.. :: وش مســــوين يا شبـــــاب .. !! >> البنات يطلعون منها تكفون :d :: .. - نادي الهلال السعودي - شبكة الزعيم

‎βαƦ¢α 4 ξνξƦ · #1 31/07/2009, 02:39 PM

السلام عليكم ورحمة الله وبركاته ...

كيف حالكم اخواني اخواتي .. >> متعود على الاسم الاول بس ترا بالعالميه لاتلومونه

.. شعب المجلس العام باكلمه ان شاء الله بخير

...

جمعه مباركه هالجميع ان شاء الله ...

بصراحه ماخبي عليكم التفكير في زياتكم في بالي من زمان ودايم اقول بجي اشارككم لكن ما يكون ببالي مواضيع او اشياء اناقشها وياكم .. واول ماجتني الفكره جيتكم والله يالغالين

.. بصراحه قسمكم يفرض نفسه على الجميع

..

فــ عشان كذا سلكوا لي يمكن الفكره ماتعجبكم او تكون مكرره او ماتلاقي صدى كبير .. لكن احمدوا ربكم اصلن شفتوا خشتي عندكم

جرايد تناديني وساحب عليها وجاين عندكم

>> هيط

...

.... ::: مــــــدخــــــل ::: ....

1- شباب تاكين على درجة البيت من 2 الليل الى طلوع الشمس .

2- شباب متجمهرين بالاسواق وكل كاشخ وماسك جواله بيده وبلوتوثه مفتوح

هذا غير موضاتنا اللي طايحين فيها ومرره تخقق

استغفر الله بس

.

3- واحد كل يوم ماسك الدائري رايح جاي الين يطقه الطفش ويرجع لبيتهم .

4- واحد تدق عليه مايرد يجيك بكره يكلمك راحة عليه نومه يوم كامل من الطفش

.

5 - الساعه 2 وقت تسكير المطاعم تشوف واحد توه قايم ويبي لقمه ياكلها

واذا مالقى لقيته مسنتر من عقب الفجر عن الفوال والا محل الفلافل

.

6- واحد مابقى محل يدري سمع ان فيه توظيف الا نطل ملفهم عندهم ومع ذلك للحين محد معبره

>> حاله مشابه لحالتي

.. قال بندق عليك قال

.. يخوي قلي ما عندنا توظيف احسن من انك تماطلني على غير سنع ...

7 - واحد صاد عنك لاحس ولاخبر ولاتشوفه وعابد هالافلام عباده حتى مفرشه جنب الكميبوتر من زود الخرمه

.

فيه كثير والله من هالحالات ببالي لكن ابوقف على كذا ...

.... :::: زبــــدة الموضــــــوع

::: ....

شفتوا اكيد هالحالات واكثر وكلكم ملاحظينها من شبابنا الحبيب

ذبحنا الطفش ذبحنا والله .. هالموضوع بطرحه وفكرتي اللي بوصلها لكم وش نسوي هالايام ووين نروح ووين نجي احنا الشباب ...

( عوووايل عووووايل لو اقدر دخلتكم من عيوني لكن هذي شروطنا ) يااا اني كرهت هالكلمه من كثر ما اسمعها

مابقى الا اروح واتجالد انا واهلي

اسواق تروح لها عوالي ملاهي عوايل وان فتحوا فتحوا لك الحكير لاند من 8 الصبح الى 12 الظهر الربوع والخميس .. وش اسوي بهالوقت اجي العب عشان اموت

تلاقيها من جوع والا شمس بس ... كل شي عوايل خلااااص

تصدقون وش اللي بقى لنا واللي نسويه

كل قروب يسويها راس مالها شوف انحف واحد من اخوياك واللي جسمه حلو

.. لبسه عبايه فوق ملابسه وخله يتنعم شوي وتدخل السوق همن يروح ويغير ملابسه وامشوا

.. والله مابقى لنا الا هي تصدقون هي اللي افكر فيها احيانا ولاحدن يمك ولا احد ملاحظ .. هذا اذا ماجوك شباب صايعين يغازلونه بعد

...

