إقتباس الرسالة الأصلية كتبت بواسطة mori

أول شئ هذي لك

ثاني شئ والله اني ما اقصيت ردك ومارديت على كل كلمة فيه على اساس انه ماهمني .. قرأته كله ورديت على الأشياء الي عندي تعليق عليها .. اعيد واكرر انا ماقلت اننا راح نفوز على برشلونة بكل المباريات وراح ناخذ الثلاثية وتاريخنا بيشيلنا قدامهم ولا جبت طاري هالشئ ابداً !

انا كل الي كان قصدي ان برشلونة نادي .. وريال مدريد نادي .. الاثنين في الفترة الأخيرة مستواهم متقارب مع أفضلية للريال .. وهالشئ يصعب عليك انك تتكهن وتقول من بدري ان برشلونة بيفوز بكل المباريات واحتمال انه يتعادل معنا مباراة وحدة بس !

انا ماعمري قلت انه تاريخنا الكروي راح يفوزنا في كلاسيكو .. هالشئ مايطلع من انسان فاهم انا اقول ان ريال مدريد في تاريخه مالعب مقمط دفاع دايم لعبه مفتوح حتى اذا لعب بثلاثة محاور لعبه مايكون دفاعي ! خير مثال الي ذكرته مباراة اتلتيكو كنا نلعب ٣ محاور بس فالشوط الأول كنا بناكلهم بـ ٥ ! يعني لعبنا بـ ٣ محاور مو معناتها ان الريال مقفل دفاع ومقمط صح ولك في المثال الثاني الي ذكرته الي هو الإنتر واخص هنا مباراتهم مع البرسا في الكامب نو .. هذاك اسمه تقفيل دفاعي .. اجل ايتو ظهير ايسر في فرق بين انك تقفل دفاع وتلعب بينزيما ظهير ايسر واوزيل ظهير ايمن ورونالدو محور .. وفرق انك تلعب ٣ محاور وتعطي اوزيل وديماريا وبنزيما كامل الحرية في الهجوم وسط مساندة محورين وتضغط عليهم وتسجل هدفين ! هالشئ لازم تحطه في بالك ان في فرق كبير بين تقفيل دفاعي وتقميط وبين تكثيف الوسط مع اعطاء اصحاب الأدوار الهجومية كامل الحرية ..

بخصوص الانهزامية .. انا حسب ماقرأت وفهمت من ردك الأول ان ردك انهزامي وخلاص قلت البنز غايب يالله نطلع من توتنهام ولا نطلع من برشلونة .. يعني لما مثلاً سمعنا خبر ان كريس انصاب قبل ليون .. وجيت انا وقلت : راح تستمر العقدة وبنطلع من ليون .. بس نطلع منهم ازين من اننا نطلع من برشلونة بعدين .. بالله وش بتقول عني ؟

انا احترم الخصم حتى لو خيخون بحسبله حساب ومتخوف من مباراتنا معهم بسبب الغيابات الي حاصلة ولا اقولك اني ماني محترم برشلونة واقول اني بهزمهم ! بس حظوظنا متناصفة تماماً .. ماتقدر تحكم مين راح يفوز الا بعد نهاية كل كلاسيكو ..

وبخصوص موضوع الإعتذار وما إلى ذلك انا ما ابي منك اعتذار ابداً ولا زعلت على شئ وانا اعتذر منك ان كنت زعلت من كلمة سخيف مع اني وضحت قصدي منها .. والموضوع ماهو شجاعة وانا اخوك

بس أبي منك انك تقرا رد الحشاش الكبير بتاع البنقو لأنه وضح كل الي كنت اقصده .. طول عمره فاهمني الأوزبكي

لك وأحييك على روحك

zizo4ever من هنا للشرقية ياحكيم

M A D R I D والله ماهوب هياط يا يحيى اقرا فوق وبتفهم بس والله انك طمتني .. دامك خايف اجل الحين بهايط من جد وينك يابو تولين تعال عطنا كم جملة هياط

سليم تراك صاير تتغلى مع وجهك ننتظر ردودك الي يبيلها كاسة شاي وبلاطة من حكيم

لكم كلكم ولا تزعلون

تحيتي .،،.

.
.
.

إقتباس الرسالة الأصلية كتبت بواسطة GALACTICOS

مصممين الجزيرة نقولهم مانبيه يحطووونه ؟؟؟
والله حاتم بطيشه افضل مننننننه
الحين طول المباراة وهو برشلونة وميسي ميسي وبرشلونة
ممل هالمعلق

((يوسف سيف))

إقتباس سليم تراك صاير تتغلى مع وجهك ننتظر ردودك الي يبيلها كاسة شاي وبلاطة من حكيم

مهوب تغلي يا عبدالله لا والله

لكن انا جوي هالايام معطوب ... ما اقول خلاص فضيت الا وتطلع شغلة جديدة

لدرجة اني تكفلت بتقديم الابطال وطلع لي اختبار واضطريت اكلم MANU10 يقط معي فيه .

وكمان الشباب ما يقصرون ، فأجي متأخر القاهم رادين قبلي لكن ان قدرت بتكلم عن موضوع في بالي محد جاب طاريه قبل مباراة توتنهام .

عوافي شباب وواصلوا النقاش بروح طيبة

عاشق الزعيم :
هنيئا لنا بقلمك ،، مؤيد لك بنسبة 99.99% صراحة
ومثلك أكره هالنوعية من الردود مع احترامي الكامل لكاتبيها ووجهات نظرهم
وأكره أيضا الإغراق في مدح " المنافس " والتغني بمستواه بأسطر طويلة !!
لدرجة إني أشك أحيانا في قلم الكاتب وميوله وإنه يعي إننا في رابطة " ريال مدريد " !!!
الحيادية والمثالية مفروض تكون بالعالمية مو في رابطة نادينا وأغلب القراء من المشجعين : )
بعض الكلام يوحي لك إنه يتمنى ما كنا نوصل نهائي الكاس ولا ننافس في الدوري
ولا نتأهل لدور الثمانية من الأبطال ،، بحجة مرارة إخراج المنافس التقليدي لنا ^^
مثل ما قال أخوي عاشق الزعيم كأن اللي يتكلم يشجع نادي عادي ما يشجع الملوك !!
المباريات مثل هذي فيها جزئيات صغيرة تغير لك المباراة بالكامل ،، متى ما كان " أغلب " لاعبينا
في يومهم والحكام " عادلين " خصوصا أبطال الراية الجميلين بإذن الله بنفرح فرحه ما بعدها فرحه
أعيد وأكرر إننا في رابطة ريال مدريد ومكتوب عنوانها عشاق يعني المفروض تلقائي نكره " الغريم " وسيرته
أما مثل رد موري ومدريد ( يحيى ) وأسلوب الاستهزاء والسخرية بفريقنا توحي لك إنهم مبسوطين بالهزايم : S

نقاشكم جميل جدا وممتع لا هنتوا جميعا ياسر

اسئلة للنقاااااااااس
السلام عليكم ورحمة الله وبركاته
اول مشاركة فعليه ....!!
س/هل تتوقع بظل الغيابات .. خسارة او تعادل الريال ؟؟
س/ توقعك لتشكيلة المباراة ..
س/ لو انت مكان الممو وبظل هالغيابات وش راح تسسوي
تحيتي

َ

إقتباس " اراهن اننا سنفوز 5-0 لكي نبقي على هذه الخاصية "

هذا مفتاح الكأس ..

نقاشكم مدري هواشكم ممتع .. أدعسو و اطربونا
بس يحيى لا يدخل معكم بالنقاش تكفون .. أخر شي يقول لك طارت بفورمات ! لعنت الله على بليسك

بالنسبه لي قامط .. و بنفس الوقت ودي اهايط


جهاد و و رائد و ابو اصيل وينهم ..

اخوي عاشق الزعيم

اهم شي طاح الحطب وانا كان اهم نقطة عندي طرح الرد بأدب والمعارضة بأدب وترك مصادرة الاراء ونظام مانبي الاراء الفلانية بالرابطة لان في الاخبر هي اسمها رابطة نقاش يعني طبيعي بيكون فيها اختلاف آراء وإذا كان الرأي المختلف غير مقبول خلاص يخصص شخص يكتب تحليل للنادي وتنقلب الرابطة اخبار وسوالف خاصة وانتهينا
هذا اللي قصدته بمصادرة الاراء بالاضافة الى الاوصاف السابق ذكرها

عموما النقاش صار جميل في الاخير وماحصل الا الخير يالغالي وكلٍ طرح وجهة نظره وعندنا قارئ يحكم عقله ويختار الكلام اللي يقتنع فيه وقدامنا زي ماقلت لك الشهر هذا الله يحيينا حياة طيبة


شاكر لك


الاخوان اللي جو أيدوا

انا طرحت كلام كثير ومااحب اقعد اعيد وازيد في الموضوع

لكن فيه نقطة بس بضيفها انه الان عرفت ليش مدريد يخسر لانه فيه نوعيات كذا بأسوأ الظروف او احسنها بصريح العبارة وبدون زعل ( تهايط ) ولاتقول يننهزم وانهوووو الملكي زي ماقلت قبل


خلاص انتم صح وعلى عيني وراسي

خلونا نشوفكم الله يحيينا جميعا حياة طيبة لاتروحون بعيد بعد الكلاسيكوات

وترى توقعي خوف من هزيمة بس ماهي قوية والتعادل برضو موجود وممكن نفوز بفرق هدف ويمكن بالكثير مرة لو يجي ظرف تحكيمي والا اصابات لهم ممكن تمشي معنا على هدفين

الموسم الجاي لما الفريق يكون انسجم صح وتعودوا على خطة المدرب ايه اجي اهايط

اما كون ان فريقي نصه جديد ومدرب توه جاي مهما كان حجمه وبقعد اهايط على اقوى فريق بالعالم واللي منسجم من سنين لاوالف لا وانا افضل اني اكون انهزامي بهالشكل

لازم تهايط والا يشك بميولك معليش ماقدرت امسك نفسي وضحكت

يالله ماعليه

كونوا على الموعد موجودين زي ماتقول شبكة الزعيم وخلونا نشوفكم على خير ونشوف من اللي تكلم بمنطق ومن اللي صار انهزامي ومن اللي هايط !



تصبحون على خير

mori:
المشكلة إذا كان الواحد فاهم خطأ للفكرة اللي نتكلم عنها ويصر إن فهمه صحيح
اللي يسمعك يقول إننا قلنا إننا بنهزم برشلونة بالست مباريات الجاية رايح جاي ؟
لو تشوف ردي قبل ذهاب الكلاسيكو كتبت إن التعادل ممتاز جدا وإني
أتمنى المو يلعب بثلاث محاور وأربيلوا ،، هذي الواقعية ،،
ندري فريقهم أفضل بشكل نسبي حاليا ومن سنين مع بعض
وفريقنا ثلاث أرباعه ما كمل موسمين ومتقبلين الهزيمة ،،
بس كلامنا عن التباكي و" الإنهزامية " الظاهرة في ردودك !!
وأهم شي إنك عرفت طال عمرك سبب هزايم ريال مدريد
وكأني أحس من طريقة ردك الأخير إنك تتمنى ينهزم ريال مدريد
عشان تقول بفخر وتشدق : قلت لكم !!! << عجبي منك : )

* سالفة مصادرة الآراء من قال لك أحد يصادر بالعكس حنا أوسع رابطة صدر في النقاش
وأتوقع عاشق يقصد أسلوب ردك اللي كان انهزامي لأبعد درجة ،، وحتى أنا ما أعجبني ردك أبدا !!
والنقاش ما اختلفنا نناقش السلبيات قبل الإيجابيات ونحب الواقعية بس لازم تتذكر شي مهم
إن الرابطة تجمع مشجعين للنادي ما هي مكان محايد لطرح المثاليات والآرء المثبطة : )

* كل اللي أقوله مثل ما قال عاشق الزعيم وزيزو إن الكورة فوز وخسارة وواردة للأفضل أو الأقل !!
وجزء كبير من متعة الكورة والتشجيع انتظار الفوز وليس التسليم بالهزيمة كما تفعل