الحمد لله من قبل ومن بعد ... اشتباهـ في اصابتي بـ الانفلونزا .. ابي حل !! - صفحة رقم 3 - نادي الهلال السعودي - شبكة الزعيم

f*y*d · #1 02/09/2009, 08:21 AM

هلا وغلا جرحرح هلا بالغالي

سلامات وما تشووف شر يا الغالي

المركز التخصصي رحت قسم الطوارئ ؟ ولا كيف لأنه ما عندهم هالأيام دكتور صدرية (تنفس) الا واحد اخصائي !
حسب ما سمعت ان العسكري هو اول مستشفى بتوصله لقاحات الانفلونزا مدري علاجها بداية سبتمبر
بحكم انه اكثر مستشفى فيه اصابات فيها .. فلو تعرف احد هناك او عندك ملف هناك فـ روح خلهم يصرفونلك علاج

محمد انت عندك امراض مزمنة ’؟ ضغط؟ أظن فـ المفروض ما تقصر قي العلاج وكلملك دكتور صدرية لك علاقة او قرابه معه
خله ينصحك بالعلاج المناسب أظن "تاميفلو" واللي ممنوع يُصرف الا من مستشفى حكومي لكن ممكن يكون متوفر في الصيدليات
لكن ممنوع بيعه ...يعني على بلاطة حاول تدبره وما عليك من احد (طبعا بعد استشارة دكتور) ...

مشافى بإذن الله وجعله ماجاك كفارة يا الغالي
وحاول ما تنقل العدوى لأهلك خاصةً الكبار

قلوبنا معاك وطمنا

الدنيا بلوووو · #2 02/09/2009, 08:23 AM

إقتباس

الرسالة الأصلية كتبت بواسطة جرح يشكي


	السلام عليكم ورحمة الله وبركاته بدخل على الموضوع بدون مقدمات .. من اسبوع وانا مصاب بـ حمى وزكمه وصداع والم في المفاصل وخمووول شديد في الجسم .. طلعت لـ المركز التخصصي الطبي .. وعطوني مغذي وصرفوا لي مسكنات .. امس زادت الالام اكثر واكثر .. وتحققت علامات الاصابه بـ الانفلونزا بشكل اكبر .. درجت الحرارهـ تعدت الـ 39 .. ارتفاع في ضغط الدم .. المهم المركز رفض علاجي عنده وطلب من مراجعة اي مستشفى حكومي في اسرع وقت .. طلعت منه وتوجهت لمستشفى الامير سلمان .. اجروا لي الفحوصات الاوليه .. حراره وضغط .. واشعه للصدر .. باقي تحليل الدم ما سووهـ ؟؟ يقولون ان النتائج تتاخر ما تطلع ع طول .. وصرفاوا لي علاج يقولون انه علاج الانفلونزا ؟ اسمه flufly انا الحين وين اروح .. ابي اتطمن واطمن اهلي .. المستشفيات الخاصه ما عندها امكانيه لـ فحص الدم الخاص بـ الانفلونزا .. والحكوميه رفضت اجراء تحليل الدم ..!! يعلم الله اني عايش في هم ونفسيتي تعباااانه .. وصداع وارتفاع الحرارهـ .. موب انا لحالي كل اهلي قلقالين علي .. ابي حل ؟!!!!

اولا انت وش موديك المركز التخصصي الطبي
رايح تعالج انت ولا ترقم

هاه كيف الاستقبال هناك

انا مستغرب بصراحة انا من عدم قبول حالتك لانه في تعميم من وزارة الصحة
في معالجة كل الحالات في مثل حالاتك
( بس عاد شافوا وجهك قالو ذا مو ولد شيوخ )

لحالتك نظرا انه حرارة جسمك عالية جدا جدا
واللي من المفروض انه تحاول تخفضها كثير بالكمادات الباردة
عندي سؤال مهم لك اخوي جرح يشكي
هل المستشفى اخذ منك مسحة من تجويف الفم ؟؟
لانها هي التحليل المهم جدا في كشف الانفلونزا H1N1
وتعتبر ادق واسرع من تحليل الدم

وابيك تصير نحلة من كثر من تشرب عسل
وكذلك تصير شامي من شرب الينسون لانه تحارب وتكافح المرض بسرعه وقوة

واذا في اي تطور في الحالة لا قدر الله توجهه الى مستشفى الرياض الطبي
( الشميسي ) وعند اي قصور تشوفه في الاستقبال اطلب تقابل المدير المناوب
وعاد لا اوصيك ابيك تشويه بكم كلمة

دعواتي لك بالشفاء العاجل

Qηαs SuĐeeя · #3 02/09/2009, 08:27 AM

,,

مآ تشوف شر يالغآلي ..

