الحمد لله من قبل ومن بعد ... اشتباهـ في اصابتي بـ الانفلونزا .. ابي حل !! - نادي الهلال السعودي - شبكة الزعيم

جرح يشكي · #1 02/09/2009, 07:01 AM

السلام عليكم ورحمة الله وبركاته

بدخل على الموضوع بدون مقدمات ..

من اسبوع وانا مصاب بـ حمى وزكمه وصداع والم في المفاصل وخمووول شديد في الجسم .. طلعت لـ المركز التخصصي الطبي .. وعطوني مغذي وصرفوا لي مسكنات .. امس زادت الالام اكثر واكثر .. وتحققت علامات الاصابه بـ الانفلونزا بشكل اكبر .. درجت الحرارهـ تعدت الـ 39 .. ارتفاع في ضغط الدم .. المهم المركز رفض علاجي عنده وطلب من مراجعة اي مستشفى حكومي في اسرع وقت .. طلعت منه وتوجهت لمستشفى الامير سلمان .. اجروا لي الفحوصات الاوليه .. حراره وضغط .. واشعه للصدر .. باقي تحليل الدم ما سووهـ ؟؟ يقولون ان النتائج تتاخر ما تطلع ع طول .. وصرفاوا لي علاج يقولون انه علاج الانفلونزا ؟ اسمه flufly انا الحين وين اروح .. ابي اتطمن واطمن اهلي

.. المستشفيات الخاصه ما عندها امكانيه لـ فحص الدم الخاص بـ الانفلونزا .. والحكوميه رفضت اجراء تحليل الدم ..!!

يعلم الله اني عايش في هم ونفسيتي تعباااانه .. وصداع وارتفاع الحرارهـ .. موب انا لحالي كل اهلي قلقالين علي ..

ابي حل ؟!!!!

أحلـى هلاليه · #2 02/09/2009, 07:09 AM

لاحول ولا قوة الا بالله

شووف اخوي حاول تروح اكثر من مستشفى
عشان تسوي التحاليل
وياارب يشفيك ويعافيك وان شاء الله مافيك الا العافيه
بس حاول تخفف الحراره بقد ماتقدر
اسال الله لك العافيه

Dexter Morgan · #3 02/09/2009, 07:18 AM

ماتشوف شر حبيبي روح اكشف وانشاللة تطلع مجرد حرارة
المشكلة في الوزارة المدرسة جاية وتبي تكثر الاصابات والوفيات اكثر واكثر
اللة يستر بس

MaRoUaNe · #4 02/09/2009, 07:18 AM

الله يستر عليك ويشفيك يارب

أهم شي لاتقرب لأهلك .. وأحجر روحك بغرفه ..

أثنين من أقاربي أصيبو بالمرض وأعمارهم صغيره والحمد لله راح بعد يومين ..

بس ياخي روح للأسعاف لأي مستشفى لأن الأسعاف يدخلونك علطول على الترقيد ويحللون لك علطول ..

بس ترا المرض عادي جداً .. لايضيق صدرك ياجرح ..

وإن شاء الله مافيك شي وتكون أنفلونزا عاديه .. وتقوم بالعافيه يارب

إقتباس


	مقارنة بين انفلوانزا الخنازير والأنفلونزا العادية كفانا الله وإياكم شر المرض

إقتباس

الاعراض	الانفلونزا العادية	انفلونزا الخنازير
الحرارة	نادرة	اساسية – حرارة عاليه
السعال	مع بلغم	حاد بدون بلغم –كحة جافة
آلام الجسم والصداع	خفيفة ونادرة	حادة جدا واساسية
انسداد الانف والرشح	اساسي ويتلاشى خلال اسبوع	لا انسداد او رشح
القشعريرة	نادرة	اساسية
التعب والارهاق	خفيفة الى حد ما	اساسية – حادة وقوية
العطاس	اساسي	نادر جدا
الاعراض المفاجئة واللاحقة	تتطور بشكل بطيء مع الوقت	تتطور بشكل مفاجىء وسريع
الصداع	بسيط ونادر	قوي ومستمر
التهاب الحلق	اساسي	نادر
آلام الصدر وثقل الصدر	خفيف الى متوسط	حاد وقوي

الزعيمـ الاسيوي · #5 02/09/2009, 07:18 AM

رح لمستشفى العسكري او الشميسي او مدينه الملك فهد الطبيه وان شاء الله يعالجونك واذا تبي مستشفى اهلي شف مستشفى دله او الحبيب لاتروح الا شي مضمون ..
حاول تستعجل لان كل مااتخرت كل مازات عليك
والله يشفيك ان شاء الله

سامي فوق القمه · #6 02/09/2009, 07:19 AM

الله يستر عليك ويشفيك يارب
أهم شي لاتقرب لأهلك .. وأحجر روك بغرفه

SunStyle · #7 02/09/2009, 07:22 AM

لا حول و قوة الا بالله
أسأل الله ان يعافيك و يشفيك و يارب مايكون فيك شئ
اما المستشفيات حسبي الله عليهم ،
للأسف مدري وش الحل سوى اني أدعي لك
أهم شئ و انا اخوك لاتتأخر لو فرضنا انه فيك مو من صالحك
حاول تشوف لك حل

أسأل الله ان يعافيك

iOsαмαн · #8 02/09/2009, 07:25 AM

الله يُشفيك ويعافيك يارب .
والله يشفي جميع مرضى المسلميْن يارِبْ !
واهم شيء الٌمستشفيات الأهلية لا تروح لهٌا .
ماتنظمن والله ..

