بسم الله الرحمن الرحيم

السالفة فيها جن .. مش لعب يا جماعة .. اقرؤوا الأذكار قبل ما أبلش فيكم
الموضوع ما راح يكون مرتب لأنه وليد اللحظة والهدف من الموضوع هو اشتياقي
لأيقونة موضوع جديد وأيضاً الدعاية لشيء آخر بعدين بأقوله لكم

ياكبر شرهة ليـّن العود كبراه
يبغاني انسى حبه اللي كواني

هو مادرى اني تايه الدار لولاه
وإنه ملك ساعاتها والثواني؟

هو مادرى عن حبنا الي بنيناه
وانه سكن فالعوج بين المحاني؟

في سابق العصر والزمان , عندما كنت صغيراً لين العود أتمشى بين الزهور والفراشات
كنت كل أبو دايم أسمع قصص الجن من السلاتيح أصحابي .. ولهذا السبب أصبحت بكل جدارة وما تحمله الكلمة من معنى "شخص ذروق"
وصلت إلى درجة أني وأنا نايم في الليل أخاف أروح دورة المياة ( وأنتم بكرامة ) فأتصرّف في مكاني

حتى وأنا نايم في يوم من الأيام وأنا على جنبي الأيمن فتحت عيوني وتغطيت بالبطانية من الخوف .. وحسيت جني داخل علي وبيده فاس
وخرت البطانية وفتحت عيوني بشويش ومن الخوف تهيالي أني أشوف صورة وجه في الدولاب
قمت من مكاني ورحت أركض للصالة .. وكان أخوي الكبير صاحي بوسط الصالة يناظر التي في .. شافني أركض واخترع واصلت ركضي عليه وصرت أدور وأنا أصيح وأخوي وقتها طاح قلبه يحسبني انهبلت خخخخخـ
المهم .. أنا بكل فخر كنت شخص ذروق


قبل سنتين تقريباً ويمكن أكثر مش فاكر .. لكنها كانت أيام بداياتي في المجلس العام ..
كنت أبحث في قوقل عن شرح قصيدة "نوت الجن" للشاعر ناصر الفراعنة ..
دخلت أكثر من منتدى وقرأت بعض الآراء عن القصيدة ..
في منتدى من المنتديات لفت نظري شي عجيب ويخوّف ..
كان شرح القصيدة عن نوت من تكون؟ وعن الأحداث اللي حصلت قبلها وبعدها ..
طبعاً ما فهمت وش هالخربطة لأن توي كنت صغير وقتها قبل سنتين
نزلت على أول رد دخلت في نوبة بكاء
وجيت الرد الثاني جاني إسهال
مع الرد الثالث عزمت أدق على مستشفى الولادة

خلصت الردود وأنا أقول أكيد يستهبلون .. لكن مش باين عليهم
كانت الردود تتناقش في أمور تاريخية وتذكر أسماء ملوك الجن وسلالتهم وأحداث حصلت ..
وبعضهم يناقش ويقول أن هالفلاني من قبيلتهم مدري جني جيرانهم
ما قدرت أستوعب أبد .. وشلون جن ويكتبون في منتدى؟ طيب كلامهم هذا يستهبلون فيه؟
هل الجن عندهم إنترنت أصلاً؟ معقولة شركة الاتصالات تعدت الحدود ووصلت لهم؟
أسئلة كانت في بالي وخوّفتني ..! وأذكر أني أرسلت الرابط لواحد من العيال أظنه سالم أو هامور ..!