إن شآء الله تكون انفلونزآ عادية ..

و الله انا من قبل رمضآن والحرارة تروح و ترجع و مره 39 و نص و مره 38 و نص ..

و صرت آخذ أبر مضادة و حبوب و علاجآت و حوسة ..

لكن الحمدلله الحين تحسنت من الله ثم الابر و الأدوية ..

رح لأكثر من مستشفى لا تعتمد على مستشفى وآحد او اثنين ..

و الله يحميك و يكفيك شر الأمرآض ..

توكل على الله و ادع في صلآتك ان الله يشفيك و احنا بندعي لك إن شآء الله ما رآح ننسآك ..

عبآدي

,,

I don‘t know · #4 02/09/2009, 08:27 AM

اذا ماعالجوك ولاسووا تحليل خذ من المسكنات واقعد يومين ماحد حولك واعزل نفسك ..!

ولازم تشوف حل مع هالمستشفيات عشان ياخذون منك تحليل بالغصب..!

واذا مانفع رح لبرا الرياض ودور مستشفى

الكلاسيكي · #5 02/09/2009, 08:28 AM

ان شاء الله طهور ومافيك الا العافيه ..

وكل ماعليك مراجعة اقرب قسم طوارئ في مستشفى حكومي ..
وان شاء الله يتم عمل اللازم معك ,. ولكن خذ الحذر , واتبع التعليمات . .

كثير اصابهم المرض وشفو باذن الله ..
ربي يشفيك ويعافيك . . وتقبل ودي واحترامي ..

دمت بخير

هلالـ9ـي · #6 02/09/2009, 08:38 AM

//
//

لا حول ولآ قوه الا بالله

الله يشفيك ويعافيك يارب ويشفى جميع مرضى المسلمين

وان شاء الله طهور وآجر وعافيه يارب ..

آدعوله يا شباب وصبايا بالشفاء العاجل ,,

ولآ تنسى تطمنآ عليك يآ جرح

::

مـ ـلـ ـلـ · #7 02/09/2009, 08:52 AM

معك قلب ؟
معك سكر ؟ ضغط ؟
عندك مرض خطير لاقدر الله ؟
شايب كنت او طفل ؟

اذا كان جوابك على كل هذولي .. لا
اقضب ارضك وخلك ببيتكم بس بلا مستشفى بلا هم
خذ لك فلو تاب وريح بالك

لأنه المرض مو خطير وبالعكس الفلو العادي اخطر منه .. ولو تلاحظ كل الوفيات له للحين تصير معهم امراض ومسببات اخرى مع المرض .. مايكونون ناس سليمين

مجرد ضجة اعلاميه من شركات الادوية ..

انا اعتقد انها جتني .. وراحت

طوق الحمام · #8 02/09/2009, 09:02 AM

سلامات وما تشوف شر اخوي

وإن شاء الله تعدي على خير
بس اهم شئي في وضعك النفسية اذا كانت سيئة ما راح تقدار تساعد نفسك حاول تقوي من عزيمتك وتتفاءل ..
ويمكن بعد الفحص تطلع جميع الاعراض اللي تحس أنها اعرض الفيروس مجرد شكوك

اهم شئي عزيمتك لا تضعف و لاتستسلم للمرض ...

حاول تسكر اذونك من تهويل الناس للمرض لانك راح تسمع اشياء وخيالات وتعرف الناس اذا استلمو سالفة كيف الكل يقعد يشخص ويعطي رايه فا الافضل انك ما تسمع الا اللي يقوي عزيمتك غير كذا ابتعد عن اي شئي ثاني ...