لازم والله تروح تحللّ في مدينة الملك فهد أو العسكري ,
والله يشفيك .

\

abo fahad · #9 02/09/2009, 07:28 AM

قل لن يصيبنا الا ما كتب الله لنا

الله يشفيك اخوي وماتشوف شر حاول تعزل نفسك عن اهلك وعليك بالدعاء ون شاء الله قدامك العافية يالغالي وعقبال ما تبشرنا بشفائك من المرض

abo_nasser · #10 02/09/2009, 07:33 AM

لا اله الا الله

ما يحللون الدم عشانه ياخذ وقت طويل...بالله هذا عذر..؟؟
حسبنا الله عليهم..حسبنا الله عليهم

محمد..

حاول الله يسعدك ويشفيك تشوف مستشفيات غيرها..ولا تتعب نفسيتك ولا توسوس ان شاءالله انها بسيطه

اسأل الله العلي العظيم ان يشفيك..

سلااااااااااااااااااااااااااااااااااام

.,. SoOSoO .,. · #11 02/09/2009, 07:35 AM

الله يشفيك و يعافيك و يريح باالك

وحاول تسرع بالعلاج و ان شااء الله تقووم بالعافيه

شـــذى · #12 02/09/2009, 07:36 AM

طهور ياجرح واجر وعافية
ولا تشيل هم بإذن الله بسيطة
وترانا معطين انفلوانزا الخنازير أكثر مما تستحق
وربي 2 من قرابتي اصيبوا فيها وربي كتب لهم العافية
وترى صحيح نتائج التحاليل ماتطلع بسرعة
بس اللي أنا مستغربته ليش ما نومك بالمستشفى ؟؟؟؟
هم قالوا لك معك المرض والا أنت تتوقع اصابتك ؟؟؟
والله اللي من اقاربي من أول ما راحوا للطوارئ نوموهم
وبعد ما طلعت النتيجة تؤكد اصابتهم نقلوهم للعزل
عموماً تطمن وطمن أهلك والله المرض مو بالصورة اللي مضخمتها وسائل الإعلام
روح لمستشفى حكومي واطلب انك تتنوم واعقلها وتوكل
وما فيك إلا العافية بإذن الله

المجازف الازرق · #13 02/09/2009, 07:44 AM

وعليكم السلام ورحمة الله وبركاته

بحثت عن العلاج ولقيت موقع أجنبي كاتب عنه

من ضمن ما كتب عنه إنه يوقف إنتشار الإنفلونزا في الجسم << وهذا شئ يطمن

حاول تاخذ الدواء بإنتظام ودور لك مسشتفى تحلل دمك

وأنا ماني من الرياض علشان كذا السموحة ما أقدر أفيدك بالمستشفيات

وإدع ربك في هذا الشهر الفضيل بأن يشفيك ولك منا الدعوات بالشفاء في كل صلاة

وتكفى طمنا عليك أول بأول

ولا تحاول تخالط الأهل

طهور إن شاء الله

صريح الكلمه · #14 02/09/2009, 07:47 AM

الله يشفيك يارب وان شاء الله النتائج سلبيه بأذن الواحد الاحد ,,,

وعزيزي لاتكبر الامر ترى الامر بسيط زي ماشرحو لك الاخوان ,,,

انا معي واحد في العمل صابه المرض وحمد الله امس متعشى معه مافيه الا العافيه ,,

بس وانا اخوك لاتكبر الامر وكبر الوساده على قولتهم ,,,

الله يرفع عنك ان شاء الله ,,,

كل الود ,,,

جرح يشكي · #15 02/09/2009, 07:48 AM

إقتباس


	بس اللي أنا مستغربته ليش ما نومك بالمستشفى ؟؟؟؟ هم قالوا لك معك المرض والا أنت تتوقع اصابتك ؟؟؟ والله اللي من اقاربي من أول ما راحوا للطوارئ نوموهم وبعد ما طلعت النتيجة تؤكد اصابتهم نقلوهم للعزل

النظام الجديد في المستشفيات .. يعطى المريض العلاج ويعزل في بيته .. ما عاد فيه تنويم وعزل في المستشفيات .. هذا القرار من وزارة الصحه .

الاصابه ما تتأكد الا بـ تحليل الدم .. جميع اعراض المرض فيني .. ويقول لي الدكتور انها حالة اشتباه كبيرهـ .. وقال بنصرف لك العلاج قبل ما نسوي لك تحليل لان النتايج ما تطلع الا بعد 6 او 7 ايام .. وقتها يصعب علاجها ..

الله يجزاكم خير .. واسال العلي العظيم ان يديم عليكم نعمة العافيه