قبل فترة قصيرة .. كنا في عزيمة عشاء عند خالي
لخالي ولد صغير عمره 9 سنوات تقريباً .. علاقتي معه قوية جداً
بنفس اليوم العصر كنت أسولف أنا وياه وبيده بايسن .. اعترف لي وقتها بأنه يحب فلانة
<< الولد له مستقبل باهر إن شاء الله
المهم أنه وهو يشرب غمض عيونه وبغى يطيح بس مسك نفسه .. قال : شكل البايسن
في خمر أحس أني دخت ..!!
قلت : اسكت لا تفضحنا .. أجل لو شربت زقارة بتفقد؟

راح الوقت وأذن العشاء ..شفته طلع من المجلس بسرعة وشكله مش ولا بد ..
لحقته أبشوف وين رايح .. لقيته جالس جنب دورة المياه ( وأنتم بكرامة )
سألته : وش فيك؟
بكى وقال تعبان أحس قلبي مقبوض
سألته وين اللي يوجعه؟ أشر لي على يمين صدره .. قلت لا تخاف قلبك يسار موب هنا ..
طلعته للحوش وقلت له شم هواء وسوا رياضة .. سوّى اللي قلت له عليه وما نفع ..
طلب مني أنادي أخوه الكبير 22 سنة ..
دخلت المجلس وناديت أخوه .. شاف أخوه تعبان وقال خلنا نوديه المستوصف ..
رحنا به المستوصف ودخلنا وهو شايل الولد .. يوم دخلنا الولد أغمي عليه
انقبض قلبي خفت انه يموت رحت برادة الماء بالمستوصف ورشيته وصحى شوي ..
ثم بدأ يتشنج


فيه مسجد قريب مننا أقام الصلاة وكان الإمام يقرأ .. ويتشنج الولد وتتقلب عيونه
مع الخوف على الولد ما انتبهنا أنها عين .. خصوصاً أنه قد جاته عين من كم شهر وراحت ..!
الدكتور كان يطمنا انه تشنج بسيط .. شاف الضغط مضبوط والقلب ما عليه خوف .. وعطاه إبرة مسكنة وركب المغذية بعد طلوع الروح ..!
لكن التشنج باقي على ما هو .. يتشنج ثم يغمى عليه ثم يصحى ..
قلت لأخوه اقرا عليه .. قرا عليه شوي وزاد التشنج فقال الدكتور لا تقرا ما به الا العافية ..!


شفت الولد تعبانة حالته وأدف أخوه أقول اقرا عليه يا ****
وهو يقرا عليه تشنج ووقف قراءة قلت واصل .. واصل في القراءة ثم انصدمنا كلنا وكل الموجودين وقتها
قال : " إنني عين حاسد ولن أخرج منه "
لا شعورياً رجعت وراي خفت أنه يخرج منه ثم ينشب بي
سأله أخوه : وليش ما بتخرج؟ وش سوى لك؟
قال : إنه جميل ولن أخرج منه ..!
وقتها بغيت ألعن أبو خامس الجني .. ما بقى إلا جني يحفّ على ولدنا
الصدق أني كنت بعيد ودقيتها لطمة أحاول أتنكر

المهم أخذنا الولد وعلى طول طريق شيخ قاري ركب معنا ووصلنا له واحد من المتواجدين الله يجزاه خير
وحنا رايحين لبيت الشيخ كان الولد بيني وبين أخوه وأنا اللي أسوق .. كان أخوه يقرأ عليه وأنا أقرا المعوذات على نفسي
يوم تكلم الجني وقال أنه حتى لو وديناه للشيخ ما راح يخرج .. تكلمت أنا بعد ما بلعت كل اللي جمعته من ريقي وقلت:
يا أخي حنا ناس مسالمين ولا نبي يجيك منا شي وكفنا شرك الله يجزاك خير <<
وربي ما مداني أكمل كلمتي إلا ويد تمسك يدي يمممممممممه انخرشت وفكيت الدركسون بعدين تمالكت نفسي لما شفت ان اليد هي يد الحقير ولد خالي يبيني أخليه هو اللي يكلمه

وصلنا عند الشيخ الله يجزاه خير وقرا عليه وأنا حاس أن الملعون بيخرج ثم بيبلشني
خرج الجني ولله الحمد وأخذنا الزيت المقري عليه .. وعطانا ورقة الرقية قال اقروا عليه اذا رجع الجني ..!
رجعنا بعد ما علمنا خالي وأبوي بالسالفة .. وجبنا الولد وهو دايخ يبي ينام .. روشناه ودهنا جسمه بالزيت ونام ..!

