.. :: وش مســــوين يا شبـــــاب .. !! >> البنات يطلعون منها تكفون :d :: .. - صفحة رقم 3 - نادي الهلال السعودي - شبكة الزعيم

Rio 5 · #1 01/08/2009, 02:28 AM

مفهوم العائلة في العالم : اب + ام = ابناء

مفهوم العائلة في السعودية : انثى

والله تعبت من جد ومن التعب والطفش والزهق هربت للشرقيه حفاظاً على حياتي من الطفش القاتل

انا : ياخي تكفى بس بدخل اخذ لي شغله للاب توب حقي واطلع !!
سيكيورتي الفيصليه: ممنوع عوايل + برمودا ممنوع !!!!

سيكيورتي المملكه : اطلع انت واخوياك ولا ترا بوديكم للاداره !!

سيكيورتي لوكا لايزر : ممنوع توقف انت واخوياك ( يعني لازم نمشي ممنوع الوقوف )

زبدة كلامي ان كل مكان طفشت منه وكل السيكيوريتيين الافاضل حفظوني حتى واحد يقولي ياخي انتم كل يوم هنا يلا اطلعوا

يعطيك العافيه على الموضوع والله شيء يقهر

الخواف · #2 01/08/2009, 02:32 AM

السعـــــــــــــــــــــــــاده في القـــــــــــــلــــــــــــب
كم من انسان اتيحت له جميع انواع النعيم
وفي النهايه
يقول طفشان
وينتحر
؟؟؟؟؟؟؟؟؟؟؟؟؟؟؟؟
نسال الله النعيم المقيم
امين

al_fnan14 · #3 01/08/2009, 02:58 AM

هههههههههههههه

والله مساكين اهل الرياض

احنا عندنا في جده الشباب

فالينها بمصاخه

لو تشوف

العرب موول

والله ان اشكالهم تضحك

طيحني وشحطني

وما ادري وشو

الغدير الازرق · #4 01/08/2009, 03:06 AM

والله وانا اخووك غالبية اللي يقولون طفش
ابي اسأل متى ينام ومتى يقوم ؟؟

وشي ثاني .. الواحد يسهر وينام وتطوفه الصلوات
ويقوم من النوم ويجمعها تقل تراويح .. وتبيه يكون سعييد
وتبيه مايطفش ومايحس بضيقة مستحيييل ،،

وكلنا بالهواء سواء وانا اخووك بالنسبه لي اغلب وقتي في البيت
انا مخصص 3 ايام بالأسبوع اطلع فيها مع خوياي وهم عارفين هالشي
ويدرون إذا دقوا علي ابكرشهم

وباقي الأيام مع الأهل إما في البيت
وجمعه عائلية وإلا عالنت وإلا أفلام ومسرحيات ومن هالقبيل ،،

صحيح ساعات تحس بالطفش وملل لكن تأكد إن الخلل بروتينك اليومي
حاول تجدد حاول تضيف شي جديد لروتينك .. ياخوي اطلع خارج الرياض
مثلاً رح جربع انت وخوياك تحس بإثارة وانت تجربع

وعلى طاري الأسواق والله انا من الناس اللي ماحبها واكرهها إلا للضرورة
إذا إني محتاج غرض ما .. حتى إني اشيل هم السوق لاقالوا اهلي ودنا له

وماشوف فيها أي أهمية للشاب إنه يدخلها وإلا يتمشى فيها بدون غرض
والغالبية يدخلها لحاجه في نفسه

وبالنسبة للبنات والله هالضعوف هم اللي لابغيت تسأل عن مصطلح الطفش
بتلقى الجواب عندهم

يعني لامقارنة بين الشاب والبنت .. الشاب يقدر يتحكم
بروتينه بنفسه .. لكن البنت روتينها ربما يكون مقترن مع روتين أهلها أو خواتها ،،

كل الشكر لك ميسي

Qηαs SuĐeeя · #5 01/08/2009, 04:10 AM

..

أهلين و سهلين بالغآلي ليو ميسي ..

نور المجلس يا عسل ..

اول شي ليش حآط في العنوآن الصبايآ اطلعوآ منها ..