يعني مثلا اللحين هذا سالفه صارت لي امس ... رايح لفانتزي لاند انا واهلي .. ومع ذلك مدينة الالعاب اللي جوا للبنات

بالله وش تحسون به يعني داخل وعايلتي على قولتكم انتوا وشروطكم وتسكرون مدينة الالعاب وتخلونها لهم

بتقولون اختلاط ما يصلح طيب خصصوا وقتين شي للشباب وشي للبنات عندكم من العصر فاتحين الى 2 الليل يا منيب قايل

جينا بنلعب كوره على الشارع جاك الامن حقهم يقول ممنوع

.. رحنا بعدها قلنا خل نتمشى شوي بس .. يجيك جيب الهئية ينافخ عليك بعد يقول روح لأهلك والا بنجي نشيلكم ترا

وش تحسووون به .. يخوي لاشفتوا علي شي والا مسوي شي تعال وسو اللي تبي فيني .. لكن بحالي ومسالم تجي تشيلنا

... همن طفشنا عقبها وزقت معنا ورحن لمخخطات الصحافه وجلسنا ... زين ما قالوا عوايل بعد

..

واللي يقهر البنات يفلونها ويسوون اللي يبون ولا يقولون لهم شي

والله جنبي امس وحده كاشفه ومتبرجه ولا قالوا لها شي

هذا غير اللي شطفونا وكبوا علينا مويه وهم بعربة الخيل

انا ماني ضد البنات كلهم لكن اذا فيه شي بتمنعه علينا وخايف من تحرش والا مغازل امنعه من الطرفين .. طيب روح وشوفهم وش يسوون ووش لبسهم وقولهم بس جيدين علينا احنا الشباب

...

يعني وظيفتك تودي اهلي تدخلهم وتقعد بالجلسه واهم يرحون ويستانسون لاخلصوا رجعتهم .. سوااق يعني

ولازم تلبس ثوب واذا لبست بدله استقعدوا لك يا فك السماعه من جوالك والا شل الربطه من يدك والا سكر زرارك الاول لاتطلع صدرك

والبنات برمودا وعبايه على الكتف واللي تكشف واللي مخصره وعادي عادي كنهم ماسوو شي

الله يخلف بس ...

اجل ذاك اليوم رايح لقريه الثمامه لابس جنز عادي ودخلوني .. يجون الهئية ويطلعوني .. لا ويقول رح حلق والبس ثوب من البقاله اللي جنبنا وتعال ندخلك

..

الزبدة يعني الى متى بالللللللللله

ليه يحطون لنا اجازات قسم بالله

وراه ما يقبلونها كلها دراسه ندرس وندعس ونتخرج بدري ونعرس دام الحاله كذا

والا يخلون السفر مجاني خلونا نطلع من المملكة بس

...

تعبتكم معاي صح ؟؟ !!

والله شي يقهر بصراحه وفيني كلام وغبنه كثيره

لكن خلوها على الله بس

...

انا جاين بفضفض لكم بصراحه شباب ولازم نشوف حل بصراحه نبي نستانس احنا بعد

نبي كل واحد يقول لنا جدوله اليومي او وين يروح ووين يجي من يقوم الين ينوم خل نستفيد يمكن نسوي مثله ... يعني كل واحد يقول لنا اماكن يروح لها ويشوف فيها وناسه وسعة صدره نستفيد منها ..

او اللي عنده اماكن ترفيهيه او تجمعات شباب فيها وناسه وسعة صدر يقول لنا عنها نروح لها .. ذبحنا الطفش ومابقى محل الا رحنا له ... يعني اية شي ( صالات بلياردو - تزلج - بولينج - كافيهات - ملاعب ) اي شيييي يعني الزبده شي يوسع صدرك بهالعطله ... هالي جبتها لكم بس على سبيل المثال والا كلها رحت لها

وكل واحد يفيد الثاني يعني بهالاماكن ...

وبس يالغالين طولت عليكم ثرثرة ادري سامحوني

...

كل واحد يحكي لنا عن حالته وجدوله تكفون

....

ايييييه صح نسيت لي طلب عندكم .. طبعا مع هالعطله والفضاوه اوصي نفسي واوصيكم تكفون لاتنسون شغلتين .. ( الصلاة + وطاعة الوالدين ) الواحد ينوم له يوم كامل وتفوته الصلاة واذا قام طلع ولا كأن له اهل بالبيت والله

...

يالله يالغالين طولنا عليكم

.. وان شاء الله الموضوع خفيف عليكم ... وان شاء الله زيارتي كانت خفيفه الظل

؟؟؟ واعذروني الموضوع ناشف لاتصاميم >> عالمي ماعنده هالاشياء

وسامحوني يا شعب البنات ترا ما اقصد الا البعض منكم

...

ماجد مقبل : ادري بتصفقني بس توي افضى والله سووري عالتأخير

..

تحيتي للجميع ....

سلامووووووووووووووووو

мя.ħάίţħάм · #2 31/07/2009, 02:48 PM

والله إنك صادق ..!!

دنيا حظوظ أجل أنا شي واحد قاهرن ..؟؟!!

حنا الشباب ينقسمون الا قسمين
1)ولد شاب .. 2) بنت شابهـ

طيب الشروط حقت المولات >> يقولون ممنوع دخول الشباب ..
الشي اللي يقهر البنات يجون لحالهم ويدخلون

هذا اللي يقهر وحنا نجي نبي ندخل ويكرشونا ..؟؟
والله قهر والله قهر ..,,

ابفهم ليه طيب ..

المهم قبل مدهـ رحت للتحلية ..!! ..؟
تعرفون المول حق الشباب ..!! المهم نهاية اليوم بالاختبارات رحت لمه ..
ولقيت ناس >>

اقصد ناسات

والله شفت المهم بنات يمشون بالسوق حق الشباب ..
لا واللي قاهرن فاتشات والله يوم شفتهم

استغفر الله بس وش اقول المكياج على الوجه والروج ووو... الخ
لا وعادي عندهمـ

في الاخير اخوي ليول ميسي >>> ما اقول الا الله يعيننا بس ..؟؟
ونصيحه يمدحون << مقهى الامم ولا الشلال ولا الدروازة وفل ام امها >>

كان الله في عوننا

هلالية لعيونه · #3 31/07/2009, 03:24 PM

صرآآحة من جد حآآلتكم صعبة أول مرة أحمد ربي إني بنت
مآآأعرف بس الوضع عندنآ بجدة مررة غير مررة مو كذا
مآفي شي إسمه عوآآيل إلا في بعض المولآت
تعآآلو جدة صرآآحة ونآآسة عندك البحر
والكورنيش << اش على كورنيش بس

وأول مرة أعرف إن الهيئة تتحكم حتى باللبس
ثوب ولا بنطلون ولابقصة الشعر

من جد شيء غريب أتحول الموضوع تعقييد صرآآحة

الله يعيينكم صرآآحة اول مرة أحس فيكم

يسلموو أخوي على الموضوع

20 الكاسر ياسر 20 · #4 31/07/2009, 03:54 PM

عز الله انك صــادق

لكــن الشكوى لله ، يعني كل شي مسكر بوجيهـنا وين تبونا نروح ؟؟ اذا كل شي عوايل!
والله ان شفتوني منتحر لاتلوموني >> ياضعيف الايمـان

، لكـن الحل عندي ، هو انك تطلع
سطوح بيتكم واحلى برادي شاهي > هذا اذا ماجاك واحد وقالك عوايل

موفق ان شاء الله

القيصر رهيب · #5 31/07/2009, 03:58 PM

يا أخي يا عزيزي يا صديقي يا بعد حيّي

أول شي ترى انا شاب مثلك عشان ما تقول يمكن ذا شايب و لا متزوج لا لا أنا شاب مواطن عادي زيي زيك (يمكن أفرق عنك بأني مأكل تبن

)

الطفش هذا يا صديقي صدقني ما أحد جابه للشباب إلا الشباب نفسهم

مثلا الحين انت تقول طفشت من صالات البلياردو و الكوفي شوب و الخ الخ الخ

تقول تبي سوق طيب دخلناك السوق يا صاحبي

بعد فترة بتمل منه زي ما مليت من البلياردو والـ الخ الخ الخ اللي فوق

وش تفرق يعني الاسواق عن صالات البلياردو

طيب افترضنا إنك بتساتنس بالاسواق

يا أخي عندك أسواق شعبيه عادي تدخلها

ليش ما تروح تتمشى فيها .. ؟

الشاهد إنك يا عزيزي بتمل بعد فترة من الاسواق وبترجع تقول طفش

طيب الحين أنت تقول مليت من كل شي معقولة ما مليت من أخوياك اللي 24 ساعه معهم .. ؟

خلاص يا حبيبي مو شرط كل يوم تطلع مع أخوياك اطلع مع أهلك ورح ادخل السوق اللي تبيه ( ولا لك مآرب أخرى بالسوق اعترف

)

حالة الطفش يا عزيزي ناتجة عن الروتين اللي يسوونه الشباب

نوم بعدين أخويا بعدين نت بعدين يرجع ينام

طيب الاخويا خلهم يوم و يوم مو كل يوم تطلع معهم عشان ما تطفش

وخل يوم مع أهلك تسولف معاهم تطلع معاهم تطلعون تتعشون برا

أوكيه أهلك موب فاضيين لك ومالك إلا الاخويا

يا أخي غيروا نشاطكم ليش كل يوم ( فرفرة - مقاهي - بلياردو - استراحة )

اطلعوا بر يوم روحوا لمخيم دعوي يوم ( على فكرة ماني مطوع ولا قلت لك رح عشان تتطوع بس كتغيير روتين

)

أستأجروا استراحة و جربوا تطبخون كاستهبال
اطلع مخطط وخذ دجاجك معك واشويه
اليوم اللي من تالي رح العب كوره
يوم ثاني طالعوا لكم فلم ولا مسرحية

يا أخي من الاخر الطفش الشاب نفسه هو اللي يجيبه لنفسه إذا بغى يفلها يعرف شلون يفلها

وإذا بغى يطفش قال مافيه شي كل الدنيا ذي مسكرينها عن الشباب

بعدين لا تطالع للبنت اللي سواقها معها وتطلع متى ما بغت
طالع البنت اللي ما يودونها إلا أهلها
مره ابوها مشغول ومره أخوها ماسكه معه ما يبي يطلعها

طيب خلاص يا سيدي رح طالع البنت اللي معاها سواق هي تدخل السوق بس ما تدخل بلياردو

أنت تدخل بلياردو ولا تقدر تدخل سوق شعبي بعد

طولنّا عليك اعذرنا

محمد 22 · #6 31/07/2009, 03:59 PM

اخ بس والله انك صادق
انا واصدقائي نروح نجيبلنا بلوت ونروح لحديقة او نفرفر في شوارع الرياض بس
اسواق مانحب ملاهي مانحب نبي اي شيء فيه استعراضات او اي شيء حلو
يالله كله كم سنة ونتزوج >>>>>>>> الله يعينا من غلاء المهور اخ
لازم كل شيء يكون عسير علينا
مانقول الا الله يعين ويسرها

وسن الهلالية · #7 31/07/2009, 04:00 PM

صراحه انتم يالشباب تنرحمون
وعلى فكرة بما ان كل شي للعوايل
ترى الاماكن هذي ملايدخاونها الا إللي متزوجيين
نحن البنات جالسين بالبيت
كل ما قلنا يالله قوموا طلعونا يقولون الاسطوانه حق دايم
(لا تزوجتي روحي وين ماتبين)

والله قهر 24ساعة مرتزين بالبيوت تقل خايفين عليها احد يسرقها
ترى الحال واحد يااخوي
الحل وحدة من الثنتيين يا انك تتزوج
اوتسافر الحلول عندنا ماهي وارده

weهلالي · #8 31/07/2009, 04:16 PM

إقتباس

الرسالة الأصلية كتبت بواسطة القيصر رهيب


	غني لي شوووووووووووووووووووووووووية شوية

شووووووووووووية

مالك حل غير العرس

شف بصراحة انت مكبرهااااااااااااا الي يبي يطفش با يطفش نفسة غصب>

والي يبي يفلها يفلهاااااااااااااا هي تعتمد على الروح.