الله يطمنك على نفسك ويطمئن جميع احبابك عليك

الله يمدك با الصحة والعافية ان شاء الله ازمة وتعدي وربي يشفيك ونسمع عنك كل اخبار طيبة

الدنيا بلوووو · #9 02/09/2009, 09:21 AM

اخوي جرح يشكي
شف انت تعرف انه المؤمن لازم يكتب وصيته
وانا بصراحة انصحك تكتبها علشان بعد عمر طويل لا قدر الله
الفيروس هذا سوى فيك شي من هنا ولا من هنا لا انه وصيتك
مكتوبه وتصير انت اول وصيه تكون مكتوبة على الشبكة العنكبوتية
وانا متاكد انه الاخوان الخضر ما راح يقصرون ويحطونها موضوع
مثبت وتصير كذلك اول وصية في موضوع مثتبت وبذلك تخش موسوعه
الارقام القياسية

ولا اقولك صح نظرا انك من محبي سامي الجابر

من الافضل انك تدور على رقمة وتاخذ التفاصيل منه
لانه الحمد لله ابو يعقوب ما اصابه المرض باسم الله عليه

همس الحراااير · #10 02/09/2009, 09:46 AM

الله يشفيك اخوي عليك بالدعاء الله يرفع عنك البلاء

hilalemooot · #11 02/09/2009, 01:55 PM

السلام عليكم

سلامتك ما تشوف شر يا غالي .. زي ما قالوا اللي قبلي .. المرض سهل علاجه بمشيئة الله .. خذ العلاج اللي قالوا لك عنه و ان حصل معه علاج تاميفلو زي ما قال فيّاض

:

إقتباس


	تاميفلو (أوسِلتاميفير) مضاد للفيروسات فمويّ لمعالجة أو لتجنّب الإصابة بالإنفلونزا (عدوى تشبه الزكام يسببها فيروس الإنفلونزا). وهو ينتمي إلى مجموعة من العقاقير التي تدعى مثبط النيوروأمينيداز. هذه العقاقير تهاجم فيروس الإنفلونزا وتمنعه من الانتشار داخل الجسم. يعالج دواء تاميفلو الإنفلونزا التي تسبب من جذورها، ولا يقتصر فقط على إخفاء عوارضها. كل كبسولة من دواء تاميفلو (لونها رمادي / صفراء فاتح) تحتوي على 75 ملغ من المادة الفعّالة ويجب تناولها عن طريق الفم.

اهم شي وانا اخوك ابعد عن اهلك و العايلة ولا تختلط بأحد اعزل نفسك بغرفة .. وان شاء الله خلال يومين مع العلاج راح تحس بتحسن وتتشافى منه نهائياً

طمنا يا غالي .. معافى إن شاء الله

براهيم ابراهيم

اذا ممكن المقطع حق يحيى لاني دورته مالقيته واخبر ان الشباب نزلوه بس مدري وين

.. علشان الفايدة فيه كلام مفيد عن المرض وطريقة علاجه

حتى ظلالي هلالي · #12 02/09/2009, 10:29 AM

محمد

تكفير ذنوب ان شاء الله ..
وترى مايذبح الا كثر الوسوسهـ

واسأل خبيرهـ بعد

توكل على ربكـ ومابيجيك الا الي مكتوب لكـ ..
حط ببالكـ ان كلها انفلونزا بسيطهـ بتتعالج منها وماكأن شي صار

الله يشفيكـ ويحميكـ ويحفظكـ ..
ويخليكـ لعين ترجيكـ

ABO-SAAD.K.S.A · #13 02/09/2009, 10:52 AM

الانفلونزا الخنايز مثل الانفلوزا العاديه الا بـ فرق خفيف

المرض ما ينخاف عليه الا الي عليه امراض مزمنه

عاشـ يـ 20ــاسرــــق · #14 02/09/2009, 11:15 AM

لا بأس عليك وطهور ان شاءا لله واظب على الوصفه اخوي من الطبيب
ولا داعي للخوف توكل على الله وابتعد عن الوسوسه . عليك بالدعاء والاستغفار ..

ادعوا لك بالشفاء العاجل واجر وعافيه ...

مطيع · #15 02/09/2009, 01:11 PM

ما تشوف شر ياخوي

والله يعافيك من هالاعراض وتقوم بالسلامه

والله يشفي مرضانا ومرضى المسلمين ويرفع عن المسلمين هذا المرض وكل الامراض والاوبئة