حرآم عليك و الله الصبايآ عندهم افكآر حلوه يمكن يعطونك افكآر و اشيآء تونسك ..

لا تتعودهآ ترى بنآت المجلس زعولآت ..

ايه نرجع لمحور حديثنآ ..

عوائل , عوائل , عوائل , عوائل ..

يآآآآآآآآآآآهـ يا هالكملة طفشت منهآ ..

كل ما قابلت واحد يقول طقش و ملل اقول له ليِش ؟ يقول كل ما رحنآ مكان قآلوا عوائل عوائل ..

لا والمشكلة شبابنا يتجهون للتفحيط و اشياء تافهه و الحجة ان كل الاماكن عوائل و ما عندنا شي نسويه و اتجهنا لهالشئ..

الله يعآفيهم و لا يبلانآ ..

تدري ليش الشبآب يطشفون و يملون ..

لانه في كل يوم نفس الروتين ما يتغير نوم و نت و اكل و بلايستيشن و نوم و نت و اكل و بلايستيشن ..

تبغى نصيحتي سو دورية مع اخوياك كل يوم عند وآحد في بيته تجتمعون بعد صلاة العشاء و فلوهآ ..

و اهم شي يا شبآب الصلآة ..

الاكيد ان اغلب الشباب و البنات يسهرون ما قلنا شي اسهروا على كيفكم ..

بس اهم شي الصلاة في وقتها ..

عـوآفي خيو ..

آسف على الإطآلة ..

سم <<

~
و يآرب اجعل حياتك كلها سعآدة و فرح و يبعد عنك الاحزآن و الملل و الطفش و كل اعضاء منتديات الزعيم وكل المسلمين يآرب ..

فمآن الله ..

~

..

R.o.y · #6 01/08/2009, 06:35 AM

اسمعني وانا أخوك

اصلاً اصلاً اصلاً .. انت بالسعوديه تحديدا بالرياض

مالك أمل

تبي الحل ؟ شف ترا مهب بس حنا الشباب ..
حتى البنات .. يعني بالعربي السعوديه كلها بكبرها ( تطفش ) مافيها شي ! فقط منازل

واسواق وانت بعد تبي تدخل السوق وش تقعد تسوي طفش اعرف السوق للتسوق وليس لتمشي
والبنات ترا ماعندهن الا السووق

اليوم : سوق
بكرا: سوق
بعده : سوق .. وهكذا وتمضي الايام في الاسواق

احسني طلعت برا الموضوع

المهم يا أخي ياعزيزي ترا ماحولك أحد
الحل
تهاااااااااجر برا السعووديه
حياة الشعب السعودي ماتطلع اييي فايده

نوم أكل تفلها مع أخوياك ترجع البيت نت ثمن نوم بسسسسسسسسسسسسس
شي يوجع الراس

يالله الله يعين ان شاء الله

الممكله العربيه السعوديه كل أبوها تطفش

مع السلامه

the king yasser · #7 01/08/2009, 09:53 AM

والله وانا اخوك حالتنا صعبه

ياشيخ انا واخوياي من الطفش صرنا نروح مقهى سمر ونلعب بلايستيشن 3 وهو عندنا بس كذا تغيير جو

وصرنا نباري شباب والي ينهزم يحاسب عـ القيم

ياشيخ مالنا الا مخططات الصحافه والا دوجان بهالشوارع

The Evening · #8 01/08/2009, 01:17 PM

السلام عليكم ورحمة الله وبركاته ..

كنك مطولها وهي قصيره

شفت رغم هالطفش كله لاتسمع كلام الي يقولك مالك حل غير الزواج <اهم شي ببالي وابغى اقوله

ترى طفش الزواج ضعف هالطفش

واذا واصل الطفش حده معاك افتح شباك غرفتك وصآآآرخ لين الي يطلع اللي في نفسك كله

وصح بتلاقي الجيران عند ابوك يشتكونك لكن المهم ان الطفش طار مع الصراخ

‎βαƦ¢α 4 ξνξƦ · #9 01/08/2009, 10:52 PM

BACK

السلام عليكم ورحمة الله وبركاته من جديد ...

