلاش وش تبون

أنا اشهد انك نصّاااااااااااااااااااااب



عل طاري الوظايف مرة قريت في جريدة استفتاء غبي قال ايش العاطلين عن العمل بالمملكة 15% يستهبلون ذول واللي نشوفهم الصبحيات فالشوارع عمالة وافدة مثلا قسم بالله مسخرة


إيـــــــــــه الله كريم هونها وتهون ~
اضافة رد مع اقتباس
  #4  
قديم 23/02/2011, 03:56 PM
عضو تحرير مجلة الزعيم
تاريخ التسجيل: 21/08/2009
المكان: الرياض
مشاركات: 2,438

أإهلآ وسهلآ بك أإخي حمد

كان الله بعونك وبعون صديقك الصخرة

سؤال محيرني ..
دائمك مآإتحب هالوظيفة ..لية توظفة فيهآ من الاسآس ..؟
كان صبرت والله رزقك بالي أإحسن منهإأ

وسؤالي الثاني
ليـة يتم معآإملة موظف قطاع الخاص بهالشكل ..؟
يبقى موأإطن .. لية مايتم حسآبة من الزيادات والاشئ ذي ..؟

وأإخر سؤال لو سمحت ..
وشو القطاع الخاص ..؟


يعطيك العإأفية .. شكرا لك ..
لي عودة بعد أإجآإبتك ع الاسئلة ..

دمت في حفظ الرحمن
اضافة رد مع اقتباس
  #5  
قديم 23/02/2011, 03:58 PM
الصورة الرمزية الخاصة بـ فطووم
زعيــم نشيــط
تاريخ التسجيل: 05/10/2010
المكان: حيث المطر والضباب
مشاركات: 718
وش عندك انت والصخره والبنات

لي عوده بعد القراءه ..

عدت

كان الله بعونكم .. ربي ان شاء الله ييسر لكم أموركم ( وما من دآبة في الأرض الا على الله رزقها ) ..

توكلو على الله وما يخيب ظنكم سبحااانه ..
اضافة رد مع اقتباس
  #6  
قديم 23/02/2011, 03:59 PM
الصورة الرمزية الخاصة بـ كرستاله
زعيــم مميــز
تاريخ التسجيل: 17/07/2009
مشاركات: 2,201
والله انك بطل وكفو تكلمت عن كل مافي خاطري باسلووب ذكي ورائع جدا..وترى خذيت الخمسين من اعطيها؟؟؟خخ والله لواخذها ماتشوووفها...

لا لأنسى بعد اختي بكلية المجتمع وهي تبع جامعة فيصل واحنا من الدمام ونرووح الحساء عشان الدوااام ولا فيه مكااافئه تخبل ؟؟؟؟
والله المستعااان
اضافة رد مع اقتباس
  #7  
قديم 23/02/2011, 04:05 PM
زعيــم مميــز
تاريخ التسجيل: 11/04/2008
المكان: ابيانو جنتيلي
مشاركات: 2,686
المشكلة ان فيه ناس بس تبلع فلوس وماهامهم شي ابد يقولك كل الناس تاخذ وباخذ معهم

دام المواطن اكل تبن ومنذل وساكت خايف يتكلم ويجيه الأمر من اللي كان فيه

بكره بيسألون عن اللي سووه والامانة اللي خانوها وماهو دايم هالحال عليهم

وكل القرارات اللي صدرت اليوم ماتفيد الشعب غير انها تسكيته يعني صدقني

اتمنى يصير شي فيه خير للجميع
اضافة رد مع اقتباس
  #8  
قديم 23/02/2011, 04:06 PM
الصورة الرمزية الخاصة بـ سعودي أصيل
زعيــم متألــق
تاريخ التسجيل: 05/01/2004
المكان: طيبة الطيبة
مشاركات: 1,454
يوووه عاد انت مواضيعك يبيلها روقان ..



بس صراحة طاح نظري على اخر سطرين بالموضوع وغسلت يدي

إقتباس
وعلى فكرة انا عندي مكرمة لي وللصخرة وللبنات وهي كالتالي ,, خمسين ريال مكفأة لي مني وانا اقوم واعطيها اخوي الصخرة والصخرة يعطيها للبنت والبنت ترجعها لي وبكذا كلنا نحصل على مكرمة مني واشكرني على مكرمتي ويشكرني الصخرة وباقي البنات ,, على الأقل جاكم خمسين ببلاش وش تبون




