موضوع بالصميم حلو
شكرا جزيلا صبآ نجد
أول شي كان بإمكاني أرد أول واحد على الموضوع
بس قلت خليني بالصفحة الثانيه يكون أحلى
السبب مدري بس كان ودي اشوف ردود الأعضاء وشي ثاني أختي أكبر مني وصيتها تتابع المجلس العام بس ما علمتها كيف تروح للصفحة الثانيه وهي تدخل بالجوال يعني صعب عليها وما احب تشوف ردودي
الغضب شي أكيد عاده مو حلوه وتسبب عواقب نندم عليها
يمكن قبل كنت سريع الغضب بالحيل
بس الحين الي يرفع ضغطي الاتصال والانترنت فقط لا غير
وكمان وقت مباريات الهلال والبرشا اذا شفت اني متوتر مستحيل أكلم أحد أكون بروحي وبس
أذكر مباراة أم صلال قعدت ثلاث أيام راسي بنفجر من الضغط بس حالي حال نفسي
في ناس كثير أتفه شي ينرفزهم
قبل فتره كذا واحد مريض يستهبل علي عصبت عليه بغى يذبحني
كلمني واحد من اصحابي الله يجزاه بالخير كلام كثير وحلو صراحة
بعدها خلاص مستحيل أغضب من أي شي وما اتنرفز كثير
أطنش وخلاص
صاحبي هذا كلامه بالمختصر أي واحد يبي ينرفزك من لا شي يبي يوصل لشي واحد فقط
الي هو انك تعصب ويرتفع ضغطك
قال لي جرب وشوف
لا تعطيه مجال انك تزعل لو مدري وش سوى
خلك بااااااااارد واقعد اضحك عليه وعلى خشته وهو معصب عليك
بصير هو الخسران وما قدر يوصل للي يبيه وانت كسبت شي كبييييير وخليته يعصب أكثر وأكثر
المهم من السالفه لا تعطي أحد أي مجال يخليك تعصب وتتعب نفسك وراسك شوي ينفجر ووو بالعكس خذ الأمور من أولها ولا كأن في أحد قدامك يتكلم
(نفس سالفة مواصل)
بالوقت الحالي والله اني اشوف ناس معصبين علي مدري وش يبون وانا باااااااارد على الاخير المهم اني ما اخليهم يوصلون للي يبون وينرفزوني
اذكر مره شفت واحد مالي فيه أي معرفه سطحية فقط لا غير
المهم شافني يقول انت فيك وفيك ووو وانا عصبت على الاخير وأرد عليه ومدري ايش
تخيلوووووووووووا بالاخير يقول لي طيب وش فيك معصب
يابن الذين الحين انت وش تبي شفتني وتقول كلام ينرفز ويعصب وبالاخير تقول وشفيك معصب
اقسم بالله يا اني ضحكت على نفسي ضحك
قلت جد هو وصل للي يبيه ورفع ضغطي وراسي صدع من العصر لليل على شي ما يستاهل
لو خليته يكمل كلامه لين يخلص واسوي نفسي ما سمعت اقول له هااااا وش قلت سوري ما كنت معك وش بكون موقفه
يالله مين يتخيل جات فتره من الفترات انرفز أختي الصغيره وتقعد تدعي علي
هي تدعي وانا اقول آمييييييييييييييييييييييييييييين يا رب الله يسمع منك هههههههههه
شوي تقوم مدري وش بتسوي فيني تقول ليه تدعي على نفسك اذا انت ما تبي روحك حنا نبيك ما تدري انها هي الي تدعي مو انا
شكرا جزيلا صبآ