يعطيكم العافيه على هالتفاعل الطيب والملحوظ ماتوقعته بيكون كذا

... وشكر لكل من عطانا رايه ودلنا على المكان الصحيح

...

تعليقي على جميع الردود

:

мя.ħάίţħάм

اي والله انك صادق هذا اللي قاهرني حتى بالسوق حقنا لحقونا وكاشفين من زين الطبايع

واذا جو لحالهم دخلوهم واحنا لا ... بالنسبة لفكرتك يخوي والله مانبيها ونبي نبعد عنها بس شكل مالنا الا هي بالاخير

هلالية لعيونه

اي والله قهر وبس يكفي ان الزرار الاول تبعي مفتوح يقول سكره

حظكم بس .. والله اني اطامر ابي جده غير

سلميلي عليها بس

وان شاء الله ابجي بالعيد .

20 الكاسر ياسر 20

على هالجو يازين السطح بس

القيصر رهيب

اكيد يالغلا ماقلنا ان البنات مايطفشون واحنا نطفش .. لكن بقول ليه ما يتنوع كل شي ويكون بيننا وبينهم .. نبي كل شي يكون بيننا زي مالهم لنا .. ادخل الحكير لاند ماتفتح الا ربوع وخميس من8-12 وش اسوي فيها بعز الحر انا بالله

والفانتزي تدخل وعايلتك ويسكرون مدينه الالعاب يخلونها بنات بس

واذا لعبت كوره يقولون لا واذا مشيت قال رح اجلس

ميب حاله والله .. واذا تتكلم على الدورات والله اني مفكر فيها وقلت ابخش لكن مالقيت وفيه وحده برمضان بسجل فيها باذن الله .. وانا من النوع اللي يطفش هذاني لي سنه عاطل بدون طفش .. وكل هاللي قلته سويناه وابشر من اللحين بحاول انوم واغير جو من اليوم وطالع .. يعافيك ربي على هالرد الكافي والوافي

محمد 22

فيه مخططات كثيره لكن حدائق قليله للأسف واذا لقيت كلها فل ومليانه ..

وسن الهلالية

والسفر سهل بالله عليك .. والزواج كلن بيرضى لك كلن مايبي الا 100 الف على بنته ويالله

.. واذا على الاسواق بس انتوا تدخلون بسهوله وتقدرون محد يقولكم شي اصلن كنها مو عوايل كنها بنات بالعربي .. اما احنا مافيه امل الا الصبحيه ويالله ..

weهلالي

ممكن معاك حق هنا بالرياض كل شي مأخوذ بتشدد وكلن يدور المشاكل

وبقولك انا مو من النوع اللي يطفش لكن ابي لي اماكن تونسني بعد ..

إحساس خالد

يعافيك ربي وجدولك حلو والله ومجمع الظهران ابشرك دخلته من اسبوع لمن رحت الشرقيه مدري كيف مادريت انه عوايل

شكلنا صايرن غلط بين مليون بنت الا حنا شباب

ويظفنا السكرتي يقول بوابة 6

يوم درينا انه مخرج تمشينا وطلعنا بانفسنا يقالنا ما انطردنا يعني

ونطلع ونلاقي 10شباب مسنترين عند البوابه

.. كانت ليلة حلوه ذاك اليوم

ونقطتك الاخيره والله جامده وبجمع فلوس الني اطلع واصرف على سنع

عقد الياسمين

يعافيك ربي وصادقه والله لكن ترى بقولك البلاي شتيسن والنت مو كل واحد يبيها .. يعني مثلن بقولك مافيه الا منتديات الزعيم اخشها وماظنيت بخش غيرها

.. وعندي كم شريط جديد شاريها ولا العبها .. ومن ناحية الصلاة صادقه والله وانا كتبتها باخر الموضوع هي وطاعة الوالدين الحمدلله ..

متلثمة بالشماغ

يااااااحظكم بس

يلا بجيكم بالعيد احتريني بس

البرنـــــــس كاكا

الله يعافيك

وبفكر بمووع الحياة مول

بس حرام عليك لا ما اقصد لايدخلون البنات من الطفش والغبنه بس

والا حياهم جميعا مانستغني عنهم

..