ما هي إلا نص ساعة إلا والجني رجع ودخل فيه
أخذت الورقة وأنا معصب وقلت بأجرب حظي وأقرا واللي يصير يصير ..
قريت عليه وسويت مثل الشيخ مسكنا ابهامات يدينه وأصابع رجوله الدبية مدري وشسمها
ونسيت أمسكه مع حلقه .. كل ما قريت عليه يحضر الجني ويقول بأطلع .. ويطلع مع حلق الولد ويأذيه وهو خارج
تذكرت يد الشيخ ومسكت الحلق وقريت من جديد .. وتكلم الجني وقال انه جني ثاني وخرج مع رجوله ..!
وعلى هالحال لين قال انه الجني الرابع .. قلت هذي آخر مرة تكذب علي والحين إذا باقي جني ملعون غيرك خله يخرج معك لأني ما راح أفكه لين أحرقه بالقران
خرج بعد ما عاهدني مثل كل مرة وقال لي أن اسمه " عبده " وأنه من مصر

خرج وقريت من جديد ونطق الجني واستمريت أقرا لين طلبني افكه عشان يخرج وتجاهلته ولا كأني أسمعه ..
يقول أححوووه بأخرج خلاص .. قلت له بكل عباطة : تبي تخرج ولا ترجع؟ قال ايه والله ما أرجع ..
قلت : لا ما أبيك تخرج .. أبيك تتأدب يالملعون وتحترق بالقران عشان ما تأذي المسلمين مرة ثانية
<< وقتها ما كنت أفكر بالعواقب


المهم طولت اقرا وهو يصيييح يصيييح .. لين تقطعت حبالي الصوتية
وبعدها خرج والحمد لله
قريت بعدها وما طلع شي .. الولد صاغ سليم ولله الحمد

رجعت بكل نشوة النصر على الجن وتمددت من التعب بعد ما شربت موية ..
حسيت بالدنيا تدور بي .. وحسيت أنه بيطيح مغمى علي .. يا مامي شنو هذا؟
قمت ورحت أتوضأ بسرعة .. ورحت أقرأ الأذكار وحسيت أني بروح وطي مع هالجن لا محالة


بعدها رحنا البيت وجيت بأنام وما قدرت أنام من الخوف .. خفت أنام وألقى نفسي بكرة في كهف من كهوف الجن مربط
بعد ما طلع الفجر صليت ودعيت ربي وقريت الأذكار ونمت
بعدها بفترة عرفت ان هالتعب كان بسبب الصراخ والقراءة بصوت عالي لأن الجني كان يرفع صوته عشان ما يسمع القران ..
يعني أشوا ما بي شر
المهم الولد رجع له الجني بعد ما أنا رحت عنهم .. وحطوه قدام قناة الهاشمي ونفعته القراءة وكان الجني يصرخ يقول خلاص أعاهدكم أن أخرج ..
وبالأخير خرج ونام الولد .. وباليوم الثاني وصلوه للشيخ وخرّج الجني ..
والحمد لله الولد بخير وما به إلا العافية

اللي ذكرني بهالموضوع .. هو أني صرت بهالفترة أحلم بكوابيس كثيرة ما لأمها داعي
وغير كذا وهو اللي أقض مضجعي :
أني أحياناً أكلم نفسي بصوت خفيف مسموع
وقد لاحظوني اخوياي مرتين أسويها
ما أقول غير الله يستر علينا وعليكم



أعتذر لكم على الإطالة .. وإن كان به أخطاء إملائية أو غيرها استروا ما واجهتوا ..
أحس أني تعبت وأنا أكتب

خاتمة إعلانية :
الموضوع اللي وعدت البعض به المخصص لفئة +18 غير قابل للنشر لغرض في نفسي ..
الموضوع جاهز للي يبيه ع الخاص .. ولكن عليه أن يتحمل العواقب

حيا الله الموسوس .. هذي اخرة الطنازة يا سلطان .. بس من متطنز عليه انت ..

