هلا وغلا فيك

س/مارايك بشبكة الزعيم بكل صراحه؟
س/ماريك فيني بصراحه؟
س/كيف اصير مشرف بالشبكة؟

هلا هلالي موووت


سؤال واهد فقت


بما انّك شي مهم بالحياة وش احسن فلم ( اجنبي طبعاً) تابعتة ؟


وش رايك بجون تيري ولامبارد ؟


تحب التنس ؟ واذا تحبها وش اسويلك يعني


من تفضّل فيدرر آم نادال ؟

م كـ ا ن ي = $

راااجعين لكـ يا احمد راجعين :P
ان شاء الله ق1

..

بآآآآآآآآآكـ
كبر مدري كثر مارفع ضغطي عبدالله الهلالي
ليتنا فالتين النصراويهـ عليهـ
مو حسافهـ فيهـ الا عايلتهـ وقسم

ومبروكـ التاهل

دامنا في طاري الهلال
خلنا بآخذ رايكـ /
مقدار تفائلكـ بكأس اسيا هالموسم ..؟! كونها عصتنا كثير
أنا عن نفسي احس متفائلهـ كثيييييييير
بس يبي لنا شوية راحهـ

..

نروح للعالميهـ
سؤال متأخر شوي لكن توهـ طرى على بالي يوم شفتكـ
برأيكـ الشخصي .. هل تأثر المانيو بانتقال كيرس ..؟ والا كيرس هو الي تأثر بانتقالهـ للريال ..؟

..

اسئلة تخصص /

- برأيي الشخصي ومن ناحية انسانيهـ .. ماذا لو كانت الادويهـ تصرف " مجاناً " ..؟
مراعاة لظروف الفقراء الطبيهـ ..
اقصد هنا على مستوى العالم كلهـ .. يعني مو تقول لي مستشفيات حكوميهـ ومدري ايش .. لا يعني حتى الصدليات ..
يعني مافيهـ شيء اسمهـ ( اشتري علاج )


- بحكم خبرتكـ وتخصصكـ ماقد مر عليكـ علاج يساعد على تقليل الفهاوهـ
أو ينشط الذاكرهـ شويتين ..!

..

سؤال شاطح الحين
ليهـ العيال كلهم مدح فيكـ وكلام لهـ اول مالهـ تالي
وطبعاً انت تستاهل والله واكثر
لكن السؤال الي يطرح نفسهـ /
ماتلاحظ ان في الشبكهـ أو بمعنى أدق " بالمجلس " يتحفظون كثيييير على رأي البنت لما تمدح ولد ..! وخذ يا شيل وحط وذبات وكلام يروح ويجي
شخصياً وبصراحهـ متناهيهـ اقولها
ورب البيت فيهـ عيال هنا احبهم لله في الله ..
يعني غصب عني لما اشوف لهـ موضوع أو حتى رد ..
على طول لا ارادياً اقول ( الله يسعدهـ ويوفقهـ ويرزقهـ على قد نيتهـ )
صحيح انا ما اعلم عن طبيعة الشخص .. ولا حتى نواياهـ
لكن حبي لهـ هذا نابع من كلام اقراهـ واحياناً من مواقف صارت بيننا او حتى كلام ..
كلهـ احترام وذوق ..
لكن " يمكن " الغالبيهـ تفسر هالشعور على شيء ثاني
على مستوى تفكيرهم .. يمكن !


..

طولتها ادري
أحمد ربي يسعدكـ ويحفظكـ
شهادتي فيكـ مجروحهـ يا ولد الجوف

.

السلام عليكم
بسم الله ابدأ وبه استعين .. تذكرت ايام الاختبارات
اول شي حاب اشكركم على هالاستضافة .. وهي فرصة اشكر فيها مشرفي ومستشاري المجلس العام ولو ان الشكر ما يوفيهم على جهودهم الطيّبة على مدار السنة .. وعلى صبرهم معي المقابلة تأجلت كذا مرة بسبب بعض الظروف .. قليل تلقى مثل الاجواء اللي موجودة هنا .. فائدة ومتعة وجو اخوي اكثر من رائع .. الله لا يغير عليكم

اتمنى تكون الاستضافة خفيفة على الاعضاء و القراء

إقتباس الرسالة الأصلية كتبت بواسطة ماجد مقبل أهلا ومرحبا بالحبيب الغالي أحمد ومنور المجلس العام يا صديقي وحقيقة شهادتي فيك مجروحة .. وما اقول الا كما قال الشاعر : يطيب حديثنا معكم ويغلو ** ويحلو عند ذكركم الكلام .. واما غيركم فالقلب يأبى ** حرام مدح غيركم حرام بالنسبة للاسئلة فهي 3 لا رابع لها 1/ ماهو شعورك بعد هزيمة ريال مدريد وما هي مشكلة هذا الفريق 2/ وش رايك تترك الرياضة العالمية ووجع الراس وتجي عندنا بالمجلس 3/ كيف هي استعدادت قسم الرياضة العالمية لمونديل كاس العالم في جنوب افريقيا ؟ شكرا لك اخي احمد .. والشكر موصول للاحبة في الاستشاري والاشراف على هذا الجهد دمتم بحفظ الله ’’’

خوش بداية .. هلا ومرحبا ماجد .. المجلس منور فيكم والله .. تسلم على الترحيب .. وابد تراني راعي محل .. خذ هالبيت على الطاير :

شكراً فشكراً يا أبا مقبل على .. حسن استقبالك وطيب الكلام

كيييف بس لي مستقبل ؟!

إقتباس 1/ ماهو شعورك بعد هزيمة ريال مدريد وما هي مشكلة هذا الفريق

والله بالنسبة لي شي متوقع .. بعدين ترى البرسا قوي .. الناس ما تبي تستوعب ان برشلونة واصل لمرحلة مباراة خروج مغلوب على ارضه ماهي على ارضه يلعب بأي مكان لابد يكون هو الطرف الافضل .. مشكلة الريال تكلمت فيها قبل فترة بسيطة بالعدد الاخير لمجلة عالم الزعماء .. مشكلة نفسية + ظغوطات خارجية تأثر على الفريق .. طبعاً ويبقى السبب الدائم استعجال النتائج .. فريق مافيه استقرار .. كل سنة مدرب .. تركيز على الجوانب الهجومية في الصفقات بشكل كبير .. البيول وغاراي صفقات جيدة بس مو على مستوى الريال .. باختصار هذي ابرز الاسباب من وجهة نظري .

إقتباس 2/ وش رايك تترك الرياضة العالمية ووجع الراس وتجي عندنا بالمجلس

انا موجود يا ماجد .. والعالمية عشق لا يقبل المساومة
طارق شف التعصب على اصول .. تعصب كروي ممكن تهضمه .. بس التعصب القسمي وش نسوي فيه

إقتباس 3/ كيف هي استعدادت قسم الرياضة العالمية لمونديل كاس العالم في جنوب افريقيا ؟

الحمدلله بدأنا الاعداد من شهرين تقريباً للحدث العالمي .. وبدأنا بسلسلة مواضيع تتكلم عن المجموعات وحظوظ المنتخبات المشاركة فيها .. و راح يكون فيه مفاجأت جداً رائعة قبل واثناء البطولة .. فقط تابعونا

وهي فرصة اشكر الشباب اللي مجتهدين ويعملون من الآن Madridi , Lover Royal , محب الذئب9 , MANU10 والمصمم المتميز ĦǾŁ$ŦЄή .. وان شاء الله اللي نقدمه ينال الاعجاب

شكراً ماجد .. سعيد بتواجدك

إقتباس الرسالة الأصلية كتبت بواسطة هلالي من ارض اليمن هلا وغلا بمشرفنا القدير والخلوق : هلالي موت نور المجلس بأستضافة شخصية لها كبير التقدير والأحترام بين اعضاؤه .. وتمنياتنا لك بكل التوفيق ،

هلا طارق
هلا بسفير العرب والمسملين في كندا .. الله يسلمك ويخليك ويبارك فيك .. بعض ما عندكم يا غالي .. ارجع واقول وماهو شي جديد اللي اقوله انت من خيرة الاعضاء بصراحة وتحرج الواحد بطيب تعاملك

نروح للتحقيقات :

إقتباس 1 - كيف تعرفت على شبكة الزعيم ؟

كـ أي شخص هلالي يدخل عالم النت و يبحث عن اخبار فريقه المفضل بعد ولوج هالتقنية .. دخلت الشبكة وكنت اقرا اخبار الهلال وكان عندي اهتمام كذلك بالدوريات الاوروبية وعجبني الجو كثير ايام هلالي الجوف ابو عبدالرحمن الله يذكره بالخير اللي بالصدفة عرفت منهو وطلعت اعرفه عز المعرفة .. والمشرف القدير مالينكو ونخبة من الاعضاء المتميزين في ذلك الوقت .. استمريت متابع فترة العام تقريباً وبعد ما عرفت الوضع قررت التسجيل والمشاركة وانطلقت المسيرة

إقتباس 2 - ما هي الذكريات والمحطات التي تحملها خلال مشوارك بين جنبات الشبكة ؟

اووهـ كثيرة يا طارق !
اول شي واهم شي الرفقة والصداقات اللي طلعت فيها من الشبكة .. فيه اعضاء علاقتي فيهم كبيرة جداً واثر من اخوان منهم يشارك حتى الآن ومنهم من ترك المنتدى .. على صعيد العمل اتذكر جيداً البدايات الفعلية لي .. انضمامي للجنة الاعلامية .. العمل في مونديال المانيا 2006 .. الاشراف .. اشياء كثيرة بصراحة .. واتمنى ان تكون مسيرة موفقة

إقتباس 3 - هنالك من ينظر الى مهنة قديرة ( كالصيدلة ) على انها مجرد شخص مصرح له ببيع الدواء في مكان محدد ! بالتالي نشكرك ان منحتنا تعريف يليق بهكذا تخصص مميز ؟ ( هذا السؤال يعتمد اذا كانت المعلومات المتوفرة لدي صحيحة عن أختصاصك ) .

الصيدلي عضو مهم وفعال من اعضاء الفريق الطبي .. زيه زي اي عضو اخر في هالقطاع درس وتعب وتعلم .. اما اللي يعتقد انها مجرد بيع ادوية فقط الله لا يهينه يخش هالمجال ويدرس ويشوف هل هو هالاعتقاد صحيح والا لا .. بس هاه لا يدعي علي على هالنصيحة .. المعلومات التي لديك صحيحة

إقتباس 4 - هنالك ظاهرة قد اكون مخطئ في تقديرها حول " التعصب " من بعض المشجعين سواء في السعودية او من دول عربيه أخرى نحو أندية أو منتخبات أوروبية ! كيف ينظر هلالي موت لهذه المسألة ؟

الاحتقان اساس المشاكل يا طارق .. محلياً الصحافة والاراء المتعصبة وبعض الحركات التي ممكن نصفها بالصبياينة التي تصدر من أي مسئول رياضي تؤجج التعصب .. عالمياً نفس الشي .. يبقى صغر السن وفرق العقليات سبب رئيسي لتفشي هالظاهرة .. الانسان لابد يحكم الامور بعقله .. شخصياً اشجع فريقي واتعصب معه وازعل اذا خسر بس هالشي ما يأثر على تصرفاتي لاني بالنهاية محلياً النصراوي والاتحادي والاهلاوي والشبابي ووووو بالنهاية اخوان وعيال عم وخوال .. يعني منك وفيك .. حتى بالمنتديات التي تُعنى بالرياضة العالمية انا لما اتناقش واعصب اتناقش مع مسلم عربي مثلي مثله .. على فكرة انا من عائلة نصراوية ونفذت بجلدي انا و اخواني الصغار اللي سحبتهم معي .. اخوي الصغير في الابتدائي شجع النصر وعانى كثير وبكلمتين اقنعته والآن ما يطلب الا فنيلة ياسر و ويلي و رادوي وابو كلبشة بعد

إقتباس 5 - مع الخبرة التي اكتسبتها في الإشراف وكذلك في مرحلة سابقة كعضو وإيضا من خلال متابعتك للمجلس العام .. اذا طلبنا منك إقتراحات يمكن أن تفيدنا بها .. فبماذا سوف تتكرم علينا ؟

والله ماهو تهرب والا هو مجرد رد .. المجلس العام لا يحتاج شي فالقائمين عليه كل فترة تجد افكار جديدة ومساهمات فاعلة .. لكني اشد على ايدكم بمسألة تكريم المتميزين واعطائهم ما يستحقون وانتم مو مقصرين ماشاء الله .. هالخطوات هي اللي تكسبك الاعضاء وبالتالي تفجر الابداع لديهم

إقتباس 6 - هلالي موت شخصية متعلمة وفي مرحلة عمرية اكتسبت الكثير من الخبرات والمعرفة .. كيف ترى من وجهة نظرك الوضع المناسب لعلاقة الفرد بالمتغيرات العديدة والمتسارعة من حوله ؟

الدين اولاً ثم تحكيم العقل في كل شيء يدور من حولنا افضل طريقة .. الشخص لازم يوزن الامور كويس ولا ينجرف وراء متغيرات معينة ما دامت ما تضيف له اي شي لا بدينه ولا بدنياه .. عموماً الانسان لازم يمسك العصا من النص .. لا ينجرف ولا يصير متبلد .. العقل نعمة وهبها الله لنا .. واللي ما يستخدمه استخدام امثل في جميع اموره لا فرق بينه وبين البهيمة اعزكم الله !

إقتباس 7 - كثر اللغط في وقت سابق بين أحقية مصر أو الجزائر في التأهل لكأس العالم والذي أنتهي من خلال لقاءات الفريقين لمصلحة الأخير .. ما الفارق بين أن تتأهل مصر أو الجزائر طالما أحدهما سيعد سفيرا للعرب في المونديال ؟

طارق حنا عرب .. اللي صار فضيحة صراحة بحقنا .. العالم صارت تتكلم والمشكلة اننا ندعي العروبة .. كيف المجتمع الغربي يبي يصدق اللي نقوله وهو يشوف المهازل في مباراة كورة ! .. شخصياً نعم كنت اتمنى مصر لسبب بسيط اني ارى هالجيل من اللاعبين المصريين يستحقون اللعب في المونديال واتوقع لو وصلوا المونديال راح يقدمون مستويات باهرة .. بس في المونديال راح اشجع الجزائر واتمنالهم التوفيق .. طارق في نقطة مهمة في كثير من الاخوان ماهم معترفين بان الجزائر بلد عربي و وصفوا منتخب الجزائر بانه الصف الثاني لمنتخب فرنسا .. تمنياتي بالتوفيق لمنتخب الجزائر .. مهمته صعبة جداً لكن ان شاء الله ربي يوفقهم

سعيد جداً بالاجابة على اسئلتك الجميلة وهذي حقيقة ترى لا تحسبني اجاملك .. واتمنى لك التوفيق في ما انت فيه وتعود لارض الوطن سالماً غانم وتشوف الوالدة ان شاء الله وتحب على راسها وتاكل من يدها وتصبح وتمسى على وجهها النيّر بإذنه تعالى .. شكراً طارق

.

إقتباس الرسالة الأصلية كتبت بواسطة YậṡŝєR ,,, صباح الجوري على الجميع وعلى هلالي مووت تحية إعجاب وتقدير

هلا اخوي ياسر حياك الله .. ربي يخليك من طيبك
نروح للأسئلة :

إقتباس 1- أسمك الأول وعمرك والحالة الاجتماعية بس ...؟

احمد .. 25 سنة .. أعزب

إقتباس 2- هواياتك المفضلة...؟

الرياضة و السفر

إقتباس 3- الأكلة المفضلة غير الكبسة طبعا ..؟

من يقولك اني احب الكبسة .. لي ثلاث شهور ما اكلتها .. الوجبة المفضلة المنسف

إقتباس 4- متى آخر مره جيت الشرقية ..؟ وإذا جيت المره الجاية على أي مطعم ممكن تعزمني ...؟

علمي فيها قبل سنتين جيت يوم ونص مع صديق لي كان عنده شغله هنا خلصها ورجعنا للعاصمة .. المطعم ؟ اصلا المفروض انت اللي تعزمني مو انا .. انا ضيفك ياخي .. بس ان عزمتك باخليك انت تختار لانك بتكون اعرف مني فيها

إقتباس 5- وش رايك بالهلال الايام الآخيرة وياسر بالتحديد ...؟

هالموسم كله الهلال عال العال .. الحمدلله الفريق بقيادة شبيه الريح وعدوا و اوفوا بعد إخفاق الموسم الماضي .. الخطوات اللي قامت فيها الادارة من تعاقد مع مدرب عالمي متمكن ولاعبين اجانب اكفاء اعادت الهلال لما كان عليه .. ياسر شهادتي فيه مجروحة .. و شوي شوي يبي يرجع الكاسر بإذن الله

إقتباس 6- كم سرعة اتصالك ..؟

5 ميغا بايت .. موبايلي كونكت هذي للدوام .. بالاستراحة 4 ميغا .. لاني ما احب اشبك بالبيت الوقت يكون للاهل او القراءة او اي شي اخر .. الا للضرورة طبعاً اظطر ادخل من البيت .. السرعة 1 ميغا .

إقتباس 7- وش أحسن قسم في المنتدى بالأمانة ..؟

كل قسم وله ميزات .. بس ارتاح كثير بالعالمية و المجلس

إقتباس 8- في رأيك من أثقل وزن ماجد مقبل وإلا الكلاسيكي ..؟

كلهم فيهم الخير والبركة .. بس حسب اللي شفت ماجد

إقتباس 9- تدمع عيونك لا سافرت شغالتكم ...؟

والله يجن و يروحن ولا دريت عنهن .. شكلك حابن شغالتكم ومتعذب

إقتباس 10- يمكن ما تعرفني كثير بس ايش رايك فيني ..؟

والنعم فيك .. باين من اسئلتك انك شخص حبوب مرح و تتمتع بروح الدعابة .. اتمنالك التوفيق وشكراً لك على اسئلتك الخفيفة و السريعة واتمنى اكون وُفقت في الاجابة عليها .. شكراً ياسر شرفت

إقتباس الرسالة الأصلية كتبت بواسطة عاشقة الزعيم15 اهلين هلالي موت .. منور المجلس بإستضافتك 1- كيف كانت بداياتك بالنت ؟؟

اهلين اختي عاشقة
النور نوركم تسلمين

بالنسبة للسؤال الاول رديت عليه في سؤال كان لـ طارق

إقتباس 2- شعورك اول ماصرت مشرف بالشبكه .. ماخفت من المسؤولية ؟؟

الاشراف بالشبكة كان هدف بصراحة .. وكنت مهيأ نفسي له .. اكيد كان فيه شعور بايخ بحكم انها مسئولية كبيرة وراح تشرف على شرائح مختلفة وفي قسم حساس .. بس الحمدلله بالعمل وبمساندة من هم أقدم مني مشت الامور وما واجهت صعوبات .. وهي فرصة لاشكر بو وليد و مستر قول على وقفتهم الدائمة معي خصوصاً في بداياتي .

إقتباس 3-موقف محرج ماتنساه صار لك ايام دراستك ؟؟

سنة من السنين وفي وقت اختبارات نهائية اظن بأول ثانوي اذا ما خانتني الذاكرة .. كان بكرة احد وذاكرت اختبار الاثنين كان الاحد نحو والاثنين ادب ومادة دين خلصت مادة الدين ونص الادب تقريباً ولولا اتصال واحد من الشباب كان رحت فيها .. طبعا الاتصال جاني الساعة 4 الفجر والاختبار المفروض 7.30 بس الحمدلله لحقت حالي حالة فهاوة مدري شلون جتني وليش ما ادري !

إقتباس 4- اعضاء تفتقدهم سواء بالمجلس او بالشبكة ؟؟

كثير والله واخاف اعد احد وانسى احد .. افتقد اليساندرو اللي اعتبره بصراحة افضل شخص يكتب عن مانشستر مع احترامي للجميع .. اي سي مدريد يونايتد .. زعيم هلالي .. باتيقول .. كاريك 16 .. الجامح .. سنفور هلالي .. تاكيناردي .. بلو شيرت .. سليمان .. اكزافي .. جيجزاوي .. الهلال حبي .. Iq1399 .. سعود فيرغي .. ميلانيللو .. هلالي الجوف مالينكو توتي روما ذا دينجر غريت انتر هونتيلار مجنون ارسنال كرويف 92 الزعيم الميلاني الثعبان الازرق 10 رونالدينيو 10 فوريست جمب جالاردو ابو الريش زيزو فور ايفر المهم ترى ان تكلمت والله ما اوقف .. من المجلس مغرور حدي فياض هامور البورصة البارق ابو ريمان هلالي الظهران العنا لوحة مميزة الازرق العالي ولد وايل فرصة ضايعة الهواوي اليزابيث هيرلي بقايا سراب الدمع اسيرة الزعيم معذبهم صدى الامس الهلالي الثقفي راشد تغريد غولديست .. والله يانتي عصرتي مخي عصر .. فيه اعضاء كثار كان لهم تواجد بعضهم يدخل كل فترة وبعضهم اختفى .. وفيه بعضهم متواصل معهم خارج المنتدى والله يديم المحبة و الصداقة لانها الشي اللي يبقى

شكراً عاشقة .. وحياك الله بأي وقت

إقتباس الرسالة الأصلية كتبت بواسطة قرقاص هلا وغلا بزميل المهنة هلالي موووت أخيرا بعد 10 سنين في المنتدى ألقى صيدلي سعودي سؤالي الوحيد اللي لا ثاني له وش سبب اختيارك لدراسة الصيدلة ؟؟

هلا بالزميل .. هاه اجيبلك ملفي
انا عندي سؤال مدري شي كذا لا شفتك كاتب بخط كبير .. احسك تكتب وانت معصب .. بالنسبة لاختياري هي مجرد استخارة ونصيحة اهل الخبرة .. انا اصلاً ما كنت ابي هالمجال وقدمت على هندسة وانقبلت بس لظروف معينة تراجعت والحين احمد ربي اني دخلت صيدلة .. بصراحة مجال يشرف ومرغوب

شكراً يالزميل

البقية راجع لهم في وقت لاحق .. اللياقة مش ولابد

الله !
أحمد كلّه هنا , ولا ندري عنه ؟!
كيفك يا عسسل ؟!

منوّر المجلس :$
ياخي ودّي أسألك , بس أخاف تقول إنّي أحجّر لك وترجع تردّها لي
لكن دوك كم سؤال ع الطائر !

ما الفرق بين الفهم , والاستيعاب ؟
أمزح أمزح

بـ رأيك وش سبب احتقان بعض الأعضاء ضدّ بعض المشرفين , رغم إنّ المشرف عضو يطبّق القانون فقط !

ولو جدّ جديد , سـ أعود
بـ التوفيق

أووهـ مستضيفين أبوحميد

زائر دائم للمجلس العـام نادراً ما أرد لكن هـ المرة إجبار وإحراج !

ما عندي أسئلة لكن بحاول أصير بايخ وأعطيك أي شيء لانها فرصة بصراحة :$

- تهتم بالألعاب الإلكترونية ؟ وبخلي السؤال مزدوج بما انك تستخدم البلاك بيري ما طفشت منه !

- خلاص كل أسئلتي لو حبيت أسئلك إياها بتكون في المسن خخخخ ما اظن تجاوب هنا

السمي

.

إقتباس الرسالة الأصلية كتبت بواسطة هلالي ثنياني أبو حميد ,, ابن حلال والله من الناس اللي تحبهم قبل لاتعرفهم,, وبعدما تعرفهم تكتشف انك توك تحبهم صدق

هلا ابو نواف
يالله حي طيب القلب .. من أكفأ و أروع الاشخاص اللي قابلتهم بحياتي .. انسان اتعلم منه وتعلمت منه الشي الكثير .. من الاشخاص اللي يعملون باخلاص وتفاني قليل تلاقي مثله .. والله يخلي منتدى القناص اللي عرفني فيك

إقتباس 1- يا أخي كيف تتحمل نفسك وانت مخاوي أسيرالزعيم داخل المنتدى و فرحان برا المنتدى؟

يا حبيلهم بس والله انهم عسل
اكثر من اخوان والله هالاثنين .. شرواك

إقتباس 2- يعجبك روي كين وهو مصلع والا قبل الصلعة؟؟ (شخصيا أشوف انه بعد الصلع صار أكثر حدة وحماس) طبعا الكلام أيام ماكان لاعب

يازينه بكل حالاته يا شيخ
بس اتفق معك بعد الصلعه اكثر حماشة
الله يذكر ايامه بالخير .. والله يالبريمر فقد لاعبين مثله

إقتباس 3- توافقني ان الكرة في العالم تفتقد اللاعب صاحب الكاريزما المميزة اللي تجمع الفن الكروي بعدم الانضباطية والمشاكل (يوسف مارادونا كانتونا جاسكوين)؟؟ وياليت لو تعرف أحد تدلني عليه لأن القلب خالي هالأيام

بقوووهـ .. بس مشكلة هاللاعبين ممكن ينكبك وبنفس الوقت يجيبون لك بطولات .. فيه واحد بس عقل عقب ما تزوج وجاه ولد .. روني كان يسير على خطاهم بس الظاهر عقب الزواج وتهزيئات السير ركد شوي .. المشكلة يا ابو نواف الآن المدربين يعطون الافضلية للاعب المنظبط وهالشي خفف من نوعية هاللاعبين

إقتباس 4- مرة ثانية,, توافقني أن ميسي سيكون أعظم لاعب في تاريخ البشرية وإنه ياخذ مارادونا بالريوس..

اتفق مع .. وبالريوس بس بشرط .. اذا جاب المونديال للأرجنتين !
بس يبقى لـ دييغو سحر خاص .. الشي الثاني ما تدري عن استمرارية ميسي

إقتباس 5- كونك من أسرة تعليمية وش اللي أغراك بالصيدلة أكثر من التعليم؟؟

زي ما قلت في احد الاجوبة .. استخارة ونصيحة وبعدين صارت رغبة ملحة

إقتباس ربي يوفقك,, ويوفق أهل المكان اللي أنت فيه

و يوفقك يارب ويخليك لعين ترجيك
اشكرك يا طيّب القلب .. ابو يعقوب الزعيم انت

ياناس ياحبي لهالآدمي .. قسم بالله اني اعزك .. واغليك .. واقدرك .. واموت فيك .. بس خلاص اخاف يشكون فينا

بسألك كم سؤال .. بالرغم من إني اقدر اسألك إذا شفتك .. بس انت قاطع

س1- متى بتجي الرياض ؟ ( ترى اجازة الربيع فرصة طيبة .. طالبك تكفى تعااااااال )

س2- أنت من أكثر الناس اللي اتذكرهم في اليوم من كثر ماأشوف هالصيدليات حولي .. خصوصاً السقاف .. تفكر تنقل شغلك لمدينة حيوية أكثر من الجوف .. الشرقية , الرياض , جدة ؟!

س3- عبَر عن مايلي :

- أسير وتورام وابوحمد وهلالي الجنوب وجليل ?

- مطعم هرفي ؟

- البلوت ؟

- صوتك ?

- أملور 5ملم ?


سلام لك يابعدقلبي ( قلب )