لك الله محي الشباب كلها<<ما زال يعاني من بعض الاثار الجانبيه لباب الحاره لذلك سلكو له شوي
لقد انني سوف انصحكم نصيحه
ان جا الاربعا و حسيت انك طفشان و ودك تضحك ضحك رح المملكه
لا تدخل بس مر من عند البوابه و تمتع بمناظر اسبوع الشجره
ياخي تفطس فطس حتى من قوة الضحك شوي و تلقى نفسك في نص خط الشرقيه
ولا اللبس لا تعليق يوجد
تدرون ليه؟
لأن كل التعليقات خلصت
قسم بالله تحس تنوره مهب بنطلون
الله لا يبلانا بس
يازين الثوب بس ياخي عملي بشكل كبير خصوصا ان جا وقت النحشه
ولا يجيك واحد بطيحني و يدخل به المسجد يجيه شايب يقوله تصلي بطيحني
يجي هنا يكتب الطيحني حرام
ياخي ابي اعرف هل فيه احد قال حرام
لكن الافضل انك تأتي بثوب الى المسجد احترم المكان اقل ما فيها
اتحدى واحد يروح لعرس بطيحني ولا يروح لعزيمة لأهله بطيحني
افلقني ان وجدت من سواها
خلصنا من الشحطه الاولى نجي للثانيه
الهيآط و ما ادراك ما الهيآط
خصوصاً في الشارع كانك تبي تعرف المعنى الحقيقي للهيآط عليك بطريق الامير تركي الاول و التحيله و التخصصي
يخي بالغصب بيطلع قبلك من الاشاره و هو آآآخر شي ورا و انت قدآم
الا بطلع انا قبلك اول اصدم ما اصدم بالطقاق اهم شي اطلع و ان صدمته قالك ما تشوف يالحول
هالفئه بالله محد قد شممع بخشته الي طولها 350 متر شآحن لابتوب اتش بي؟
و الله يجيبون السكر للي ما عنده سكر و يطلعون الشيب للوراعين الرضع الذين يحتاجون الحنحن
الا توافقني الرأي يا ابا صآلح؟
ولا المقطع للوراعين الي يطقون العسكر
بالله ذولي وش التربية الي تلقوها بالضبط؟
ابي اجلس جلسة صريحه مع الي رباه و اشوف وش وضعه بالضبط
يعني طيب لا تحترم انه عسكري و يؤدي واجبه فقط لكن اقلها تحترم كبر سنه و تحترم الشيب الي في راسه
ودك من يجي يقبع وجهه بشنطة طالب اول ثانوي اول ما يستلم الكتب
<<الي في اول ثانوي بيفهم قصدي
شطحه نمره تلاته
الوسوسه الزايده من انلفونزا الخنازير مين سمع بها؟
نص اهل الرياض غابو اول اسبوع ليه طيب؟
يعني نقول مثلاً خايف انها تجيك طيب رح و البس لبس الفضائيين ذاك و معقم ديتول اهم شي
لالا امزح لكن يكفي مناديل معقمه ولا معقم سائل حق ديتول
اول يوم دوام الثانوي كلهم مع المدرسين 3 سجادات صلاة بس
اول يوم طبعاً بيكون سوالف و خرابيط و تشوف الوضع شلون و كذا
لكن ثاني يوم فيه من يبدا الشرح و فيه من يتكي للأسبوع الجاي
طبعاً المواد المهمه {العلمية} مثل الرياضيات الاحياء فيزيا و طقتها تبدا من ثاني او ثالث يوم بالكثيرٍ
لأن المدرس مصري ماله صبر لآزم يشرح ولا ينتحر
اما السعودي لو بعد شهر ما عنده مشكله
نص الثانوي راحت عليهم 3 دروس تقريباً من كل ماده و هم غايبين علشان هالمرض
المكسيك الي هي اساس هالمرض الحين عايشين عادي و الشعب من دون كمامات بعد
هذا و هم اهل المرض و حنا الي ويييين و هذي حالتنا
و تأجيل و ما تأجيل و استعدآدات استعدادات مين يبوي ما شفنا غير الصوابين في الحمامات اكرمكم الله
امريكا و الدول المتغدمه ما فكرو بشي اسمه التأجيل للعام الدراسي
بس حنا يا دول الخليج
و فيه من اجل و فيه من بدا و جسمه مكسر مثلنا
و الله اول اسبوع تعب غير طبيعي
ما فيه جدول و الشنطه تجيبها كامله ما تعرف وش عليك و وش ما عليك
و الله قلق و قروشه و هم و نكد
لا و الحين زادونا حصه خلوها 9 حصص 8 حصص و معطينكم وجه و 3 حصص ما نحضرها
و الحين زدتو حصه و الدوام صار اطول الخروج الساعه 2
بالعاده الساعه 2 اكون متبطح على السرير و استمتع بهواء المكيف البارد على خشتي
و مع شطحه نمره تلاته نختتم مشوارنا لهذا اليوم
و نقول لكم صلآم ,
,
الله يعين السبت اول حصه فيزيا و الثانيه رياضيات عز الله عينا خير
>>> مصيود جيشي بترافيان
الوضع العادي