بس اذا كنت با الريااااااااض مااااالومك هاااااااااجر وتعال عندنا بحايل بعد حيي فلهاااااااااااااااا

إحساس خالد · #9 31/07/2009, 04:31 PM

هلاليله بعيونه اذا وصلت عندكم اروح مصر اصرف

------------

لاتشكي لي ابكيلك

هلا والله بخيي

ياخوك ارضى بالقدر

بالنسبه للجدول اليومي لي انا

اطقها نومه ولا اقوم الا 12 ونص الظهر وحده بالكثير

بعدها اتلين لي شوي ((ارتاح من النوم شوي

))

همن

انقز للنادي واراكض تقل خبل هناك الى حول 4 ونص تزيد تنقص على حسب المزاج

وبعدها اتلين من اللي جاني

والمغرب اشوف الاهل يبون شي ولا اكمل الاسترخاء

ومن بعد صلاه العشاء الى 3 الفجر فاااااااااااااااااضي

يكون مابين الاستراحه او دوران بالشوارع او قزقزه خلق الله

تصدق رحت لجيان ... جيان ماغيرها مسكني الامن يقولي عوايل!!

الله يقطع ابو شيطانك تراها بقاله ... قالي رووووح فوق كلم مديري
((طبعا تطلع برا وتجي من الجهه الثانيه خلف البقاله

وانطق عنده حول النص ساعه بالاخير قالي مايمديك صلااه الحين والمغرب ممنوع الدخول بأمر الهيئه
مسوي فيها عنده ذمه ...

سالفه حصلت لي بمجمع الظهران بالخبر بدخل عيا السيكورتي طبعا ممنوع وياكبرها عن ربي تدخل .... المهم وانا رايح عند البوابه الثانيه قلت يمكن السكورتي ارحم الثاني
شافتني بنت وانا امشي ... اتوقع ((رأفت بحالي )) قالت ودكم تدخلون لاشعوريا قلت لها ايه تكفين
قالت ادخلكم ((حنا 5)) بــ250 ريال !!
يابنت الحلال قولي غيرها ... بالقوه مكاسر وحب خشوم <<< قول غيرها
الى ماوصلنا لسعر 150 ريال

ولايوم دخلنا السيكورتي شك بنت وخمس عيال قعد يناظر فينا ... والقهر سألها
قالها ذولا تبعك

((الظاهر ماملينا عينه )) واحد تكلم مننا قال محارمنا ما اسمح لك تكلمها البنت اللي معانا فطست ضحك والسيكورتي تبسم وخلانا نمشي ...
على فكره شباب البنيه ماتقرب للسيكورتي ؟؟

ولا

تصدق ياخوك مره من المراريت من الطفش طلعت ادور تفحيط

بالنسه للتفحيط تصدق في عندهم ((المفحطين)) شخص يقاله الموجه لارد عليك لاسلام ولاشي

يسألني بسرعه شمال شرق ((يقصد وينك شمال الرياض او شرقها )) اقوله شرق يقول

لعيونك ، المليون ، 2000 عى حسب مكانهم ويقفل السماعه

ومره كنت بالشمال اقوله شمال يقول دريم ، الخافت ، ذكريات ، الفروسيه على حسب وينهم فيه

اعجبتني حركتهم وهذي كلها بركات اخوي اللي بالثانوي

للتنويه احسن مافي في التفحيط لاجت الدوريات يهجون تقل مهابيل ناس تروح يمين وناس يسار انواااااااع الوناسه

...