و الله بالنسبة للجن .. فمشكلتنا من يومنا صغار اهلنا يخوفونا بهم .. لدرجة اني اوسوس بلمبة فيش المكيف و اصوات الجيران في الليل

الله يشفي قريبك و يعافيك و لا يريك و من يقرأ اي مكروه

بس ما تلاحظ ان فيه كلمات قديمة انت جايبها مثل كلمة ( يحف ) اخر مرة سمعتها من 10 سنين

اما موضوع +18 فعليك بإرساله يا غلام و مالك الا انزله عنك


دمت بحفظ الله و رعايته

حجز للصلاه وبنصلي ونتعوذ من ابليس ونقرا اذكار المساء

عدنا بعد قرائة الموضوع.

تدري سويت بحث بقوقل عن الموضوع تعرف المصداقية من يوم العيد بموضوع الشات وبعد سالفة عقد الياسمين وهي مش ولا بد.

لاعليك مجرد مزحة أخي الكريم .

حقيقة قصة إبن خالك قصة تدمي القلب والله.
ربما أنني تأثرت بشكل أكبر لمعاناه عانيتها مع أحد الأقارب حفظه الله وإن كانت حالته أصعب نوعا ما.

لاتعليق لدي طويل عن القصة ولكن للجميع أقول
عليكم بصلاة الجماعة والمواظبه على أذكار الصباح والمساء والله إنها الدرع الواقي لشر الجن وشر الحاسدين وعيونهم.

كذلك أنت بما أنك هذه الفتره تمر بمرحلة وسوسة فعليك بما قلت وكذلك كثرة الإستغفار وقرآة سورة البقره وإن شاء الله ما فيك إلا العافيه.

أهنيك على أسلوبك فقد جعلتنا نبتسم رغم جدية الموضوع ومدى حساسيته.

...
عوده بعد الحجز..

آعوذ بكلماات الله التامات من شر ماخلق
آعوذ بكلمات الله التامات من شر ماخلق
آعوذ بكلمات الله التامات من شر ما خلق

انا منهو قالي احجز اصلا..

اللههم احفظنا واحفظ والدينا وجميع المسلمين من شر الجن والشياطين..

بالنسبة للموضوع..

فأعتقد انه دايما يجب علينا ان نتعود على الاذكار..وقراءة القران والالتزام بالصلوات في موعدها ومع الجماعه..

الله يعطيك العافيه على موضوعك الي ماله داعي اصلا..انا من يوم قريت اسمك قلت فكاهي..آعوذ بالله منك..

المشاغب..<<علم فرنسا

خخخخخخخخخخ
اول شئ ولكم باك سلطان ..
وثاني شئ الحمد لله ع سلامة ولد خالك ..
الجن قصصهم كثير وعندنا حالة نفس حالة ولد خالك ..
بس اقوى واقوى بكثير ..
الله يكفينا شرهم ويكفينا شر العين والحاسدين ..
والكوابيس اللي تقول هي مجرد شئ تفكر فيه كثير وتحلم فيها " اظغاث احلام "

فمان الله

لي تحفُّظ على الألفاظ الخارجه عن الذوق العام
أنت وعععععععع

//

وبالنسبه للموضوع /
الله حافظنا أول وتالي

//

بالتوفيق سلطانوووووه

بالنسبه لموضوعك أخوي ..

