أعوذ بكلمات الله التامات من شر ما خلق
بسم الله الذي لايضر مع أسمه شيء في الأرض ولا في السماء وهو السميع العليم
موضوع بايخ مثل ما ذكر الأخوان أصحاب المعرفات اللي تعرف تفاصيل المنتدى مع أن مشاركاتهم قليلة
وتاريخ تسجيلهم قديم لكن رغم قلة ردودهم ما شاء الله تبارك الله يعرفون معرفات أخرى دخولهم جداً قليل
ويتذكرون مواضيع حتى الأعضاء اللي ما يدخلون دايم وغير متواجدين لأنهم مشغلين مخهم وصاير لونه أحمر ما شاء الله من الذكاء المتقد والذاكرة القويه
معليش سالفة طق الحنك مع الجني مادخلت مخي لأني معطيتها تفسيرات ثانيه ما أقول أنت تسذاب حاش لله
لكن ممكن يكون هذا العقل الباطن لقريبك فأخذتوا وأعطيتوا مع بعض
بس بطاري الخوف كنت أشوف فلم رعب لحالي تحت وأسمع أصوات بالملحق حق بيتنا
أهلي كلهم فوق وأنا تحت لحالي ومتأكدة كلهم نايمين تعوذت من إبليس وسميت بالله وكملت الفلم
وقلت هالصوت تهيئات
طبعا الصوت كل شوي يزيد ومن يمكن حوالي ساعه
وأتا حطيته في الصامت
وما عاد سمعت
شوي الا أختي نازله تقول ما تسمعين قلت وش أسمع قالت الخزان يصب مويه الملحق غرق والسطح غرق والغرف غرقت
مو معقول ما سمعتي أنا وأنا بعيدة عن الموقع سمعت
طبعا قلت لها السالفة وما أستوعبت أني حطيته في الصامت وما عاد سمعت
بس والله موقف مضحك والمصيبة كملت الفلم وما جاني الا العافيه
وللأسف لقيت غرفتي تسرب لها المويه وما نمت ونزلت موضوع عن يوم الصحة النفسية العالمي
بسبب أن الخوف والأصوات لها مصدر وهالخوف والإزعاج ألهموني أنزل الموضوع
فمسألة الجن ومدري مين نؤمن بوجودهم لكن ما نفسر كل شي أنه منهم ونخليهم شماعتنا
بالحب والإشراق