يوم الاربعاء طلعنا حنا والشباب بالثمامه ... نبعد عن ازعاج
وضغط المدينه وعن الاستراحه
المهم وحنا بعز السوالف بعد الشوي والكبسه اللي ترد الروح
(من ايديني ) خويي قالي شف اللي وراك واشوف جيوب
توقعتهم فيه تحدي بينهم وشوف اسرعوا وكأنهم ناصيننا
(متجهين عندنا بسرعه)
وفجأه واحد راح يمين والثاني جاي لمنا بيدعسنا يوم شفته انه
اقبل خلاص ونقوم بسرعه
نروح لسيارتنا ((نور السياره مولع )) ويجيبنا في الله يوقف
لمنا وبكل بساطه يقول وش عندكم
ونشوف واثاريه سياره باترول تبع الهيئه ...احدنا قال ياخي
خوفتنا مو اسلوب قال اشوف انتم سكارى ولا لا ... تكلمت قلت
لو حنا سكارى كان صحينا عقب حركتك
واللي راح يمين جانا من الجهه الثانيه يمين شوف كيف يعني
واحد واقف بوجيهنا وواحد خلفنا عشان مايمدينا نسوي شي
...
الثمامه في بلاوى ما اختلفنا بس بالله هذا اسلوب
حقيقه من الاول كنت اقول الجرايد ظالمه الهيئه بس عقب اللي
شفته ما استبعد منهم اي شي انا عاده احفظ لوحه شي بس
هالمره. للاسف
حسبي الله عليه والله لايسامحه ولايحلله
مادري لو يستخدمون دربيل ليلي اصرف

--------

ياخوك البحرين عطيه الله ولا اذا تبي الوناسه جد رووووووووح للكويت

ياشيخ تحس انك آدمي

واحد من الشباب رحنا انا وياها للكويت عاد اسأله اقوله هاه وش رايك

خوينا في الله قالها عن طيب نفس منه ((او يمكن من حر مايوجس))

قال حرام تدفع ريال واحد بالسعوديه ... قلت

نعنبو دارك هذا كلاااام

عقد الياسمين · #10 31/07/2009, 04:45 PM

اهلاً وسهلاً بضيفنا الكريم ميسي ..

يتبادر اليّ سؤال ( هل كل شباب العالم يُعانون نفس هذه المعاناة ؟)

حقيقةً لا أعتقد .. ليس لأن دول العالم الأخرى توفر السينما أو تسمح بدخول الشباب للأسواق !
بل لأن نفس الشباب يعرفون كيف يقضون أوقاتهم فعلاً .!
الى الآن لا أدري كيف ينتقد الشباب معشر النساء بقولهم ( ما تملّون من الأسواق

) وأنتم الآن تُطالبون بالدخول لها يا أخ ميسي .

صدقاً ومنذ خمسة أيام لم أخرج من البيت ابداً !! ورغم هذا لا أشعر بالملل

بل والحمدلله أن أخواني ايضاً يملأون وقتهم بشكل جيد وكاف , فلم أسمعهم ابداً يتململون من الطفش .

فهم يبدأون يومهم منذ الساعة 2 الى 3 ظهراً

وبعد الغداء هناك جلسة عائلية ومُتابعة للصحف .. ثم صلاة العصر في المسجد وبعدها كلٌ ينشغل إما بألعاب الأكس بوكس أو النت أو متابعة برنامج ..الخ
الجميل في الأمر أنهم لا يُفوتون الصلوات في المسجد ابداً والحمدلله

ودائماً بعد صلاة العشاء سباحة أو لعب كرة قدم أو تمضية اليوم مع الأصحاب .. وقليل من الأحيان تكون هناك زيارات عائلية أو خروج للمطاعم والمنتزهات ..

وللجميع نصيحة أن يهتموا بأخذ الدورات التدريبية فهي تحمل الفائدة فضلاً عن تمضية الوقت بما يُفيد .

شكراً

أختك

متلثمة بالشماغ · #11 31/07/2009, 05:26 PM

صراحة حالتهم صعبة مرررررررررره والله يكون بعونكم

انا جداوية وماعندنا هالكلام كله ومافي شي عندنا اسمه عواااايل

يعني المولات والمجمعات والملاهي كلها عادي وفيه شباب يجيون لابسطين بناطيل

وحركات يعني بس مررررررررره ماعندنا شي اسمه عوااايل

والالعاب مختلطة

مثلاَ السفينة نص شباب ونص بنات وفلللللة بصرااحة

اقول لكم تعالوا جده ياحلاتها والله

البحر والملاهي والاسواق وكل شي

الحمدلله اني بجده واني بنية

واحلى شي بجده مرساااااااااال والشلال تهببببببببببببببل

والكورنيش شي ثاني

الله يحيكم بجده بالعطلة .............

والله يعينكم ويصبركم

ومشكور يااخوي عالفضفضة الحزينة ههههههههه

البرنـــــــس كاكا · #12 31/07/2009, 05:48 PM

اولاً: يارب إن العنوان مكتوب فيه البنات يطلعون منها

يعني وشلون تفهمون إنتم

!!.. لازم ذا اللقافة ماتبطلونها يعني

المهم نرجع لمحور حديثنا

يآخي أنا عجبني رد إحساس خالد

قسم إنّه جابها
في المخيخ الأيمن

...
بعدين وأنا اخوك لازم تتعوّد على ذا النظام أنت في مملكة الإنسانية

يعني وسّع صدرك لاتدقق واجـد ..

وشكلك نسيت تكتب عن القرار الرائع اللي من روعته مدري وش اقول

كل شيء يصك الساعة 12 حفاظاً على الأمن والأمان ماقلت لك ممكلة الإنسانية

وبعدين صدقنّي كانك تبي تدخل السوق إسفط عند بوابة حياة مول

أو المملكة وبتنهال عليك العروض لاتخـاف !!عاد إنت إختر السعر اللي يناسبك

بس المشكلة في الإجازة تزيد الأسعار حتى في هذا الموضوع إستغلال عيني عينك

بس إذا دخلت مايمديك تمشى خمس دقايق إلا سافط عند أقرب إشارة

..
والمصيبة الكبرى حتى لوكا لايزر اللي بالتحلية سوق مخصص لشباب ولحقونا فيه بعض الناس

يعني وش نسوّي نشقّق هدومنا مثلاً

***
Lionel Messi شرّفت ياكويس إنت.. وكتبت مايدرو في قنطرة مخي منذ فترة

كل يوم تعال وزبّد زي كذا لبّى تزبيدك ياشيخ

بالفهم والإستيعاب

الـــــــــــوان · #13 31/07/2009, 05:59 PM

صدقنـــي لو يكون فيه افضل ملاهيات العالم
وافضل مراكز ترفيه هنا والجو حلو اذا انت من النوع اللي يطفش بتطفش

السعاده والفله تعتمد ع الشخص نفسه

يعني ونس نفسك بنفسك

يعني الحين مانقص سعاده الشباب الا سوق ودهم يدخلونه او سينما يحضرونها

وبعدين انا اللي استغرب منه ليش اذا قالوا عوايل تضايقتوا !! وين عوايلكم اطلعوا معهم ,, اطلعوا مع اهلكم مع اخواتكم صدقني اذا صاروا اخواتك علاقه صداقه تصير شئ حلو وممتع

واذا جيت تطلع مع شباب اطلع بر او اي شئ يعني حبكت تجتمعون
الا في سوق او ملاهي

<<

والشئ الاخر اللي يضايقني شخصيا من البنات والاولاد انهم يحصرون الوناسه
في الترفيه بس !
والله يافيه اشياااء كثيره ممكن الواحد يستمتع فيها وهو فيه بيته ويستفيد بعد

على سبيل المثال لا الحصر :
ليش مايدخل الشباب دورات تطوير الذات

او التعامل مع الاخرين

وموجود في النت اشياء مشابه لها للي مايقدر يدفع

ليش مايقرأون كتب غايه في المتعه وحتى مولازم تشتريها بعضها لها مواقع تستطيع التحميل منها

ليش مايلتحقون بدوره مبسطه لحفظ ولو جزء من القران

ليش مايتعلم مهاره او لغه انجليزيه تفيده في الوظيفه والمستقبل بشكل عام

وليش وليش وليش,, اشياء كثييره
بكره لو تكبر وتتزوج تتمنى تتعلم شئ جديد او مهاره بس عيالك والمسؤؤليات ماتخليك
فاستغلوا وقتكم اللحين

لي عوده وسوري ع الرد السريع

اطيب الامنيات