الـــــــــــوان

يعافيك ربي .. وبالنسبة لموضوع الدورات سبق وان فكرت فيها وماني مخلص الاسبوع الا وانا متممها ماعليك

وانا مو النوع اللي يطفش لكن ابي اماكن كثيره وترفيه واجد عشان نستانس وننوع لأن لو تفكر فيها مافيه الا كوره بالشارع حتى

وجلسات ..

الصقر الراحل

الله يعينك شكلك اطفش مني

‏Mr.RęLǻҗ

والله كننا نسويها دوري بلاي ستيشن وانتقالات وهبال ونلعب كل يوووم

لكن اللحين لمن غلبتهم كنسلوه

الشرقيه توني راجعن منها قبل اسبوعين

حلوه والله لكن خل عنك تراها حقت يومين ثلاث

Mr.pHp

طفشنا من الكوره والله .. شكلي بلف على شريط الحرب وكول اوف ديوتي يمدحونه

> شطحه

لكن نبي غير البلاي ستيشن

..

هلالي معالي

باذن الله بيتحقق حلمي بالسفر .. والبدايه من دبي باذن الله

..

همسه : لكن تعال على وش تبارك لي وش اللي جاني ؟؟

al3z

والله انك صادق وهذاني بفكر في هالشغلتين .. سفر ونادي باذن الله ..

الغرناطي

خخخـ تصدق فكرت فيها واستانست يوم قلت الثلاثيه

.. والله انك صادق وعلى الاقل احسن من روما >> مسوي مايحب روما

.. وقلت لك ماني من النوع الي يطفش لكن ابي انووع ..

N ALRASH

قدام

رعبوبة الزعيم

افكارك حلوه

لكن عدا فكره وحده اللي ماعنده بحر وش يسوي يروح للوادي يعني
كان هنا

والدورات بفكر فيها

.

كان هنا

اي والله صادق

.. بازين ببيوت الشباب هالي حاطينها

yazeed.k.a

وهولتسن وين راحت

K I N G . M I L A N

يعافيك ربي صديقي ادري انك شريكي بالطفش

نكمل سوالف بالمسن

Manchester Lover

إقتباس


	مفهوم العائلة في العالم : اب + ام = ابناء مفهوم العائلة في السعودية : انثى

اي والله ان صااااااااااادق بهالكلمه

ماقصرت يالغلا ..

الخواف

الله يعافيك ..

al_fnan14

بجيييييكم

الغدير الازرق

الله يعافيك .. وطبعا كلنا كسولين ومافيه احد مايفوت صلاة للأسف .. لكن لازم كل واحد يعدل نفسه والزم ماعليه طاعة ربه ورضا والديه .. لكن شوف البنت لابغت الشيء كم من بيسويه لها .. واحنا حتى وظايف برواتب قليله ماقلنا نبي 5 وفوق مافيييه

عاشق البلوز 1

خخخـ حطمتني توي بفكر فيها

Qnas Sudeer 20

الله يعافيك .. والتفحيط والله مالي فيه

لكن مالنا الا الشوارع اولا واخيرا

والله يعافيك على الدعوه ويسعدنا ويسعدك جميعاً ..

ماجد مقبل

صح بدددددددنك

يبيلنا بحر وبس

R.o.y

يلا مشينا بس

the king yasser

من جد

انت بسمر وانا بالجماهير

امش تعال خل نباريك

..

The Evening

خخخخخخخخـ لاولله الزواج مابه طفش بس انت اللي اختر لاتخلي احد يختار لك عشان تستانس

********
********

يامال العافيه جميعا والله

واسعدتني ردودكم وان شاء الله الكل يستفيد منها ويعمل بها ... ومثل ما قلت لكم اهم شي لايطلع الواحد عن طاعة ربه ورضا والديه والصلاة ...

********
********

لكن شباب بس ما فضفضنا وكل واحد قال اللي بقلبه

خلونا نغير مسار الموضوع .. ونبي كل واحد يحط لنا اماكن للشباب سواء يروح لها والا مع اخوياه عشان نستفيد منها ..

مثلا الفيصليه والمملكه بسئل متى اوقات الشباب فيها ومتى نقدر نخش ويبي لها واسطه والا

وفيه مكان امس رحت له والله مرررررره جاامد ويصلح جلسات وشوي وفلله ... حول الدرعيه الجديده . فيه مسار لوادي حنيفه .. عند مزارع بعض الامراء قبالها اظن .. كلها منوره حتى النور خفيف وجلساته رومنسيه

لايفوتكم روحوا له .. حتى فاضي مافيه احد وتوه جديد يزينون فيه للحين يعني محد يدري عنه ...

وفيه صالة البولينج اللي حول مركز الملك فهد الثقافي مدري اذا يدري عنها بعضكم والا .. بصررراحه حلووه وجامده واروح لها بشكل اسبوعي تقريبا اذا ماصار اكثر لازادت الخرمه

..

وتراها للشباب والبنات >>> شفتوا يا معشر البنات هذا اللي اقصده زي مالنا لكم بعد .. يوم حطووها للشباب ذكروكم وحطوها لكم .. اما حنا ماذكرونا بشيء

هذا اذا ما صارت حقتكم بعد احسن من حقتنا

ماستبعد منها شي

.. اما حنا الحكير لاند وبعز الحر بعد

يالله شباااب طولنا عليكم وكل واحد يقول لنا اللي يروح له ...

شاكر لكم للمرره الملييون على هالتفاعل الحلووو والله وان شاء الله ما ثقلت عليكم ...

برايفت ##

للبنات لايزعلون مني ترا قلتها بالعنوان من زود القهر بوقت الموضوع بس

.. والا حياكم اي وقت .. الا بنات المجلس عاد

ســــ

ـــلاموو

ووووووووووو

وووووووووووو

MiLaN_3 · #10 02/08/2009, 12:03 AM

الف شكر لك على هذا الموضووع اللي جاء على الجرح .. وفعلا طرحت مشكله تحتاج لـ حل

لكن برائي ان المجتمع متصور ان الشاب السعودي وحش كاسر

- معليش على هذا التعبير - يعني مثلا لما تلقى سائق تاكسي سعودي ينزلوون على طول حتى لو ما نطق ولا كلمه

.. لكن لما يصير هندي لا يكوون فيه ثقه عمياء

..

ومثل ما قلت مشددين على الشباب - كلهم سواء خيرهم او شرهم - و مانعينهم من ابسط حقوقهم وهو التجول في اماكن بلادنا السياحيه و الحجه خايفين من التحرش ..مع ان فيه - بعض - البنات يفوقون بعض الشباب المنحرف بـ المعاكسات و الأمور هذي

إقتباس


	7 - واحد صاد عنك لاحس ولاخبر ولاتشوفه وعابد هالافلام عباده حتى مفرشه جنب الكميبوتر من زود الخرمه .

يا ولد والله اشك انك كاتبها وتقصدني فيها

..

انا ما كنت احب الأفلام كثير .. لكن من الفضاوه صرت اتابعها هالأيام ..

وبرنامجي اقوم الساعه 11 .. و انقز ادور لي فيلم و احمله .. و إذا جاء وقت السهره اروح اتابعه وعلى هالمنوال

..

لكن اغلب يومي على النت او التلفزيون او نووم وهذي هي

.. وقليل ما اطلع لأنك عارف هالعوائل ماخذين الجو كله

..

ومشكوور مره اخرى على هذا الموضوع

اخووكـ :: ماجد

الشوكاني · #11 02/08/2009, 12:27 AM

ياشيخ اي طفش بكرا حفل ابو نوره وتقول طفش ياشيخ من قوة الحماس بروح الحين اجلس عند باب الصالة الرياضية لين ماتفتح بكرا لاكن الله يعين بكرا اول ماتخلص الحفلة يجيك الطفش ويردد انا راجع اشوفك سيرني حنيني اليك الله يخارجنا بس

!. مجنون في زمن العُقلاء .! · #12 02/08/2009, 01:11 AM

وَ عَليكمْ السَلامْ وَ رحمَة اللهِ وَ بَركاته

يَاعزيزيْ .. المسأله لَيستْ مُتَعلِقة بـِ مَلئ وَقتْ الفَراغ وَ حَسبْ

إنَما بـِ كَيفية مَلئه وَ قضائه

البَعضْ يَملئ فَراغه بِمَا يُغضِبْ الله عَزّ وَ جَلْ

وَ بالتَاليْ لنْ يَشعر بالرَاحه نِهَائيا ً

أنَا شَخصيا ً مِنْ سُكانْ المِنطقة الشَرقية

وَ بِما أن التِجوالْ فيْ مُعظمْ مُجمعاته الشَرقيةْ غيَر مَشروط

وَ عَلى رأسْ هَذهِ المُجَمعاتْ .. أسواق الراشدْ

تَجدْ مُعظمْ الشَبابْ لا يَحرصونْ عَلى التَردد عَلى هَذهِ المُجَمعاتْ

كَونَه مَسموحا ً .. وَ لكنْ إن مُنِع ْ

سـَ تَرىْ أصواتا ً تَتعالىْ مُطالِبه بالسَماح لـ مَعشر الشبَابْ بـِ دخولها

وسـَ نَجد مَن يَتَسائلْ .. أينَ نَذهبْ

جَرت العَاده بأنّ كلْ مَمنوع مَرغوبْ

وَ صدقنيْ إن سُمِحَ لكمْ بالرياض بذلك

سـَ تُكرر الذَهابْ لـِ هَذِهِ الأسواق مَراتٍ قليله

وَ بَعدها سـَ يَعود مُسلسلْ المَللْ

وَ لا يَفوتنيْ تَذكيرك بأهمية تَرتيبْ وَقتكْ

وَعلىَ سَبيل المِثالْ لا الحَصر

لِمَا لاتُخصص وَقتَاً بَعد العَصر مَثلا ً

وَ تَلتحق بأحد الصَالاتْ الرياضية

حَتى وإن كُنتَ لا تُعانيْ مِنْ أي سُمنه

سَتجد مَاتَفعله فيْ جزء مِنْ يَومكْ

لا أود الإسهَابْ وَ لكنْ ثق تَماما ً بأن طرق ملئ الفَراغْ كثيره

وَ لكنْ إبحث عن الكيفية لـِ ذلكْ

دُمت ..

موديل توب · #13 02/08/2009, 01:16 AM

الي قال مفهوم العائلة

عند العالم ( اب + ام = ابناء )
وعند السعوديين ( انثى )

كفو والله انك جبتها في الصميم

صدقني الكل يعاني من هالمسألة ولا ياليت المشكلة هنا المشكلة الآن تشوف البنت في السوق مع اهلك تخز فيك وانت ياشاب اتح على وجهك ونزل راسك

يعني شيء فضيع توني قبل شوي راجع من السوق مع الأهل

وربي شفت حرمه ماشفت لون بشرتها والله اني استحت اطالع فيها تعرفون ليش ؟

لانها محترمه نفسها ماهي الي لابسه على الكتف ومخصر ويالله هيه انت طالع فيني

آه تطلع من القلب

وينك ياملك الانسانيه

تجي تحس فينا

بتقولي برنامجي اليومي هذا برنامجي

ممزوج بصحية وبالكسلية

انام الساعه 6 او 7 حسب اثارة الفلم اذا كانت نهايته راح تخليني احلم بالباقي راح اكمل الحلقة الي بعدها

ومن ثم انام اصحى على الساعه 1:30 واحياناً 2 واحياناً 3:30 واحياناً 5 اذا خربت وماني طايق احد

اقوم اخذ شور واطقطق شوي افطر العصر

ومن ثم اشوف النت شوي المهم والمهم بس واطلع بعدها على الصالة الرياضية (صالة قوى) الى المغرب ومن ثم ارجع اخذ شور واجلس على النت الى العشاء وبعد العشاء من ثم اشوف الاهل يبون شيء ولا شيء وبعدها اطلع من الشباب طبعاً لاتقولي وين

لان مافي شيء محدد سهر بلا فايدة والسبب مفهوم العائلة عند الشعب السعودي ووانطق ومالك الا البلاي ستيشن والابتوبي الي كأني عابده آه يالقهر صار البنات ياخذون راحتهم في الأسواق وحنى الي نتجنبهم وين زمان اول بس

الكل منطق بالبيت الا الرجال ياحيف على الرجال

وبعدها اصلي الفجر ومن ثم ارجع البيت احمل كم حلقة من الفلم ومن ثم اطالع الين يطيب خاطري بدل من الي في السوق

ياحبني للاجانب بس

وش حليلاتهم طيبين ماعندهم عوايل يالله شباب نسوي حملة لا لا شباب في السعودية صدقوني من بكرة هم يخلون السوق لرجال فقط

<< تخيل

يلعن ام الوناسة

وبعض البنات يكلمون اخوانهم خلنا نروح السوق وتلقاه مقهور انه رايح قبل شوي وطردوه

وصارت معي يوم من الأيام اخر ايام الاختبارات تخيل يعني الي ماهو فلها يشققها

فطرنا بطعم كودو

ومن ثم توجهنا الى احد المولات الكبيرة تخيل الساعه 9 الصباح يعني لرجال الله يرحم امكم تخيل اني اشوف اكثر من 50 شاب في الخارج والمول فاضي بس الشباب ممنوع يدخلون يعني بالله في بنات بيتسوقون هالحين ؟

طبعاً الشباب ماهم حابين يأكلون تبن ويرجعون سويت روحي ادور سيارتي

ورجعت من حيث مااتيت

والله اخاف يدخل هالحين علي واحد وانا بيتنا يقول اخوي لوسمحت عوايل

تصدق اتوقع لو تحط خمس شباب سعوديين بلندن يعفسون الوضع هناك

يقولون مالك الا سيارتك ولابتوبك وبلاي ستيشنك وغيرهم فهم لايعنون شيء لنا

تعرف وش خوفي ؟

بكرا يجين ماجد قبل واقف عند بوابة المجلس العام

يقول لوسمحت عوايل

والله هذا الي باقي ماصار المنتديات للعوايل

يارجال خلها على ربك الحمدلله بس البنات مايسوقون ولا كان صدقني تشوف كل شيء للبنات فقط

MODEL TOP

V.valdés · #14 02/08/2009, 03:40 AM

والله انك جبتها في الصميم

ماشاء الله عليك كل هذا عندك وتقولي طفشان

انا بس اتمنى ان عندي اخوياء اطلع معهم واروح تصدق لي اسبوع قسم بالله ما اطلع من البيت الا للنادي وارجع ياخي اتمنى بس اني اطلع اتمشى ما اطلع الا مع اخوي واهلي واكيد يروحون للسوق

ويتقضون وبعدين نتعشى ونرجع ذا الاوف حق اخوي عاد الاوف الثاني متى يجي بعد اسبوعين صح يمكن اطلع بينهن لاكن اطلع وين عند عيال خالتي وش اسوي ع هالبلايستيشن وانا ما احبه

تصدق نظامي بالعطله اسهر لين الفجر ع النت قيمزر والزعيم بس

الله على ايامك ياترافيان ماكنت اطفش

واطفش بسرعه اروح القى اخوي الصغير حاط قراند اخذلي كم نطله وارجع للنت وبعدين انام بعد الفجر
الى العصر بعدها اقوم اجلس مع الاهل شوي ونت شوي الى الساعه 6 بعدين اروح النادي الى 10 وارجع واكمل نت وذا نظامي اي ازين بالله

تراك رافع ابو ضغطي عندك كل هذا وتقول طفشان انا بس لو عندي سياره واخوياء كان عرفت اقضي وقتي

الا ع فكره ترى تسجل بنادي مي شينه يقضي وقتك انا لو لا الله ثم النادي كان منتحر من زمان من الطفش آآآخ متى استلم سياره

تقولي البنات ما يطفشون اوقسم بالله اكثر شي يطفشون ع الاقل حنى نطلع نروح البقاله المسجد نغير جو
هم لا والله بهالبيت لاروحه ولاجيه

اقول احمد ربك انت ازين من غيرك
يعطيك العافيه ع الموضوع واسفين ع الفيسات اللي نفس هذا

كان هنا · #15 05/08/2009, 11:56 AM

ليونيل ميسي ، أستميحك عذراً في العودة :

!!

ويا قلب .. لاتحـــزن !