الظاهر والله اعلم << ان لي رجعة
اضافة رد مع اقتباس
  #9  
قديم 23/02/2011, 04:09 PM
الصورة الرمزية الخاصة بـ يوجين.
زعيــم فعــال
تاريخ التسجيل: 25/03/2010
مشاركات: 338
تعال انا عندى مشروع بس اعطينى راتبك سنه وحده
ولما اكمل المشروع اعطيك تاْجره لمدة سته اشهور ولا تنسى
تدعيلى وذا الصخره يبى يشترك ماعندى مانع:
اضافة رد مع اقتباس
  #10  
قديم 23/02/2011, 04:15 PM
زعيــم مميــز
تاريخ التسجيل: 27/04/2006
المكان: TX,USA
مشاركات: 2,279
ماهو بس انتو وانا من موظفين القطاع الخاص ونفس وضعك متبهذلين وعلى طاري الكفرات الحين الراتب 4 الاف والقسط 2000 باقي الفين نمشي الحال لكن المشكله كفرات سيارتي يبغالها تغيير والكفر الواحد 450 يعني اربع كفرات 1800 يعني باقي من الراتب الشهر هذا اللي مابعد نزل 200 ممكن اللي عنده خبره يعلمني وش تسوي ميتين ريال
اضافة رد مع اقتباس
  #11  
قديم 23/02/2011, 04:25 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040
إقتباس
الرسالة الأصلية كتبت بواسطة محبة الرحمن




سؤال محيرني ..
دائمك مآإتحب هالوظيفة ..لية توظفة فيهآ من الاسآس ..؟
كان صبرت والله رزقك بالي أإحسن منهإأ

وسؤالي الثاني
ليـة يتم معآإملة موظف قطاع الخاص بهالشكل ..؟



وشو القطاع الخاص ..؟






عزيزتي محبة الرحمن
القطاع الخاص كل مكان مب تابع للحكومة
امسكي ورقة و قلم و اكتب الدوائر الحكومية و اللي بيقى صنفيه من ضمن الخاص

و ليه توظف ؟
وظيفة باليد احسن من فراغ و بطالة قاتلة


و لــي عودة
اضافة رد مع اقتباس
  #12  
قديم 23/02/2011, 04:25 PM
الصورة الرمزية الخاصة بـ Ms. Star
زعيــم مميــز
تاريخ التسجيل: 03/07/2010
المكان: على مسرح الحيآة ):
مشاركات: 4,936
إقتباس
الرسالة الأصلية كتبت بواسطة (اسير& المحبة )
ماهو بس انتو وانا من موظفين القطاع الخاص ونفس وضعك متبهذلين وعلى طاري الكفرات الحين الراتب 4 الاف والقسط 2000 باقي الفين نمشي الحال لكن المشكله كفرات سيارتي يبغالها تغيير والكفر الواحد 450 يعني اربع كفرات 1800 يعني باقي من الراتب الشهر هذا اللي مابعد نزل 200 ممكن اللي عنده خبره يعلمني وش تسوي ميتين ريال

تشتري ميتين خبز
الله يعينك لابد نسوي قطيّة ونعطيك

تفرج يااخوي >> إن رباً كفاك ماكان بالأمس :: سيكفيك في غدٍ ما يكون

دعواتنا لك وللجميع ~
اضافة رد مع اقتباس
  #13  
قديم 23/02/2011, 04:53 PM
الصورة الرمزية الخاصة بـ حاتم
زعيــم مميــز
تاريخ التسجيل: 29/09/2001
مشاركات: 8,221

هلا وغلا بخيو حمـد
اهاااااااهاا مـن ظلم الأياام والليالي
والله مثل ما قلت نسمع ولا نشوف نقرى ولا نعرف وش هو مكتوب
القطاع الخااص هو جزء لا يتجزء من هذه المجتمع اكثر اعماال القطاع الحكومي تقوم على القطااع الخااص
ولكـن ما باليد حيلة ما نقول غير الله يعين ويزين ويفتح العين عليكمـ
اضافة رد مع اقتباس
  #14  
قديم 23/02/2011, 05:26 PM
مشرف سابق في منتدى الجمهور الهلالي
تاريخ التسجيل: 03/10/2008
المكان: الله كريم يمد الخير / و يساعد ..!!
مشاركات: 4,180

أجل تشكر نفسك ياصديق نفسك بس احساسي يقول أنك إذا عطيت الخمسين للصخرة يبي يسحب عليك أنت و البنت معكم يأخي هالمدريديين عندهم أزمة من أي شئ فيه خمسة تسان حطيت المكرمة تسع و أربعين ريال


الله يكون بعونكم يارب ياكريم
اضافة رد مع اقتباس
  #15  
قديم 23/02/2011, 05:36 PM
الصورة الرمزية الخاصة بـ بلو كادي
زعيــم مميــز
تاريخ التسجيل: 30/06/2009
المكان: اللهم إني أسألك الأنس بقربك..,{
مشاركات: 3,473
السلام عليكم ورحمة الله وبركاته

دقيت على الوتر الحساس

اييه وانا اختك واجد اللي مايقدرون بهالزمن ولايحسون

يعني ليش هالسحبه <~وانتم بزيادة حتى الإجازه
مانقول الا الله يكون بالعون
<<لو سمحت عجل علينا بالإكراميه لاتطول

طرح
جميل ششكرا اخوي حمد
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:22 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube