أهلا ومرحبا بالحبيب الغالي أحمد
ومنور المجلس العام يا صديقي
وحقيقة شهادتي فيك مجروحة .. وما اقول الا كما قال الشاعر :

يطيب حديثنا معكم ويغلو ** ويحلو عند ذكركم الكلام ..
واما غيركم فالقلب يأبى ** حرام مدح غيركم حرام

بالنسبة للاسئلة فهي 3 لا رابع لها

1/ ماهو شعورك بعد هزيمة ريال مدريد وما هي مشكلة هذا الفريق
2/ وش رايك تترك الرياضة العالمية ووجع الراس وتجي عندنا بالمجلس
3/ كيف هي استعدادت قسم الرياضة العالمية لمونديل كاس العالم في جنوب افريقيا ؟

شكرا لك اخي احمد .. والشكر موصول للاحبة في الاستشاري والاشراف على هذا الجهد
دمتم بحفظ الله ’’’

.

السلام عليكم
بسم الله ابدأ وبه استعين .. تذكرت ايام الاختبارات
اول شي حاب اشكركم على هالاستضافة .. وهي فرصة اشكر فيها مشرفي ومستشاري المجلس العام ولو ان الشكر ما يوفيهم على جهودهم الطيّبة على مدار السنة .. وعلى صبرهم معي المقابلة تأجلت كذا مرة بسبب بعض الظروف .. قليل تلقى مثل الاجواء اللي موجودة هنا .. فائدة ومتعة وجو اخوي اكثر من رائع .. الله لا يغير عليكم

اتمنى تكون الاستضافة خفيفة على الاعضاء و القراء

إقتباس الرسالة الأصلية كتبت بواسطة ماجد مقبل أهلا ومرحبا بالحبيب الغالي أحمد ومنور المجلس العام يا صديقي وحقيقة شهادتي فيك مجروحة .. وما اقول الا كما قال الشاعر : يطيب حديثنا معكم ويغلو ** ويحلو عند ذكركم الكلام .. واما غيركم فالقلب يأبى ** حرام مدح غيركم حرام بالنسبة للاسئلة فهي 3 لا رابع لها 1/ ماهو شعورك بعد هزيمة ريال مدريد وما هي مشكلة هذا الفريق 2/ وش رايك تترك الرياضة العالمية ووجع الراس وتجي عندنا بالمجلس 3/ كيف هي استعدادت قسم الرياضة العالمية لمونديل كاس العالم في جنوب افريقيا ؟ شكرا لك اخي احمد .. والشكر موصول للاحبة في الاستشاري والاشراف على هذا الجهد دمتم بحفظ الله ’’’

خوش بداية .. هلا ومرحبا ماجد .. المجلس منور فيكم والله .. تسلم على الترحيب .. وابد تراني راعي محل .. خذ هالبيت على الطاير :

شكراً فشكراً يا أبا مقبل على .. حسن استقبالك وطيب الكلام

كيييف بس لي مستقبل ؟!

إقتباس 1/ ماهو شعورك بعد هزيمة ريال مدريد وما هي مشكلة هذا الفريق

والله بالنسبة لي شي متوقع .. بعدين ترى البرسا قوي .. الناس ما تبي تستوعب ان برشلونة واصل لمرحلة مباراة خروج مغلوب على ارضه ماهي على ارضه يلعب بأي مكان لابد يكون هو الطرف الافضل .. مشكلة الريال تكلمت فيها قبل فترة بسيطة بالعدد الاخير لمجلة عالم الزعماء .. مشكلة نفسية + ظغوطات خارجية تأثر على الفريق .. طبعاً ويبقى السبب الدائم استعجال النتائج .. فريق مافيه استقرار .. كل سنة مدرب .. تركيز على الجوانب الهجومية في الصفقات بشكل كبير .. البيول وغاراي صفقات جيدة بس مو على مستوى الريال .. باختصار هذي ابرز الاسباب من وجهة نظري .

إقتباس 2/ وش رايك تترك الرياضة العالمية ووجع الراس وتجي عندنا بالمجلس

انا موجود يا ماجد .. والعالمية عشق لا يقبل المساومة
طارق شف التعصب على اصول .. تعصب كروي ممكن تهضمه .. بس التعصب القسمي وش نسوي فيه

إقتباس 3/ كيف هي استعدادت قسم الرياضة العالمية لمونديل كاس العالم في جنوب افريقيا ؟

الحمدلله بدأنا الاعداد من شهرين تقريباً للحدث العالمي .. وبدأنا بسلسلة مواضيع تتكلم عن المجموعات وحظوظ المنتخبات المشاركة فيها .. و راح يكون فيه مفاجأت جداً رائعة قبل واثناء البطولة .. فقط تابعونا

وهي فرصة اشكر الشباب اللي مجتهدين ويعملون من الآن Madridi , Lover Royal , محب الذئب9 , MANU10 والمصمم المتميز ĦǾŁ$ŦЄή .. وان شاء الله اللي نقدمه ينال الاعجاب

شكراً ماجد .. سعيد بتواجدك

إقتباس الرسالة الأصلية كتبت بواسطة هلالي من ارض اليمن هلا وغلا بمشرفنا القدير والخلوق : هلالي موت نور المجلس بأستضافة شخصية لها كبير التقدير والأحترام بين اعضاؤه .. وتمنياتنا لك بكل التوفيق ،

هلا طارق
هلا بسفير العرب والمسملين في كندا .. الله يسلمك ويخليك ويبارك فيك .. بعض ما عندكم يا غالي .. ارجع واقول وماهو شي جديد اللي اقوله انت من خيرة الاعضاء بصراحة وتحرج الواحد بطيب تعاملك

نروح للتحقيقات :

إقتباس 1 - كيف تعرفت على شبكة الزعيم ؟

كـ أي شخص هلالي يدخل عالم النت و يبحث عن اخبار فريقه المفضل بعد ولوج هالتقنية .. دخلت الشبكة وكنت اقرا اخبار الهلال وكان عندي اهتمام كذلك بالدوريات الاوروبية وعجبني الجو كثير ايام هلالي الجوف ابو عبدالرحمن الله يذكره بالخير اللي بالصدفة عرفت منهو وطلعت اعرفه عز المعرفة .. والمشرف القدير مالينكو ونخبة من الاعضاء المتميزين في ذلك الوقت .. استمريت متابع فترة العام تقريباً وبعد ما عرفت الوضع قررت التسجيل والمشاركة وانطلقت المسيرة

إقتباس 2 - ما هي الذكريات والمحطات التي تحملها خلال مشوارك بين جنبات الشبكة ؟

اووهـ كثيرة يا طارق !
اول شي واهم شي الرفقة والصداقات اللي طلعت فيها من الشبكة .. فيه اعضاء علاقتي فيهم كبيرة جداً واثر من اخوان منهم يشارك حتى الآن ومنهم من ترك المنتدى .. على صعيد العمل اتذكر جيداً البدايات الفعلية لي .. انضمامي للجنة الاعلامية .. العمل في مونديال المانيا 2006 .. الاشراف .. اشياء كثيرة بصراحة .. واتمنى ان تكون مسيرة موفقة

إقتباس 3 - هنالك من ينظر الى مهنة قديرة ( كالصيدلة ) على انها مجرد شخص مصرح له ببيع الدواء في مكان محدد ! بالتالي نشكرك ان منحتنا تعريف يليق بهكذا تخصص مميز ؟ ( هذا السؤال يعتمد اذا كانت المعلومات المتوفرة لدي صحيحة عن أختصاصك ) .

الصيدلي عضو مهم وفعال من اعضاء الفريق الطبي .. زيه زي اي عضو اخر في هالقطاع درس وتعب وتعلم .. اما اللي يعتقد انها مجرد بيع ادوية فقط الله لا يهينه يخش هالمجال ويدرس ويشوف هل هو هالاعتقاد صحيح والا لا .. بس هاه لا يدعي علي على هالنصيحة .. المعلومات التي لديك صحيحة

إقتباس 4 - هنالك ظاهرة قد اكون مخطئ في تقديرها حول " التعصب " من بعض المشجعين سواء في السعودية او من دول عربيه أخرى نحو أندية أو منتخبات أوروبية ! كيف ينظر هلالي موت لهذه المسألة ؟

الاحتقان اساس المشاكل يا طارق .. محلياً الصحافة والاراء المتعصبة وبعض الحركات التي ممكن نصفها بالصبياينة التي تصدر من أي مسئول رياضي تؤجج التعصب .. عالمياً نفس الشي .. يبقى صغر السن وفرق العقليات سبب رئيسي لتفشي هالظاهرة .. الانسان لابد يحكم الامور بعقله .. شخصياً اشجع فريقي واتعصب معه وازعل اذا خسر بس هالشي ما يأثر على تصرفاتي لاني بالنهاية محلياً النصراوي والاتحادي والاهلاوي والشبابي ووووو بالنهاية اخوان وعيال عم وخوال .. يعني منك وفيك .. حتى بالمنتديات التي تُعنى بالرياضة العالمية انا لما اتناقش واعصب اتناقش مع مسلم عربي مثلي مثله .. على فكرة انا من عائلة نصراوية ونفذت بجلدي انا و اخواني الصغار اللي سحبتهم معي .. اخوي الصغير في الابتدائي شجع النصر وعانى كثير وبكلمتين اقنعته والآن ما يطلب الا فنيلة ياسر و ويلي و رادوي وابو كلبشة بعد

إقتباس 5 - مع الخبرة التي اكتسبتها في الإشراف وكذلك في مرحلة سابقة كعضو وإيضا من خلال متابعتك للمجلس العام .. اذا طلبنا منك إقتراحات يمكن أن تفيدنا بها .. فبماذا سوف تتكرم علينا ؟

والله ماهو تهرب والا هو مجرد رد .. المجلس العام لا يحتاج شي فالقائمين عليه كل فترة تجد افكار جديدة ومساهمات فاعلة .. لكني اشد على ايدكم بمسألة تكريم المتميزين واعطائهم ما يستحقون وانتم مو مقصرين ماشاء الله .. هالخطوات هي اللي تكسبك الاعضاء وبالتالي تفجر الابداع لديهم

إقتباس 6 - هلالي موت شخصية متعلمة وفي مرحلة عمرية اكتسبت الكثير من الخبرات والمعرفة .. كيف ترى من وجهة نظرك الوضع المناسب لعلاقة الفرد بالمتغيرات العديدة والمتسارعة من حوله ؟

الدين اولاً ثم تحكيم العقل في كل شيء يدور من حولنا افضل طريقة .. الشخص لازم يوزن الامور كويس ولا ينجرف وراء متغيرات معينة ما دامت ما تضيف له اي شي لا بدينه ولا بدنياه .. عموماً الانسان لازم يمسك العصا من النص .. لا ينجرف ولا يصير متبلد .. العقل نعمة وهبها الله لنا .. واللي ما يستخدمه استخدام امثل في جميع اموره لا فرق بينه وبين البهيمة اعزكم الله !

إقتباس 7 - كثر اللغط في وقت سابق بين أحقية مصر أو الجزائر في التأهل لكأس العالم والذي أنتهي من خلال لقاءات الفريقين لمصلحة الأخير .. ما الفارق بين أن تتأهل مصر أو الجزائر طالما أحدهما سيعد سفيرا للعرب في المونديال ؟

طارق حنا عرب .. اللي صار فضيحة صراحة بحقنا .. العالم صارت تتكلم والمشكلة اننا ندعي العروبة .. كيف المجتمع الغربي يبي يصدق اللي نقوله وهو يشوف المهازل في مباراة كورة ! .. شخصياً نعم كنت اتمنى مصر لسبب بسيط اني ارى هالجيل من اللاعبين المصريين يستحقون اللعب في المونديال واتوقع لو وصلوا المونديال راح يقدمون مستويات باهرة .. بس في المونديال راح اشجع الجزائر واتمنالهم التوفيق .. طارق في نقطة مهمة في كثير من الاخوان ماهم معترفين بان الجزائر بلد عربي و وصفوا منتخب الجزائر بانه الصف الثاني لمنتخب فرنسا .. تمنياتي بالتوفيق لمنتخب الجزائر .. مهمته صعبة جداً لكن ان شاء الله ربي يوفقهم

سعيد جداً بالاجابة على اسئلتك الجميلة وهذي حقيقة ترى لا تحسبني اجاملك .. واتمنى لك التوفيق في ما انت فيه وتعود لارض الوطن سالماً غانم وتشوف الوالدة ان شاء الله وتحب على راسها وتاكل من يدها وتصبح وتمسى على وجهها النيّر بإذنه تعالى .. شكراً طارق

.

إقتباس الرسالة الأصلية كتبت بواسطة YậṡŝєR ,,, صباح الجوري على الجميع وعلى هلالي مووت تحية إعجاب وتقدير

هلا اخوي ياسر حياك الله .. ربي يخليك من طيبك
نروح للأسئلة :

إقتباس 1- أسمك الأول وعمرك والحالة الاجتماعية بس ...؟

احمد .. 25 سنة .. أعزب

إقتباس 2- هواياتك المفضلة...؟

الرياضة و السفر

إقتباس 3- الأكلة المفضلة غير الكبسة طبعا ..؟

من يقولك اني احب الكبسة .. لي ثلاث شهور ما اكلتها .. الوجبة المفضلة المنسف

إقتباس 4- متى آخر مره جيت الشرقية ..؟ وإذا جيت المره الجاية على أي مطعم ممكن تعزمني ...؟

علمي فيها قبل سنتين جيت يوم ونص مع صديق لي كان عنده شغله هنا خلصها ورجعنا للعاصمة .. المطعم ؟ اصلا المفروض انت اللي تعزمني مو انا .. انا ضيفك ياخي .. بس ان عزمتك باخليك انت تختار لانك بتكون اعرف مني فيها

إقتباس 5- وش رايك بالهلال الايام الآخيرة وياسر بالتحديد ...؟

هالموسم كله الهلال عال العال .. الحمدلله الفريق بقيادة شبيه الريح وعدوا و اوفوا بعد إخفاق الموسم الماضي .. الخطوات اللي قامت فيها الادارة من تعاقد مع مدرب عالمي متمكن ولاعبين اجانب اكفاء اعادت الهلال لما كان عليه .. ياسر شهادتي فيه مجروحة .. و شوي شوي يبي يرجع الكاسر بإذن الله

إقتباس 6- كم سرعة اتصالك ..؟

5 ميغا بايت .. موبايلي كونكت هذي للدوام .. بالاستراحة 4 ميغا .. لاني ما احب اشبك بالبيت الوقت يكون للاهل او القراءة او اي شي اخر .. الا للضرورة طبعاً اظطر ادخل من البيت .. السرعة 1 ميغا .

إقتباس 7- وش أحسن قسم في المنتدى بالأمانة ..؟

كل قسم وله ميزات .. بس ارتاح كثير بالعالمية و المجلس

إقتباس 8- في رأيك من أثقل وزن ماجد مقبل وإلا الكلاسيكي ..؟

كلهم فيهم الخير والبركة .. بس حسب اللي شفت ماجد

إقتباس 9- تدمع عيونك لا سافرت شغالتكم ...؟

والله يجن و يروحن ولا دريت عنهن .. شكلك حابن شغالتكم ومتعذب

إقتباس 10- يمكن ما تعرفني كثير بس ايش رايك فيني ..؟

والنعم فيك .. باين من اسئلتك انك شخص حبوب مرح و تتمتع بروح الدعابة .. اتمنالك التوفيق وشكراً لك على اسئلتك الخفيفة و السريعة واتمنى اكون وُفقت في الاجابة عليها .. شكراً ياسر شرفت

إقتباس الرسالة الأصلية كتبت بواسطة عاشقة الزعيم15 اهلين هلالي موت .. منور المجلس بإستضافتك 1- كيف كانت بداياتك بالنت ؟؟

اهلين اختي عاشقة
النور نوركم تسلمين

بالنسبة للسؤال الاول رديت عليه في سؤال كان لـ طارق

إقتباس 2- شعورك اول ماصرت مشرف بالشبكه .. ماخفت من المسؤولية ؟؟

الاشراف بالشبكة كان هدف بصراحة .. وكنت مهيأ نفسي له .. اكيد كان فيه شعور بايخ بحكم انها مسئولية كبيرة وراح تشرف على شرائح مختلفة وفي قسم حساس .. بس الحمدلله بالعمل وبمساندة من هم أقدم مني مشت الامور وما واجهت صعوبات .. وهي فرصة لاشكر بو وليد و مستر قول على وقفتهم الدائمة معي خصوصاً في بداياتي .

إقتباس 3-موقف محرج ماتنساه صار لك ايام دراستك ؟؟

سنة من السنين وفي وقت اختبارات نهائية اظن بأول ثانوي اذا ما خانتني الذاكرة .. كان بكرة احد وذاكرت اختبار الاثنين كان الاحد نحو والاثنين ادب ومادة دين خلصت مادة الدين ونص الادب تقريباً ولولا اتصال واحد من الشباب كان رحت فيها .. طبعا الاتصال جاني الساعة 4 الفجر والاختبار المفروض 7.30 بس الحمدلله لحقت حالي حالة فهاوة مدري شلون جتني وليش ما ادري !

إقتباس 4- اعضاء تفتقدهم سواء بالمجلس او بالشبكة ؟؟

كثير والله واخاف اعد احد وانسى احد .. افتقد اليساندرو اللي اعتبره بصراحة افضل شخص يكتب عن مانشستر مع احترامي للجميع .. اي سي مدريد يونايتد .. زعيم هلالي .. باتيقول .. كاريك 16 .. الجامح .. سنفور هلالي .. تاكيناردي .. بلو شيرت .. سليمان .. اكزافي .. جيجزاوي .. الهلال حبي .. Iq1399 .. سعود فيرغي .. ميلانيللو .. هلالي الجوف مالينكو توتي روما ذا دينجر غريت انتر هونتيلار مجنون ارسنال كرويف 92 الزعيم الميلاني الثعبان الازرق 10 رونالدينيو 10 فوريست جمب جالاردو ابو الريش زيزو فور ايفر المهم ترى ان تكلمت والله ما اوقف .. من المجلس مغرور حدي فياض هامور البورصة البارق ابو ريمان هلالي الظهران العنا لوحة مميزة الازرق العالي ولد وايل فرصة ضايعة الهواوي اليزابيث هيرلي بقايا سراب الدمع اسيرة الزعيم معذبهم صدى الامس الهلالي الثقفي راشد تغريد غولديست .. والله يانتي عصرتي مخي عصر .. فيه اعضاء كثار كان لهم تواجد بعضهم يدخل كل فترة وبعضهم اختفى .. وفيه بعضهم متواصل معهم خارج المنتدى والله يديم المحبة و الصداقة لانها الشي اللي يبقى

شكراً عاشقة .. وحياك الله بأي وقت

إقتباس الرسالة الأصلية كتبت بواسطة قرقاص هلا وغلا بزميل المهنة هلالي موووت أخيرا بعد 10 سنين في المنتدى ألقى صيدلي سعودي سؤالي الوحيد اللي لا ثاني له وش سبب اختيارك لدراسة الصيدلة ؟؟

هلا بالزميل .. هاه اجيبلك ملفي
انا عندي سؤال مدري شي كذا لا شفتك كاتب بخط كبير .. احسك تكتب وانت معصب .. بالنسبة لاختياري هي مجرد استخارة ونصيحة اهل الخبرة .. انا اصلاً ما كنت ابي هالمجال وقدمت على هندسة وانقبلت بس لظروف معينة تراجعت والحين احمد ربي اني دخلت صيدلة .. بصراحة مجال يشرف ومرغوب

شكراً يالزميل

البقية راجع لهم في وقت لاحق .. اللياقة مش ولابد

,,,

صباح الجوري على الجميع وعلى هلالي مووت

تحية إعجاب وتقدير فقط

راجع بالأسئلة بس خلوني اداوم

وأحكر لي كم سؤال في الصميم

برب

,,,,


بآآآآآك

يا هلا وغلا وكرتون حلا بهلالي موت

بسم الله نبدأ:

1- أسمك الأول وعمرك والحالة الاجتماعية بس ...؟

2- هواياتك المفضلة...؟

3- الأكلة المفضلة غير الكبسة طبعا ..؟

4- متى آخر مره جيت الشرقية ..؟ وإذا جيت المره الجاية على أي مطعم ممكن تعزمني ...؟

5- وش رايك بالهلال الايام الآخيرة وياسر بالتحديد ...؟

6- كم سرعة اتصالك ..؟

7- وش أحسن قسم في المنتدى بالأمانة ..؟

8- في رأيك من أثقل وزن ماجد مقبل وإلا الكلاسيكي ..؟

9- تدمع عيونك لا سافرت شغالتكم ...؟

10- يمكن ما تعرفني كثير بس ايش رايك فيني ..؟

بس هذا اللي عندي ان شاء الله ما كثرت الأسئلة وإن شاء الله ما تكون ثقيلة

ولك الحق في أن تسحب على آي سؤال بس أهم شي عندي سؤال 4 وإذا

تبي تسحب على ردي كامل ما عندك مشكله ابدا واذا تذكرت سؤال بأرجع ...!

أتمنى لك كل التوفيق في حياتك

مشرفي واستشاريي المجلس وأخوي ذآيب

يعطيكم العافية


ياســر


,,,

أبو حميد ,, ابن حلال والله
من الناس اللي تحبهم قبل لاتعرفهم,, وبعدما تعرفهم تكتشف انك توك تحبهم صدق

1- يا أخي كيف تتحمل نفسك وانت مخاوي أسيرالزعيم داخل المنتدى و فرحان برا المنتدى؟

2- يعجبك روي كين وهو مصلع والا قبل الصلعة؟؟ (شخصيا أشوف انه بعد الصلع صار أكثر حدة وحماس) طبعا الكلام أيام ماكان لاعب

3- توافقني ان الكرة في العالم تفتقد اللاعب صاحب الكاريزما المميزة اللي تجمع الفن الكروي بعدم الانضباطية والمشاكل (يوسف مارادونا كانتونا جاسكوين)؟؟ وياليت لو تعرف أحد تدلني عليه لأن القلب خالي هالأيام

4- مرة ثانية,, توافقني أن ميسي سيكون أعظم لاعب في تاريخ البشرية وإنه ياخذ مارادونا بالريوس..

5- كونك من أسرة تعليمية
وش اللي أغراك بالصيدلة أكثر من التعليم؟؟


ربي يوفقك,, ويوفق أهل المكان اللي أنت فيه

-

هلا والله بسفير الرياضة العالمية

دائما الاشخاص الي التقي بهم ببداية دخولي لاي مكان يظلون بذاكرتي
و هلالي موت من الاشخاص الي حصلت بينا مواقف وذكريات
ببداية دخولي للشبكة فمانسيته (بداياتي تفشل استر ماواجهت :$)
وللحين اذا ماحصلت مشرف بالمجلس اروح ازعجه
ومايقصر والله يحرجك بطيبته

ماشاء الله من الاشخاص الي يجبرونك على احترامهم
يتميزبـ هدوء واخلاق وطيبه قلب نحسده عليها
حتى بالاختلافات تجده عقلاني جدا و اتشرف اني اعتبره اخ لي

عاد انا لو تخلوني اتكلم عن الضيف ماخلصت ماشاء الله دائما الضيوف لهم مكانه بقلبي ومهما تكلمت ماراح اوفيهم حقهم
\

/
نروح للاسئله يالصيدلاني

* لكل منا هوايه او موهبه يتميز بها ولملامحها وضوح بشخصيتنا ماذا عن هلالي موت؟

* قصيده او بيت شعر تشعر باان كاتبه يحكي عنك ..؟

* من خلال عبورنا في هذه الحياة لابد من محطات او مواقف (تعليميه - عاطفية -اجتماعيه )
توقفنا وتغير الكثير بداخلنا نحو الافضل وقد تكون نحو الاسوأ ..؟

*بما ان الجانب الرياضي بحياتنا يشكل هوايه او ميول ونكون صريحين اكثر جانب مانستفيد منه بكثر مانعطيه من وقفتنا
وبما انك احد المشرفين على قسم رياضي ماتحس ان هالشي اخذ منك الكثير رغم قله الفائده التي تكتسبها من القسم
طبعا غير الصداقات يعني ماتمنيت انك كنت مشرف بقسم غير رياضي حتى تستفيد منه .؟

* أشخاص لهم وقع في حياتك ولن تمحاهم ذاكرتك حتى لو ابتعدوا
سوا بحياتك العامه او مسيرتك الدراسيه مع ذكر السبب ؟

*لو منحت جواز سفر واقامة دائمه لك ولعائلتك الحاليه او المستقبله
- ان شاء الله- في احد الدول ماذا ستختار ولماذا .؟

سؤال خفيف فوق البيعه ماهي كنيتك واحب الاسماء لك المذكره والمؤنثة ...؟

\

/
اتمنى مااكون طولت عليك والي مايعجبك احذفه
سعيدين بـ هالاستضافه والشكر لك على ان منحتنا هذه الموافقه

والشكر لمن ساهم باعداد هذا اللقاء من فيو وكلاسيكو وذايب
وجميع الاستشارين والمشرفين

.

إقتباس الرسالة الأصلية كتبت بواسطة الهنوووف - هلا والله بسفير الرياضة العالمية دائما الاشخاص الي التقي بهم ببداية دخولي لاي مكان يظلون بذاكرتي و هلالي موت من الاشخاص الي حصلت بينا مواقف وذكريات ببداية دخولي للشبكة فمانسيته (بداياتي تفشل استر ماواجهت :$) وللحين اذا ماحصلت مشرف بالمجلس اروح ازعجه ومايقصر والله يحرجك بطيبته ماشاء الله من الاشخاص الي يجبرونك على احترامهم يتميزبـ هدوء واخلاق وطيبه قلب نحسده عليها حتى بالاختلافات تجده عقلاني جدا و اتشرف اني اعتبره اخ لي عاد انا لو تخلوني اتكلم عن الضيف ماخلصت ماشاء الله دائما الضيوف لهم مكانه بقلبي ومهما تكلمت ماراح اوفيهم حقهم

هلا بـ فراشة المجلس
الله يخليك ويبارك فيك .. شهادة اعتز فيها واتمنى اكون استحق هالكلام الطيّب .. وبالنسبة للعمل كلنا يا هنوف في خدمة الشبكة واعضائها و زوارها .. وما سويت الا الواجب علي .. بالنسبة للبدايات باللهي من اللي بدا كويس هنا .. اسكتي بس لا ينكب العشا .. شكراً لك مرة ثانية .. والكلام الطيب اللي قلتيه بحقي تراه بعض مما عندك .. نروح للأسئلة :

إقتباس * لكل منا هوايه او موهبه يتميز بها ولملامحها وضوح بشخصيتنا ماذا عن هلالي موت؟

المواهب والهوايات كثيرة بس مدفونة او لم تجد الاهتمام
بصراحة مافي شي معين محدد شخصيتي .. احب اجرب و أحاول طبعا بحدود اكيد .. ولازم الواحد يعيش الحياة ويجرب اشياء جديدة ممكن يستفيد منها وهو ما يدري عنها اصلاً .. بشكل عام اغلب مواهبي رياضيّة .. فيه موهبة ثانية اكتشفتها متأخر بعد ما توظفت وهي الصياغة .. يعني اللي يبي خطاب والا شي يعلمني بس .. عندي موهبة ادبية بس للاسف مقصر لاني احب اعطيها وقت كافي علشان ابرزها بشكل جيد واستفيد منها استفادة مثلى بس انتظر وقت مناسب وان شاء الله يكون قريب .. نفس الشي بالنسبة للتصوير بادي اطقطق فيها و شويات ونصير راعين كاميرات
الهوايات كثيرة ابرزها القراءة والاطلاع - الرياضة - السفر

إقتباس * قصيده او بيت شعر تشعر باان كاتبه يحكي عنك ..؟

ابيات كثيرة قريتها وحسيتها تعنيني .. باحط كم بيت :

انا أكثر انسان تعلم من كثر ما أخطأ وصاب .. أنا آخـر لسان يتكلم في زمان الثرثرة
للشاعر حامد زيـد

لا تشتكي للناس جرحاً أنتَ صاحبهُ .. لا يؤلم الجرح إلا من به ألـمُ
* ما اعرف القائل اللي عنده خبر يفيدنا

فلتأتني الدنيا على ما تشتهي .. أنا لستُ ممن يستبيهِ المنظرُ
للـ الدكتور عبدالرحمن العشماوي

لاني بـ ندمان على كــل ما فات .. أخـذت من حلو الزمان و رديّـة
هذي حياتي عشتها كيف ما جات .. أخـذ من أيامي و أردّ العطيّة
للامير خالد الفيصل

إقتباس * من خلال عبورنا في هذه الحياة لابد من محطات او مواقف (تعليميه - عاطفية -اجتماعيه ) توقفنا وتغير الكثير بداخلنا نحو الافضل وقد تكون نحو الاسوأ ..؟

وين السؤال
المواقف كثيرة والحمدلله ما فيه شي غيرني للأسوأ .. كلها تجارب ان شاء الله انها فادتني وعلمتني اشياء كثيرة منها الصبر وعدم الملل والواحد لازم يكون طويل بال وما يستعجل النتائج وان اي تعثر هو مجرد مطبات بسيطة بالعمل و التصميم و الارادة نقدر نتجاوزها .. دايم العثرات اعتبرها دافع للتغيير نحو الافضل .. هذا المبدأ اللي معوّد نفسي عليه وان شاء الله ما راح يتغيّر لانه مريحني كثير

إقتباس *بما ان الجانب الرياضي بحياتنا يشكل هوايه او ميول ونكون صريحين اكثر جانب مانستفيد منه بكثر مانعطيه من وقفتنا وبما انك احد المشرفين على قسم رياضي ماتحس ان هالشي اخذ منك الكثير رغم قله الفائده التي تكتسبها من القسم طبعا غير الصداقات يعني ماتمنيت انك كنت مشرف بقسم غير رياضي حتى تستفيد منه .؟

ممكن اتفق معك ان الموضوع مجرد تسلية بس هالشي ولله الحمد ماهو كل حياتي .. اوكي يومي لابد يحتوي مباراة والا ثنتين بس هالشي ما يعني اني مهمل الاشياء الثانية .. زي ما قلت انا انسان مطلع بطبعي علشان كذا تشوفوني دايم عندكم بالمجلس .. على فكرة احس لو كنت مشرف بالمجلس مثلاً الفايدة اللي اكسبها مو مثل لما اكون مشرف على قسم آخر او عضو عادي بحكم ان المشاغل تبي تكثر وتمنعني اكون مطلع زي الاعضاء الاخرين .. والشي الابرز بعد شخصياً يهمني اشوف الاعضاء اللي يزورون القسم المسئول عنه مبسوطين و راضين عن الخدمة المقدمة لهم و الجو المريح اللي يلقونه يعني على قولتهم ركبت المركب لازم اوّصله للآخر .. مرتاح بالعالمية وهناك احس اني اقدر اعطي اكثر من الاشراف على مكان ثاني وهذي زبدة الجواب

إقتباس * أشخاص لهم وقع في حياتك ولن تمحاهم ذاكرتك حتى لو ابتعدوا سوا بحياتك العامه او مسيرتك الدراسيه مع ذكر السبب ؟

الوالدين الله يحفظهم ويطوّل باعمارهم .. جميع مدرسيني في المرحلة الثانوية كان لهم اثر كبير صراحة في تكوين شخصيتي .. صديقي احمد (مغرور)
وفيه اشخاص كثير مروا بحياتي وكان لهم اثر كبير ومواقف كثيرة في حياتي العامة ومستحيل انساهم

إقتباس *لو منحت جواز سفر واقامة دائمه لك ولعائلتك الحاليه او المستقبله - ان شاء الله- في احد الدول ماذا ستختار ولماذا .؟

مافي بلد معين والله يا هنوف .. بس اقامة دائمة ؟!
ما راح نلقى أحسن من هالبلد بكل مافيه
ما يمنع اقول اني حبيت هدوء تونس كثير مع ان البلد عايش على طابع اوروبي بحت .

إقتباس سؤال خفيف فوق البيعه ماهي كنيتك واحب الاسماء لك المذكره والمؤنثة ...؟

مافيه كنية معينة .. ابو نايف .. ابو حميد .. حمادة .. بس اكثر اسم ناداني فيه احد وعجبني حتحوت و كلن على مزاجه .. احب الاسماء بالنسبة للمذكرة مافيه شي معيّن بجد .. نواف يمكن .. المؤنثة يعجبني اسم لمار كثير .

إقتباس اتمنى مااكون طولت عليك والي مايعجبك احذفه سعيدين بـ هالاستضافه والشكر لك على ان منحتنا هذه الموافقه

انا اسعد هنوف .. شكراً لك على هالاسئلة خذت مني وقت شوي بس مو مشكلة نردها لك ..

.

إقتباس الرسالة الأصلية كتبت بواسطة هلالي ثنياني أبو حميد ,, ابن حلال والله من الناس اللي تحبهم قبل لاتعرفهم,, وبعدما تعرفهم تكتشف انك توك تحبهم صدق

هلا ابو نواف
يالله حي طيب القلب .. من أكفأ و أروع الاشخاص اللي قابلتهم بحياتي .. انسان اتعلم منه وتعلمت منه الشي الكثير .. من الاشخاص اللي يعملون باخلاص وتفاني قليل تلاقي مثله .. والله يخلي منتدى القناص اللي عرفني فيك

إقتباس 1- يا أخي كيف تتحمل نفسك وانت مخاوي أسيرالزعيم داخل المنتدى و فرحان برا المنتدى؟

يا حبيلهم بس والله انهم عسل
اكثر من اخوان والله هالاثنين .. شرواك

إقتباس 2- يعجبك روي كين وهو مصلع والا قبل الصلعة؟؟ (شخصيا أشوف انه بعد الصلع صار أكثر حدة وحماس) طبعا الكلام أيام ماكان لاعب

يازينه بكل حالاته يا شيخ
بس اتفق معك بعد الصلعه اكثر حماشة
الله يذكر ايامه بالخير .. والله يالبريمر فقد لاعبين مثله

إقتباس 3- توافقني ان الكرة في العالم تفتقد اللاعب صاحب الكاريزما المميزة اللي تجمع الفن الكروي بعدم الانضباطية والمشاكل (يوسف مارادونا كانتونا جاسكوين)؟؟ وياليت لو تعرف أحد تدلني عليه لأن القلب خالي هالأيام

بقوووهـ .. بس مشكلة هاللاعبين ممكن ينكبك وبنفس الوقت يجيبون لك بطولات .. فيه واحد بس عقل عقب ما تزوج وجاه ولد .. روني كان يسير على خطاهم بس الظاهر عقب الزواج وتهزيئات السير ركد شوي .. المشكلة يا ابو نواف الآن المدربين يعطون الافضلية للاعب المنظبط وهالشي خفف من نوعية هاللاعبين

إقتباس 4- مرة ثانية,, توافقني أن ميسي سيكون أعظم لاعب في تاريخ البشرية وإنه ياخذ مارادونا بالريوس..

اتفق مع .. وبالريوس بس بشرط .. اذا جاب المونديال للأرجنتين !
بس يبقى لـ دييغو سحر خاص .. الشي الثاني ما تدري عن استمرارية ميسي

إقتباس 5- كونك من أسرة تعليمية وش اللي أغراك بالصيدلة أكثر من التعليم؟؟

زي ما قلت في احد الاجوبة .. استخارة ونصيحة وبعدين صارت رغبة ملحة

إقتباس ربي يوفقك,, ويوفق أهل المكان اللي أنت فيه

و يوفقك يارب ويخليك لعين ترجيك
اشكرك يا طيّب القلب .. ابو يعقوب الزعيم انت

استضافه جميله لمشرف مميز

رغم انه من العالميه الا نشوفه عندنا بكثره

ياهو يحتك ياهو ناوي ياخذ مكان بو مقبل^^

::::::::::::

س: نكته كل ماسمعتها ضحت ؟
س:من من اعضاء المجلس يجذبك بمواضيعه ويجبرك تدخل وترد عليه؟
س: من اكبر عضو بالشبكه وكم عمره؟<<<تحسبك الاحوال المدنيه^^
س:عند قرأتك لتوقيع هلالي من ارض اليمن وش شعورك ماودك نتقاط ونقص تذكره لامه ونسويله سربرايز؟؟
س:هلالي موت<<سبب هالتسميه ومن اقترح عليك هالاسم؟

تحياتي