الحمد لله من قبل ومن بعد ... اشتباهـ في اصابتي بـ الانفلونزا .. ابي حل !! - صفحة رقم 2 - نادي الهلال السعودي - شبكة الزعيم

Blue Sun · #16 02/09/2009, 07:51 AM

هلا والله حبيبي محمد ..

ياخوي لا تخاف ولا تشغل بالك ..
وبعدين ترى الانفلونزا العادية بعض الاحيان تطول ..
وترى الاعراض اللي معك احتمال انها راحت لكن وسوستك بالموضوع تتوقع انها لا زالت فيك ..
وحتى لا قدر الله انفلونزا H1N1 بعيد الشر عنك ..
ترام ما هو بالدرجة المخيفة اللي نسمع عنه .. عندك سامي الجابر اصيب بها وطاب ولله الحمد ..
واعرف واحد من الجماعة اصيب فيها والحمد لله اليوم هو بكامل صحته وعافيته ..
وان شاء الله هاليومين تكتب لنا موضوع انك طبت منها وكانت انفلونزا عادية لا اقل ولا اكثر ,,

اسال الله العظيم رب العرش العظيم ان يمن عليك بالشفاء العاجل انه على ذلك قدير ,,

المجازف الازرق · #17 02/09/2009, 07:53 AM

إقتباس


	. ويقول لي الدكتور انها حالة اشتباه كبيرهـ .. وقال بنصرف لك العلاج قبل ما نسوي لك تحليل لان النتايج ما تطلع الا بعد 6 او 7 ايام .. وقتها يصعب علاجها ..

يعني هالحين هو أعطاك العلاج حق إنفلونزا الخنازير

الحمدلله أجل معافا إن شاء الله

أنا على بالي إنهم لسه ما أعطوك العلاج وهذاك بس مسكن للإنفلونزا

الحمدلله الحمدلله الحمدلله

معافا إن شاء الله

الزعيمـ الاسيوي · #18 02/09/2009, 07:56 AM

خلاص دام عطوك العلاج ابد فيه وتوكل على ربك
وان شاء الله معافا يارب
واترك الوسوسه عنك تراها نص المرض

al3z · #19 02/09/2009, 08:07 AM

لا حول ولاقوة الا بالله...

الله يشفيك ويعافيك...وتقوم بالسلامه يارب...

والله انا مادري عن المستشفيات اللي تعالج...

بس وانا خوك ابعد عن اهلك..حتي يشفيك الله..

وين وزارة الصحه..

....ويقولون مستعدين للمرض

حسبي الله ونعم الوكيل

R D H · #20 02/09/2009, 08:16 AM

السلام عليكم ورحمة الله وبركاته

بالبدايه ألف سلامه عليك يارب وطهور ان شاء الله

لا تقلق يالغالي ولا تشيل هم ، أنت اعزل نفسك قدر الإمكان وواظب على الدواء اللي بيعطونك ياه .

ترا المرض خفيف ان شاء الله ،

فيه عضو برابطة ريال مدريد بشبكة الزعيم أصيب بهالمرض لكن تشافى منه وطلع بلقاء على القناة الاولى وتحدث أن المرض مو مثل مايتخيلوه الناس وانه بسيط ان شاء الله . ( حمدلله على سلامتك يا يحيى

)

انت واظب على الدواء وسوي تحليل دم . وان شاء الله انها خير .

الله يشفيك يالغالي ان شاء الله انها بسيطه صدقني ناس كثير نعرفهم جتهم الاعراض وخلال يومين تشافوا .

أما عن نظام المستشفيات . فلا تعليق !

فمان الله

f*y*d · #21 02/09/2009, 08:21 AM

هلا وغلا جرحرح هلا بالغالي

سلامات وما تشووف شر يا الغالي

المركز التخصصي رحت قسم الطوارئ ؟ ولا كيف لأنه ما عندهم هالأيام دكتور صدرية (تنفس) الا واحد اخصائي !
حسب ما سمعت ان العسكري هو اول مستشفى بتوصله لقاحات الانفلونزا مدري علاجها بداية سبتمبر
بحكم انه اكثر مستشفى فيه اصابات فيها .. فلو تعرف احد هناك او عندك ملف هناك فـ روح خلهم يصرفونلك علاج

محمد انت عندك امراض مزمنة ’؟ ضغط؟ أظن فـ المفروض ما تقصر قي العلاج وكلملك دكتور صدرية لك علاقة او قرابه معه
خله ينصحك بالعلاج المناسب أظن "تاميفلو" واللي ممنوع يُصرف الا من مستشفى حكومي لكن ممكن يكون متوفر في الصيدليات
لكن ممنوع بيعه ...يعني على بلاطة حاول تدبره وما عليك من احد (طبعا بعد استشارة دكتور) ...