الجن ما أحب أتطرق فيه وآجد .. >> تروني خواف هع هع هع


المهم موضوعك ما ودي أقرآآهـ لأنن مواضيع الجن زي ما قلت يا المشاغب
اذا دآرت بمخيلآتي للآسف تشكل هأجس عاطفي >> هع هع


مشكور ع الموضوع


see yaa

اللهم سكنهم مسآكنهم
مسسسستحيل أقرآ على أبن أمه فيه جني
الله لايعيد الشر , أذكر من فتره أمي فيهآ عين , كنت أوديهآ لشيخ يقرآ عليهآ
الشيخ يجونه نآس فيهم جن , إذا بغيت أروح أجيب موية العزيمه أرجف من أروح أخذهآ في وسط المسجد لمآ أرجع للبيت
والشيخ يقرآ تسمع صرآخ وأصوآت مُش كويسه في المسجد ’ [ هذآ وأنا وسط المسجد ]
ياحبيبي ذولي جن , ماينمزح معهم
,
بعدين ذآ الجني اللي دآخل في ولد خالك عبييييط بقوه , مره يطلع ومره يرجع
كآن قلت له: كلمة الرجآل وحده

الحمد لله على سلآمة ولد خالك
عوآفي سلطآن

انت قفل خشمك وما حولك خلاف ..
ارسل ارسل ع الخاص ..

لي باك ..

بااااااك

الله يكفينا شر الجن .. تذكروا المعوذات دايم و اقروها
و الله كان ودي ارد احسن من الرد هذا .. لكن و قسم يا سطان يوم شفت ردود المتخفين الي بعدي انسدت نفسي مره
ادري ما لك ذنب بس غصب عني

.

أهلن المشاغب

بسم الله الرحمن الرحيم اللهم حولينا ولا علينا

ياكثر ماتحمس واسمع قصص جن خصوصاً لاخيّمنا وجت الساعه 2 الفجر

نتجمع حول النار وقصه ألعن من قصه واذا جاء وقت النوم بلعت العافيه وانتظرت لين يطع النور عشان انام

أذكر رحنا للشيخ العريني معروف بالقصيم أكبر نصآب سمعت انهم منعوه من القراءه

المهم رحت انا وأمي وأختي الصغيره يمسك يدينا وهات يا تصفييق لين تخضر نتعب غصب

عاد هو حآط جيب وش كبره عشان اللي يصفقه يحط الفلوس بجيبه وصل لأمي عطته 200 قال فيك عين

جاء لأختي الصغيره عطته 100 قال فيك حسد يوم جاني قلت ولله ماطرت عطيته خمسين قال وهو معصب مافيك شي

المهم رحنا لشيخ ثآني وحرمت أروح مره ثآنيه فيه وحده تركض وتعلقت على الباب اخر شي طلع بها جني على شكل حشره تطير

عآد شسموه الحين المغرب عشان كذا ماودي اكثر بالسوالف
ً
الحمد لله على سلآمة ولدكم وثآنكس على هالموضوع

سيآآ

.

أهلين سلطآن ..

الحمدلله على سلامه ولدخآلتك .. والله يكفينآ شر
الحسد و الجن .. .

وشي ثآني لاتنسآ ترسلي نسخه من موضوعك الإبآحي
ع الخآآص ..

ولكم باك ريكيلمي ..


هلا والله سلطان ..

من جدك تكلم الجن .. !!
والله اثاريك موسهل ..
شف يالغالي هي وحدة من الثنتين ..
يا ان ولد خالك جالس يستهبل عليكم وما فيه الا العافية ..
او الجني واحد يعرفكم وحاب يستهبل عليكم شوي , وعاطيكم على جوكم .. وهي الاقرب ..
اذكر زرت شيخ قبل فترة .. والله بعض الاشخاص 4 ماسكينه ما قدروا يثبتونه حتى يقرا عليه الشيخ ..
والشخص رافض يتكلم بس يصارخ وانت تقول كلمته .. !!
اعوذ بكلمات الله التامات من شر ما خلق ..
وبعدين لا تخاف ما رح يجيك الا العافية ..
ولد خالك جاه مس لانه مزيون ..
انت ليش بيجيك يا حسرة ..

لا تنسى ترسل نسخة من موضوعك على الخاص..
يعطيك ربي الف عافية على الموضوع ,,