يعني بتفهمني لو دخلنا الأسواق والملاهي بيروح الطفش...

احسن شي خلهم كل شي للعوايل لأن عندك شباب وصخين والحين االأسواق وهي عوايل ماسلموا البنات من الشباب


لا واللي يقهر يجيك لحوج مسوين بيرقمون

جينز وزبيرية بيربري وقسم ما تجي ابد

ــــــــــــــــــــــــــــــــــــــــــــــــــــــــــــــــــــــــــــــــــــــ

عني انا في الصيفيه اول اسبوع اطلع كل يوم..اما الحين من زود الطفش صرت اجلس في البيت وعالنت وعلى البلايستيشن,والوي<<<نقعد نطامر شوي

و يجتمعون الشباب عندي

مره انا مره واحد من العيال بالدور وعلى كذا ماشين...ولا نروح للأستراحه نلعب كوره وانا اتفرج عليهم<<<مصاب


وانا مسجل في نادي بس رجلي فيها اصابه عشان كذا موقف النادي لين تطيب

ـــــــــــــــــــــــــــــــــــــــــــــــــــــــــــــــــــــــــــــ

ما تبي تطفش سافر<<<الله ياخذ التسجيل في الجامعه

ولا كان ما شفتوني هنا

ــــــــــــــــــــــــــــــــــــــــــــــــــــــــــــــــــ

تبي تنبسط رح انت وكم واحد من اخوياك وسجلوا بنادي وضيعوا وقتكم


شوكرآ عالموضوع

مرحبآ ليو مسي , انآ مآ قريت إلا العنوآن و المدخَل ..
و سوري مآ كملت البآقي لأني مستعجل في شي و أوعدكـ برجع و أقرآهـ ^.^ ,

انآ منطق في البيت و مريح و مبسوط و متونس و مآ أعآني من أي طفش مآ ,
و الحمدلله و لا مرة صآر لي موقف أو مآ دخلوني مكآنٍ لـ عيون هـ"العوايل" ..
لكِن هذآ مآ يمنع اني اقول ان الشباب يعآني من الطفش و حضر التجول >.< !

الطفش بإيدهم يمديهم يحلون مشكلتهـ , لكِن حضر التجول من يحلهـ ؟
الله يعين الشباب يا رب و ان شاء الله ما في أحَد طفشآن من عيآل مندادانا , ^.^ ..

~ ~


جبتها ع الجرح وكنك ما دريت ,!

يوسف وش خليت لنا ! والله ما عندي كلام كل الي بقلبـي طلعتـه ,! وترى كل صيفيه ينزل موضوع او أكثر عن حال الشباب بذا الصيفيات قسم بالله ياهو يسد النفس !

تكره نفسك وعيشتك ,! مع العلم أني صراحه هـ العطله أشوف أنها أفضل من العطله الي راحت بكثيير , لكن ! يعني برضه تبى انها خايسه يعني افضل السيئين


أنا عن نفسي مالي جدول معين ,! بس غالباً هذا وقتي يكون :
أنام بعد الفجر او الساعه 6 كذا الصبح , أقوم العصريه أتغدا واطلع اقضي لي كم شغله وارجع البيت بعد العشاء اغير ملابسي وابدل واطلع مع اخوياي ودوران بذا الشوراع ما فيه الا قوة تمتير بذا الشوارع , مدري وين نروح قسم بالله نقعد ندور من بعد العشاء ليييييين الفجر ما يردنا الا العشاء وبعد غالباً ما ننزل عند بعض المطاعم هو الي يجيك والله حاله كل عوايل عويل !

اليوم اليوم رايح انا وواحد من اخوياي لـ رياض جاليري ناوي أشتري لي ملابس وزي كذا , المهم يوم جينا بندخل ويستقعد السكيورتي لأ ممنوع والله ودي ادخلكم بس هذي الأنظمة والقوانين ! طيب أبي أشتري ملابس من المحلات الي جوى ماركات حلوه ومعروفه ! قالي والله ما اقدر , طيب يعني وين أروح !؟ والله وأثر خويي يعرف سكيورتي هناك والله الرجال ما قصرّ , ظبط وضعنا ودخلنا ولفينا السوق كله وتفرجنا على العالم وشرينا ملابس وتعشينا ورجعنا سالمين غانمين إلى بيتنا ولله الحمـد


زبـدهـ الموضوع ,! مثل ما أن الشباب يعانون من الطفش , أيضاً نص البنات يعانون أكثر مننا ! ترى إذا حنا نطفش ما ندخل اسواق وزي كذا , ترى هم يقعدون بالبيت اسبوع ولا 4 او 5 ايام ما يطلعون تخيل أنت يالولد تقعد بالبيت 5 ايام ما تطلع والله أن تطقك النفسيه ويجيك مرض نفسي وهستيريا انفلونزا الخنازير ! [ إحقاقاً للحـق ]



يعطيك العافيه يوسف وأعتذر عن الإطاله







// حبــي وتقديــري //