مشافى بإذن الله وجعله ماجاك كفارة يا الغالي
وحاول ما تنقل العدوى لأهلك خاصةً الكبار

قلوبنا معاك وطمنا

الدنيا بلوووو · #22 02/09/2009, 08:23 AM

إقتباس

الرسالة الأصلية كتبت بواسطة جرح يشكي


	السلام عليكم ورحمة الله وبركاته بدخل على الموضوع بدون مقدمات .. من اسبوع وانا مصاب بـ حمى وزكمه وصداع والم في المفاصل وخمووول شديد في الجسم .. طلعت لـ المركز التخصصي الطبي .. وعطوني مغذي وصرفوا لي مسكنات .. امس زادت الالام اكثر واكثر .. وتحققت علامات الاصابه بـ الانفلونزا بشكل اكبر .. درجت الحرارهـ تعدت الـ 39 .. ارتفاع في ضغط الدم .. المهم المركز رفض علاجي عنده وطلب من مراجعة اي مستشفى حكومي في اسرع وقت .. طلعت منه وتوجهت لمستشفى الامير سلمان .. اجروا لي الفحوصات الاوليه .. حراره وضغط .. واشعه للصدر .. باقي تحليل الدم ما سووهـ ؟؟ يقولون ان النتائج تتاخر ما تطلع ع طول .. وصرفاوا لي علاج يقولون انه علاج الانفلونزا ؟ اسمه flufly انا الحين وين اروح .. ابي اتطمن واطمن اهلي .. المستشفيات الخاصه ما عندها امكانيه لـ فحص الدم الخاص بـ الانفلونزا .. والحكوميه رفضت اجراء تحليل الدم ..!! يعلم الله اني عايش في هم ونفسيتي تعباااانه .. وصداع وارتفاع الحرارهـ .. موب انا لحالي كل اهلي قلقالين علي .. ابي حل ؟!!!!

اولا انت وش موديك المركز التخصصي الطبي
رايح تعالج انت ولا ترقم

هاه كيف الاستقبال هناك

انا مستغرب بصراحة انا من عدم قبول حالتك لانه في تعميم من وزارة الصحة
في معالجة كل الحالات في مثل حالاتك
( بس عاد شافوا وجهك قالو ذا مو ولد شيوخ )

لحالتك نظرا انه حرارة جسمك عالية جدا جدا
واللي من المفروض انه تحاول تخفضها كثير بالكمادات الباردة
عندي سؤال مهم لك اخوي جرح يشكي
هل المستشفى اخذ منك مسحة من تجويف الفم ؟؟
لانها هي التحليل المهم جدا في كشف الانفلونزا H1N1
وتعتبر ادق واسرع من تحليل الدم

وابيك تصير نحلة من كثر من تشرب عسل
وكذلك تصير شامي من شرب الينسون لانه تحارب وتكافح المرض بسرعه وقوة

واذا في اي تطور في الحالة لا قدر الله توجهه الى مستشفى الرياض الطبي
( الشميسي ) وعند اي قصور تشوفه في الاستقبال اطلب تقابل المدير المناوب
وعاد لا اوصيك ابيك تشويه بكم كلمة

دعواتي لك بالشفاء العاجل

Qηαs SuĐeeя · #23 02/09/2009, 08:27 AM

,,

مآ تشوف شر يالغآلي ..

إن شآء الله تكون انفلونزآ عادية ..

و الله انا من قبل رمضآن والحرارة تروح و ترجع و مره 39 و نص و مره 38 و نص ..

و صرت آخذ أبر مضادة و حبوب و علاجآت و حوسة ..

لكن الحمدلله الحين تحسنت من الله ثم الابر و الأدوية ..

رح لأكثر من مستشفى لا تعتمد على مستشفى وآحد او اثنين ..

و الله يحميك و يكفيك شر الأمرآض ..

توكل على الله و ادع في صلآتك ان الله يشفيك و احنا بندعي لك إن شآء الله ما رآح ننسآك ..

عبآدي

,,

I don‘t know · #24 02/09/2009, 08:27 AM

اذا ماعالجوك ولاسووا تحليل خذ من المسكنات واقعد يومين ماحد حولك واعزل نفسك ..!

ولازم تشوف حل مع هالمستشفيات عشان ياخذون منك تحليل بالغصب..!

واذا مانفع رح لبرا الرياض ودور مستشفى

الكلاسيكي · #25 02/09/2009, 08:28 AM

ان شاء الله طهور ومافيك الا العافيه ..

وكل ماعليك مراجعة اقرب قسم طوارئ في مستشفى حكومي ..
وان شاء الله يتم عمل اللازم معك ,. ولكن خذ الحذر , واتبع التعليمات . .

كثير اصابهم المرض وشفو باذن الله ..
ربي يشفيك ويعافيك . . وتقبل ودي واحترامي ..

دمت بخير

هلالـ9ـي · #26 02/09/2009, 08:38 AM

//
//

لا حول ولآ قوه الا بالله

الله يشفيك ويعافيك يارب ويشفى جميع مرضى المسلمين

وان شاء الله طهور وآجر وعافيه يارب ..

آدعوله يا شباب وصبايا بالشفاء العاجل ,,

ولآ تنسى تطمنآ عليك يآ جرح

::

مـ ـلـ ـلـ · #27 02/09/2009, 08:52 AM

معك قلب ؟
معك سكر ؟ ضغط ؟
عندك مرض خطير لاقدر الله ؟
شايب كنت او طفل ؟

اذا كان جوابك على كل هذولي .. لا
اقضب ارضك وخلك ببيتكم بس بلا مستشفى بلا هم
خذ لك فلو تاب وريح بالك

لأنه المرض مو خطير وبالعكس الفلو العادي اخطر منه .. ولو تلاحظ كل الوفيات له للحين تصير معهم امراض ومسببات اخرى مع المرض .. مايكونون ناس سليمين

مجرد ضجة اعلاميه من شركات الادوية ..

انا اعتقد انها جتني .. وراحت

طوق الحمام · #28 02/09/2009, 09:02 AM

سلامات وما تشوف شر اخوي

وإن شاء الله تعدي على خير
بس اهم شئي في وضعك النفسية اذا كانت سيئة ما راح تقدار تساعد نفسك حاول تقوي من عزيمتك وتتفاءل ..
ويمكن بعد الفحص تطلع جميع الاعراض اللي تحس أنها اعرض الفيروس مجرد شكوك

اهم شئي عزيمتك لا تضعف و لاتستسلم للمرض ...

حاول تسكر اذونك من تهويل الناس للمرض لانك راح تسمع اشياء وخيالات وتعرف الناس اذا استلمو سالفة كيف الكل يقعد يشخص ويعطي رايه فا الافضل انك ما تسمع الا اللي يقوي عزيمتك غير كذا ابتعد عن اي شئي ثاني ...

الله يطمنك على نفسك ويطمئن جميع احبابك عليك

الله يمدك با الصحة والعافية ان شاء الله ازمة وتعدي وربي يشفيك ونسمع عنك كل اخبار طيبة

الدنيا بلوووو · #29 02/09/2009, 09:21 AM

اخوي جرح يشكي
شف انت تعرف انه المؤمن لازم يكتب وصيته
وانا بصراحة انصحك تكتبها علشان بعد عمر طويل لا قدر الله
الفيروس هذا سوى فيك شي من هنا ولا من هنا لا انه وصيتك
مكتوبه وتصير انت اول وصيه تكون مكتوبة على الشبكة العنكبوتية
وانا متاكد انه الاخوان الخضر ما راح يقصرون ويحطونها موضوع
مثبت وتصير كذلك اول وصية في موضوع مثتبت وبذلك تخش موسوعه
الارقام القياسية

ولا اقولك صح نظرا انك من محبي سامي الجابر

من الافضل انك تدور على رقمة وتاخذ التفاصيل منه
لانه الحمد لله ابو يعقوب ما اصابه المرض باسم الله عليه

هلالي من ارض اليمن · #30 02/09/2009, 09:35 AM

إقتباس

الرسالة الأصلية كتبت بواسطة جرح يشكي


	النظام الجديد في المستشفيات .. يعطى المريض العلاج ويعزل في بيته .. ما عاد فيه تنويم وعزل في المستشفيات .. هذا القرار من وزارة الصحه . الاصابه ما تتأكد الا بـ تحليل الدم .. جميع اعراض المرض فيني .. ويقول لي الدكتور انها حالة اشتباه كبيرهـ .. وقال بنصرف لك العلاج قبل ما نسوي لك تحليل لان النتايج ما تطلع الا بعد 6 او 7 ايام .. وقتها يصعب علاجها .. الله يجزاكم خير .. واسال العلي العظيم ان يديم عليكم نعمة العافيه

طهور يا محمد .. والف سلامة وما تشوف شر يا غالي

لم يعد هذا المرض نسأل الله لك العفو والعافية بتلك الخطورة كما ظهر في بدايته .. واصبحت أمكانية السيطرة عليه كبيرة جدا بعد توفيق الله .. ونقرأ دوما عن حالات عديدة جدا تمت معالجتها وشفاء من اصيبوا بها

اتبع تعليمات الدكتور الذي كتب لك وصفة العلاج وتحرى الالتزام في التعليمات .. من الجميل خلال ذلك لو بحثت عن مستشفيات أخرى لعل يكون لها دور أكثر فعالية في معالجة هذه الحالة .. ولا مانع لو اتصلت على دائرة الصحة لأستشارتهم

ان لم يكن هنالك غير هذا المستشفي فليس لك الا الصبر يحفظك ربي .. وبأذن الله ما قدامك الا العافية

طهور يا غالي

ونرجوك ان تطمنا عنك

في حفظ الله ورعايته ،،،،